Lajmidites.com

Author: Top-Channel.tv

  • Deklarata e Berishës ndaj Ambasadorit Gonzato, PS i drejtohet Komisionit të Etikës, kërkon përjashtimin e kreut të PD me 30 ditë nga Kuvendi

    Deklarata e Berishës ndaj Ambasadorit Gonzato, PS i drejtohet Komisionit të Etikës, kërkon përjashtimin e kreut të PD me 30 ditë nga Kuvendi

    Kreu i Grupit Parlamentar të PD-së, Taulant Balla, ka kërkuar përjashtimin e kreut të PD-së, Sali Berisha, pas deklaratave diskriminuese të këtij të fundit ndaj ambasadorit Silvio Gonzato.

    Ai ka kërkuar që Berisha të përjashtohet me 30 ditë, për shkelje të rregullave të Kuvendit.
    “I kërkon PD të distancohet nga kjo deklaratë e turpshme, Këtë incident të rëndë diplomatik të sulmit kundër një ambasadori, bazuar në kodin etikës së Kuvendit, gjuha që nxit urrejtjen… deputetit i ndalohet çdo sjellje me natyrë seksuale. Bazuar në nenin, masa disiplinore, zoti kryetar i Kuvendit ju njoftoj që i jemi drejtuar komisionit të etikës për të marrë masa”, tha Balla.
    Nga ana tjetër kreu i PD-së, Sali Berisha, iu kundërpërgjigj Ballës, duke deklaruar se e gjitha është shpifje.
    “Ti përgjigjesh një shpifësi, nuk ia vlen të humbasësh kohë. Nuk kam bërë asnjë fyerje ndaj asnjë ambasadori por kam shprehur mendimet e mia. Ai ka mbështetur këtë ligj dhe Marta Kos tregon që ka ai ka mbajtur qëndrimin e BE. Cila direktivë e BE përdor terminologjinë e shumëfishtë gjinore, asnjëra nga direktivat e BE nuk ka këtë terminologji, por janë të gjitha në binaritet, flasin për burrin dhe gruan. Unë përsëri deklaroi këtu se jam kundër çdo forme diskriminimi dhe pabarazie dhe jam kundër përpjekjeve për të ri formatuar antropologjinë gjinore”, tha Berisha.

    Top Channel

  • “Nëse nuk paguan, do të vras”/ Shqiptari terrorizon familjen italiane për një borxh droge, arrestohet në Romë

    “Nëse nuk paguan, do të vras”/ Shqiptari terrorizon familjen italiane për një borxh droge, arrestohet në Romë

    Policia italiane ka arrestuar një 35-vjeçar me origjinë shqiptare, pasi dyshohet se ka dhunuar barbarisht një të ri italian dhe babai e tij, për shkak se i riu nuk i kishte paguar paratë e drogës që kishte blerë nga shqiptari.

