“Aleancat që mbrojnë lirinë duhen ruajtur…”/ Osmani përkujton 27 vjetorin e bombardimeve të NATO-s: Kosova nuk harron

Presidentja e Kosovës, Vjosa Osmani, ka përkujtuar nisjen e bombardimeve të NATO-s ndaj Serbisë, duke dhënë një mesazh të qartë për rëndësinë e aleancave ndërkombëtare. Në një postim në Facebook, Osmani rikthen momentin kur, sipas saj, Kosova po përballej me rrezik ekzistencial dhe ndërhyrja e NATO-s ndryshoi rrjedhën e historisë. “27 vjet më parë, kur populli i Kosovës përballej me shfarosje nga Serbia gjenocidale, NATO veproi. Kosova nuk harron. Aleancat që mbrojnë lirinë duhet t’i ruajmë po aq sa vetë lirinë”, shkruan ajo. Krahas mesazhit, Presidentja ka ndarë edhe një pjesë nga fjalimi i ish-presidentit amerikan Bill Clinton, i cili në atë kohë dha urdhrin për nisjen e fushatës së bombardimeve.