Lajmidites.com

Author: Zeri.ai

  • “Leo luante me të gjithë kohën”/ U sulmua për vdekje nga pitbulli, flet e ëma e 2-vjeçarit shqiptar: Qeni u frikësua nga të shtënat në…

    “Leo luante me të gjithë kohën”/ U sulmua për vdekje nga pitbulli, flet e ëma e 2-vjeçarit shqiptar: Qeni u frikësua nga të shtënat në…

    2-vjecari qe u sulmua nga qeni

    GREQI- Një ngjarje e rëndë ndodhi dy ditë më parë në Greqi, ku një fëmijë 2-vjeçari me origjinë shqiptare, ndërroi jetë pasi u sulmua nga një qen i racës Pitbull. E gjithë ngjarja ndodhi teksa 2-vjeçari Leon Dulia po qëndronte vetëm me qenin, ndërkohqë që e ëma e tronditur, ka fajësuar gjuetarët që përdorin fishkëllima dhe armë në pyjet aty pranë për trembjen e pitbull-it.
    Ajo ka rrëfyer për Daily Mail marrëdhënien e ngushtë të Leos me të gjitha kafshët që mbanin në banesën e përshtatur, ndërsa thotë se ngjarja ka ndodhur brenda 30 sekondave. Sipas saj, 2-vjeçari i donte kafshët dhe kjo është arsyeja pse mbajnë në shtëpi mace, kuaj dhe qen dhe pitbulli nuk kishte qenë kurrë problem deri të shtunën kur ndodhi kjo.
    “Ai i donte kafshët që kemi këtu dhe kemi shumë prej tyre: mace, kuaj, qen. Burri im e kishte shpëtuar qenin dhe ai ishte i lidhur në kopsht, me një zinxhir dhjetë metrash, pranë pyllit ku po gjuanin në atë kohë. Mund të dëgjoheshin të shtëna, kishte qen të tjerë dhe gjuetarët po përdornin fishkëllima. Unë me të vërtetë mendoj se kjo e frikësoi qenin dhe e bëri të sulmonte. Nuk kemi pasur kurrë probleme me qenin që kur e morëm. Ai e linte Leon t’i guduliste barkun, ta përkëdhelte; i lëpinte fytyrën. Nuk kishte treguar kurrë agresion. Leo luante me të gjatë gjithë kohës. Diçka i ra ndërmend dhe brenda 30 sekondave që hymë brenda për të rregulluar pazarin, Leoni u largua për ta parë dhe pastaj gjithçka mbaroi, Leoni u kap ose u trondit, dukej sikur ishte kafshuar vetëm një herë.”, ka treguar nëna e 2-vjeçarit. 
    Ajo tregoi më tej se bashkë bashkëshortin e saj, Loukas, telefonuan me tërbim shërbimet e urgjencës, e futën Leon në makinën e tyre dhe shkuan në spitalin kryesor të ishullit për të takuar ambulancën që u ishte dërguar rrugës. 
    “Ata thjesht ma morën Leonin dhe shkuan në spital, por mendoj se ishte tepër vonë, ai nuk do të mbijetonte dhe mjekët e konfirmuan këtë kur mbërritëm në spital.”, tha ajo.
    Plagët në trupin e të miturit rezultuan fatale, pavarësisht përpjekjeve të prindërve të tij. Duke dëgjuar britmat, babai vrapoi menjëherë për të shpëtuar djalin e tij, por pa sukses. Ambulanca mbërriti në vendngjarje, por fëmija u dërgua në spital në gjendje kritike. Pavarësisht përpjekjeve jashtëzakonisht të mëdha të mjekëve për ta shpëtuar, Leo nuk mundi të mbijetonte.
    Sipas informacioneve, vetëm 10 ditë më parë, më 27 nëntor, Leo festoi ditëlindjen e tij të dytë me familjen. Pitbulli që sulmoi fëmijën ishte një qen endacak që prindërit e gjetën përpara derës së shtëpisë disa ditë më parë dhe vendosën të kujdesen për të bashkë me kafshët e tjera që kishin në shtëpi./ZËRI

