Izraeli pretendoi se kishte vdekur, media shtetërore iraniane transmeton mesazhin e komandantit iranian/ Nuk u shfaq me video, shtohen dyshimet

Televizioni shtetëror iranian ka transmetuar një mesazh të komandantit të milicisë Basij, Gholamreza Soleimani, për të cilin Izraeli pretendon se është vrarë në sulmet e fundit. Mesazhi u lexua nga një prezantues i kanalit shtetëror të lajmeve IRINN, pa u shfaqur vetë komandanti në ekran. Në deklaratë, Soleimani u bëri thirrje qytetarëve që të marrin pjesë në ceremonitë mortore për viktimat e anijes luftarake IRIS Dena, të cilat pritet të mbahen në Teheran. Sipas agjencisë iraniane Tasnim News Agency, funeralet janë planifikuar për ditën e sotme në kryeqytet. Megjithatë, mungesa e paraqitjes publike të Soleimani-t në media shtetërore ka ngritur pikëpyetje mbi gjendjen e tij, pasi autoritetet iraniane nuk kanë konfirmuar zyrtarisht nëse ai është vrarë apo plagosur. Top Channel