Lajmidites.com

Author: Zeri.ai

  • Vrasja e Liridona Ademajt! Zbardhen mesazhet tronditëse mes Naim Murselit dhe ekzekutorit: Shok do kryhet nesër

    naim dhe liridona murseli

    KOSOVË- Është mbajtur sot seanca gjyqësore për vrasjen e Liridona Ademajt, nga bashkëshorti i saj Naim Murseli, ku janë zbuluar të tjera prova që provojnë lidhjen e tij me ekzekutorin, Granit Plava.
    Prokurorja e çështjes, Javorka Perlinçeviq ka zbardhur komunikimet që kanë pasur Naim Murseli dhe Granit Plava, disa ditë radhazi para se të ndodhte vrasja. Para trupit gjykues, ajo ka prezantuar prova edhe se si natën e vrasjes, Granit Plava kishte qenë prezent në të njëjtin restorant me Naim Murselin e familjen e tij.
    “Dhe prova tjetër është, për thirrjet telefonike nga telefonat e të pandehurit nga Granit Plava dhe Kushtrim Kokalla, të cilët kanë qenë të qasshme, pasi të gjithë e dimë që dy telefona të Naim Murselit dhe të te ndjerës Liridona Murseli. janë zhdukur në mënyrë misterioze atë natë kur ka ndodhur rasti. Në WhatsApp, janë gjetur kontaktet ndërmjet Granit Plavës dhe të të pandehurit Naim Murseli dhe sipas provave të gjetura, ata kanë qenë duke komunikuar nga 23.11.2023 rreth orës 18:33 dhe kanë vazhduar me ditë të tëra deri më 24.11.2023, 25.11.2023, 26.11.2023, 27.11.2023 dhe në datën e ndodhjes së vrasjes më 29.11.2023.
    I pandehuri Naim Murseli ka dërguar një mesazh Granit Plavës me një mesazh: “shok, sigurisht kryhet nesër, a të ka thënë shtëpia për paradite”, pas kësaj ndërmjet të të pandehurve, ka vazhduar edhe thirrja me telefon dhe thirrja e fundit e cila është shkëmbyer, ndërmjet të të pandehurit Naim dhe Granit ka ndodhur ndërmjet rrjetit social WhatsApp 29.11.2023 në 19:01, ku kanë biseduar 28 sekonda. Dhe duke shikuar videon-incizimet të cilat janë marrë, kjo është koha kur të dy, Naimi nga njëra anë me familjen dhe Granit Plava nga ana tjetër, kanë qenë ne restorantin Etnokuqa në Graqanicë” ka thënë ajo.
    Më tej, prokurorja ka theksuar se pas kësaj, i pandehuri i dytë, Granit Plava, ka paguar llogarinë dhe ka dalë nga restoranti, ka hyrë në veturën e tij dhe e ka pritur Naimin me familjen e tij dhe ka filluar t’i përcjell.
    “Nga inicizimi mund të shihet ardhja e Naimit me familjen e tij, si dhe ardhja e Vrajit Plavë pak më pas. Si dhe shkuarja e tyre nga ai restorant. Kamerat e këtij restoranti, inicizojnë si brendësinë dhe hapësirën e jashtme, ku shumë mirë shihet në cilën tavolinë ishin të ulur dhe gjithashtu ato mund të inicizojnë pamjen e hapësirave, e parkingun e restorantit dhe shume mirë shihet vetura e të pandehurve të Naim Murselit dhe Granit Plavës, si dhe ajo kohë kur Granit Plava ishte dalë i pari nga ai restorant dhe ka pritur në veturën e tij që të dalë Naimi me familjen e vet, dhe pasi që ata janë nisur me veturë, ky i ka përcjell më pas”, ka thënë ajo.
    Po ashtu, mësohet se prokurorja ka zbuluar se është gjetur edhe gëzoja e plumbit që u shkrep ndaj Liridonës, ndërsa shtoi se do të administrohet si provë nga gjykata.
    “Gjatë vrasjes së Liridona Ademajt është shkrepur një plumb dhe që është gjetur gërzhoja e atij plumbi, i propozoj gjykatës, që të vazhdojmë me administrimin e këtyre provave”, ka shtuar prokurorja.
    Prokurorja në rastin e vrasjes së Liridona Ademajt, ka treguar edhe se sa kishte qenë vlera e borxheve që kishte Naim Murseli.
    “369.968.77 euro [borxhi] dhe gjatë dëshmisë së vet të pandehurit, informata te cilat i ka dhënë hetuesve policor, në njësinë e paraburgimit, ka pasur borxhe edhe ndaj personave fizik në vlerë prej 106 mijë euro, që do te thotë që vlera e përgjithshme e borxhit të të pandehurve në mars të vitit 2024, kur është bërë analiza e gjendjes së tij financiarë ka qenë 475,968,77 euro“, ka thënë ajo.
    Prokurorja gjatë administrimit të provave foli edhe për përgjigjen që kanë marrë nga Shteti suedez lidhur me sigurimin jetësor të Liridonës.
    “Dhe më tej, prova tjeter është përgjigja e organeve kompetente të Mbretërisë së Suedisë, i cili na vërteton që nga ana e organeve të Suedisë, është pranuar që Liridona Murseli ka pasur një sigurim jetësor me fillim të vlerësishmërisë 25 qershor 2022, në vlerën prej 3 milionë të kruneve suedeze (rreth 272 mijë euro ), në të cilat nuk është cekur vazhduesi i përfitimit të sigurimit në rast të humbjes së jetës dhe në këto raste sipas ligjit, nëse nuk ka vartës pas vdekjes së saj, sipas ligjit më Suedi, shfrytëzuesi do të ishte bashkëshorti”, ka thënë prokurorja.

