Lajmidites.com

Author: Vizionplus.tv

  • Koçiu inspekton urën e dëmtuar në fshatin Xhyrë: Të gjitha strukturat do jenë në terren për sigurinë e qytetarëve

    Koçiu inspekton urën e dëmtuar në fshatin Xhyrë: Të gjitha strukturat do jenë në terren për sigurinë e qytetarëve

    Ministrja e Punëve të Brendshme, Albana Koçiu zhvilloi sot një inspektim në terren pranë urës së dëmtuar në fshatin Xhyre, Njësia Administrative Hotolisht në Librazhd, ku reshjet intensive të orëve të fundit kanë shkaktuar dëmtime serioze dhe bllokimin e qarkullimit të automjeteve, për arsye sigurie.
    Ministrja, së bashku me strukturat vendore, Policinë e Shtetit, forcat e armatosura dhe ekipet e Mbrojtjes Civile, po koordinojnë masat për ndërhyrje të menjëhershme dhe rikthimin sa më të shpejtë të aksesit në urë.Lexo edhe :Related Posts
    Deri në normalizimin e situatës, lëvizja e automjeteve po kryhet përmes rrugës së vjetër, e cila aktualisht shërben si alternativë. Ndërsa për fëmijët që ndjekin shkollën është siguruar transport nga të dy anët e urës, e cila kalohet vetëm në këmbë.

    Ministrja Koçiu theksoi se angazhimi në terren vijon pa ndërprerje dhe të gjitha strukturat janë në gatishmëri për të garantuar sigurinë e qytetarëve dhe menaxhimin e situatës së krijuar nga moti i keq./vizionplus.tv

  • Çfarë është qumështi i bletës, si ta përdorim dhe cilat janë përfitimet shëndetësore

    Çfarë është qumështi i bletës, si ta përdorim dhe cilat janë përfitimet shëndetësore

    Peltja mbretërore ose i njohur ndryshe si qumështi i bletës është një mrekulli për shëndetin nëse konsumohet. Ky produkt është një masë xhelatinoze e prodhuar nga bletët si ushqim për larvat që do të bëhen mbretëreshat e tyre.
    Bleta që ushqehet me këtë substancë gjatë gjithë jetës së saj është më e madhe, jeton më gjatë dhe është e vetmja pjellore në “familje” për të krijuar një koloni të re”, shpjegon Dr. Sara Piazza, dietologe.
    Përfitimet e qumështit të bletës

    Ky eliksir natyral që vjen në formën e një pelte gjysmë të lëngshme me shije të thartë, është shumë i dobishëm për fëmijët, të moshuarit, gjatë një periudhe stresi psikofizik, apo në rastet e ndryshimeve të humorit për shkak të ndryshimeve sezonale.

    “Pelta mbretërore mund të jetë gjithashtu e dobishme për ata që e praktikojnë aktivitet fizik, për rikuperimin e muskujve pas stërvitjes, por përdoret gjithashtu edhe për të përmirësuar funksionet njohëse si vëmendja dhe përqendrimi” këshillon Dr. Piazza.
    Veçanërisht ai është një burim i çmuar i vitaminave B, kryesisht B1, B2, B3, B5, B6 dhe B9 që janë thelbësore për të siguruar energjinë e nevojshme. Gjithashtu ai përmban vitamina A, C, D dhe E të cilat shërbejnë për të pasur një lëkurë të shëndetshme, sy dhe imunitet të fortë.

  • Mali i Zi: Do ta ashpërsojë regjimin e vizave për shtetasit rusë

    Mali i Zi: Do ta ashpërsojë regjimin e vizave për shtetasit rusë

    Kryeministri i Malit të Zi, Millojko Spajiq, njoftoi të premten se Podgorica “shumë shpejt” do ta ashpërsojë regjimin e vizave për shtetasit rusë, në përputhje me politikën e vizave të Bashkimit Evropian.
    Ai theksoi se Mali i Zi e ndjek plotësisht politikën e jashtme dhe të sigurisë së BE-së, përfshirë masat ndaj Rusisë.
    Duke ndjekur këtë politikë, Mali i Zi vendosi sanksione ndaj Rusisë në vitin 2022, kur Moska e nisi pushtimin e plotë të Ukrainës.

