Lajmidites.com

Author: Top-Channel.tv

  • Rusia teston raketën nëndetëse bërthamore, kërcënon Putin: ‘Poseidon’ ishte një sukses, asgjë të ngjashme me të

    Rusia teston raketën nëndetëse bërthamore, kërcënon Putin: ‘Poseidon’ ishte një sukses, asgjë të ngjashme me të

    Lufta në Ukrainë ka hyrë në ditën e 1,344-të, ndërsa Moska ka bërë një tjetër demonstrim të fuqisë së saj ushtarake.

    Presidenti Vladimir Putin ka njoftuar se Rusia ka testuar me sukses raketën nëndetëse me energji bërthamore “Poseidon”, të cilën e cilësoi si “armën më të fuqishme në nivel global”.
    Sipas kanalit zyrtar në Telegram të Kremlinit, Putin theksoi se fuqia e këtij sistemi tejkalon ndjeshëm raketën më të avancuar ndërkontinentale ruse, Sarmat, duke e përshkruar testin si një “hap të rëndësishëm në forcimin e aftësive strategjike të Federatës Ruse”.
    “Nuk ka asgjë të krahasueshme në botë, as për nga shpejtësia, as për nga thellësia e veprimit. Nuk ekziston asnjë mënyrë për ta kapur atë,” deklaroi presidenti rus, duke shtuar se programi i modernizimit ushtarak të Rusisë po vijon sipas planit.
    “Poseidon”, i projektuar për t’u lëshuar nga nëndetëset bërthamore dhe i pajisur me një kokë bërthamore me fuqi të madhe shkatërruese, konsiderohet një nga armët më të sofistikuara të arsenalit rus.
    Ky zhvillim vjen në një moment tensionesh të rritura ndërkombëtare, teksa Moska thekson se po avancon me armët e gjeneratës së ardhshme, përfshirë raketën tjetër bërthamore “Burevestnik”, e cila sipas autoriteteve ruse ka arritur të përshkojë 14,000 kilometra.
    Ndërkohë, në frontin e luftës, forcat e armatosura të Ukrainës kanë mohuar deklaratat e Putinit se Kupyansk është i rrethuar, duke i cilësuar ato si “trillime dhe fantazi”.

    Top Channel

  • Konsumoi një sasi tabletash, transportohet me helikopter drejt Tiranës 12-vjeçarja nga Delvina

    Konsumoi një sasi tabletash, transportohet me helikopter drejt Tiranës 12-vjeçarja nga Delvina

    Një vajzë 12-vjeçare është transportuar me helikopter nga Delvina në Tiranë, pasi ka konsumuar një sasi tabletash.

    E mitura u transportua nga familjarët në spitalin e Sarandës në gjendje të dehur.
    Vetë vajza ka pohuar se kishte konsumuar nga ilaçet që i përdorte një pjesëtar i familjes.
    Sipas bluzave të bardha dyshohet që 12 vjeçarja ka konsumuar Deparkin që përdoret nga persona me parkinson.

    Top Channel

  • Tragjedi në SHBA, punonjësi i forcave ajrore vret kolegun dhe gruan e tij, në fund i merr jetën edhe vetes

    Tragjedi në SHBA, punonjësi i forcave ajrore vret kolegun dhe gruan e tij, në fund i merr jetën edhe vetes

    Një tragjedi ndodhi të shtunën në Ohajo, të SHBA-së, pasi një punonjës i Forcave Ajrore vrau gruan e tij dhe një toger përpara se t’i merrte jetën edhe vetes.

    Incidenti filloi vonë në mbrëmjen e 24 tetorit, kur Jacob Pritchard, 34 vjeç, hyri me forcë në apartamentin e Komandantit të Togerit të Parë Jamie Gastitus në Sugarcreek Township, ku punonin të dy.
    Sipas policisë, Pritchard vrau nënkolonelin, i cili jetonte vetëm në apartament.
    I dyshuari më pas qëlloi dhe vrau gruan e tij, Jamie Pritchard, 33 vjeç, dhe më pas vrau veten në parkingun e Bashkisë së Qytetit të West Milton. Policia e gjeti Pritchard të vdekur nga një plagë me armë zjarri në orët e para të 25 tetorit, ndërsa trupi i gruas së tij u gjet në bagazhin e hapur të makinës së tyre, raportoi NY Post.
    Në një deklaratë, Forcat Ajrore Amerikane konfirmuan vdekjen e të treve, duke specifikuar se dy punonjësit, Pritchard dhe Gastitus, shërbyen në Laboratorin e Kërkimit të Forcave Ajrore, ndërsa Jamie Pritchard punonte në Qendrën e Menaxhimit të Ciklit Jetësor të Forcave Ajrore.
    “Jemi thellësisht të trishtuar nga kjo ngjarje tragjike. Mendimet dhe lutjet tona janë me familjet dhe kolegët e viktimave”, tha gjeneralja Linda Harry, zëvendëskomandante e Komandës së Materialeve të Forcave Ajrore.
    “Një hetim i plotë do të kryhet dhe Forcat Ajrore do të ofrojnë çdo mbështetje të mundshme për të afërmit dhe kolegët e viktimave”, shtoi ajo.
    Byroja e Hetimeve Penale e Ohajos po heton rastin, me ndihmën e Shërbimit të Hetimeve Speciale të Forcave Ajrore dhe policisë lokale.
    Sipas mediave amerikane, përpara punës së tyre në bazë, Jacob dhe Jamie Pritchard ishin diplomuar në Universitetin Shtetëror Wright dhe bashkëthemeluan një kompani qiraje kabinash fotografike.