    I dyshuari, Elson Leka, akuzohet për një seri sulmesh dhune të kryer gjatë muajve të fundit, në përpjekje për të marrë një borxh droge që fillimisht ishte vetëm 1,000 euro.
    Siç raportojnë mediat italiane, ngjarjet datojnë që nga gushti i kaluar, kur Leka dyshohet se i shiti kokainë një 23-vjeçari italian, dhe kur viktima nuk arriti të paguante në kohë, shqiptari nisi një seri aktesh dhune për ta detyruar të shlyente borxhin.
    Hetimi tregon se 35-vjeçari ka kryer kërcënime me armë, ka shtypur viktimën me biçikletë, dhe madje ka hedhur një lëndë shpërthyese në banesën e familjes së ‘debitorit’, si formë kërcënimi.
    Akti më i rëndë ndodhi kur Leka, në shoqërinë e disa bashkëpunëtorëve, u përball me 23-vjeçarin dhe babain e tij, në një zonë në periferi të Romës e njohur për praninë e grupeve shqiptare të trafikut të drogës. Pas një debati të shkurtër, Leka dyshohet se u përpoq ta godiste me thikë të riun, por babai i tij ndërhyri për ta mbrojtur dhe u rrah barbarisht, duke pësuar plagë të rënda në fytyrë dhe trup.
    “Nëse nuk paguan, do të  vras”, ishte shprehur shqiptari.
    Falë pamjeve të kamerave të sigurisë dhe punës së policisë, hetuesit arritën të mblidhnin provat e mbajtueshme që cuan në ekzekutimin e urdhrit të arrestit ndaj 35-vjeçarit shqiptar, i cili u shoqërua në burgun Rebibbia të Romës.
    Sipas policisë italiane, ngjarja është e lidhur me qarqet lokale të trafikut të drogës në bregdetin e Lacios, ku operojnë disa organizata me pjesëmarrje të individëve shqiptarë. Autoritetet po vijojnë hetimet për të verifikuar nëse i arrestuari ka pasur lidhje me ndonjë grup të strukturuar kriminal.
    Në përfundim, organet hetimore theksojnë se provat e paraqitura i përkasin fazës paraprake të hetimit dhe se, në përputhje me ligjin, për të dyshuarin zbatohet parimi i prezumimit të pafajësisë deri në një vendim gjyqësor përfundimtar.

    Top Channel

  • “Injoranca nuk është kurrë argument”/ Berisha përplaset me Gogun në Kuvend: Zot fali se nuk dinë se çfarë thonë

    “Injoranca nuk është kurrë argument”/ Berisha përplaset me Gogun në Kuvend: Zot fali se nuk dinë se çfarë thonë

    Sali Berisha: Së pari injoranca nuk është kurrë argument, parafolësi më duket fjalën binar e ngatërron me bipolar. Por Zot fale se nuk dinë çfarë thonë. Binar quhet burri dhe gruaja, gjini binare do të thotë mashkull dhe femër, ti që ngrihesh dhe thua që kjo është fyerje, duhet të ndihesh keq për veten tënde. Është e turpshme, nuk e bën as një nxënës i klasës së katërt. Unë përpara se të vij këtu, kam kërkuar nga ekspertë europianë…  Shko pyete kryetarin tënd se çfarë është bipolariteti
    Toni Gogu: Nëse je diskriminues në thelb
    Sali Berisha: Pse e diskriminova se i tash binar. Asnjë diskriminim, i thash binar, kjo nuk mund të jetë fyerje kurrë. Unë jam autori i një ligji që dënon diskriminimin për orientimin seksual. Por qenka binar sipas teje fyerje.
    Toni Gogu: Po ua shpjegoj, po të doni jua lexoj. E keni stigmatizuar për orientimin seksual.

    Top Channel

  • Deklarata e Berishës ndaj Ambasadorit Gonzato, reagon Komisionerja Kos: Sulmi ndaj tij është i papranueshëm

    Deklarata e Berishës ndaj Ambasadorit Gonzato, reagon Komisionerja Kos: Sulmi ndaj tij është i papranueshëm

    Komisionerja për Zgjerimin Marta Kos, ka reaguar pas deklaratës së Sali Berishës ndaj ambasadorit të BE në Shqipëri Silvio Gonzato, në lidhje me orientimin e tij seksual.

    Kos shkruan se sulmi është i papranueshëm, dhe se deklaratat që Gonzato ka bërë në lidhje me barazinë gjinore dhe mosdiskriminimi janë pjesë integrale e ligjit të BE-së dhe jo deklarata personale.
    “Barazia gjinore dhe mosdiskriminimi janë pjesë integrale e ligjit të BE-së. Përputhja me të është pjesë e procesit të anëtarësimit në BE. Kjo nuk është një kërkesë personale e Ambasadorit të BE në Shqipëri. Çdo sulm ndaj tij është i papranueshëm”, shkruan Marta Kos.