    Megjithatë, Komisioni Evropian ka paralajmëruar disa herë Podgoricën se harmonizimi i politikës së vizave është thelbësor për përparimin në bisedimet për anëtarësim dhe për qasjen në mjetet e Planit të Rritjes për Ballkanin Perëndimor.
    Qëndrim deri në 30 ditë pa vizë
    Në Mal të Zi, sipas të dhënave të fundit të Ministrisë së Punëve të Brendshme të dërguara Radios Evropa e Lirë, jetojnë mbi 21.100 shtetas rusë.
    Qytetarët rusë mund të qëndrojnë deri në 30 ditë pa vizë, sipas politikave të tanishme të Podgoricës.
    Megjithatë, prej vitesh është praktikë që shtetasit rusë, pas 30 ditësh, të largohen për pak kohë nga Mali i Zi – shpesh vetëm deri në pikën më të afërt kufitare – dhe në kthim të lejohen të qëndrojnë përsëri për 30 ditë pa vizë.
    Numri i këtyre “daljeve-hyrjeve” nuk është i kufizuar.
    Drejtoria e Policisë më herët ka sqaruar se marrëveshja për udhëtim me Rusinë nuk ka kufizim sa i përket kohëzgjatjes së qëndrimit të përgjithshëm brenda një periudhe të caktuar, gjë që në praktikë ka nënkuptuar se qëndrimi mund të zgjatet vazhdimisht.
    Cilat vende mbeten problematike?
    Mali i Zi, që vlerësohet si kandidati më serioz për anëtarësim në BE, është zotuar të vendosë gradualisht viza për të gjitha vendet të cilave BE-ja u ka vendosur viza.
    Komisioni Evropian, në raportin e fundit, konstatoi se Mali i Zi nuk po e harmonizon politikën e vizave me atë të BE-së, duke theksuar se duhet të vendosë viza për nëntë vende që nuk janë në listën e gjelbër:= Azerbajxhanin, Bahrejnin, Bjellorusinë, Kinën, Katarin, Rusinë, Arabinë Saudite, Emiratet e Bashkuara Arabe dhe Turqinë.
    Mali i Zi së fundmi ka vendosur viza për shtetasit turq.
    Harmonizimi i plotë me politikën e vizave të BE-së është kusht përfundimtar në njërin nga dy kapitujt më të rëndësishëm – drejtësia, liria dhe siguria.
    “Harmonizimi i politikës së vizave është çështje urgjente”, theksoi Komisioni.
    Ndryshe, Qeveria e ka arsyetuar më herët mosndjekjen e plotë të politikës së vizave të BE-së me interesat ekonomike në turizëm, i cili përbën 26 për qind të Prodhimit të Brendshëm Bruto të Malit të Zi.
    Sipas saj, Malin e Zi e vizitojnë çdo vit 230.000 shtetas rusë, si dhe 320.000 shtetas turq.
    Për Kinën ka theksuar se merr pjesë në projekte infrastrukturore, ndërsa për katër vendet e Lindjes së Afërt – rritjen e investimeve në Mal të Zi.
    Nga Brukseli disa herë kanë theksuar se interesat ekonomike nuk mund të ketë përparësi ndaj rregullave evropiane dhe detyrimeve të procesit të anëtarësimit.
    Autoritetet malazeze presin që harmonizimi i plotë i regjimit të vizave me rregullat e BE-së të përfundojë deri në fund të vitit 2027.
    Qeveria e Malit të Zi synon që deri në fund të vitit të ardhshëm t’i mbyllë të gjithë kapitujt dhe në vitin 2028 të bëhet anëtare e BE-së.

  • Prokuroria ngre aktakuzë ndaj një burri për sulm kundër pjesëtarëve të KFOR-it në Zveçan

    Prokuroria ngre aktakuzë ndaj një burri për sulm kundër pjesëtarëve të KFOR-it në Zveçan

    Prokuroria Speciale e Kosovës ka ngritur aktakuzë të premten kundër një burri të dyshuar për pjesëmarrje në sulmin kundër pjesëtarëve të KFOR-it dhe Policisë së Kosovës në Zveçan, më 2023.
    Në një njoftim për media, Prokuroria e identifikoi të dyshuarin vetëm si L.M., dhe tha se ai akuzohet për veprat penale, sulm ndaj personit zyrtar dhe pjesëmarrje në turmë që kryen vepër penale dhe huliganizmi.
    “I pandehuri L.M. akuzohet se më 29 maj 2023, në Zveçan, në bashkëkryerje me të pandehur të tjerë, përmes përdorimit të dhunës, kanë sulmuar dhe seriozisht i kanë kanosur ushtarët e misionit paqeruajtës të KFOR-it”, thuhet në njoftim.