    Top Channel

  • Digjet skema mashtruese e shqiptarit për të bërë 8 fëmijë shtetas britanikë, dënohet me burg

    Digjet skema mashtruese e shqiptarit për të bërë 8 fëmijë shtetas britanikë, dënohet me burg

    Një shtetas shqiptar është dënuar me 6 vite burg në Mbretërinë e Bashkuar, pasi falsifikoi dokumente për të ndihmuar në mënyrë të paligjshme dhënien e shtetësisë britanike për tetë fëmijë shqiptarë.

    28-vjeçari Gerald Cera, pjesëtar i një grupi kriminal, u shpall fajtor për konspiracion për ndihmën e imigracionit të paligjshëm, pasi pretendoi se ishte babai biologjik i tetë foshnjave në aplikimet për pasaporta britanike midis shtatorit 2022 dhe gushtit 2024.
    Hetimet zbuluan se Cera kishte dërguar fotografi të sajuara ku shihej duke mbajtur në krahë foshnjat, si dhe kishte përdorur dokumente personale origjinale, përfshirë pasaportën dhe certifikatën e tij të natyralizimit në Mbretërinë e Bashkuar. Pagesat për aplikimet ishin bërë përmes kartave bankare dhe adresave të emailit që mbanin emrin e tij.
    Në seancën gjyqësore të mbajtur në St Albans Crown Court, gjykata e cilësoi mashtrimin si një skemë me “nivel të lartë planifikimi dhe sofistikimi”. Përveç burgimit, Cera është privuar edhe nga shtetësia britanike nga Ministria e Brendshme.

    Sipas autoriteteve britanike, të gjitha pasaportat e fëmijëve të përfshirë janë anuluar. Gjatë hetimeve doli gjithashtu se Cera ishte mik me Petrit Musa, një tjetër shqiptar që muajin e kaluar pranoi fajësinë për mashtrimin me 13 raste të ngjashme të pasaportave për fëmijë shqiptarë.
    Cera u arrestua në aeroportin e Lutonit më 16 shkurt 2025, ndërsa refuzoi të jepte kodet e aksesit për telefonin dhe laptopin e tij, duke u dënuar edhe për mosbashkëpunim me policinë.
    Prokurorja e çështjes, Roma Karampatsi, tha se rrëfimet e tij gjatë hetimit ishin “plot kontradikta”, duke theksuar se veprimet e tij “cenojnë integritetin e sistemit të imigracionit britanik dhe dëmtojnë ata që kërkojnë të hyjnë ligjërisht në vend”.
    Ndërkohë, ministri britanik për Sigurinë e Kufijve dhe Azilin, Alex Norris, përshëndeti vendimin: “Ne nuk do të qëndrojmë duarkryq ndërsa bandat kriminale abuzojnë me sistemin tonë të imigracionit duke shfrytëzuar fëmijët për përfitime financiare. Këto dënime tregojnë se kushdo që përpiqet të manipulojë kufijtë tanë, do të përballet me drejtësinë.”

    Top Channel

  • E vrau në sy të familjes se i preku kalin/ Detaje nga ngjarja e rëndë në Berat, pas krimit 46-vjeçari u fsheh në një shpellë

    E vrau në sy të familjes se i preku kalin/ Detaje nga ngjarja e rëndë në Berat, pas krimit 46-vjeçari u fsheh në një shpellë

    42-vjeçari, Keli Hoxha erdhi të martën me familjen për të vizituar kalanë e Beratit, por u vra nga Kristo Mema në sy të fëmijëve se i preku kalin.

