‘Një raketë e vetme do të zhdukte Izraelin’/ Kim Jong i vjen në ndihmë Iranit?

Udhëheqësi i Koresë së Veriut, Kim Jong-Un, ka deklaruar se Pheniani është gati t’i furnizojë Iranit raketa nëse Teherani i kërkon ato. “Një raketë e vetme do të ishte e mjaftueshme për të zhdukur Izraelin. Sulmet janë ilegale dhe në shkelje të sovranitetit iranian.” Me këto fjalë ai përshkroi sulmet e përbashkëta SHBA-Izrael kundër Iranit. Deklarata e Kim Jong-Un vjen në një moment kur situata në rajon është përkeqësuar ndjeshëm. Sulmet ajrore izraelite ndaj objektivave në Iran dhe kundërpërgjigjet iraniane me raketa dhe dronë kanë rritur frikën për një konflikt më të gjerë në Lindjen e Mesme.  Analistët paralajmërojnë se përfshirja indirekte e vendeve të tjera, si Koreja e Veriut, mund ta komplikojë edhe më shumë situatën dhe të rrisë rrezikun e një përshkallëzimi ndërkombëtar.