  • Panik në Belsh! Një tjetër gropë karstike pranë banesave, banorët kërkojnë ndërhyrje urgjente (VIDEO)

    Panik në Belsh! Një tjetër gropë karstike pranë banesave, banorët kërkojnë ndërhyrje urgjente (VIDEO)

    gropa ne belsh

    BELSH- Banorët e Belshit, në zonën e Dumresë, kanë ngritur shqetësimin e fenomeneve karstike, ku një tjetër gropë me diametër rreth 7 metër dhe thellësi më shumë se 10 metra është shfaqur së fundmi. Sipas banorëve, gropa është shfaqur shumë pranë banesave në lagjen e spitalit të Belshit, ndërsa ngrejnë alarmin se hapësira po zgjerohet çdo ditë e më shumë. 
    Përballë kësaj situate, ku rreziku po i afrohet çdo ditë e më pranë banesave, banorët kërkojnë ndërhyrjen e autoriteteve nga strukturat e emergjencave. Nga ana tjetër, autoritetet kanë kanë këshilluar banorët që të qëndrojnë larg gropave.
    Por, ky nuk është rasti i parë i një fenomi të tillë. Rasti i fundit i gropave karstike ndodhi në qershor të këtij viti në fshatin Dëshiran. Gjithashtu, në maj të vitit 2022, një tjetër gropë iu afrua shtëpive në fshatin Cestije të Belshit.
    Në fakt, ky fenomen natyror është i zakonshëm për zonën e Dumresë. Si pasojë e tyre, numërohen mbi 84 liqene. Në 360 km2 zona e Dumresë është kartike si pasojë e shkrirjes së shkëmbinjve të gipsit dhe gëlqeres, ndërsa sipas ekspertëve koha me shi kontribuon edhe më tepër në rrezikun që paraqitet për banorët e zonës, duke e bërë situatën edhe më shqetësuese.

    /ZËRI

  • U përurua 8 muaj më parë, shembet rruga Shëngjin–Velipojë, qarkullimi i mjeteve në kaos

    U përurua 8 muaj më parë, shembet rruga Shëngjin–Velipojë, qarkullimi i mjeteve në kaos

    Shëngjin–Velipojë

    SHËNGJIN- Traseja e rrugës Shëngjin–Velipojë, pranë fshatit Rrjoll, ka pësuar çarje për shkak të rrëshqitjes së dherave. Rruga e përuruar në prill të 2025 ka pësuar dëmtime në një pjesë të konsiderueshme të gjatësisë së saj, duke rrezikuar shembjen e plotë. Bëhet fjalë për një rrugë që është hapur për qarkullimin e automjeteve në pranverë të këtij viti, me gjatësi 15 km, dhe që ka kushtuar 3.8 milionë euro.
    Situata aktuale është mjaft problematike, pasi ka pasur rrëshqitje në të dyja anët e skarpateve pranë fshatit Rrjoll, ndërsa mësohet se njëri krah i lëvizjes është bllokuar prej 2 ditësh. Aktualisht, qarkullimi kryhet me vështirësi vetëm në njërin sens.
    Mësohet se pikërisht në vendin ku ka ndodhur shembja, kompania që ka ndërtuar këtë segment rrugor ka vendosur barriera betoni dhe sinjalistikë në një gjatësi prej 50 metrash. Ndërsa bëhet me dije se është po kjo kompani fituese e tenderit Gener 2, që ka detyrim ligjor të ndërhyjë për çdo problematikë deri në prill të vitit 2026 kur do të dorëzohet projekti./ZËRI
     

  • Emigrantët: Këshilli i BE miraton propozimin për vendet e treta të sigurta! Qendra në Shqipëri drejt zhbllokimit