  • SPAK shkresë zyrtare për Belinda Ballukun: Kemi nisur hetim për të dhe Ceni Klosin

    SPAK shkresë zyrtare për Belinda Ballukun: Kemi nisur hetim për të dhe Ceni Klosin

    belinda balluku dhe ceno klosi

    TIRANË- Prokuroria e Posaçme ka nisur një hetim të ri në drejtim të Belinda Ballukut, e cila u pezullua nga detyra e saj si zv.kryeministre, si dhe ish-kreut të Tatimeve, aktualisht deputet i PS, Ceno Klosi.
    Prokuroria e Posaçme ka njoftuar se është regjistruar procedimi penal ndaj Belinda Ballukut, tashmë të pezulluar nga detyra dhe Ceno Klosit.
    Procedimi penal është regjistruar mbi bazën e kallëzimit penal të depozituar nga Adriana Kalaja e cila kërkoi fillimin e hetimit pasuror për Belinda Ballukun dhe Ceno Klosin. Kalaja i akuzon Klosin dhe Ballukun për “shpërdorim detyre” dhe “korrupsion pasiv”, ndërkohë që zv.kryeministren e akuzon edhe për “shkelje të barazisë në tendera”.
    SPAK sqaron se materiali kallëzues shtesë ardhur dhe protokolluar më datë 16.09.2025, në lidhje me këtë kallëzim është administruar në kuadër të procedimit penal Nr.95, viti 2025.
    “Prokuroria e Posaçme ka njoftuar se është regjistruar procedimi penal me Nr.95, viti 2025, mbi bazën e kallëzimit penal të depozituar nga shtetasja Adriana Kalaja kundër shtetasve Belinda Balluku, Ceno Klosi etj.
    Materiali kallëzues shtesë ardhur dhe protokolluar më datë 16.09.2025, në lidhje me këtë kallëzim është administruar në kuadër të procedimit penal Nr.95, viti 2025.
    Ky procedim penal është në fazën e hetimeve paraprake”, thotë SPAK në përgjigje të Adriana Kalasë, në datën 18 Nëntor, rreth një javë më parë.

