Dhjetëra të vdekur ose të zhdukur pasi varka me emigrantë të parregullt u përmbys në brigjet e Libisë

February 9, 2026 February 9, 2026 Organizata Ndërkombëtare për Migracionin (IOM) tha të hënën se 53 emigrantë të parregullt, përfshirë dy foshnje, janë të vdekur ose të zhdukur pasi një gomone u përmbys në brigjet e Libisë, transmeton Anadolu. Varka, e cila mbante 55 emigrantë, u përmbys të premten në veri të Zuwarës, Libi, me vetëm dy gra nigeriane të shpëtuara gjatë një operacioni kërkim-shpëtimi nga autoritetet libiane, tha një zëdhënës i agjencisë së OKB-së në një deklaratë. Sipas deklaratës, një e mbijetuar raportoi humbjen e burrit të saj, ndërsa tjetra tha se humbi dy foshnjat e saj në tragjedi. "IOM shpreh ngushëllime për humbjen e jetëve në një incident tjetër vdekjeprurës përgjatë rrugës Mesdhetare Qendrore", tha deklarata, duke shtuar se ekipet e agjencisë u ofruan dy të mbijetuarve kujdes mjekësor...