    Emigrantët: Këshilli i BE miraton propozimin për vendet e treta të sigurta! Qendra në Shqipëri drejt zhbllokimit

    foto ilustruese

    ITALI- Këshilli i BE-së miratoi propozimin për ndryshimin e Rregullores së BE-së 2024/1348 në lidhje me zbatimin e konceptit të “vendit të tretë të sigurt”. Spanja, Greqia, Franca dhe Portugalia e kundërshtuan propozimin. Megjithatë, u arrit një shumicë e kualifikuar. Në të njëjtën kohë, Këshilli miratoi gjithashtu rregulloren që krijon një listë në të gjithë BE- në të vendeve të sigurta të origjinës. Siç raportojnë mediat italiane, qeveria tani shpreson të zhbllokojë qendrat në Shqipëri dhe mosmarrëveshjen ligjore mbi vendet e sigurta.
    Koncepti i një vendi të tretë të sigurt
    Koncepti i vendit të tretë të sigurt u lejon Shteteve Anëtare të BE-së të refuzojnë një kërkesë për azil si të papranueshme (domethënë pa shqyrtuar meritat e saj) kur azilkërkuesit mund të kishin kërkuar dhe, nëse ishin të kualifikuar, të kishin marrë mbrojtje ndërkombëtare në një vend të tretë që konsiderohet i sigurt për ta.
    Tre opsionet
    Sipas rregullave të përditësuara të miratuara nga Këshilli, Shtetet Anëtare do të jenë në gjendje të zbatojnë konceptin e vendit të tretë të sigurt bazuar në tre opsionet e mëposhtme: një lidhje midis azilkërkuesit dhe vendit të tretë (megjithatë, kjo lidhje nuk do të jetë më një kriter i detyrueshëm për zbatimin e konceptit të vendit të tretë të sigurt); aplikanti ka kaluar tranzit nëpër vendin e tretë para se të arrijë në BE; ose ekziston një marrëveshje ose rregullim me një vend të tretë të sigurt që garanton që kërkesa e një personi për azil do të shqyrtohet në atë vend të tretë (megjithatë, zbatimi i konceptit të vendit të tretë të sigurt në bazë të një marrëveshjeje ose rregullimi nuk është i mundur në rastin e të miturve të pashoqëruar).
    Sistem i posaçëm për shqyrtimin e kërkesave për mbrojtje ndërkombëtare
    Koncepti i vendit të sigurt të origjinës u lejon Shteteve Anëtare të krijojnë një sistem të veçantë për shqyrtimin e kërkesave për mbrojtje ndërkombëtare. Sipas Rregullores së Procedurës së Azilit të vitit 2024, të miratuar në kuadër të Paktit për Azilin dhe Migracionin, Shtetet Anëtare duhet të zbatojnë një procedurë të përshpejtuar për aplikantët nga një vend i sigurt i origjinës dhe mund ta bëjnë këtë në kufi ose në zonat e tranzitit. Rregullat për vendet e sigurta të origjinës bazohen në supozimin se aplikantët nga vende të tilla supozohet se janë të mbrojtur mjaftueshëm nga rreziku i persekutimit ose shkeljeve serioze të të drejtave të tyre themelore. Vendet e treta mund të përcaktohen si vende të sigurta të origjinës vetëm nëse ato përmbushin një nivel të lartë sigurie.
    Lista e vendeve
    Këshilli ra dakord që vendet e mëposhtme duhet të përcaktohen si vende të sigurta origjine në nivel të BE-së: Bangladeshi, Kolumbia, Egjipti, India, Kosova, Maroku dhe Tunizia. Vendet kandidate për anëtarësim në BE përcaktohen gjithashtu si vende të sigurta origjine në nivel të BE-së, përveç nëse ekziston një situatë konflikti të armatosur ndërkombëtar ose të brendshëm në vend, janë miratuar masa kufizuese që prekin të drejtat dhe liritë themelore, ose shkalla e vendimeve pozitive të marra nga autoritetet e Shteteve Anëtare për aplikantët nga ai vend tejkalon 20%. Dy marrëveshjet e arritura sot i lejojnë Këshillit të fillojë negociatat me Parlamentin Evropian për të rënë dakord për një tekst përfundimtar ligjor./ZËRI