    shkresa e spak

    Gjykata e Posaçme e Shkallës së Parë për Korrupsionin dhe Krimin e Organizuar vendosi të shtunën më 22 nëntor të vazhdojë zbatimin e masave të sigurimit personal të caktuara ndaj zëvendëskryeministres Belinda Balluku, për pezullim nga detyra dhe ndalim të daljes jashtë shtetit të saj, pas marrjes së pandehur nga ana e SPAK për shkelje të barazisë në tenderin e Tunelit të Llogarasë dhe të lotit 4 të Unazës së Jashtme të Tiranës, vepra penale të kryera në bashkëpunim me vartësit e saj.
    Po ashtu, u vendos vijimi i masave të sigurimit personal “Arrest në shtëpi” ndaj të pandehurit Erald Elezi me funksion aktual administrator i Koorporatës Elektroenergjitike Shqiptare, KESH dhe për drejtorin e Autoritetit Rrugor Shqiptar, ARRSH, Gentian Gjyli. Gjykata urdhëron SPAK dhe shërbimet e policisë gjyqësore për zbatimin e këtij vendimi. /ZËRI 

  • Çfarë po ndodh në Pukë? RENEA niset me urgjencë, rrethohet banesa ku fshihet një i kërkuar

    Çfarë po ndodh në Pukë? RENEA niset me urgjencë, rrethohet banesa ku fshihet një i kërkuar

    Foto ilustruese

    PUKË- Një aksion i befasishëm është ndërmarrë këtë të hënë në Pukë, ku forca të shumta policia kanë rrethuar një banesë në fshatin Orosh, Fushë Arrëz, që prej orëve të para të mëngjesit. Burime bëjnë me dije se bëhet fjalë për një banesë brenda së cilës është strehuar një person me rrezikshmëri të lartë, i shpallur në kërkim. 
    Forca të shumta të RENEA-s janë nisur në ndihmë të polcisë së Pukës për shkakt të rrezikshmërisë së lartë, ndërsa mësohet se personi i shumëkërkuar është subjekt i antiterrorit, megjithëse ende nuk dihet identiteti i tij. Në vendngjarje janë nisur edhe forcat nga anti terrori nga Shkodra, ndërsa pritet që Policia të dalë më një njoftim zyrtar për ngjarjen./ZËRI

  • “Mua më ke gati, të pres me vëllezërit”, mesazhi i fundit që biznesmenit Reçi iu çoi Dukajve, ata i thurën pritën

    vellezerit dukaj

    TIRANË- “Mirëdita! Si jeni miku im? Sipas dakordësisë të lënë me propozimin tuaj për t’u takuar në datën 3 nëntor, po ju pres për t’ju takuar. Mua më ke gati. E mira është që në takimin e radhës të jeni të dy vëllezërit”, ky është mesazhi i fundit që biznesmeni Eduart Reçi ju nisi në datën katër nëntor 2024 dy vëllezërve Shkëlqim dhe Florian Dukaj, të cilët 9 ditë më pas do të kryenin vrasjen e tij. Konflikti mes tyre kishte nisur për çështje pronësie, pasi dy vëllezerit Dukaj kishin ndërtuar lokalin e tyre pa leje, në një pjesë trualli që pretendohej nga ana e viktimës, i cili kishte kryer disa ndërtime pallatresh dhe ilash.
    Në dosjen e prokurorisë së Tiranës, e cila njoftoi sot mbylljen e hetimeve, thuhej se biznesmeni Eduart Reçi u vra për interes pasuror pas mosëmarrëveshjeve me kufitarët që janë vëllezërit Dukaj. Shkëlqim dhe Florjan Dukaj, do të përballen me gjykatën për akuzat e vrasjes me paramendim  dhe armëmbajtje pa leje.
    Prokuroria thotë se biznesmeni ndër vite kishte ndërtuar në Tiranë dy pallate dhe se disa njësi i kishte dhënë me qira. Por nga hetimet rezulton se mes personave që viktima kishte patur konflikte për pronësinë ishin edhe dy vëllezërit, njëri prej tyre oficer policie.
    Përplasjet kishin nisur mbasi vëllezërit ishin pronarë të një lokali që ishte në kufi me pronën po lokal të viktimës dhe që sipas kqyrjeve kishin pushtuar edhe një pjesë nga toka e biznesmenit. Prokuroria thotë se Reçi kishte kërkuar që ata ta lironin pronën në mënyrë vullnetare. Në këtë klimë krijohet bindja deklaron grupi i hetimit se Shkëlqim Dukaj në bashkëpunim me të vëllanë është në rolin e ekzekutorit.
    Për ta kryer vrasjen Dukaj e mori vendimin me qetësi dhe duke përfshirë dhe të vëllain përgatitën planin.