    Gender equality and non-discrimination are an integral part of EU law.
    Aligning with it is part of the EU accession process.
    This is not a private demand of the Ambassador of @EUinAlbania
    Any attacks on him are unacceptable.
    — Marta Kos (@MartaKosEU) November 6, 2025

    Top Channel

  • Lifestyle Mashtrim me qindra mijëra euro nga ‘fëmija i pasur i Instagramit’, vodhi për të jetuar në luks dhe… për të financuar pushimet e tij

    Lifestyle Mashtrim me qindra mijëra euro nga ‘fëmija i pasur i Instagramit’, vodhi për të jetuar në luks dhe… për të financuar pushimet e tij

  • Pjesëmarrja e baritonit rus në Verona anulohet, akuzohet për mbështetje të Putinit

    Pjesëmarrja e baritonit rus në Verona anulohet, akuzohet për mbështetje të Putinit

    Arena e Veronës njoftoi sot se baritoni rus Indar Abdrazakov nuk do të marrë pjesë në shfaqjet e operës Don Giovanni të Wolfgang Amadeus Mozartit, të planifikuara për janarin e ardhshëm në Teatrin Filarmonik të qytetit, sepse është mbështetës i Vladimir Putinit.

    Ai do të zëvendësohet nga një artist tjetër sepse konsiderohet një mbështetës aktiv dhe i zjarrtë i Presidentit rus Vladimir Putin.Vendimi u mor pas një ankese nga Fondacioni i themeluar nga disidenti rus Alexei Navalny.
    “Vitin e kaluar, Abdrazakov ishte një person i besuar i Putinit në fushatën e tij zgjedhore presidenciale dhe tani është përgjegjës për Teatrin e Operas dhe Baletit të Sevastopolit në Krimenë e pushtuar ukrainase”, tha Fondacioni Kundër Korrupsionit në një deklaratë.
    Një rast i ngjashëm me atë të dirigjentit rus Valery Gergiev, korrikun e kaluar, një koncert i tij në Pallatin Mbretëror të Casertës, në Italinë jugore, u anulua për shkak të qëndrimeve të tij të njohura në favor të Vladimir Putinit.

    Top Channel

  • Riorganizimi i brendshëm i Policisë së Shtetit, Proda mbledh drejtuesit e lartë, zbardhen diskutimet

    Riorganizimi i brendshëm i Policisë së Shtetit, Proda mbledh drejtuesit e lartë, zbardhen diskutimet

    Ditën e sotme, në ambientet e Drejtorisë së Përgjithshme të Policisë së Shtetit u zhvillua takimi mes drejtuesve të lartë të Policisë së Shtetit, drejtuesve të programeve dhe projekteve që asistojnë Policinë e Shtetit dhe Oficerëve Policorë Ndërlidhës të atashuar në vendin tonë.

    Takimi, me qëllim informimin mbi riorganizimin e brendshëm të Policisë së Shtetit, për të luftuar me efikasitet format e reja, të avancuara dhe dinamike të kriminalitetit.
    “Ky është një moment domethënës, si dhe një vendimmarrje e rëndësishme në rrugën e modernizimit, forcimit institucional dhe rritjes së efikasitetit të Policisë së Shtetit në shërbim të qytetarëve dhe në luftë ndaj krimit.
    Reformat që po ndërmarrim nuk janë vetëm ndryshime strukturore, por një transformim i mënyrës së funksionimit të Policisë së Shtetit, me synim të qartë, forcimin e kapaciteteve profesionale, përmirësimin e reagimit ndaj sfidave të reja të sigurisë dhe garantimin e një policie më të afërt, më transparente dhe më të përgjegjshme ndaj qytetarit.
    Unë e çmoj shumë këtë mundësi për ta prezantuar dhe diskutuar këtë proces me partnerët tanë ndërkombëtarë, sepse Policia e Shtetit ka qenë dhe mbetet e hapur për bashkëpunim pa barriera, për shkëmbim idesh, eksperiencash dhe kontributesh të përbashkëta.
    Besoj fort se suksesi në përballimin e sfidave të sigurisë nuk është individual, por kolektiv. Ai ndërtohet mbi besim, koordinim dhe partneritetin e qëndrueshëm.
    Në këtë frymë, dëshiroj t’ju falënderoj të gjithëve për mbështetjen e vazhdueshme dhe për kontributin konkret që keni dhënë në procesin e modernizimit të Policisë së Shtetit”, u shpreh kreu i Policisë së Shtetit, Ilir Proda.
     