  • “Kiço”, pjesë e “Çunave të Dubait” porositi e financoi vrasjen e Mëhallës? Zbulohet skema e konfliktit, grushta e plumba te “Xhaxhi Oil”…

    “Kiço”, pjesë e “Çunave të Dubait” porositi e financoi vrasjen e Mëhallës? Zbulohet skema e konfliktit, grushta e plumba te “Xhaxhi Oil”…

    mondi mehalla dhe kico i elbasanit-sheval muharremi

    TIRANË- Një marrëveshje e prishur pre 700 mijë eurosh dyshohet të jetë bërë shkak i një konflikti që çoi deri në vrasjen me armë të biznesmenit Mondi Mëhalla në Elbasan. Mëhlla u vra në një atentat mbrëmjen e 30 nëntorit, ku organizator dhe financues rezulton të jetë El Ouejdi. Ky i fundit, një emër jo i panjohur për autoritetet. Ai njihet në qytet me nofkën Kiço ose Oliver dhe nip i personazhit të njohur “Timit të Elbasanit”.
    El Ouejdi është në qendër të hetimeve nga ana e autoriteteve, pasi konsiderohet si personi kyç në hetim me qëndrim të dyshuar në Maqedoninë e Veriut dhe lidhje të shumta në rajon përfshirë edhe me Sheval Muharremin i njohur si “Bosi i Gërçecit” që jeton në Dubai. Bëhet fjalë për Sheval Muharremin, i cili njihet në rrjet si Shevali 007, ndërsa emri i tij lidhet me trafiqe droge dhe histori kriminale, vrasje, etj. Ai rezulton i përfshirë në vrasjen e  Shyqyri Beut, i njohur si “Riku Beu” nga Kavaja, i cili u gjet i pajetë i groposur në vitin 2020 në Maqedoninë e Veriut, vend ku dyshohet se kishte nisur të kryente trafikun e drogës. Po ashtu, edhe si pjesëtar i një grup të strukturuar kriminal që merrej me trafik të drogës nga vendet e Amerikës Latine. Aktualisht, ai është i shpallur në kërkim nga Maqedonia e Veriut. 
    Por, cila është historia e konfliktit mes biznesmenit dhe “Kiços” që përfundoi me plumba…? Mësohet se rreth 10 ditë para vrasjes Mëhalla kishte ushtruar dhunë fizike ndaj El Ouejdit në karburantin “Xhaxhi Oil”. Në qendër të konfliktit? Një marrëveshje tregtare e papërfunduar me vlerë 700 mijë euro, ku rezulton se El Ouejdi nuk ka pranuar detyrimin financiar dhe  kishte ofruar si kompensim katër apartamente në Tiranë por me probleme pronësie gjë që rriti tensionin mes tyre. Nërkohë, 10 ditë pas përplasjes fizike Mondi Mëhalla u qëllua me tre plumba dhe u vra profesionalisht ndërsa autorët dogjën makinën tip Audi pas krimit.

    Në lidhje me ekzekutimin, Policia ka vënë në pranga edhe Xhino Agon, ish-ortakun e Mëhallës, i cili akuzohet se iu ka dhënë hua mjetin dy prej autorëve të përfshirë në ngjarje, të shpallur në kërkim Amarildo Kola dhe Marselo Arani, si dhe rojen e karburantit, shtetasin Kujtim Pisha, i cili akuzohet për moskallëzim krimi. 

