Lajmidites.com

Author: Top-Channel.tv

  • “Tatimorët bëjnë ‘të fortin’ me të dobëtin”, Braçe në Kuvend: Gjobë 8.2 milionë lekë për 15 kg gjizë

    “Tatimorët bëjnë ‘të fortin’ me të dobëtin”, Braçe në Kuvend: Gjobë 8.2 milionë lekë për 15 kg gjizë

    Deputeti socialist Erion Braçe solli në Kuvend një sërë shembuj konkretë nga raporti vjetor i Kontrollit të Lartë të Shtetit për vitin 2024, duke denoncuar sjelljen abuzive dhe klienteliste të disa zyrtarëve në Drejtoritë e Doganave dhe Tatimeve.

    Në fjalën e tij, Braçe përmendi një rast të pazakontë gjatë një kontrolli tatimor në periferi të Tiranës, ku një biznes i vogël ishte gjobitur me 8.2 milionë lekë të vjetra për 15 kilogramë gjizë të gjetura pa faturë tatimore.
    “Në momentin e kontrollit, rezulton se nuk kishte faturë për gjizë me çmim 229 lekë për kilogram. Dhe gjoba është 822 mijë lekë të reja. Për 15 kile gjizë! Ky është abuzim,” – u shpreh Braçe, duke lexuar dokumentin zyrtar të raportit nga foltorja e Kuvendit.
    Sipas tij, raporti i KLSH-së ka zbuluar problematika të theksuara në prokurimet publike, klientelizëm në Dogana, si dhe vonesa në arkëtimin e borxheve tatimore. Deputeti theksoi se shpesh zyrtarët tatimorë dalin jashtë çdo sistemi kontrolli, duke shmangur kamerat apo GPS-in gjatë inspektimeve.
    “KLSH ka bërë një punë të mirë, sepse evidenton raste ku organet fiskale sillen egër me të dobëtin dhe bëjnë sikur nuk shohin kur bëhet fjalë për të mëdhenjtë,” – shtoi ai.
    Në vijim, Braçe iu përgjigj edhe akuzave të opozitës, sipas të cilave “janë vjedhur 900 milionë euro në nëntë muaj”, duke i cilësuar këto deklarata si “gënjeshtra patologjike”.
    “KLSH është institucion që punon mbi bazë faktesh, jo thashethemesh. Në raport nuk ekziston asnjë shifër e tillë. Të thuash se u vodhën 900 milionë euro në një vit është lajthitje ose mashtrim i qëllimshëm,” – tha Braçe.
    Deputeti theksoi se të gjitha rastet e evidentuara nga KLSH janë përcjellë për hetim në SPAK, ndërsa kërkoi që raportet e institucionit të përdoren për të ndërtuar një administratë më të drejtë dhe më transparente, e jo për qëllime politike.

    Top Channel

  • Në 10 muaj 92 policë në pranga, i fundit polici rrugor që mori 60 mijë lekë ryshfet për të mos bllokuar makinën

    Në 10 muaj 92 policë në pranga, i fundit polici rrugor që mori 60 mijë lekë ryshfet për të mos bllokuar makinën

    Një punonjës i policisë rrugore të Durrësit u vu në pranga nga agjencia e mbikëqyrjes policore pasi u faktua se merrte para për të shkelur ligjin.

    Mbrëmjen e së mërkurës teksa ishte në shërbim I kërkoi 600 mijë lek një qytetari që të mos ja bllokonte makinën dhe të mos i vendoste gjobë.
    Mirëpo gjithë lëvizjet për të faktuar marrjen e ryshfetit nga polici Gentian Hoxhalli u monitoruan edhe nga SPAK I cili autorizoi arrestimin e tij në Flagrance.
    Në cilësinë e provës materiale u sekuestrua dhe zarfi me paratë i fshehur në sedilen e makinës që sipas ligjit duhej të bllokohej.
    Shifrat e publikuara nga Agjencia e Mbikëqyrjes Policore tregojnë se brenda forcës që duhet të ruajë rendin, po shtohen zërat që llogariten në dosje penale.
    Vetëm në dhjetë muajt e parë të këtij viti 92 punonjës policie kanë rënë në pranga kryesisht për shpërdorimi i detyrës, korrupsion dhe veprimet arbitrare.
     
