Hakerët rusë vjedhin kredencialet e zyrtarëve, alarm për sigurinë kombëtare në Britani

Një sulm i sofistikuar kibernetik ka komprometuar llogaritë elektronike të zyrtarëve të qeverisë britanike dhe stafit të Ministrisë së Jashtme, duke ngritur shqetësime të mëdha për sigurinë kombëtare, sipas “The Telegraph”. Sulmi, i njohur me emrin “FortiBleed”, është ende aktiv dhe sipas ekspertëve mund të çojë në depërtime të reja në sistemet shtetërore. Hakerët kanë shfrytëzuar një dobësi në pajisjet e sigurisë së kompanisë “Fortinet”, duke komprometuar mbi 80 mijë firewall-e në mbarë botën. Përmes kredencialeve të vjedhura më parë, ata kanë arritur të anashkalojnë masat mbrojtëse dhe të fitojnë akses në rrjete të ndjeshme. Sipas dokumenteve janë ekspozuar adresa elektronike dhe fjalëkalime të punonjësve të ambasadave britanike në Tajlandë dhe Mauricius, si edhe të zyrtarëve të pushtetit lokal në Derbyshire dhe Waltham Forest, në...