    Nevzat Spaho, është një tjetër i arrestuar për vrasjen e biznesmenit Mondi Mëhalla. Spaho është vënë në prangat e policisë në Përrenjas, pas një ndjekje disa orëshe nga Policia. 29-vjeçari dyshohet se është ekzekutori i biznesmenit. Ai rezulton i dënuar më parë nga gjykata e Elbasanit për akuzën e “Shtrëngimit me anë të kanosjes për marrje pasurie” dhe “Mbajtje pa lejë të armë”. Në vitin 2022, ka rezultuar se shtetasi Nevzat Spaho, ka shtrënguar duke e dhunuar fizikisht, si dhe ka kanosur me armë zjarri, një shtetas, për dhënien e një shume parash prej 3 mijë eurosh.

    Mondi Mëhalla u ekzekutua mbrëmen e të dielës (30 Nëntor) në mjetin e tij Range Rover, i cili gjendej i parkuar pranë karburantit “Xhaxhi Oil” në pronësi të tij. Hetimet janë përqendruar në konfliktet e mundshme që 43 vjeçari Mëhalla ka pasur kohët e fundit, pasi disa prej te shoqëruarve dhe të afërm të viktimës kanë dhënë deklarimet e tyre para grupit hetimor. Mëhalla ka qenë i skeduar më herët për shpërndarjen e lëndëve narkotike dhe armëmbajtje pa leje, ndërkohë që në vitin 2020, Prokuroria e Elbasanit ka nisur një hetim pasuror ndaj tij për pastrim parash.
    Mëhalla, ishte pronari i club lounge “Hollyvood Lounge Bar”, i cili njëherësh zotëronte dhe një pikë karburanti të quajtur “Xhaxhi Oil” si dhe një kompani taksish me emrin “El Taxi”. Ngjarja e rëndë ka ndodhur në lagjen “Emin Matraxhiu” në Elbasan, 50 metra larg vendit ku ndodhi masakra e 4 shkurtit 2016, ku mbetën të vrarë 3 persona dhe 8 të tjerë u plagosën rëndë. /ZËRI

  • Joni Keta, drejtori i ri i “FBI”-së shqiptare, KLP voton nesër kreun e BKH-së

    Joni Keta, drejtori i ri i “FBI”-së shqiptare, KLP voton nesër kreun e BKH-së

    joni keta

    TIRANË- Këshilli i Lartë i Prokurorisë (KLP) do të mblidhet nesër, 9 dhjetor, për të votuar kreun e ri të Byrosë Kombëtare të Hetimit (BKH). Mbledhja pritet të nisë në orën 11:00, ku do të votohet për Joni Ketën për në krye të BKH-së, i cili do të marrë drejtimin e Byrosë Kombëtare të Hetimit për një mandat 5-vjeçar.
    Joni Keta u përzgjodh nga SPAK mes një liste prej shtatë kandidatësh, ku përfshiheshin edhe Andi Pogaçe, Artur Beu, Elton Kërluku, Gentian Ndoi, Gentjan Shehaj dhe Gledis Nano. Aktualisht, Keta mban postin e zv. Drejtor të Byrosë Kombëtare të Hetimit. Emri i tij u porpozua nga treshja Altin Dumani, Arben Kraja dhe Behar Dibra. 
    Kush është Joni Keta
    Joni Keta është aktualisht zv. Drejtor i Byrosë Kombëtare të Hetimit. Ai ka shërbyer si Oficer i Policisë Gjyqësore në Prokurorinë për Krimet e Rënda ndërsa pas shkrirjes së kësaj prokurorie dhe marrjen e kompetencave nga Prokuroria e Posaçme, e njohur si SPAK, Joni Keta u përfshi në radhët e Byrosë Kombëtare të Hetimit. Ai është djali i prokurorit Hysen Keta dhe i profesoreshës së njohur Majlinda Keta, Nga ana e babait, Joni Keta është dhe nipi i Myslym Ketës, i cili për kontributin e tij të shquar në Luftën Antifashiste Nacional-Çlirimtare është nderuar me titullin “Hero i Popullit”./ZËRI

  • Vrasja e gjyqtarit Astrit Kalaja/ Xhaxhai i Elvis Shkambit i drejtohet Gjykatës së Apelit, kërkon…

