Policia britanike nisi një hetim penal mbi marrëdhënien e politikanit Mandelson me Epsteinin

February 4, 2026 February 4, 2026 Policia britanike ka nisur një hetim penal ndaj politikanit Peter Mandelson për shkak të dyshimeve për shkelje gjatë ushtrimit të detyrës publike, të lidhura me marrëdhënien e tij me abuzuesin seksual Jeffrey Epstein. Qeveria britanike tha dje se dokumentet e publikuara rishtazi mbi Epstein tregojnë se është e mundur që Mandelson, një ish-ministër, ambasador dhe anëtar i Partisë së Punës në pushtet, të ketë ndarë informacione të ndjeshme ndaj tregut me Epstein 15 vjet më parë. Policia e Londrës tha se detektivët kishin shqyrtuar raportet për sjellje të papërshtatshme dhe kishin vendosur se plotësoheshin kushtet për të hapur një hetim të plotë. Komandantja e Policisë, Ella Marriott, tha se policia ka nisur një hetim ndaj ish-ministrit 72-vjeçar për shpërdorim të detyrës publike. Shpërdorimi i detyrës...