Lajmidites.com

Author: Top-Channel.tv

  • “Ngrije kokën o Sali, e ke tradhtuar vendin sa herë ke pasur mundësi”/ Balla përplaset me opozitën në Kuvend: Guxoni dhe thojini gjyshes që…

    “Ngrije kokën o Sali, e ke tradhtuar vendin sa herë ke pasur mundësi”/ Balla përplaset me opozitën në Kuvend: Guxoni dhe thojini gjyshes që…

    Kreu i Grupit Parlamentar të PS-së, Taulant Balla, u përplas në Kuvend me opozitën, duke i akuzuar se do të votojnë kundër rritjes së pensioneve dhe buxhetit për rimbursimin e spitaleve me ilaçe.

    Ai gjithashtu u përplas me kryetarin e Partisë Demokratike, Sali Berisha, duke e akuzuar se gënjeu rreth përkatësisë së shumëfishtë.
    “Pusho ti (Balliut). E kam me atë. Ngrejë kokën o Sali. Sa i përket përkatësisë së shumëfishtë, ti gënjeve. Mitra dhe vëllezër, burra dhe gra të këtij vendi, përkatësia e shumëfishtë është kur unë jam një vajzë e dhunuar, e abuzuar seksualisht, rime, jetoj në një zonë periferike të Shqipërisë, dhe përkatësia është për një vajzë që i kanë rënë të gjitha këto halle.
    Namusqarë frikacakë, sepse këtu është e shkruar sipas ligjit që ke firmosur o zotrrote. Z.kryetar i Kuvendit e di që ju nuk e dënoni, por unë nuk e pranoj dot. Kur janë dy këtu që lehin, sepse këtu ose vihet një rregull që kur flasim ne flasim ne dhe kur flisni ju flisni ju.
    Ti, ta tregoj unë, mos bëj atë zhurmën që bën nëpër studio.
    Ky buxhet është tre herë më i madh se ai që le ti kur ike. Do votoni kundër 130 mln euro për rimbursimin e medikamenteve? Shko thuaja gjyshes tënde. Gjyshe jam kundër rritjes së pensionit tënd. Guxo e thuaja gjyshes.
    Ju, që në asnjëherë në historinë e këtij vendi nuk e keni dashur atdheun, sepse e keni tradhtuar sa herë keni pasur mundësi.

    Top Channel

  • “Buxheti më i madh në historinë e Shqipërisë”, Balla: Qeveria e mbajti fjalën për pensionistët, përfitojnë edhe Policia e Garda

    “Buxheti më i madh në historinë e Shqipërisë”, Balla: Qeveria e mbajti fjalën për pensionistët, përfitojnë edhe Policia e Garda

    Kreu i Grupit Parlamentar të Partisë Socialiste, Taulant Balla, foli në Kuvend rreth miratimit të buxhetit, duke u shprehur se si do të ndahet te pensionistët, duke u shprehur dhe se do të përfitojë edhe Policia e Garda.

    “Në emër të grupit parlamentar të PS-së, dua sot të përgëzoj qeverinë për sjelljen në Kuvend jo vetëm të buxhetit më të madh në historinë e Shqipërisë, por mbi të gjitha mbi faktin se kjo shumicë, kryeministri dhe qeveria, e mbajtën fjalën që iu dhanë pensionisteve dhe populli shqiptar na besoi si asnjëherë më 11 maj lër të rritur me këtë buxhet që u arrit sot. Bashkëndani dhe ju me ne që Shqipëria nuk është më ai vendi që mezi rri në këmbë dhe jemi shumë krenarë që të themi se fjalën që dhamë e mbajtëm dhe sot jemi në ditën kur zyrtarisht në Kuvendin e Shqipërisë komunikojmë shifrat historike të këtij vendi.
    Pensionistët jo vetëm që do të marrin bonusin e fundvitit, por do të kemi një rritje më të shtrirë gjatë vitit 2026, por deri në fund të këtij mandati pensioni të shkojë si më poshtë:
    Pensioni urban për ata me vite të plota pune: 400 mijë lek
    Pensioni urban iu mesëm: 250 mijë lekë
    Pensioni rural: 180 mijë lekë
    Pensioni familjar: 180 mijë lekë
    Pensioni i invaliditetit: 130 mijë lekë.
    Sot flasim para jush vetëm për rritjen që është parashikuar në buxhet. Pensioni urban do të rritet çdo muaj me 1800 lekë.
    Rroga minimale do të shkojë 500 euro. Pensionistët do marrin 100 mln euro më shumë, totali i rritjes buxhetore për pensionistët shkon1 .7 miliardë euro. Sa i përket pagave, jam shumë krenar si kryetar i grupit ti jap lajmin e mirë punonjësve të policisë dhe gardës, që ajo që nuk arritëm vitin e kaluar, ndodh në këtë buxhet. Ministri i Financave bëri prezantimin siç prezanton rregullorja, buxheti të diskutohet në parim në seancën e datës 19 nëntor dhe 11 dhjetor duhet të votohet nen për nen në tërësi. Duke votuar për këtë buxhet, votoni edhe për prindërit tuaj pensionist dhe punonjësit që mëzor presin rritjen e pagave”, tha Balla.