    Vrasja e gjyqtarit Astrit Kalaja/ Xhaxhai i Elvis Shkambit i drejtohet Gjykatës së Apelit, kërkon…

    astrit kalaja-gjon dhe elvis shkembi

    TIRANË- Gjon Shkambi, xhaxhai i vrasësit të gjyqtarit Astrit Kalaja, i është drejtuar sërish Gjykatës së Apelit për ndryshim të masës së sigurisë. Shkambi këkron që t’i hiqet masa e sigurisë “arrest me burg” dhe ta zëvendësojë ate me një masë tjetër. Gjoni, i arrestuar në lidhje me ngjarjen si i dyshuar se kishte dijeni për planin e nipit të tij, Elvis Shkambi. Megjithatë, ai pretendon se nuk ka pasur dijeni për veprimet e nipit të tij. 

    Ndërkohë, një ditë më parë Gjykata e Apelit liroi nga qelia Banush Koxhajn, i cili shërbente si punonjës sigurie pranë kësaj gjykate, ditën kur u ekzekutua me armë në sallën e gjyqit, gjyqtari Astrit Kalaja. Koxhaj ishte punonjësi i sigurisë në Gjykatën e Apelit Tiranë dhe menjëherë pasi u vra gjyqtari Kalaja, ai u arrestua nga policia e Tiranës, për akuzën e “Shpërdorimit të detyrës”, pasi nuk kishte ushtruar kontroll fizik ndaj Elvis dhe Gjon Shkambit, të cilët hynë të armatosur në sallën e gjyqit.

    Akuzat
    Elvis Shkambi 30-vjeç, si i dyshuar për veprat penale të “Vrasja e funksionarëve publikë” e kryer në bashkëpunim, “Vrasja në rrethana të tjera cilësuese kundër dy ose më shumë personave” e mbetur në tentativë dhe e kryer në bashkëpunim, dhe “Mbajtja pa leje dhe prodhimi i armëve, armëve shpërthyese dhe i municionit”;
    Gjon Shkambi 56-vjeç, si i dyshuar për veprat penale të “Vrasja e funksionarëve publikë” e kryer në bashkëpunim dhe “Vrasja në rrethana të tjera cilësuese kundër dy ose më shumë personave” e mbetur në tentativë dhe e kryer në bashkëpunim;
    Banush Koxhaj 63-vjeç, si i dyshuar për veprën penale të “Shpërdorimit të detyrës”;
    Si ndodhi ngjarja?
    Gjyqtari Astrit Kalaja humbi jetën më 6 tetor, gjatë një seanca gjyqësore. Ai po shyrtonte një çështje që kishte të bënte me një rast pronësie në qarkun e Shkodrës. Autori, Elvis Shkambi, ka pretenduar se ka qenë palë e dëmtuar në çështjen e pronësisë. Momenti fatal i të shtënave është regjistruar sapo gjyqtari Astrit Kalaja është çuar për të dhënë vendimin. Në atë moment, Shkambi ka nxjerrë pistoletën dhe e ka qëlluar gjyqtarin me 3 plumba në gjoks. Gjyqtari Astrit Kalaja nuk arriti t’i mbijetonte 3 plumbave në gjoks dhe humbi jetën rrugës për në spital. Ndërkohë, si pasojë e plumbave kanë mbetur të plagosur edhe 2 persona të tjerë (babë e bir) Rakip dhe Ervis Kurtaj. Në pranga kanë rënë autori, xhaxhai i tij Gjon Shkambi dhe roja e sigurisë, Banush Koxhaj, që e lejoi hyrjen e armatosur të autorit në ambientet e gjykatës, ku ndodhi krimi./ZËRI

  • Futi djalin në qese vakumi, veprimi shokues i influenceres ruse: Nuk është e denjë për të qenë nënë

