Pas seancës që zgjati shtatë orë në Gjykatën Kushtetuese, Erion Veliaj po i drejtohet burgut të Durrësit.
“Ju dua shumë”– tha Veliaj pak para se të hipte në furgonin e policisë, i shoqëruar me forca të shumta policie.
Top Channel
Author: Top-Channel.tv
-
Seanca në GJK, Veliaj: Kryebashkiaku i Rrogozhinës u dënua me burg dhe vijoi detyrën, unë pa akuzë u shkarkova
“Kryetari i Bashkisë së Rrogozhinës është dënuar me 1 vit burg dhe vazhdon kryen detyrën, unë jam i pafajshëm, i paraburgosur dhe shkarkohem nga detyra.
Është më mirë të bësh një krim por sa kohë eviton burgun, apo mos të bësh asnjë krim dhe në ruajtjen e pafajësisë tënde paraburgosesh.
S’ka një vendim të formës së prerë. Kemi standard të dyfishtë. Për dikë të pandehur aplikohet krimi, për dikë të dënuar duhet të presim vendimin përfundimtar”, tha Veliaj.
Lajmi në përditësim…Top Channel
-
Zv.kryeministrja Belinda Balluku merret e pandehur, SPAK reagon zyrtarisht: Akuza për shkelje të barazisë në tendera
Struktura e Posaçme Antikorrupsion ka reaguar zyrtarisht për zv.kryeministren, njëherësh ministre e Infrastrukturës Belinda Balluku, e cila u mor sot e pandehur për shkelje të barazisë në tendera.
Në reagimin zyrtar, prokuroria e posaçme thotë se Balluku po hetohet për veprën penale “Shkelje e barazisë së pjesëmarrësve në tendera apo ankande publike”.
Reagimi i SPAK:
Prokuroria e Posaçme kundër Korrupsionit dhe Krimit të Organizuar po heton në kuadër të procedimit penal nr.136 të vitit 2025 (bashkuar me procedimet penale nr.167 dhe 181 të vitit 2024), për veprën penale,“Shkelje e barazisë së pjesëmarrësve në tendera apo ankande publike”, parashikuar nga neni 258 i Kodit Penal.
Në kuadër të hetimit të këtij procedimi penal, sot, më 31.10.2025 i është njoftuar akuza të pandehurës Belinda Balluku, me funksionin e lartë shtetëror, Ministër i Ministrisë së Infrastrukturës dhe Energjisë, akuzuar për kryerjen e veprës penale,“Shkelje e barazisë së pjesëmarrësve në tendera apo ankande publike”, në bashkëpunim, parashikuar nga nenet, 258/2 dhe 25 i Kodit Penal.
Deri në këtë fazë të hetimeve paraprake, faktet penale, objekt akuze në ngarkim të të pandehurës Belinda Balluku, kanë të bëjnë me veprimet e saj, në cilësinë e Ministrit të Ministrisë së Infrastrukturës dhe Energjisë, për njërën nga procedurat e prokurimit, objekt i këtij hetimi, “Ndërtimi i tunelit të Llogarasë”, në seksionin rrugor Orikum-Himarë, pjesë e autostradës SH8 (Vlorë-Sarandë), zhvilluar në datën 11.12.2020 dhe pas anulimit të saj, procedura është rihapur në datën 22.6.2021, me fond limit, 18 967 810 952.08 (tetëmbëdhjetë miliardë e nëntëqind e gjashtëdhjetë e shtatë milionë e tetëqind e dhjetë mijë e nëntëqind e pesëdhjetë e dy (pikë) zero tetë) lekë pa TVSH.
Më 21.10.2025, Prokuroria e Posaçme, si organ procedues ka njoftuar të pandehurën përmes shkresës me numër protokolli 37398. E pandehura, pasi mori dijeni, ka njoftuar më 23.10.2025, organin procedues se nuk mund të paraqitej në datën dhe orën e caktuar. Me anë të një shkrese tjetër, me numër protokolli 37881, datë 24.10.2025, Prokuroria e Posaçme kërkoi paraqitjen e saj sot, më 31 tetor, në orën 15:00.Top Channel
-
Balluku del nga SPAK pas 40 minutash, zv.kryeministrja: E shoh si proces që do jetë i bazuar në transparencë dhe llogaridhënie
Zëvendëskryeministrja Belinda Balluku ka dalë nga SPAK pasi u mor në pyetje për rreth 40 minuta.
Ajo u shpreh e gatshme për të bashkëpunuar me organin e drejtësisë, për një çështje që është në hetim nga ana e SPAK por nuk dha detaje.
“Në respekt të organeve të drejtësisë, kam pranuar kërkesën e Prokurorisë së Posaçme për një çështje nën hetim. Si një qytetare e Republikës së Shqipërisë dhe si zyrtare, e shoh këtë si një proces që do të jetë i bazuar në transparencën dhe llogaridhënien e drejtësisë që besojmë”, tha Balluku pasi doli nga SPAK.Top Channel
-
Vetëvritet 39-vjeçari në Pogradec, u gjet i varur nga familjarët
Rreth orës 15:20, në fshatin Mëmëlisht të Pogradecit, familjarët kanë gjetur pa shenja jete, në oborrin e banesës, shtetasin T. Xh., 39 vjeç, i cili dyshohet se është vetëvarur.