    Top Channel

  • “Respektojmë orientimin seksual të çdo njeriu, por…”, Berisha shigjeton ambasadorin Gonzato: Është personale, të tregojë cila direktivë e BE na imponon përkatësinë e shumëfishtë gjinore

    “Respektojmë orientimin seksual të çdo njeriu, por…”, Berisha shigjeton ambasadorin Gonzato: Është personale, të tregojë cila direktivë e BE na imponon përkatësinë e shumëfishtë gjinore

    Pak para se t’i drejtohej Kuvendit, Sali Berisha ka folur jashtë ku po zhvillohej protesta kundër projektligjit për barazinë ligjore, i cili do të diskutohet sot në parlament.

    Kryetari PD ka reaguar pas deklaratës së ambasadorit të Bashkimit Europian Silvio Gonzato, i cili bëri thirrje për miratimin e këtij projektligji.
    “Respektojmë orientimin seksual të gjithsecilit”-tha Berisha, por ky ligj sipas tij është kundër familjes.
    -BE ka bërë thirrje që të votohet ligji
    Sali Berisha: Ambasadorit të BE i them kaq, zotëri ne absolutisht ne respektojmë orientimin seksual të gjithsecilit, por përpjekjet tua për t’i imponuar shoqërisë shqiptare standarde të përkatësisë së shumëfishtë gjinore, të gjinisë në diversitet të gjerë, përveç asaj binare, dhe i them këtu, edhe në statusin tënd je binar.
    Nuk merremi ne me trajtimin, ka fëmijë, ka pasur grua, ka marrë vendimet e tij më pas, siç e ka shpjeguar, se nuk dua të merrem me jetën e tij personale fare. Kështu që ligji nuk ka asgjë të përbashkët. Le t’u thotë shqiptarëve se cila direktivë e BE bën fjalë për përkatësi të shumëfishtë gjinore. Të dalë, ta nxjerrë aty.

    Top Channel

  • Tensione në Kuvend/ Peleshi i ndërpret fjalën, Berisha i shkon afër, rrethohet nga Garda

    Tensione në Kuvend/ Peleshi i ndërpret fjalën, Berisha i shkon afër, rrethohet nga Garda

    Mes tensionesh u miratua kalendari për projektligjin e buxhetit.

    Pas miratimit, kreu i PD, Sali Berisha, mbajti fjalën e tij ë foltore, ku tha se nuk ka ndodhur që paketa buxhetore të vijë në Kuvend pa paketën fiskale.
    Pasi i mbaroi koha, kryetari i Kuvendit, Niko Peleshi i ndërpreu fjalën, por Berisha iu afrua afër dhe kjo solli rrethimin nga Garda.
    “Të dashur qytetarë dhe qytetare, e dëgjuat vetë që kreu i tyre me 5 mbiemra kërkon që shpjegimi i votës të bëhet para se të votohet.
    Kjo kërkesë shpreh të gjithë brendinë psikike, ideologjike, identitare të këtij grupi parlamentar që pranon në krye një person si ai, i cili me një ndërhyrje të tillë tregon se nuk njeh asnjë ligj, asnjë parim, asnjë normë.
    Por unë jam këtu për të thënë dy fjalë.
    Në historinë e një vendi kurrë nuk ndodh që paketa buxhetore të vijë pa paketën fiskale.Sepse është vetëm paketa fiskale burimi i krijimit të atij buxheti.
    Kurse ju sillni këtu statistikat kallpe, false për të mashtruar shqiptarët.
    Sidoqoftë, para kryeministrisë, qytetarët shqiptarë janë të vendosur të rrisin një betejë në kushte të pabarabarta, por një betejë në të cilën kanë të gjitha të drejtat.“, u shpreh ai.

    Top Channel

  • I dënuar me mbi 5 vite burg nga GJKKO për pjesëmarrje në një grup kriminal, arrestohet 28-vjeçari në Fushë Milot

    I dënuar me mbi 5 vite burg nga GJKKO për pjesëmarrje në një grup kriminal, arrestohet 28-vjeçari në Fushë Milot

    Është vënë në pranga një 28-vjeçar, i dënuar me burg nga GJKKO për pjesëmarrje në një grup kriminal.