     

    Top Channel

  • “E prita Veliajn, por nuk erdhi”/ Aulon Kalaja: Seanca u shty më 12 nëntor, kryebashkiaku duhet të vijë nga burgu në gjykatë

    “E prita Veliajn, por nuk erdhi”/ Aulon Kalaja: Seanca u shty më 12 nëntor, kryebashkiaku duhet të vijë nga burgu në gjykatë

    Këtë të enjte është shtyrë seanca në Gjykatën e Tiranës, për padinë për shpifje që Kryetari i Bashkisë Tiranë, Erion Veliaj, ka bërë ndaj Aulon Kalasë.

    Në një reagim në rrjetet sociale, Aulon Kalaja shprehet se Veliaj nuk u paraqit sot në gjykatë, por do të jetë në seancën e radhës më 12 nëntor.
    “Të nderuar miq, sipas fletë-thirrjes, u paraqita në Gjykatën e Tiranës, Dhoma Penale, për t’u përballur me padinë për shpifje që, Kryetari i Bashkisë Tiranë, Erion Veliaj, ka bërë ndaj meje.
    I pregatitur me fakte dhe prova dhe duke mos u tërhequr nga asnjë deklaratë publike e imja, prita Kryetarin e Bashkisë Tiranë Erion Veliaj, në gjykatë, por ai nuk erdhi.
    Gjyqtarja e çështjes e shtyu seancën me datë 12 nëntor, ora 12:00, duke vendosur se Veliaj duhet të vijë nga burgu dhe të dalë para gjykatës. Kësisoj të mos shmanget nga padia që e ngritur po vetë dhe është ndjerë i fyer dhe i lënsuar. Në rast se nuk vjen cilësoi gjyqtarja, çështja do të pushohet, sipas ligjit.
    Ndërkohë unë pres përballje dhe nuk do të bëj asnjë hap pas. Do të ndahet një herë e mirë se kush është shpifës dhe përse hapen të tilla çështje ndaj meje në gjykatë“-shkruan Kalaja.

    Top Channel

  • “Nuk di të ziejë një vezë”/ Sarkozy me “dietë” në qeli, ish-presidenti refuzon ushqimin e burgut sepse ka frikë nga helmimi

    “Nuk di të ziejë një vezë”/ Sarkozy me “dietë” në qeli, ish-presidenti refuzon ushqimin e burgut sepse ka frikë nga helmimi

    Plani i dietës që ndjek ish-presidenti i Republikës Franceze ndërsa është i burgosur në burgun Sante në Paris ka shkaktuar shqetësim në rrethin e ngushtë të Nicolas Sarkozy-t.

    Duke mbetur pas hekurave që nga 21 tetori, Sarkozy ka vendosur të ndjekë vetë një regjim të veçantë dietik, sipas medias franceze Le Point.
    Duke kuptuar ndjenjat armiqësore që shumë nga të burgosurit e tjerë kanë ndaj tij, ai refuzon të prekë pjatën që i serviret në qeli. Sipas burimeve të cituara nga media, Sarkozy ka frikë se dikush i ka pështyrë ushqimin, nëse jo diçka më të keqe… helm.
    Ajo që e bën problemin edhe më të madh është se ish-presidenti e ka “djegur” alternativën tjetër ndaj ushqyerjes së tij në burg, përkatësisht të sigurojë lëndë të para nga mensa dhe të përgatisë ushqimin vetë: “Ai as nuk di të ziejë një vezë!”, zbulon një person nga rrethi i tij i ngushtë. “Dhe, që nga fillimi, ai e refuzon atë”.
    Kështu, që nga dita e arrestimit të tij 2.5 javë më parë, Nicolas Sarkozy ka ngrënë vetëm kos. Ajo që mbetet për t’u parë është nëse ky agjërim i veçantë që po mban ish-presidenti do të “ndikojë” te gjyqtari, i cili më 10 nëntor do të thirret për të vendosur për lirimin e tij.
    Kujtojmë se Sarkozy po vuan një dënim me pesë vjet burg për financimin e supozuar të fushatës së tij zgjedhore të vitit 2007 nga Libia. Dy oficerë policie të armatosur janë thirrur për ta mbrojtur atë brenda burgut në mënyrë 24-orëshe.
    Ministri i Brendshëm francez Laurent Nunez tha se ky vendim u mor për shkak të një kërcënimi për jetën e Sarkozysë, natyrën e të cilit ai nuk e specifikoi.