    Gjatë marrjes në pyetje në Polici, autori Kristo Mema ka fajësuar viktimën se i ka shqetësuar kalin pasi i kishte thënë se e kishte të acaruar në atë moment. Me thikën të vendosur në samar, ka goditur 42-vjeçarin që ndodhej në praninë e dy fëmijëve, bashkëshortes edhe nënës.
    Pasi ka kryer aktin, autori zbriti në banesën e tij, një lagje poshtë kalasë ku siç e shihni nga pamjet ka lidhur kalin. Mori disa ushqime dhe u largua drejt shpellës së Memecit ku u fsheh për 4 orë e më pas u gjet nga forcat e policisë. Me arrestimin e Kristo Memës, kali ka mbetur i vetëm në banesë.
    Vrasësi me emër të dytë Kastriot Hoxha kishte precedent penal dhe rrëfimet e komunitetit përreth tregojnë si kjo ngjarje ishte e paralajmëruar.
     

    Top Channel

  • Anija turistike shpërthen në flakë, evakuohen mbi 200 pushues në lumin Nil

    Anija turistike shpërthen në flakë, evakuohen mbi 200 pushues në lumin Nil

    Një anije turistike shpërtheu në flakë në lumin Nil, duke detyruar autoritetet të evakuonin mbi 200 pushues.

    Zjarri besohet të ketë shpërthyer në kuzhinën e anijes, teksa arsyet mbeten ende enigmatike.
    Flakët u përhapën në të gjithë mjetin lundrues dhe shkatërruan plotësisht kabinat, duke detyruar stafin të aktivizonte alarmin e emergjencës.
    Mediat e huaja raportojnë se anija u ankorua për të mundësuar evakuimin e rreth 220 turistëve, të kombësive të ndryshme.
    Procesi i evakuimit rezultoi i vështirë, pasi zjarri kishte shpërthyer në katin e poshtëm.
    “Ishte kaos. Njerëzit nuk dinin çfarë të bënin. Disa pasagjerë arritën të kalonin në vend të sigurt përmes kalimit, të tjerë nuk mund të dilnin as nga kabinat e tyre dhe përfundimisht u shpëtuan nga dy anije të vogla”, thuhet në deklaratat e dëshmitarëve.
    Turistët në bord po merrnin pjesë në ditën e parë të një lundrimi 12-ditor në lumin Nil.
     
     

    Top Channel

  • Rritet bilanci i viktimave nga sulmet në Gaza, mes tyre dhjetëra fëmijë/ Vijojnë kërkimet nën rrënoja

    Rritet bilanci i viktimave nga sulmet në Gaza, mes tyre dhjetëra fëmijë/ Vijojnë kërkimet nën rrënoja

    Sulmet izraelite në Gaza i kanë marrë jetën të paktën 104 palestinezëve, përfshirë 46 fëmijë dhe 20 gra.

    Sulmet, që kanë goditur zona të banuara, shkolla dhe shtëpi, lanë mbi 250 të plagosur.
    Ekipet e shpëtimit po vijojnë kërkimet nën rrënoja për të gjetur të mbijetuar, ndërsa numri i viktimave rritet me kalimin e orëve.
    Sipas raporteve të forcave izraelite, sulmet ishin një përgjigje ndaj shkeljeve të armëpushimit të ndërmjetësuar nga SHBA.
    Izraeli ka goditur dhjetëra objektiva, të cilat i konsideron si vend-strehime terroristësh.
    Nga ana tjetër, Hamasi ka mohuar akuzat për një sulm ndaj trupave izraelite dhe ka dënuar ashpër bombardimet, duke i quajtur ato shkelje të hapura të armëpushimit.

    Top Channel

  • “Tirana zyrtare angazhim të palëkundur drejt anëtarësimit”, Balla lexon deklaratën e përbashkët me BE-në: Vijon mbështetja për Shqipërinë

    “Tirana zyrtare angazhim të palëkundur drejt anëtarësimit”, Balla lexon deklaratën e përbashkët me BE-në: Vijon mbështetja për Shqipërinë

    Në vijim të Takimit të 20-të të Komitetit Parlamentar të Stabilizim Asocimit, Taulant Balla shpalosi raportin e përbashkët me BE-në.