    Gjatë operacionit u kap në Fushë Milot, Kurbin, dhe u vu në pranga shtetasi:
    Hashim Lama, 28 vjeç, banues në Milot, Kurbin.
    Ky shtetas ishte shpallur në kërkim, pasi Gjykata e Shkallës së Parë për Korrupsionin dhe Krimin e Organizuar e ka dënuar me 5 vjet e 4 muaj burgim, për veprat penale “Grupi i strukturuar kriminal” dhe “Kultivimi i bimëve narkotike”, kryer në formën e grupit të strukturuar kriminal.
    Materialet procedurale iu referuan SPAK-ut, për veprime të mëtejshme.

    Top Channel

  • “Deputetë, mos votoni kundër fëmijëve”/ Protestë kundër projektligjit për barazinë gjinore para Kuvendit

    “Deputetë, mos votoni kundër fëmijëve”/ Protestë kundër projektligjit për barazinë gjinore para Kuvendit

    Pak para nisjes së seancës plenare, dhjetëra qytetarë janë mbledhur para godinës së Kuvendit, për të protestuar kundër projektligjit për barazinë gjinore. 

    Protesta është thirrur nga “Koalicioni Shqiptar pro Familjes dhe Jetës”. Me pankartat “deputetë, mos votoni kundër fëmijëve”, “projektligji i barazisë gjinore, anti-familje”, “largoni duart nga fëmijët”, ata kërkojnë të mos miratohet projektligji.

    Top Channel

  • Nënstacioni “Tirana 2”, ministrja Balluku: Shqipëria drejt lidhjes direkte me Italinë përmes një linje nënujore energjie

    Nënstacioni “Tirana 2”, ministrja Balluku: Shqipëria drejt lidhjes direkte me Italinë përmes një linje nënujore energjie

    Ministrja e Infrastrukturës dhe Energjetikës, Belinda Balluku ishte këtë të enjte në nënstacionin “Tirana 2”, ku është investuar për rritjen e kapaciteteve transmetuese, të cilat garantojnë përmirësim të furnizimit me energji për rajonin e Durrësit dhe të gjithë zonën Jugperëndimore.

    “Jemi në një nivel të kënaqshëm sa i përket humbjeve. Por unë e them gjithmonë në të gjitha takimet ndërkombëtare që kemi që padyshim, pjesa e operatori të transmetimit është pjesa më e rëndësishme që ka sistemi energjetik i një vendi, pasi është edhe ajo që na lidh me rajonin e fqinjët”, tha ndër të tjera zv.kryeministrja Balluku.
    Ajo gjithashtu shtoi: “Duhet thënë që volumet e energjisë elektrike janë rritur shumë në të gjithë rajonit, sidomos gjatë periudhës së verës, duke qenë së Shqipëria është një vend që numri i vizitorëve i shtohet numrit të banorëve duke e rritur me disa fish atë, edhe kërkesën për energji. Dhe gjithë transmetimi që ndodh nga Greqia në Shqipëri dhe anasjelltas, apo edhe linja e Malit të Zi që përdoret për eksportet në Itali janë gjithmonë të ngarkuara. Kjo është arsyeja pse Republika e Shqipërisë, prej kohësh përmes ministrisë së Infrastrukturës dhe Energjisë është ulur në tryezën e negociatave me ministrinë italiane për të diskutuar për ndërtimin e linjës nënujore që do të lidhë Shqipërinë direkt me brigjet italiane”.

    Top Channel

  • Kërkon prishjen e vendimeve të GJKKO-së dhe Apelit, caktohet data e shqyrtimit për Ilir Beqaj

    Kërkon prishjen e vendimeve të GJKKO-së dhe Apelit, caktohet data e shqyrtimit për Ilir Beqaj

    Ish-ministri i Shëndetësisë, Ilir Beqaj, do të dalë në Gjykatën e Lartë më 23 dhjetor, në orën 10:00, ku do të shqyrtohet çështja e tij në lidhje me vendimet e mëparshme të Gjykatës së Posaçme kundër Korrupsionit dhe Krimit të Organizuar (GJKKO) dhe Apelit të Posaçëm.

    Sipas dokumentit zyrtar, të siguruar nga gazetarja e Top Channel, Anila Hoxha, kërkohet shfuqizimi si i papajtueshëm me Kushtetutën i disa vendimeve të mëparshme të GJKKO-së dhe kthimi i çështjes për rigjykim në shkallë të parë.
    Çështja është regjistruar nga Prokuroria e Posaçme (SPAK) dhe pritet që seanca në dhjetor të jetë vendimtare për vijimin e procesit ndaj ish-ministrit.