    Futi djalin në qese vakumi, veprimi shokues i influenceres ruse: Nuk është e denjë për të qenë nënë

    ana saparina

    RUSI- Një influencuese ruse ka shkaktuar zemërim të madh në rrjetet sociale, pasi publikoi një video ku fut djalin e saj të vogël brenda një qeseje dhe përdori një fshesë me korrent për të nxjerrë ajrin. Videoja, e cila u përhap me shpejtësi, tregon momentin ku fëmija i tmerruar thërret “mami”, pasi qesja ngushtohet dhe ajri thithet.
    Sipas portalit rus Life, influencuesja 36-vjeçare Anna Saparina e mori ngjarjen me shaka. Autoritetet ruse të mbrojtjes së fëmijëve pritet ta thërrasin për sqarime, pasi eksperimenti mund të ketë vënë seriozisht në rrezik jetën e të miturit.
    Reagimet në internet kanë qenë të ashpra, me shumë përdorues që e kanë quajtur Saparina-n “të papërgjegjshme” dhe “jo të denjë për të qenë nënë”.
    “Anna Saparina është një abuzuese e neveritshme që duhet të përfundojë në burg për tmerrimin e djalit të saj vetëm për disa klikime”, shkroi dikush.
    Ndërsa një tjetër shtoi: “Kjo është e tmerrshme… Fëmijët nuk duhet të trajtohen si eksperimente!”

    Rasti ka rikthyer në vëmendje debatin mbi etikën e “influencerëve familjarë”, të cilët shpesh akuzohen se shfrytëzojnë fëmijët për përmbajtje në platforma si TikTok, Instagram dhe YouTube, duke ngritur shqetësime për sigurinë, privatësinë dhe mirëqenien e tyre./ZËRI 

  • Përshkallëzon protesta e fermerëve në Greqi, fermerët qëllojnë me gurë policët në Heraklion (PAMJET)

    Përshkallëzon protesta e fermerëve në Greqi, fermerët qëllojnë me gurë policët në Heraklion (PAMJET)

    Protesta e fermereve

    GREQI- Përplasje mes fermerëve dhe policisë në Hania, ku një automjet policie është përmbysur dhe një tjetër është dëmtuar nga gurët e hedhur. Në Heraklion, policia përdori gaz lotsjellës për të shpërndarë fermerët që tentuan të çanin bllokadën dhe të arrinin drejt aeroportit. Mjetet bujqësore kanë bërë të pakalueshëm autostradën BOAK pranë Heraklionit për trafikun që drejtohet drejt aeroportit.
    Policia refuzoi kërkesën e fermerëve për një bllokadë tre-orëshe në aeroportin e Hanias, çka çoi në përpjekjet e tyre për të thyer vijën policore dhe përplasjet e mëvonshme.
    Fermerët po shtojnë çdo ditë dhjetëra bllokada të ngritura në pika të ndryshme në të gjithë vendin, ndërsa protestat nisën sot edhe në Kretë, ku rreth mesditës së së hënës u shënuan incidente.
    Aeroporti “Nikos Kazantzakis” në Heraklion është i mbyllur në të dyja hyrjet, me fermerë të ardhur me traktorë dhe mjete të tjera si pjesë e protestës së bujqve dhe blegtorëve. Në të njëjtën kohë, përplasje të ashpra mes fermerëve dhe policisë po zhvillohen edhe në Hania.
    Gjatë incidenteve në Hania, fermerët përmbysën një automjet policie. Një furgon policie u dëmtua gjithashtu nga hedhja e gurëve dhe u desh të tërhiqej. Guret kanë mbuluar rrugët, siç duket qartë në fotot e bashkëngjitura.
    Në rrugën Senetaki në Heraklion, policia ngriti një barrikadë, ndërsa fermerët dhe blegtorët deklaruan se do të shkonin drejt aeroportit me çdo kusht për ta bllokuar. Fermerët tentuan të çanin bllokadën policore. Policia u përgjigj me gaz lotsjellës, duke shkaktuar përplasje. Situata mbetet e tensionuar, teksa fermerët po negociojnë me policinë duke kërkuar të lejohen të hyjnë në aeroport.
    Mjetet bujqësore janë parkuar në autostradën BOAK, duke e bërë të pakalueshëm drejtimin Heraklion–aeroport.
    Ndërkohë, përplasjet po vazhdojnë edhe jashtë aeroportit në Hania, ku fermerët po përpiqen ta bllokojnë atë dhe policia po u përgjigjet me gaz lotsjellës. Fermerët janë mbledhur në nyjën e Soudas në orën 12:00 të mesditës. Protestuesit mbërritën me mjetet e tyre në pikën e grumbullimit dhe më pas u drejtuan drejt aeroportit “I. Daskalogiannis”, të cilin tentuan ta bllokonin.
    Megjithatë, policia, me një furgon dhe praninë e forcave speciale, bllokoi rrugën e aeroportit të Soudas (pas rrethrrotullimit Pazinos) për të mbajtur të lirë qasjen e aeroportit nga ana e Kampanit. Kur fermerët mbërritën te aeroporti, u bë një përpjekje për të komunikuar me policinë, duke kërkuar leje për një bllokadë paqësore tre-orëshe.
    Kërkesa e tyre u refuzua nga policia, gjë që çoi protestuesit të tentonin thyerjen e kordonit dhe policinë të përgjigjej me gaz lotsjellës, duke shkaktuar përplasjet./ZËRI