    Me saktësi ekzekutori dyshohet se kreu qitje të vazhdueshme në poligon dhe si provë prokuroria përmend jo vetëm disa video duke praktikuar, por edhe biseda në Facebook për dylbi duke u shprehur ‘jam i interesuar për produkt me gamë zmadhimi 39 herë 40’. Prokuroria thotë se vëllezërit e zgjodhën vendin prej nga ku qëlluan, përdorën si karremë fishekzjarrë që njëri prej tyre i hodhi në oborrin e lokalit në mënyrë që shënjestra të dilte jashtë dhe tjetri ta qëllonte.

  • “Mua më ke gati, të pres me vëllezërit”, mesazhi i fundit që biznesmenit Reçi iu çoi Dukajve, ata i thurën pritën

    vellezerit dukaj

    TIRANË- “Mirëdita! Si jeni miku im? Sipas dakordësisë të lënë me propozimin tuaj për t’u takuar në datën 3 nëntor, po ju pres për t’ju takuar. Mua më ke gati. E mira është që në takimin e radhës të jeni të dy vëllezërit”, ky është mesazhi i fundit që biznesmeni Eduart Reçi ju nisi në datën katër nëntor 2024 dy vëllezërve Shkëlqim dhe Florian Dukaj, të cilët 9 ditë më pas do të kryenin vrasjen e tij. Konflikti mes tyre kishte nisur për çështje pronësie, pasi dy vëllezerit Dukaj kishin ndërtuar lokalin e tyre pa leje, në një pjesë trualli që pretendohej nga ana e viktimës, i cili kishte kryer disa ndërtime pallatresh dhe ilash.
    Në dosjen e prokurorisë së Tiranës, e cila njoftoi sot mbylljen e hetimeve, thuhej se biznesmeni Eduart Reçi u vra për interes pasuror pas mosëmarrëveshjeve me kufitarët që janë vëllezërit Dukaj. Shkëlqim dhe Florjan Dukaj, do të përballen me gjykatën për akuzat e vrasjes me paramendim  dhe armëmbajtje pa leje.
    Prokuroria thotë se biznesmeni ndër vite kishte ndërtuar në Tiranë dy pallate dhe se disa njësi i kishte dhënë me qira. Por nga hetimet rezulton se mes personave që viktima kishte patur konflikte për pronësinë ishin edhe dy vëllezërit, njëri prej tyre oficer policie.
    Përplasjet kishin nisur mbasi vëllezërit ishin pronarë të një lokali që ishte në kufi me pronën po lokal të viktimës dhe që sipas kqyrjeve kishin pushtuar edhe një pjesë nga toka e biznesmenit. Prokuroria thotë se Reçi kishte kërkuar që ata ta lironin pronën në mënyrë vullnetare. Në këtë klimë krijohet bindja deklaron grupi i hetimit se Shkëlqim Dukaj në bashkëpunim me të vëllanë është në rolin e ekzekutorit.
    Për ta kryer vrasjen Dukaj e mori vendimin me qetësi dhe duke përfshirë dhe të vëllain përgatitën planin.