    Top Channel

  • Aksident në Malësinë e Madhe, plagosen drejtuesit e dy automjeteve

    Aksident në Malësinë e Madhe, plagosen drejtuesit e dy automjeteve

    Një aksident rrugor është regjistruar rreth orës 12:40 në aksin “Koplik–Bajzë”, në Malësi të Madhe.

    Sipas informacionit paraprak, automjeti që drejtohej nga shtetasi A. V., 55 vjeç, është përplasur me një tjetër mjet që drejtohej nga A. Gj., 20 vjeç.
    Si pasojë e përplasjes, të dy drejtuesit e automjeteve kanë mbetur të plagosur dhe janë transportuar menjëherë në Spitalin Rajonal të Shkodrës, ku ndodhen nën kujdesin e mjekëve.
    Grupi hetimor ndodhet në vendngjarje dhe po punon për të sqaruar shkaqet dhe rrethanat e aksidentit.

    Top Channel

  • Rrëzohet kërkesa për mocion me debat ndaj Ballukut, Peleshi: Është çështje nën hetim

    Rrëzohet kërkesa për mocion me debat ndaj Ballukut, Peleshi: Është çështje nën hetim

    Maxhoranca socialiste nuk pranoi sot që në Parlament të zhvillohej një mocion me debat ndaj zv.kryeministres, Belinda Balluku të kërkuar nga Partia Demokratike.

    Pas thirrjes së saj në SPAK fundjavën e kaluar ku iu komunikua dhe hetimi i nisur për tenderin e tunelit të Llogarasë, opozita donte që kjo të ishte kryefjala e seancës së sotme parlamentare, por shumica mbajti të njëjtin qëndrim që kishte pasur edhe në Konferencën e Kryetarëve një ditë më parë.
    Vetë zv.kryeministrja Balluku nuk ishte e pranishme në seancën parlamentare, ndërkohë që në faqen e saj në Facebook postoi një aktivitet në nënstacionin “Tirana 2” ku siç shkruan, ka përfunduar investim që forcon rrjetin energjetik dhe përmirëson furnizimin për Durrësin dhe gjithë zonën jugperëndimore.
    Debati:
    Peleshi: Lidhur me interpelancën, z.Balliu nuk ishte e përfshirë në rendin e ditës. Është protokolluar kërkesa e një grupi prej 7 deputetësh për interpelancën urgjence me zv.kryeministren Balluku. Edhe pse e drejta për interpelancë përbën instrument themeltar të kontrollit parlamentar, ushtrimi i kësaj të drejte duhet të respektojë ndarjen e pushteteve, që kërkon që Kuvendi të ushtrojë funksionet kontrolluese pa ndërhyrë në kompetencat që u njihen organeve të tjera shtetërore.
    Kushtetuta ka theksuar se kontrolli parlamentar dhe interpelanca duhet të zhvillohet që mos të cenohet pavarësia e pushteteve tjera dhe të mos ndërhy në veprimtaritë që janë objekt të proceseve gjyqësore apo hetimore, referuar objektit të kësaj kërkese, ajo lidhet me një çështje në hetim nga SPAK. Në këto kushte, velrësoj se zhvillimi i interpelancës është i pamundur për tu realizuar.
    Berisha: Mjafton të lexoni ju mesazhin që Lubi Balluku i dërgon Ervisit ku i tregon terrorin e brendshëm të saj shpirtëror. I thotë se jeta ime varet nga ti.Mos e merrni me kuptime të tjera. Po, po. Se ka porosi nga Ramaduro se o tunelin, o do qërohesh. Mos u transfiguroni. Ore, ju jeni prindër, jeni njerëz, jeni intelektualë, jeni të shkolluar, jeni nëna, jeni baballarë, jeni të gjitha, por mos përsërisni skenat e këshilltarëve të bashkisë. A i patë ju se si i mori një nga një për të votuar. Ç’është tuneli i Llogarasë? Tuneli i Llogarasë është vepër kryekëput e tij. Dhe do tani ta paraqesë si share me palën turke. Jo mo jo, është vjedhje e mirëfilltë e tij.