    Në deklaratë theksohet hapja e një zyre përfaqësimi për Ballkanin Perëndimor në Tiranë me vendim të PE, teksa po ashtu u përshëndet bashkëpunimi i ngushtë dhe mbështetja që Evropa i ka dhënë Shqipërisë në rrugëtimin për anëtarësimin në familjen evropiane.
    “Kemi pasur shkëmbime të sinqerta dhe gjithëpërfshirëse mbi një sërë çështjesh të rëndësishme, përfshi negociatat e anëtarësimit të Shqipërisë me Bashkimin Evropian, politikën e jashtme, marrëdhëniet e mira fqinjësore dhe bashkëpunimin rajonal; ecurinë dhe sfidat në sektorët e ekonomisë, energjisë, mjedisit dhe turizmit në Shqipëri; ecurinë dhe sfidat në institucionet e sundimit të ligjit, dhe në luftën kundër korrupsionit e të gjitha formave të krimit; respektimin e të drejtave të njeriut, e të drejtave të pakicave dhe lirinë e medias.
    U fokusuam veçanërisht tek reformat që ende janë shumë të nevojshme për ta çuar Shqipërinë edhe më pranë BE-së, por edhe për të konsoliduar sundimin e ligjit në vend, në dobi të të gjithë qytetarëve të saj. Në këtë drejtim, jemi dakord për nevojën për të pasur legjislacion të mirë, si dhe për zbatimin e tij të qëndrueshëm dhe të intensifikuar.
    KPSA përshëndet angazhimin e palëkundur të Shqipërisë ndaj anëtarësimit në BE, i cili është thelbësor për përparimin e vendit dhe pasqyron mbështetjen e fuqishme të qytetarëve të saj dhe konsensusin e gjerë e të lavdërueshëm mes forcave politike, pavarësisht dallimeve të tyre të zëshme në çështje të tjera. Mirëpresim ambicien për të çuar përpara negociatat e anëtarësimit, e në veçanti ecurinë në hapjen e një numri mbresëlënës të grupkapitujve negociues gjatë dymbëdhjetë muajve të fundit, me pritshmërinë për të hapur grupkapitullin e fundit të mbetur përpara përfundimit të vitit.
    Përshëndesim më tej rreshtimin e plotë të Shqipërisë me politikën e jashtme dhe të sigurisë së BE-së, veçanërisht në reagimin e saj ndaj sfidave globale, dhe ndikimin pozitiv të vendit për stabilitetin rajonal dhe angazhimin proaktiv në nismat e bashkëpunimit rajonal, siç janë Tregu i Përbashkët Rajonal dhe Procesi i Berlinit, të cilat shërbejnë si hapa jetikë drejt integrimit në BE.
    Parlamenti Evropian është i gatshëm të vijojë të ndihmojë Kuvendin ndërkohë që Shqipëria i afrohet anëtarësimit të plotë në BE. Në këtë kuadër, përshëndesim vendimin e Parlamentit Evropian për të hapur në Tiranë zyrën e përfaqësimit të tij për Ballkanin Perëndimor. Theksojmë se kjo përbën njëherësh njohjen e arritjeve të vendit për anëtarësim, si dhe vlerësimin e qytetit si një nga kryeqytetet më tërheqëse dhe më dinamike në këtë pjesë të Evropës.
    Ne gjithashtu përshëndesim nismat që synojnë të mbështesin Kuvendin e Shqipërisë, deputetët dhe shërbimet parlamentare, në forcimin e kapaciteteve parlamentare dhe rolin e tyre në procesin e integrimit në BE. Në këtë drejtim, presim me padurim të bashkëpunojmë ngushtë në fushat e dialogut, konsensusit dhe ngritjes së kapaciteteve për parlamentarët në të gjithë spektrin politik, me një theks të veçantë tek deputetët e rinj dhe fuqizimi i grave.
    Presim me padurim takimin e ardhshëm të KPSA BE-Shqipëri, i cili do të zhvillohet në Bruksel ose në Strasburg, në gjysmën e parë të vitit të ardhshëm”, tha Balla.

    Top Channel

  • Emri/ Kërcënoi me armë policin e zonës, arrestohet 46-vjeçari në Durrës

    Emri/ Kërcënoi me armë policin e zonës, arrestohet 46-vjeçari në Durrës

    Një 46-vjeçar është arrestuar në Durrës, pasi kërcënoi me armë (pistoletë) shërbimet e Patrullës së Përgjithshme të Komisariatit të Policisë Durrës.