    Me saktësi ekzekutori dyshohet se kreu qitje të vazhdueshme në poligon dhe si provë prokuroria përmend jo vetëm disa video duke praktikuar, por edhe biseda në Facebook për dylbi duke u shprehur ‘jam i interesuar për produkt me gamë zmadhimi 39 herë 40’. Prokuroria thotë se vëllezërit e zgjodhën vendin prej nga ku qëlluan, përdorën si karremë fishekzjarrë që njëri prej tyre i hodhi në oborrin e lokalit në mënyrë që shënjestra të dilte jashtë dhe tjetri ta qëllonte.

  • PS nuk e kandidoi në zgjedhjet e Majit, mjeku shqiptar i bashkohet partisë kundër emigrantëve në Britani

    PS nuk e kandidoi në zgjedhjet e Majit, mjeku shqiptar i bashkohet partisë kundër emigrantëve në Britani

    kristo papa dhe rama

    TIRANË- Mjeku Kristo Papa i cili jeton dhe punon prej disa vitesh në Londër, u bë pjesë e “Akademisë Politike të PS”, për të qenë pjesë e zgjedhjeve parlamentare të 11 Maji. Por ai nuk mund të përfshihej në listën finale të kandidatëve të PS, gjë e cila nuk e dekurajoi kardiologun Papa të hiqte dorë nga politika.
    Tashmë Dr. Papa ka bërë një zgjedhje të re e të guximshme, duke i bashkuar partisë të ekstremit të djathtë në Britaninë e Madhe, siç është Reform UK e Nigel Farage, i cili shquhet për retorikën e ashpër anti emigrantëve me theks shqiptarët.
    Ky është posteri i partisë Reform UK siguruar nga gazetari Muhamed Veliu, ku tregohet kandidimi i Kristo Papës për t’u bërë këshilltar bashkiak i kësaj partive për zonën High Barnet në veri të Londrës.

    posteri

    Posteri shoqërohet me foton e Dr. Kristo Papës me nënshkrimin “Votoni Reform UK, ne mund ta ndryshojmë Barnet”. Dega e Reform UK për Barnet thotë se:
    “Reform UK është krenare të prezantojë Dr. Kristo Papa, kandidatin tonë të ri për High Barnet, dhe nëse Reform UK merr besimin për të drejtuar Barnet në majin e ardhshëm, Dr. Papa do të shërbejë si Anëtar i Kabinetit për Shëndetësi & Shërbime Sociale për të Rritur — duke sjellë përvojë të pakrahasueshme, lidership të lartë dhe një kuptim të thellë të kujdesit ndaj pacientit në një shërbim që ka nevojë urgjente për reformë, integritet dhe llogaridhënie”. 
    “Me udhëheqjen e tij, mund të kthejmë më në fund shërbimin e dëmtuar të kujdesit social për të rritur në Barnet, të rivendosim mbështetjen e duhur për banorët vulnerabël dhe të rindërtojmë një shërbim që është i sigurt, efikas dhe i dhembshur”.
    “Një votë për Reform UK në Barnet është një votë për ekspertizë të vërtetë, ndryshim të vërtetë dhe lidership të vërtetë. Së bashku, mund ta kthejmë Barnet për më mirë”.
    Deri këto momente të publikimit këtij lajmi Kristo Papa nuk i është përgjigjur pyetjes të Top Channel se përse zgjodhi të kandidojë për një parti politike si Reform UK e cila është shprehur qartësisht kundra emigratëve.
    Disa ditë më parë kryeministri Keri Starmer deklaroi se “Udhëheqësi Reform UK Nigel Farage duhet t’i japë përgjigje shumë pyetjeve për lidhjet e partisë së tij më Rusinë”.
    Nathan Gill ish-udhëheqës i Reform UK për Uellsin pranoi se kishte marrë para për të bërë deklarata në favor të Rusisë. Gill u dënua me 10 vite burg pasi kishte marrë para nga një agjent për të bërë propagandë pro ruse.

  • “Jeni katandisur kashtë e k*qe”, PD proteston sërish sot përpara kryeministrisë, a do ketë pjesëmarrje masive?

