Kriza më e madhe e fluturimeve që nga pandemia e Covid-19/ Mijëra udhëtime të anuluara, shkak tensionet në Lindjen e Mesme

Mijëra fluturime janë anuluar ndërsa bota përballet me një nga krizat më të mëdha të udhëtimeve ajrore që nga pandemia Covid-19. Qindra mijëra pasagjerë kanë mbetur të bllokuar, pasi qendrat kryesore ajrore në Lindjen e Mesme u mbyllën si pasojë e përshkallëzimit të konfliktit SHBA–Izrael kundër Iranit. Autoritetet e aviacionit në Emiratet e Bashkuara Arabe njoftuan se do të lejojnë një numër të kufizuar “fluturimesh speciale” për të ndihmuar pasagjerët e bllokuar. Sipas ‘The Guardian’, deri në orën 10:00 të mëngjesit ishin anuluar të paktën 1,555 fluturime drejt Lindjes së Mesme, megjithëse shifrat reale mund të jenë më të larta për shkak të mungesës së të dhënave nga Irani dhe Emiratet e Bashkuara Arabe. Të shtunën u anuluan rreth 2,800 fluturime, ndërsa të dielën 3,156,...