    Në aktakuzë thuhet se nga dhuna e ushtruar ishin shkaktuar dëme të konsiderueshme materiale në automjetet e KFOR-it dhe të Policisë së Kosovës.
    Më 29 maj të vitit 2023, 93 pjesëtarë të KFOR-it kishin pësuar lëndime – disa prej tyre lëndime të rënda – pas përleshjes me protestuesit serbë.
    Të lënduar nga kjo përplasje pati edhe në anën e protestuesve.
    Dhuna në Zveçan shpërtheu pasi serbët lokalë kundërshtuan hyrjen e kryetarëve të rinj shqiptarë në ndërtesat komunale në Zveçan, Leposaviq dhe Zubin Potok – komuna në veri të Kosovës, të banuara me shumicë serbe, pas zgjedhjeve lokale të mbajtura më herët po atë vit, që u bojkotuan nga serbët.
    Autoritetet kosovare kanë arrestuar dhe akuzuar dhjetëra të dyshuar për dhunën në Zveçan vitin e fundit.
    Deri tani, disa persona janë dënuar me burgim pas marrëveshjeve me prokurorinë për pranimin e fajësisë në lidhje me dhunën në Zveçan.
    Për dhunën në Zveçan, Kosova e ka fajësuar Serbinë, duke thënë se pas dhunës qëndruan “grupe kriminale të afërta me presidentin e Serbisë, Aleksandar Vuçiq.
    Por, Beogradi e ka hedhur poshtë këtë akuzë, duke thënë se Qeveria e Kosovës po synonte që të shtynte serbët “drejt një konflikti të ri me NATO-n”.
    NATO-ja vazhdimisht ka kërkuar që autorët e dhunës të mbahen përgjegjës./rel

  • “Të pezullohet vendimi i GJKKO për Ballukun”, zbardhet kërkesa e Këshillit të Ministrave dërguar Gjykatës Kushtetuese

    “Të pezullohet vendimi i GJKKO për Ballukun”, zbardhet kërkesa e Këshillit të Ministrave dërguar Gjykatës Kushtetuese

    Është zbardhur kërkesa që Këshillii Ministrave i ka dërguar Gjykatës Kushtetuese ditën e sotme, ku i kërkon pezullimi i vendimit të GJKKO për zv.kryeministren Belinda Balluku.
    Këshilli i Ministrave kërkon që vendimi i GJKKO të pezullohet deri në shqyrtimin e çështjes nga Gjykata Kushtetuese.
    “Konflkti i kompetencës ndërmjet Kryeministrit dhe Këshillit të Ministrave dhe Gjykatës së Posaçme kundër Korrupsionit dhe Krimit të Organizuar (GJKKO), lidhur me pezullimin e ushtrimit të detyrës së anëtarit të Këshillit të Ministrave;

    Shfuqizimi i vendimit nr.118, datë 19.11.2025, të GJKKO-së, për pjesën që ka disponuar vendosjen e masës ndaluese.
    Pezullimin e vendimit të mësipërm të GJKKO-së, deri në përfundimin e gjykimit të kësaj kërkese nga Gjykata Kushtetuese;
    Interpretimin e pikës 3, të nenit 103, të Kushtetutës”, thuhet në shkresen e Këshillit të Ministrave.
    Kujtojmë që një ditë më parë GJKKO vendosi pezullimin nga detyra të zv.kryeminsitres belinda Balluku si dhe ndalimin e daljes jashtë vendit.
    Ndërkohë gjatë ditës së sotme kryeministri Edi Rama gjatë knferencës së përbashkët me komisioneren për Zgjerim, Marta Kos, deklaroi se me ketë vendim të GJKKO, është cënuar pavarësia e pushtetit ekzekutiv, duke marrë kompetencat e një kryeministri, të presidentit dhe të parlamentit.
    Sipas tij everia aktualisht nuk ka zv.kryeministër dhe një ministër të Infrastrukturës në funksionon pas pezullimit nga detyra të Belinda Ballukut, me vendim të GJKKO-së.