    Top Channel

  • “Na ka dalë nami se jemi të dhunshëm, ne duam pa kushte”/ Rama nderon rektorin e Universitetit BOKU të Vjenës: Do ikësh nga kjo botë si austriak dhe si shqiptar

    “Na ka dalë nami se jemi të dhunshëm, ne duam pa kushte”/ Rama nderon rektorin e Universitetit BOKU të Vjenës: Do ikësh nga kjo botë si austriak dhe si shqiptar

    Kryeministri Edi Rama ka nderuar me Yllin për Mirënjohje Publike, profesorin Hubert Hasenauer, rektor në Universitetin BOKU në Austri,  për kontributin dhe përkushtimin e tij në transformimin e UBT (Universitetit Bujqësor të Tiranës) sipas modelit të Vjenës. 

    “Austria nuk e pa kurrë Shqipërinë si periferi, por si një dritë që nuk duhej lënë të fikej. Qysh në kontaktin e parë me Austrinë, e kam ndjerë këtë gjë. Është filli i gjatë që lidh marrëdhënien mes Austrisë dhe Shqipërisë.
    Na ka dalë nami se jemi pak të dhunshëm, pro ne kur duam, duam pakushte dhe me pahir. Kështu që nuk ke nga lëviz fare, sot jeni një tjetër xhevahir në vargun e gjatë të gjerdanit të miqësisë dhe lidhjes me Austrinë. Pa asnjë diskutim, nesër do të përmendeni në këtë komunitet shpirtrat që ndihen kësaj lidhjeje që po kontribuoni për ta bërë më të fortë.
    Unë personalisht së bashku me rektorin, me ministren dhe ekipin e Universitetit Bujqësor, ju jemi thellësisht dhe përgjithmonë mirënjohjes. Do dëshiroja të vinit pranë meje për të marrë yllin e mirënjohjes. Nuk do ikësh nga kjo botë si austriak, por do ikësh si austriak dhe si shqiptar.”-u shpreh Kryeministri Rama.

    Top Channel

  • Emri/ Përvetësoi 20 milionë lekë nëpërmjet mashtrimit, Prokuroria Vlorë lëshon masë arresti për avokatin

    Emri/ Përvetësoi 20 milionë lekë nëpërmjet mashtrimit, Prokuroria Vlorë lëshon masë arresti për avokatin

    Prokuroria e Vlorës ka lëshuar masën e arrestit për një avokat, i cili ka përvetësuar 20 mln lekë nëpërmjet mashtrimit.

    Prokuroria pranë Gjykatës së Shkallës së Parë të Juridiksionit të Përgjithshëm Vlorë kërkoi arrestimin e shtetasit Delo Meçani me profesion Avokat pranë Dhomës së Avokatisë, për veprat penale“Mashtrimi me pasoja të rënda”, “Falsifikimi i dokumenteve” dhe “Pastrimi i produkteve të veprës penale ose veprimtarisë kriminale parashikuar nga neni 143, pg.3, 186 dhe 287 i Kodit Penal.
    Në kuadër të hetimeve mbi procedimin penal nr.1340, datë 24.11.2024, mbi bazën e kallëzimit me shkrim të shtetasit S.S dhe B.E. dhe nga tërësia e veprimeve hetimore të kryera dhe provave të administruara në kuadër të këtij procedimi penal, rezultoi se ekziston dyshimi i arsyeshëm, i bazuar në prova se shtetasi D.M ka përvetësuar pasurinë e viktimave të veprës penale S.S dhe B. E, në vlerën 19.200.000 lekë (të reja) duke përdorur gënjeshtrën dhe shpërdoruar besimin e viktimave, me qëllim për të përfituar padrejtësisht vlerat monetare dhe duke konsumuar elementët e veprës penale “Mashtrimi me pasoja të rënda dhe më shumë se një herë”, parashikuar nga neni 143, pg.2 dhe pg.3 i K.Penal.
    Gjithashtu duke marrë në konsideratë lëvizjet e kryera në llogarinë bankare ku menjëherë pas kalimit të shumës së parave në llogari bankare nga përmbaruesi, personi nën hetim ka kaluar një pjesë te konsiderueshme të tyre (2.000.000 lekë) në llogarinë e shtetasit E.A me përshkrimin këst për blerje apartamenti ka të dhëna të mjaftueshme për të dyshuar se personi nën hetim ka konsumuar edhe elementët e veprës penale të parashikuar nga neni 287 i K.Penal.
    Sa më sipër, Prokuroria pranë Gjykatës së Shkallës së Parë të Juridiksionit të Përgjithshëm Vlorë me datë 04.11.2025 i ështe drejtuar Gjykatës së Shkallës së Parë të Juridiksionit të Përgjithshëm Vlorë me kërkesë për caktimin e masës së sigurimit personal “arrest në burg” per shtetasin D.M.
    Gjykata e Shkallës së Parë e Juridiksionit të Përgjithshëm Vlorë me vendimin nr. 561, datë 05.11.2025 ka caktuar masen e sigurimit “arrest ne shtepi” parashikuar nga neni 237 i K.Proc.Penale, mase e cila është ekzekutuar datë 06.11.2025.

    Top Channel