    “Jeni katandisur kashtë e k*qe”, PD proteston sërish sot përpara kryeministrisë, a do ketë pjesëmarrje masive?

    berisha ne proteste

    TIRANË- Deputetë dhe mbështetës të Partisë Demokratike do të mblidhen sërish sot përpara kryeministrisë, ku kërkojnë dorëheqjen e Edi Ramës, dhe qeveri teknike deri në mbajtjen e zgjedhjeve të reja parlamentare.
    Të gjithë demokratëve u kërkohet të marrin pjesë, në protestën që do të mbahet rreth orës 18:00. 
    Ky veprim vjen një javë pas protestës së mëparshme më 17 nëntor, e cila zgjati më shumë se 90 minuta dhe përfshiu fjalime nga deputetë, figura të PD-së dhe qytetarë të thjeshtë.
    Lideri i PD-së, Sali Berisha, njoftoi se protestat do të jenë pjesë e një serie javore të quajtur “Foltore 2”, e cila synon të diskutojë çështjet që, sipas opozitës, refuzohen në Kuvend.
    Ai shtoi se qëllimi nuk është vetëm shpëtimi i opozitës, por i Shqipërisë nga krimi dhe korrupsioni, duke paralajmëruar se fundi i qeverisë do të vijë nga kjo betejë në shesh.
    Protesta e radhës do të fokusohet te akuzat ndaj qeverisë për “heshtjen” e opozitës në parlament, korrupsionin dhe mungesën e votës së lirë.
    Për sigurinë e qytetarëve dhe mbarëvajtjen e protestës, protestën e kaluar, Policia ka marrë masa duke rrethuar godinën e Kryeministrisë, ndërsa rrugët që çojnë drejt Bulevardit “Dëshmorët e Kombit” do të jenë të kufizuara për qarkullim.
    Sa i takon pjesëmarrjes në protestën e kaluar, ajo u ironizua dhe nga kryeministri Edi Rama, gjatë fjalimit të së mërkurës në parlament. Rama tha se opozita është katandisur në kashtë e k*qe, ndërsa protesta e sotme vjen pas vendimit të Gjykatës së Posaçme për pezullimin nga detyra të numrit 2 të qeverisë, Belinda Balluku. 

    “Sa i përket tunelit të Llogarasë 50 mln është si ai 450 mln i inceneratorëve, ndërkohë rrini fort ligjit andej. Ndërkohë natyrisht që sot pikërisht pse drejtësia është e pavarur, shqiptarët i referohen drejtësisë dhe jo atyre që duan të bëjnë prokurorin rrugëve dhe që pastaj kur dalin në rrugë mbeten kashtë e k*qe sic më thanë se kishit mbetur para dy netësh. E fundit që kam është kënga e mjerueshme e fondeve të bujqësisë”, tha Rama në Kuvend. /ZËRI 

  • SPAK shkresë zyrtare për Belinda Ballukun: Kemi nisur hetimin e pasurisë së saj dhe Ceno Klosit

    SPAK shkresë zyrtare për Belinda Ballukun: Kemi nisur hetimin e pasurisë së saj dhe Ceno Klosit

    belinda balluku dhe ceno klosi

    TIRANË- Prokuroria e Posaccme ka nisur hetimin në lidhje me pasurinë e zv.kryeministres Belinda Balluku, njëherësh edhe Ministre e Infrastrukturës dhe Energjisë, dhe ish-kreut të Tatimeve, aktualisht deputet i PS, Ceno Klosi.
    Prokuroria e Posaçme ka njoftuar se është regjistruar procedimi penal ndaj Belinda Ballukut, tashmë të pezulluar nga detyra dhe Ceno Klosit.
    Procedimi penal është regjistruar mbi bazën e kallëzimit penal të depozituar nga Adriana Kalaja e cila kërkoi fillimin e hetimit pasuror për Belinda Ballukun dhe Ceno Klosin. Kalaja i akuzon Klosin dhe Ballukun për “shpërdorim detyre” dhe “korrupsion pasiv”, ndërkohë që zv.kryeministren e akuzon edhe për “shkelje të barazisë në tendera”.
    SPAK sqaron se materiali kallëzues shtesë ardhur dhe protokolluar më datë 16.09.2025, në lidhje me këtë kallëzim është administruar në kuadër të procedimit penal Nr.95, viti 2025.
    “Prokuroria e Posaçme ka njoftuar se është regjistruar procedimi penal me Nr.95, viti 2025, mbi bazën e kallëzimit penal të depozituar nga shtetasja Adriana Kalaja kundër shtetasve Belinda Balluku, Ceno Klosi etj.
    Materiali kallëzues shtesë ardhur dhe protokolluar më datë 16.09.2025, në lidhje me këtë kallëzim është administruar në kuadër të procedimit penal Nr.95, viti 2025.
    Ky procedim penal është në fazën e hetimeve paraprake”, thotë SPAK në përgjigje të Adriana Kalasë, në datën 18 Nëntor, rreth një javë më parë.

