Ndërprerja e vazhdueshme e internetit si pasojë e luftës, bie rrjeti kryesor i telekomunikacionit në Iran 

Një nga rrjetet kryesore të telekomunikacionit në Iran ka rënë ndjeshëm, sipas të dhënave të publikuara nga organizata e pavarur e monitorimit të internetit NetBlocks. Sipas raportimit të organizatës, rrjeti AS12880, i cili deri tani kishte mbetur pjesërisht funksional, është dëmtuar pothuajse plotësisht, duke reduktuar edhe më shumë qasjen në komunikimet online në vend. Ndërkohë, autoritetet iraniane vazhdojnë të mbajnë një ndërprerje pothuajse totale të internetit në të gjithë vendin. Sipas të dhënave të monitorimit, lidhja me rrjetin global ka qenë minimalisht e disponueshme për rreth 16 ditë rresht. Kufizimet e gjera të internetit kanë izoluar ndjeshëm përdoruesit në Iran nga shërbimet ndërkombëtare online dhe kanë vështirësuar komunikimin me pjesën tjetër të botës. Top Channel