    Top Channel

  • Kuvendi “zbrazet” kur raporton kreu i KLSH-së, Berisha: Bravo të qoftë Damian që qëndrove, ku i ke ministrat pastor

    Kuvendi “zbrazet” kur raporton kreu i KLSH-së, Berisha: Bravo të qoftë Damian që qëndrove, ku i ke ministrat pastor

    Gjatë raportimit të kreut të Kontrollit të Lartë të Shtetit Arben Shehu në Kuvend, u vu re mungesa e disa ministrave dhe deputetëve..

    Gjatë fjalës së tij Sali Berisha “përgëzoi” Damian Gjiknurin që nuk u largua.
    “Ia mbathën si minj, braktisën sallën si mëkatarë përveç dy-treve. Akt i pashembullt, kur kryetari i Kontrollit të Lartë raporton para parlamentit për t’u informuar ju sesi qeveria qendror dhe vendor përdorin paratë e taksave tuaja, përdorin pronat publike të shtetit.
    Përdorin pasuritë e vendit. Ku i ke ministrat pastor, ku janë. Bravo të qoftë Damian që qëndrove, ta them unë haptas. Të parët duhet të ishin ata që kanë administruar pronat dhe pasuritë publike të qytetarëve shqiptarë”-u shpreh Berisha.
    Berisha shtoi: Po dosjet e AKSHI-t, që gjithë Shqipëria thotë se është kopshti privat i Edi Ramës? Ku janë? Po sigurisht auditi nuk mund ta kontrollojë Ramën se do i gjejë shishen Romanee Conti 33 mijë euro? Do t’i gjejë Benzin. Ka blerë Benz të blinduar të ri për 600 mijë euro. Iu kujtohet kur 20 vite më parë blemë një Benz për delegacionet se e kërkonin ata që vinin. Nuk e kisha parë njëherë me sy, veçse kur kanë hipur miqtë. Çfarë bëri kur erdhi në pushtet? Shikoni ligësinë njerëzore.
     E thirri punonjësin, i tha do thuash e ka përdorur Berisha, Benzin. Jo, tha ai, nuk e ka përdorur asnjëherë. E pushoi nga puna. Dhe ka emër dhe mbiemër ai punonjës i ndershëm. Sepse Benzi ishte në parkun e delegacioneve, jo i imi në kryeministri. Kurse tani bllokon dy Benza dhe një veturë tjetër që thotë ma bleu partia 500 mijë euro. Ka vilën me themele 57 metra të gjata dhe miliardat të depozituara.

    Top Channel

  • “Çfarë do shikosh, do heshtësh”/ Dëshmon mjeku që vizitoi Nuredin Dumanin: Kishte një plumb në trup, u largova me frikë

    “Çfarë do shikosh, do heshtësh”/ Dëshmon mjeku që vizitoi Nuredin Dumanin: Kishte një plumb në trup, u largova me frikë

    Gjykata e Posaçme dëgjoi dëshmitarët e radhës të kërkuar nga SPAK në procesin ndaj të akuzuarve të dosjes “Plumbi i artë”.

    Dëshmitari Julian Malaj, mjeku që ka vizituar Nuredin Dumanin e plagosur pak para se të arrestohej, tregon për vizitën në vititn 2022.
    “Në 2022 kam qenë kirurg. Ka qenë ora 09:30. Më ka marrë dikush dhe më kërkoi për një vizitë në shtëpi. Më mori dikush, që çalonte e me çoi në ca rrugica që nuk po i kuptoja.
    U futëm në një garazh e pastaj në një apartament. Më thanë që çfarë do shikosh atje nuk do tregosh.
    Kur shkuam në apartament, ishte një person me fasho në kurriz. Ishte një kaçurrels. Unë thashë, që ky është për operacion. Ai kishte një plagë me armë zjarri, plumb që ishte futur, por nuk kishte dalë.
    Apartamenti ishte kati i pestë me ashensor, por nuk di ta them se ku ishte. Atje ishte edhe një vajzë, si edhe Bërdalla, një person që kishte një laborator.
    As një minutë nuk zgjati qëndrimi im aty. Kur shkova në spital pashë një mjet që më vinte nga pas. Edhe në shtëpi shkova me frikë. Nuk fola me personin që ishte i plagosur”.