  • Pamje tronditëse nga Turqia, nxënësit me spektrin e autizmit shihen të lidhur me litarë në shkolla

    Pamje tronditëse nga Turqia, nxënësit me spektrin e autizmit shihen të lidhur me litarë në shkolla

    femijet te lidhur me litar

    TURQI- Një incident i rëndë është bërë publik së fundi në Turqi, ku fëmijët me spektrin e autizmit shihen të lidhur me litarë në bankat e shkollës. Video është xhiruar nga një prind në një shkollë speciale në Prusi, duke rritur shqetësimet në lidhje me trajtimin e fëmijëve me nevoja të veçanta në sistemin arsimor.
    Sipas Milliyet, autoritetet reaguan menjëherë pas publikimit të videos. Drejtoria rajonale e Arsimit Kombëtar njoftoi fillimin e një hetimi të plotë zyrtar, ndërsa sipas mediave vendase rasti lidhet me një shkollë që strehon fëmijë të moshës 9 deri në 16 vjeç me autizëm dhe nevoja të tjera të veçanta.
    Një nga prindërit, Tulay Gürel, nëna e një fëmije autik që ndjek të njëjtën shkollë, përshkroi një realitet të rëndë që – sipas saj – dëmton rëndë mirëqenien e fëmijëve.
    “Këta fëmijë duhet të mësojnë në ambiente të qeta dhe të përshtatshme. Ka mësues që reagojnë vazhdimisht në mënyrë negative ndaj tyre. Djali im është 11 vjeç dhe ka autizëm. Kur studionte në Konya, madje vizatonte. Pas zhvendosjes këtu, problemet nisën. E çonim fëmijën në shkollë dhe i thoshin: ‘Nuk mund të hysh brenda, është e ndaluar’”, rrëfeu ajo.
    Gürel theksoi se mjedisi i papërshtatshëm shkollor ka ndikuar rëndë në psikologjinë e fëmijës së saj.
    “Qëndrimi në një ambient që nuk është i përshtatshëm i shkakton atij dëme të mëdha. Ka mësues që shfaqin dhunë. Kjo ndodh për shkak të mungesës së njohurive dhe edukimit. Ata i lidhin për t’i kontrolluar”, u shpreh ajo për mediat turke.

    Publikimi i videos ka shkaktuar një valë të gjerë zemërimi në opinionin publik në Turqi, ndërsa hetimi i autoriteteve vijon për të zbardhur përgjegjësitë dhe për të garantuar mbrojtjen e fëmijëve me nevoja të veçanta.