  • I shpallur në kërkim nga Shqipëria, arrestohet në Spanjë shqiptari me ID kroate, pritet ekstradimi

    I shpallur në kërkim nga Shqipëria, arrestohet në Spanjë shqiptari me ID kroate, pritet ekstradimi

    Oficerët e Policisë Kombëtare arrestuan në Spanjë një shtetas shqiptar të kërkuar nga autoritetet e Shqipërisë për trafik droge dhe pjesëmarrje në një organizatë kriminale. I ndaluari ishte arratisur nga vendi i tij për t’iu shmangur përballjes me drejtësinë, ku përballet me një dënim që mund të arrijë deri në 30 vite burg.
    Sipas njoftimit të Policisë Kombëtare, arrestimi u krye të premten nga Grupi i Operacioneve për Parandalimin e Krimit. Fillimisht, burri u identifikua si shtetas kroat, por pas verifikimeve rezultoi se ai kishte përdorur dokumente të falsifikuara. Kontrolli i mëtejshëm konfirmoi se ndaj tij ishte lëshuar një urdhër-arresti ndërkombëtar nga Interpoli që nga maji i kaluar, me kërkesë të Gjykatës së Posaçme kundër Korrupsionit dhe Krimit të Organizuar në Shqipëri.
    Hetimet lidhur me aktivitetin e tij kriminal datojnë që nga shtatori i vitit 2020, kur ai zhvilloi komunikime me dy trafikantë droge në lidhje me një ngarkesë që synohej të shpërndahej në Itali. Detyra e tyre ishte analiza e një mostre të lëndës narkotike përpara transportit.

    Më vonë, i arrestuari njoftoi bashkëpunëtorët se autoritetet shqiptare kishin kontrolluar banesën e tij, duke sekuestruar 100 gram heroinë dhe pajisje për bllokimin e sinjalit. Pas këtij aksioni ai u vendos në arrest shtëpiak, por vazhdoi përpjekjet për të fshehur lëndët narkotike dhe për të vijuar aktivitetin e tij të paligjshëm.
    Aktualisht, ai ndodhet në paraburgim në Spanjë, në pritje të procedurave të ekstradimit. Sipas autoriteteve shqiptare, ai akuzohet për trafik narkotikësh në bashkëpunim me një organizatë të strukturuar kriminale, vepra për të cilat rrezikon dënimin maksimal prej 30 vjetësh burg./vizionplus.tv

  • PD: Pas “tunelit” fshihet Rama! Bardhi: Nuk e shkarkon dot Ballukun, pasi janë bashkë në aferën e Llogarasë

    PD: Pas “tunelit” fshihet Rama! Bardhi: Nuk e shkarkon dot Ballukun, pasi janë bashkë në aferën e Llogarasë

    Partia Demokratike akuzoi kryeministrin Edi Rama se është bërë avokat i një zyrtari që është në hetim nga SPAK për abuzim me tenderat publikë.
    Nga selia e PD, nënkryetari i PD Gazment Bardhi deklaroi se kryeministri Edi Rama nuk e shkarkon dot numrin 2 të qeverisë, Belinda Balluku, pasi ai është përgjegjës për tunelin e Llogarasë.
    “Kompaninë fituese të tunelit të Llogarasë e paracaktoi Edi Rama. Dhe siç ndodhen mesazhet e Belindës për zbatimin e një urdhri të kundërligjshëm të shefit të saj, ashtu ndodhen edhe mesazhet e Edi Ramës në telefonin e Belinda Ballukut”, tha Gazment Bardhi.
    Sipas Bardhit, vendimi i kryeministrit për të mos shkarkuar Belinda Ballukun tregon se çfarë i mban bashkë dy figurat më të larta të ekzekutivit.
    “Vendimi i Edi Ramës për të mos shkarkuar Belinda Ballukun është çmimi që shqiptarët po i paguajnë një kryeministri që prej datës 31 tetor nuk e ka më veten në dorë. Por sot, Edi Rama konfirmoi me zë dhe me figurë se është një kukull e Belinda Ballukut. E pandehur nga SPAK, deri tani për dy tendera që së bashku shkojnë në 210 milionë euro”, u shpreh Bardhi.
    Bardhi replikoi në distancë edhe me komisioneren e Zgjerimit dhe vlerësimin e saj për zgjedhjet e 11 majit.
    “Shqiptarët presin që në deklaratat e saj të përcjellë standardet europiane dhe jo të justifikohet korrupsioni i Ramës. Është një deklaratë që turpëron këdo”, deklaroi Bardhi.
    Nënkryetari i PD Bardhi ftoi qytetarët t’i bashkohen protestës së opozitës.