    Top Channel

  • Bllokimi i qeverisë amerikane, SHBA do shkurtojë fluturimet në 40 aeroporte

    Bllokimi i qeverisë amerikane, SHBA do shkurtojë fluturimet në 40 aeroporte

    Mbyllja e qeverisë amerikane tashmë konsiderohet si më e gjatë në historinë e vendit, me një bllokadë të rrezikshme që po ndikon te autoritetet, qytetarët dhe ekonomia.

    Përfshirja e Kongresit në një mosmarrëveshje për buxhetin ka bërë që vendi të jetë në krizë që nga tetori me vonesa të pagave, pushime të detyruara nga puna e së fundi, edhe edhe anulimin e fluturimeve për shkak të shutdown. Ndër qytetet e prekura janë Nju Jorku, Los Anxhelosi dhe Çikagoja: Mijëra fluturime kërcënohen me anulime në aeroportet kryesore të SHBA-së duke filluar nga e premtja. Arsyeja është mungesa e pagesës për kontrollorët e trafikut ajror.
    “Nëse mbyllja e qeverisë vazhdon, do të ketë një ulje prej 10% të kapacitetit të udhëtimit ajror në 40 aeroporte kryesore të SHBA-së nga e premtja. Vendimi vjen sepse kontrollorët e trafikut ajror kanë raportuar probleme me lodhjen. Është e pazakontë, ashtu siç është e pazakontë mbyllja, ashtu siç është e pazakontë fakti që kontrollorët tanë nuk janë paguar për një muaj“-shprehet Sean Duffy, Sekretari amerikan i Transportit.
    “Askush nuk fiton në një mbyllje të qeverisë”, u shpreh senatori republikan Mike Rounds për CNBC. Ai tha se SHBA-ja po humbet 15 miliardë dollarë në prodhim ekonomik çdo javë si rezultat, por shtoi se do të përpiqen të diskutojnë mundësi të ndryshme me kolegët e tyre demokratë dhe është optimist se kjo tani do të jetë e mundur.
    Kongresi Amerikan duhet të kishte rënë dakord për një buxhet të ri federal para fundit të shtatorit. Megjithatë, një propozim për buxhet kalimtar i paraqitur nga Partia Republikane e Trumpit nuk arriti të siguronte shumicën e nevojshme në Kongres. Më parë, një propozim i Demokratëve gjithashtu pati dështuar. Pa fonde buxhetore në dispozicion, disa operacione qeveritare janë pezulluar.

    Top Channel

  • Aksident i rëndë në Torino të Italisë/ Autobusi me 50 nxënës përplaset me “BMW”-në, humb jetën drejtuesi, 20 të plagosur

    Aksident i rëndë në Torino të Italisë/ Autobusi me 50 nxënës përplaset me “BMW”-në, humb jetën drejtuesi, 20 të plagosur

    Një aksident i rëndë ka ndodhur në provincën e Torinos, në Itali, ku një makinë tip ‘Bmw’ u përplas me një autobus që transportonte nxënës drejt shkollës, rreth 50 persona. 

    Nga përplasja, drejtuesi i makinës humbi jetën, ndërsa 20 nxënës u lënduan lehtë.
    Drejtuesi i automjetit është identifikuar si Pavel Birsei, 33 vjeç, me banim në Mombello Torinese. Ai po kthehej nga puna pas një turni nate. Sipas hetimeve, makina humbi kontrollin në një kthesë dhe përfundoi në korsinë e kundërt, ndërsa shoferi i autobusit tentoi të shmangë përplasjen, por nuk ia doli.
    Në vendngjarje kanë ndërhyrë ekipe të urgjencës 118 me helikopter dhe ambulanca të shumta, si dhe zjarrfikës për sigurinë e zonës.
    Nxënësit e lënduar udhëtonin drejt Castelnuovo Don Bosco, ndërsa autobusi shkonte në drejtim të Chierit, duke transportuar nxënës të liceut Monti dhe institutit teknik Vittone. Fatmirësisht, asnjëri nga nxënësit nuk pësoi dëmtime të rënda.
    Drejtuesi i makinës ishte rumun dhe jetonte me nënën dhe të fejuarën në Mombello Torinese, të cilat shkuan të tmerruara në vendin e ngjarjes. Ende nuk është konfirmuar shkaku i aksidentit, por një prej hipotezave është përgjumja.

    Top Channel