    shkresa e spak

     Gjykata e Posaçme e Shkallës së Parë për Korrupsionin dhe Krimin e Organizuar vendosi të shtunën më 22 nëntor të vazhdojë zbatimin e masave të sigurimit personal të caktuara ndaj zëvendëskryeministres Belinda Balluku, për pezullim nga detyra dhe ndalim të daljes jashtë shtetit të saj, pas marrjes së pandehur nga ana e SPAK për shkelje të barazisë në tenderin e Tunelit të Llogarasë dhe të lotit 4 të Unazës së Jashtme të Tiranës, vepra penale të kryera në bashkëpunim me vartësit e saj.
    Po ashtu, u vendos vijimi i masave të sigurimit personal “Arrest në shtëpi” ndaj të pandehurit Erald Elezi me funksion aktual administrator i Koorporatës Elektroenergjitike Shqiptare, KESH dhe për drejtorin e Autoritetit Rrugor Shqiptar, ARRSH, Gentian Gjyli. Gjykata urdhëron SPAK dhe shërbimet e policisë gjyqësore për zbatimin e këtij vendimi. /ZËRI 

  • Artan Hoxha “NON GRATA” në Greqi, gazetari ndalohet nga Policia helene, i vendosin kryqin në pasaportë

    Artan Hoxha “NON GRATA” në Greqi, gazetari ndalohet nga Policia helene, i vendosin kryqin në pasaportë

    ARTAN HOXHA

    TIRANË- Gazetari Artan Hoxha është ndaluar ditën e djeshme që të hyjë në Greqi, dhe i është bërë me dije statusi “non grata” nga shteti fqinj. Hoxha ka qenë duke kaluar në pikën e kalimit kufitar të Kakavijës, në momentin që është ndaluar nga autoritetet greke, me argumentin që përbën një kërcënim për rendin publik. Gazetarit i është marrë pasaporta, dhe është mbajtur për rreth një orë i ndaluar nga autoritetet greke.
    Në vendimin që policia greke i ka dorëzuar gazetarit Hoxha, thuhet se:
    1) është karakterizuar si person i padëshirueshëm.
    2) konsiderohet person i rrezikshëm për rendin publik dhe sigurinë e brendëshme, për shëndetin publik ose marrdhëniet ndërkombëtare të një ose shumë shteteve të Bashkimit Europian.

    Më pas, gazetarit Hoxha i është vendosur kryq me stilolaps në pasaportë mbi vulën e policisë greke dhe i është kërkuar të largohet menjëherë nga territori grek, ndërsa statusi non grata nuk ka afat, çka do të thotë që është i përjetshëm, nëse nuk ka një vendim të dytë nga autoritetet vendase. Një vendim i ngjashëm është marrë më parë dhe ndaj gazetarit Marin Mema, të cilit i ndalohet hyrja në Greqi.
    Gazetarit Hoxha i është komunikuar, se ky vendim është marrë në fillimin e vitit 2024, në kulmin e fushatës për zgjedhjet parlamentare të Bashkimit Europian, kur në listën për eurodeputet të partisë në pushtet Nea Dimokratia (Demokracia e Re) e kryeministrit Qiriakos Mitsotaqis, kandidonte Fredi Beleri me shtetësi shqiptare dhe greke.
    Hoxha ka qenë një nga denoncuesit më aktiv të rolit të Bejlerit në  “Masakrën e Peshkpisë” në vitin 1994, ku mbetën të vrarë dy Dëshmorë të Atdheut, është përballur dhe në procese gjyqësore në Gjykatën Penale të Tiranës gjatë vitit 2023-2024./ZËRI 