    Top Channel

  • Deklarata e Berishës ndaj ambasadorit Gonzato, Rama i kërkon ndjesë Marta Kos: Le të lehin qentë, karvani ecën përpara

    Deklarata e Berishës ndaj ambasadorit Gonzato, Rama i kërkon ndjesë Marta Kos: Le të lehin qentë, karvani ecën përpara

    Kryeministri Edi Rama ka reaguar në lidhje me deklaratat e Sali Berishës për ambasadorin Silvio Gonzato, duke iu drejtuar Marta Kos.

    Teksa i kërkon ndjesë Komisioneres Europiane për Zgjerimin, kreu i socialistëve shkruan se “le të lehin qentë, karvani ecën përpara”.
    “Kërkojmë ndjesë për mënyrën fyese se si një ligj shumë fisnik, plotësisht në përputhje me parimet e BE-së për barazinë gjinore dhe mosdiskriminimin, është keqpërdorur për të shtrembëruar perceptimin publik, si dhe për mënyrën se si Ambasadori i BE-së është shfrytëzuar për një qëllim kaq të ulët. Megjithatë, siç themi në shqip, le të lehin qentë, karvani ecën përpara”, shkruan Rama në X.

    We apologize for the insulting way in which a very noble law, fully aligned with EU principles of gender equality and non-discrimination, has been misused to distort public perception, and for the way the EU Ambassador has been exploited for such an ignoble purpose.… pic.twitter.com/MOuhj2JSzi
    — Edi Rama (@ediramaal) November 6, 2025

    Top Channel

  • Hungaria vazhdon të lëshojë leje qëndrimi për qytetarët rusë, BE shpreh shqetësim: Po monitorojmë situatën

    Hungaria vazhdon të lëshojë leje qëndrimi për qytetarët rusë, BE shpreh shqetësim: Po monitorojmë situatën

    Komisioni Evropian ka shprehur shqetësimin se Hungaria vazhdon të lëshojë karta kombëtare për leje qëndrimi për qytetarët rusë bazuar në rregullat e saj të brendshme.

    Këtë e ka deklaruar zëdhënësi i ekzekutivit të BE-së, Markus Lammert, gjatë një konference për shtyp, duke theksuar se nuk bëhet fjalë për viza, por për leje qëndrimi që u mundësojnë qytetarëve të huaj të jetojnë dhe të punojnë ligjërisht në vend për periudha më të gjata.
    Ekzekutivi i BE-së “po monitoron” këtë fenomen dhe është “në kontakt me të gjitha shtetet anëtare, përfshirë Hungarinë”, ka vijuar Lammert.
    Konteksti lidhet me mundësinë e një kufizimi të ri nga BE-ja për lejet Shengen me hyrje të shumëfishta për qytetarët rusë. Lammert theksoi se që nga pushtimi i Ukrainës në shkallë të gjerë, BE-ja ka pezulluar marrëveshjen për lehtësimin e vizave me Rusinë dhe ka miratuar një sërë udhëzimesh për të ndihmuar shtetet anëtare të ulin prioritetin për vizat ndaj rusëve.
    “Komisioni po monitoron me kujdes zbatimin e këtyre udhëzimeve dhe po punojmë me shtetet anëtare për të promovuar një zbatim të qëndrueshëm,” tha ai.
    Deri më tani, veprimi i përbashkët në nivel BE-je “ka sjellë një ulje të ndjeshme të numrit të vizave Shengen të lëshuara për qytetarët rusë, nga mbi 4 milionë në vitin 2019 në 500 mijë në vitin 2023,” vijoi zëdhënësi, duke konfirmuar se ekzekutivi po “shqyrton masa shtesë” dhe u kërkoi gazetarëve të “qëndrojnë të informuar” për zhvillime të mëtejshme.
    Më pas, Lammert sqaroi se lëshimi i vizave është në kompetencë të shteteve anëtare dhe Komisioni nuk mund ta ndalojë këtë proces. “Ajo që Komisioni mund të bëjë, kur është e nevojshme, është që të miratojë rregulla më lehtësuese ose më kufizuese për lëshimin e, për shembull, vizave me hyrje të shumëfishta që të gjitha konsullatat Shengen duhet të ndjekin,” përfundoi ai.