  • Rama kritikon steriotipet për familjet shqiptare në Britani: Besimi i shqiptarëve tek Europa, i palëkundur

    Rama kritikon steriotipet për familjet shqiptare në Britani: Besimi i shqiptarëve tek Europa, i palëkundur

    Kryeministri Edi Rama, në ceremoninë e çeljes së Vitit Akademik 2025-2026 të Kolegjit të Europës, dha një mesazh të fortë mbi sfidat dhe vizionin e projektit europian.
    Ai e cilësoi Shqipërinë si një nga vendet e rralla ku “ëndrra europiane është ende e freskët dhe e pa deformuar”, ndërsa kritikoi stereotipet dhe përdorimin politik të emigracionit shqiptar në disa vende të BE-së.
    “Kemi këtu një pikë horizonti mes asaj se çfarë Europa është dhe çfarë Europa duhet të bëhet. Nuk mund të imagjinoja që një vend kaq simbolik. Shqipëria është një vend shumë i rrallë në Europën e sotme, ku ëndrra Europiane është ende e freskët, ende e paburokratizuar, ende e pa katandisur. Besimi për Europën është kaq i lartë, saqë edhe një veteran i Europës nuk bën dot asgjë, po s’u s kuq si një adoleshent.

    Një ministër europian, i Britanisë, zgjedh që të veçojë 700 familje shqiptare për të fituar pikë politike atje. Faktet janë interesnte, që nga viti 2022 emigracioni i paligjshëm është i papranishëm. Shqiptarët atje janë kontribuues. Zgjerimi dështon kurdoherë që steriotipet lulëzojnë. Nëse Shqipëria beson thellësisht tek projekti europian, është se ne e dimë nën lëkurë se nga çfarë ju ruan dhe ju shpëton Europa.
    Ne kuptojmë terrin që vjen, kur  një vend veçohet nga rrjedha e gjakut. Ja pse kur zgjerimi mbetet në vend, nuk shohim vetëm vonesë politike, shohim vetëm një paralajmërim”, tha kryeministri Rama./vizionplus.tv

  • Rama: Anëtarësimi i Shqipërisë dhe Ballkanit i sjellin paqe Europës, do vazhdojmë punën me reformat

    Rama: Anëtarësimi i Shqipërisë dhe Ballkanit i sjellin paqe Europës, do vazhdojmë punën me reformat

    “Një Europë e ndarë është më lehtë për t’u përçarë dhe e bashkuar ajo bëhet e pamposhtur”. Kështu ka deklaruar kryeministri Edi Rama pasditen e kësaj të premte gjatë fjalës së tij në çeljen e Vitit Akademik 2025-2026 të Kolegjit të Europës në Tiranë.
    Ai këmbënguli në diskursin e tij se Shqipëria dhe Ballkani perëndimor i sjellin paqe dhe bashkim Unionit, pasi nuk është thjesht një proces në letër, por edhe një filozofi historike, pavarësisht nëse vendet do e kenë veton apo votën.
    “Ribashkimi zgjeron paqen. Në historinë e zgjerimit të BE-së, çdo zgjerim nuk ka zgjeruar veten, por paqen. Në shumë lufta e përplasje me njëra-tjetrën, ribashkimi flet për bashkimin e Evropës. Selanik 2023 ishte një angazhim, ribashkimi sjell energji e mundësi të reja. Kështu ka ndodhur me valët e para të zgjerimit dhe kështu do të jetë edhe me ribashkimin e Ballkanit perëndimor me BE-në. Sepse asnjë vend që bëhet anëtar nuk është anëtar pa shfrytëzuar të gjitha energjitë. Ribashkimi mbron Evropën nga vetja. Një Evropë e ndarë është e lehtë për t’u përçarë dhe një Evropë e bashkuar është e vështirë për t’u mposhtur. Këto janë të ilustruara me më shumë fakte”, tha kryeministri mes të tjerash para të pranishmëve, përfshi edhe të gjithë trupën diplomatike të ambasadorëve në Tiranë.

