Gjermania shkurton fondet për azilin/ “Ka shumë kosto për financat shtetërore gjermane”, ndërpritet financimi i këshillimeve

Shumë qendra në Gjermani që ofrojnë ndihmë për azilkërkuesit do të përballen me vështirësi financiare vitin e ardhshëm. Sipas mediave në vend, Ministria e Brendshme nuk do të mbështesë më shërbimet e pavarura të këshillimit për azil. Berlini zyrtar duket se po planifikon ndërprerjen e këtij lloj financimi. Ofruesit e shërbimit në fjalë, përfshirë organizatat kryesore humanitare, janë informuar në përputhje me situatën, sipas raporteve të rrjetit hetimor Correctiv dhe Redaktions Netzwerk Deutschland (RND). Ministria e Brendshme, e drejtuar nga Alexander Dobrindt ka deklaruar vetëm se: “Vendimet për ndarjen e fondeve merren brenda kuadrit të negociatave të buxhetit.” Negociatat për buxhetin e vitit 2027 janë ende në pritje, shkruan DW. Eksperti i buxhetit i Partisë së Gjelbër, Leon Eckert, konfirmoi se Ministria po përmend kufizime...