    Top Channel

  • Vjedhja spektakolare e xhevahireve “zgjoi” nga gjumi autoritetet, raporti: Luvri neglizhoi sigurinë

    Vjedhja spektakolare e xhevahireve “zgjoi” nga gjumi autoritetet, raporti: Luvri neglizhoi sigurinë

    Muzeu i Luvrit, institucioni më i madh dhe më i vizituar në botë, është përballur me akuza të rënda për Sipas një raporti të Gjykatës së Auditorëve, Luvri ka preferuar të investojë në vepra arti dhe ekspozita të reja në vend që të përmirësojë sigurinë dhe mirëmbajtjen e objekteve të tij të çmuara.

    Raporti i vitit 2024 zbulon se muzeu ka shpenzuar më shumë se 105 milionë euro për blerjen e veprave të artit dhe 63.5 milionë euro për hapësira ekspozuese, ndërkohë që shpenzimet për mirëmbajtjen dhe sigurinë kanë qenë vetëm 26.7 milionë euro.
    Kjo shpërndarje e burimeve ka ngritur shqetësime për prioritetet e menaxhimit të muzeut, duke lënë të papërmirësuar infrastrukturën e sigurisë, që mund të kishte parandaluar incidentet e tilla.
    Përpjekja kriminale që ndodhi në Galerinë Apollo të Luvrit rezultoi me vjedhjen e xhevahireve të kurorës, të vlerës 88 milionë euro. Banditët përdorën mjete të avancuara, duke përfshirë makinë prerëse, për të hyrë dhe vjedhur objektet e çmuara që dikur u përkisnin mbretëreshave dhe perandoreshave të shekullit të 19-të.
    Kritikat ndaj muzeut janë shtuar, ku Ministrja e Kulturës, Rachida Dati, tha se menaxherët e Luvrit kanë “nënvlerësuar rëndë” rreziqet dhe nevojat për siguri. Për më tepër, Didier Rykner, një ekspert i njohur i artit, ka theksuar se muzeu ka shpenzuar “të bollshme” për veprimtari që tërheqin vëmendjen, ndërkohë që ka injoruar mbrojtjen e asaj që tashmë ka.
    Një tjetër projekt që ka tërhequr kritika është plani ambicioz i Rilindjes së Re të Luvrit, i cili kishte një kosto të parashikuar në 1.15 miliardë euro, shumë më e lartë se shifra e fillimit prej 700 milionë eurosh. Gjykata e Auditorëve e ka cilësuar këtë projekt si të papërgatitur, duke theksuar mungesën e studimeve të fizibilitetit dhe planifikimeve financiare, dhe kjo ka ngritur pyetje për qasjen e përgjithshme të muzeut ndaj menaxhimit të burimeve.
    Në përgjigje të raportit dhe kritikave, Luvri ka theksuar se ka pranuar shumicën e rekomandimeve të bëra nga Gjykata e Auditorëve. Sipas muzeut, ajo beson se gjykata nuk ka marrë parasysh të gjitha përpjekjet që janë bërë për të përmirësuar sigurinë, dhe ka insistuar se një plan afatgjatë është i nevojshëm për të ruajtur dhe promovuar pasuritë e tij të artit.

    Top Channel