Gjermania nën alarm nga vapa, afro 10 mijë viktima nga temperaturat ekstreme

Gati 10 mijë persona kanë humbur jetën në Gjermani si pasojë e temperaturave të larta gjatë vitit 2026, sipas vlerësimeve të Institutit Robert Koch, duke tejkaluar numrin më të lartë vjetor të vdekjeve të lidhura me të nxehtin në dekadën e fundit. Sipas të dhënave paraprake, nga fillimi i prillit deri më 19 korrik 2026 janë regjistruar rreth 9.800 vdekje të lidhura me temperaturat ekstreme. Shifra më e lartë vjetore e regjistruar në vitet e fundit ishte rreth 9 mijë raste në vitin 2018. Ekspertët paralajmërojnë se bilanci përfundimtar mund të jetë edhe më i lartë, pasi vlerësimi aktual nuk përfshin periudhat e nxehtësisë pas datës 19 korrik dhe do të përditësohet pasi të mblidhen të dhëna më të plota mbi vdekshmërinë. Sipas Institutit Robert...