    Nga hetimet e deritanishme, dyshohet se 46-vjeçari, Leonart Sheta, ka zbritur nga automjeti, sapo ka parë SPZ-në e zonës, me shërbim, dhe e ka kanosur atë, me armën sportive që mbante pa leje.
    Nga verifikimet e mëtejshme, rezultoi se shtetasi L. Sh. e drejtonte automjetin ku mbante armën, në gjendje të dehur.
    Njoftimi:
    Kanosi me armë, specialistin e Policisë së zonës, arrestohet 46-vjeçari.
    Sekuestrohen arma sportive (pistoletë) dhe automjeti që drejtonte ky shtetas, në gjendje të dehur.
    Pas njoftimit të një specialisti të Seksionit të Policimit në Komunitet të Komisariatit të Policisë Durrës, se në fshatin Katund Sukth, ishte kanosur me armë, shërbimet e Patrullës së Përgjithshme të Komisariatit të Policisë Durrës, të planëzuar me shërbim për monitorimin e kësaj zone, kanë shkuar menjëherë në vendngjarje, ku kanë mundësuar arrestimin e autorit, shtetasit L. Sh., 46 vjeç, banues në fshatin Katund Sukth.
    Nga hetimet e deritanishme, dyshohet se 46-vjeçari ka zbritur nga automjeti, sapo ka parë SPZ-në e zonës, me shërbim, dhe e ka kanosur atë, me armën sportive që mbante pa leje.
    Nga verifikimet e mëtejshme, rezultoi se shtetasi L. Sh. e drejtonte automjetin ku mbante armën, në gjendje të dehur.
    Materialet procedurale iu referuan Prokurorisë së Durrësit, për veprime të mëtejshme.

    Top Channel

  • Shkeljet me hemodializën, Braçe për Spitalin Amerikan: KLSH të auditojë 10 vitet e kontratës. Pagesa janë bërë pa kryer shërbime

    Shkeljet me hemodializën, Braçe për Spitalin Amerikan: KLSH të auditojë 10 vitet e kontratës. Pagesa janë bërë pa kryer shërbime

    Për 3 koncesionet në shëndetësi që marrin miliona euro nga buxheti shtetit, kontrolli bazë, hemodializa dhe sterilizimi deputetët gjatë prezantimit të raportit vjetor të vitit 2024 të KLSH, kërkuan nga ky institucion kryerjen e një auditim dhjetëvjeçar për të hetuar shkeljet.

    Teksa këto kontrata janë drejt përfundimit të afateve, socialisti Erion Brace sugjeroi auditimin e sasisë së shërbimeve të ofruara dhe vlerës së pagesës së dhënë nga shteti.
    “Po lexoj nga raporti edhe për vitin 2023 thuhet në të, kontrata koncesionare “Për ofrimin e hemodializës”, ka rezultuar me pagesa për shërbime të pakryera, konkretisht për 9241 raste nën projeksion dhe 1557 raste mbi projeksion, në shumën 103,527 mijë lekë. Këtë gjetje e kam hasur vazhdimisht në vitet, është e njëjta sjellje vit për vit. Cili është rekomandimi që i keni bërë autoritetit përkatës që monitoron këtë kontratë që ka mbaruar praktikisht? Do doja që të kishim një auditim të plotë të 10-viteve të këtyre kontratave, nga dita e parë deri në fund të këtyre kontratave, që të ndihmohet edhe MSH nëse do i zgjasë, ti lë matanë apo të vazhdojë shërbimi publik”, u shpreh deputeti i PS, Erion Braçe.
    Kontrata e koncesionit të hemodializës ofrohet nga spitali amerikan i biznesmenit kontrovers, Klodian Allajbeu, shkeljet e kësaj kontrate, u përforcuan edhe nga kreu i KLSH, Arben Shehu, i cili tha se qeveria duhet të bëjë një analizë për rikuperimin e dëmit. Ndërsa renditi edhe shkelje të tjera që janë bërë në fushën e shëndetësisë.
    “Për kontratat në shëndetësi kemi kryer veprimet, ua kemi vënë në dispozicion të Kuvendit. Ne jemi shprehur për problematikat, dhe shteti duhet të bëjë një analizë të detajuar për të rikuperuar dëmin brenda afateve të detyrueshme. Në fushën koncesioneve, janë konstatuar shkelje të kritereve të financimit, mangësi në monitorim dhe në vlerësimin e efekteve buxhetore afatgjata. Në disa raste është vijuar me pagesa për shërbime që nuk janë kryer, ose që janë kryer në vëllime më të ulëta se projeksioni. Fenomene të tilla janë vërejtur në kontrata të rëndësishme në fushën e shëndetësisë, ku raportimi i shpenzimeve ka tejkaluar buxhetet e miratuara dhe detyrimet janë likuiduar në kundërshtim me përmbajtjen kontraktore, përfshirë edhe TVSH-në”, shprehet Arben Shehu, kreu i KLSH-së.
    Për raportin e vitit 2024 kreu i KLSH deklaroi se janë kryer 159 auditime ndërsa janë kryer 13 kallëzime penale, të cilat përfshijnë rastet ku auditimi zbuloi veprime ose mosveprime me shkelje të rënda të ligjit.

    Top Channel