Nga këqyrja paraprake e trupit nuk janë konstatuar shenja dhune.
Grupi hetimor po vijon punën për sqarimin e plotë të rrethanave të ngjarjes.Top Channel
-
Fatos Nano u nda nga jeta, reagon Bamir Topi: Tejkaloi pozicionin e tij politik për të më votuar si President të Republikës, duke shmangur krizën
Ish-Presidenti i Republikës, Bamir Topi, i është bashkuar homazheve për ish-kryeministrin e Shqipërisë, Fatos Nano, i cili u nda nga jeta pasditen e kësaj të premte.
“Keqardhje për ndarjen nga jeta të z. Fatos Nano.
Nano ishte një politikan qytetar, liberal dhe komunikues modern në politikë e në shoqëri.
Sjellja e tij politike me kundërshtarët ishte plot predispozicion për dialog e kompromis.
Personalisht i jam mirënjohës, pasi tejkaloi pozicionin e tij politik për të më votuar si President të Republikës, duke shmangur krizën politike e kushtetuese.
U prehtë në paqen e përjetshme!”, shkruan ish-presidenti Bamir Topi.Top Channel
-
Ndarja nga jeta e ish-kryeministrit Nano, reagojnë deputetët e Partisë Socialiste: Njeriu i betejave dhe vendimeve të forta
Deputetët e Partisë Socialiste kanë reaguar pas ndarjes nga jeta të ish-kryeministrit Fatos Nano me anë të disa postimeve në rrjetet sociale.
Damian Gjiknuri: “Me modelin e tij liberal, udhëhoqi Partinë Socialiste dhe në tërësi të majtën shqiptare, duke e kthyer në një forcë politike të shëndetshme, moderne e progresiste. Si kreu i qeverisë, Fatos Nano drejtoi vendin në momente të vështira, kur duhej ringritur shteti i gjunjëzuar në të gjitha hallkat e tij. Njeriu i betejave dhe vendimeve të forta ashtu sikurse i kompromiseve dhe marrëveshjeve si mjeti më efektiv i të bërit politikë. Ngushëllime të sinqerta familjes, miqve dhe dashamirësve!”, shkruan Gjiknuri.
Ulsi Manja: “Ka politikanë që përfaqësojnë kohën ku jetojnë dhe ka të tjerë që përfaqësojnë epoka. Fatos Nano ishte ndarja mes dy botëve: aty ku mbaroi frika e komunizmit dhe nisi debati për demokracinë. Lamtumirë, Kryetar!”.
Evis Kushi: “Trishtim për ndarjen nga jeta të Fatos Nanos, themelues i së majtës moderne dhe udhëheqës vizionar përballë sfidave të mëdha në kohë të vështira. Fjalët janë pak për të përshkruar kontributin e Fatos Nanos në rindërtimin demokratik të Shqipërisë. Trashëgimia e tij do të jetojë gjatë në historinë e kombit shqiptar!”.
Albana Koçiu: “Lamtumirë kryetar”.Top Channel
-
Fatos Nano humbi jetën, reagon kryekomisioneri Celibashi: Lamtumirë një prej udhëheqësve më të veçantë të Shqipërisë
Ish-kryeministri i Shqipërisë, Fatos Nano, u nda nga jeta pasditen e kësaj të premteje.
Ngushëllimeve i është bashkuar edhe kryekomisioneri i KQZ-së, Ilirjan Celibashi.
“Bashkohem me dhimbjen e familjarëve dhe miqve, për t’i dhënë lamtumirën një prej udhëheqësve më të veçantë të Shqipërisë, Fatos Nano”, shkruan Celibashi.Top Channel
-
Ndarja nga jeta e Fatos Nanos, reagon Edi Rama: Lamtumirë kryetar
Kryeministri Edi Rama ka reaguar pas lajmit të ndarjes nga jeta të liderit historik të PS, Fatos Nano.
Në një postim në Facebook, Rama shkruan: Lamtumirë kryetar
Prej disa kohësh Nano ndodhej në reanimacion në një prej spitale private të vendit ku po mbahej nën kujdesin e mjekëve, teksa gjendja shëndetësore u rëndua gjatë ditëve të fundit. Ai ka pësuar një arrest kardiak, ndërkohë që më herët është kuruar edhe për probleme me frymëmarrjen.
Top Channel
-
Nano humb betejën me sëmundjen, reagon kreu i grupit të PS, Balla: U prehsh në paqe shef
Kreu i grupit parlamentar i PS, Taulant Balla, ka reaguar pas ndarjes nga jeta të liderit historik të Partisë Socialiste, Fatos Nano.
“Sot e humbëm Kryetarin Nano, Do ta kujtojmë gjithmonë udhëheqësin e parë të Partisë Socialiste Fatos Nano për kontributin vendimtar në 14 vite me radhë kur Partia Socialiste nuk lëvizi asnjë moment nga graviteti i interesit kombëtar, çka u skalit si një vijë sjelljeje e palëkundur e partisë sonë, duke e bërë unikale mes partive politike në Shqipëri.
Fatos Nano modernizoi Shqipërinë, duke modernizuar partinë. Faleminderit për mundësinë që më dhe të mësoj shumë prej teje, U prehsh në paqe shef”, shkruan Balla.Top Channel