    Ai shtoi se Shqipëria do vijojë punën me reformat dhe rezultatet, pavarësisht durimit të sprovuar.
    “Kur bëhet fjalë për Shqipërinë, ne vazhdojmë me punën tonë dhe rezultatet në reforma, forcimin e institucioneve, durimin e sprovuar, edhe me disa vende e ambasadorë, sikurse Holanda, por tani u jam shumë mirënjohës, atëherë nuk kisha se si të shpjegohesha. Ne kërkojmë Evropën në mënyrë që Evropa të shikojë paqen”, shtoi kreu i qeverisë.
    Ai nënvizoi se edhe pyetjet që disa nga vendet e BE-së ngrenë për zgjerimin mund të jenë të kuptueshme, por kujtoi se zgjerimi duhet të ndodhë, sepse sjell paqen, dhe me Ballkanin Perëndimor, BE-ja do ishte më e bashkuar.
     “Ka disa prej tyre e që pyesin se si mund të marrim më shumë vende të bëhemi 29, 33, 35, kur nuk funksionojmë dot me 27? Po e kanë një argument, por dua të them se duhet t’i lëmë pas egot tona dhe të shohim para, për një Evropë të përbashkët që funksionon më mirë. Nuk flas vetëm për një Shqipëri që vë veton, nuk duhet të këmbëngulësh, ka dhe mënyra të tjera, por duhet të jesh brenda sepse të qenit brenda është ajo që vlen, të tjerat janë procedura. Dhe të mbetesh për gjerat që janë fiksim i tyre se ata nuk i përballojnë dot, është thjesht një fiksim i tyre. Asnjë vend si ne, diktatura e fundit, nuk bërtiti më shumë se “E duam Shqipërinë si gjithë Evropa”, tha Rama mes të tjerash./vizionplus.tv

  • Vuçiç në Masakrën e Sarajevës? Presidenti serb është akuzuar se ka qëlluar mbi civilët

    Vuçiç në Masakrën e Sarajevës? Presidenti serb është akuzuar se ka qëlluar mbi civilët

    Presidenti i Serbisë Aleksandër Vucic po përballet me padi ligjore lidhur me vrasjet e boshnjakëve civilë në rethimin e Sarajevës në fillimin dhe mesin e viteve 90.
    Padia është bërë nga gazetari investigativ kroat  Domagoj Margetić në prokurorinë e Milanos në Itali, e cila ka nisur tashmë një hetim për atë që quhet Gjuetia e Sarajevës ku shtetas të huaj paguanin shuma të mëdha parash për të ushtruar hobin si snajper mbi civilët boshnjak.
    Margetić ka postuar prova në mediat sociale se Vučić, atëherë një vullnetar i ri, ishte i pranishëm në një nga postet ushtarake në Sarajevë nga e cila, sipas dëshmitarëve, snajperistët e huaj dhe njësi ultranacionaliste serbe qëllonin dhe vrisnin boshnjakët e rrethuar në Sarajevë.

    Në pamje të tjera nga viti 1993 shfaqet Vuçiç duke mbajtur një pushkë e duke u përpjekur ti shmanget kamerës.
    Më herët Vucic ka mohuar kategorikisht të ketë qëlluar ndonjëherë  mbi Sarajevën e rrethuar ndërsa nuk ka reaguar mbi akuzat e fundit.
    Prokuroria italiane ka nisur hetimet për të identifikuar shtetasit italianë që mund të kenë marrë pjesë në këtë gjuheti njerëzish ndërsa ka zgjeruar edhe më tej hetimet pas padive të gazetarit dhe ish kryetares së bashkisë Sarajevës.
    Në masakrën ku vdiqën më shumë se 10  mijë njerëz dyshohet se morën pjesë edhe snajperë të tjera nga Franca britania gjermania dhe vende të tjera perëndimore.
    “Turistët e luftës” dyshohet se u lejuan të qëllonin mbi civilët nga milicitë serbe të Bosnjës nën komandën e Radovan Karaxhiç./vizionplus.tv