    2

    1

  • I pandreqshmi Arbër Tivari! Theu masën e arrestit dhe kryente vjedhje, arrestohet. 3 vite më parë iu mori jetën dy vajzave…

    I pandreqshmi Arbër Tivari! Theu masën e arrestit dhe kryente vjedhje, arrestohet. 3 vite më parë iu mori jetën dy vajzave…

    arber tivari dhe dy vajzat qe humben jeten

    DURRËS- Policia e Durrësit ka vënë në pranga 29-vjeçarin Arbër Tivari, i cili edhe pse në masën arrest shtëpie, rezulton që të jetë autor i disa vjedhjeve në qytetin bregdetar. Tivari është i njohur për aksidentin e rëndë që shkaktoi 3 vite më parë në autostradën Tiranë-Durrës, ku humbën jetën dy vajzat e reja Silva Gjergji, 26 vjeçe dhe Roxhesa Klironomi, 24 vjeçe. Viktimat ishin pasagjere në automjetin që drejtohej nga Tivari, i cili gjithashtu ka precedent të mëparshëm për armëmbajtje pa leje.

    NJOFTIMI I POLICISË
    Theu masën e sigurisë “Arrest në shtëpi” dhe kryente vjedhje në lokale, në bashkëpunim me dy shtetas të tjerë; identifikohet, kapet dhe vihet në pranga 29-vjeçari.
    Në pranga edhe njëri nga bashkëpunëtorët e tij, ndërkohë që vijon puna për identifikimin dhe kapjen e bashkëpunëtorit tjetër.
    Sekuestrohet një automjet dhe veshjet që këta dy shtetas përdornin për t’u maskuar kur kryenin vjedhje.
    Gjithashtu, në bashkëpunim me Prokurorinë vijon puna për zbardhjen dhe dokumentimin ligjor të vjedhjeve të tjera që dyshohet se janë kryer nga këta shtetas.
    Specialistët për Hetimin e Krimit në Komisariatin e Policisë Durrës, në kuadër të operacionit policor të koduar “Masa”, identifikuan, lokalizuan dhe ndaluan shtetasit: A. T., 29 vjeç, banues në lagjen nr. 4 Durrës, i dënuar më parë dhe aktualisht me masë sigurie “Arrest në shtëpi” për një aksident rrugor me pasojë jetën, i ndodhur në vitin 2022. M. Ç., 30 vjeç, banues në lagjen nr. 8 Durrës.
    Ndalimi i këtyre dy shtetasve u bë pas një pune intensive të ndjekur nga ana e specialistëve të Hetimit të Krimeve, ku ka rezultuar se këta dy shtetas, në bashkëpunim edhe me një shtetas tjetër ende të paidentifikuar, më datë 18.11.2025, gjatë natës, në lagjen nr. 18 Durrës, në lokalin e shtetasit L. K., kanë vjedhur sende të ndryshme brenda lokalit, me vlerë 3 000 000 lekë të vjetra.
    Në vijim të operacionit, u bë e mundur gjetja e automjetit që këta shtetas kishin përdorur për të transportuar sendet e vjedhura, si dhe rrobat që autorët kanë përdorur në vjedhje.
    Në bashkëpunim me Prokurorinë vijon puna për identifikimin e bashkëpunëtorit të tyre, zbardhjen dhe dokumentimin ligjor të vjedhjeve të tjera që dyshohet se janë kryer nga këta shtetas.
    Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprat penale “Vjedhje e kryer në bashkëpunim” dhe “Largimi i të burgosurit nga vendi i qëndrimit”.