1Rreth orës 10:25, në lagjen “Salo Halili”, shtetasi A. F., 38 vjeç, (punonjës i një kompanie interneti), dyshohet se duke punuar në një shtyllë elektrike për riparimin e një kablli interneti, ka rënë në kontakt me energjinë elektrike dhe si pasojë, ka humbur jetën.
Grupi hetimor po punon për sqarimin e rrethanave të ngjarjes.
Top Channel
Prokuroria e Tiranës ka përfunduar hetimet dhe ka dërguar në gjyq bisnesin “Buzi Store”, për veprën penale “Fshehje e të ardhurave”.
Në përfundim të hetimeve rezultoi se kompania ka shmangur rreth 3.7 milionë euro të ardhura, duke i fshehur ato nga autoritetet tatimore.
Kjo veprimtari rezultoi e kryer në bashkëpunim me ekonomistin e subjektit dhe përbën veprën penale të “fshehjes së të ardhurave”.
Gjatë hetimit, u ushtruan kontrolle në 8 adresa të lidhura me subjektin “Buzi Store” dhe shoqërinë e fiskalizimit, ku u sekuestruan provat materiale që përfshijnë njësi kompjuterike, telefona celularë, tableta dhe vlera monetare në valuta të ndryshme që arrijnë në 8,000,000 lekë, të cilat nuk ishin të justifikuara me dokumentacion ligjor.
Hetimet treguan se “Buzi Store” përdorte një sistem kompjuterik të paautorizuar për monitorimin dhe lëshimin e faturave tatimore.
Ky sistem, që operonte përmes platformës online të palicencuar “store.dyqanimen.com”, mundësonte lëshimin e faturave të falsifikuara, të cilat përmbanin mangësi të elementeve të kërkuara nga legjislacioni tatimor dhe ishin të pa fiskalizuara.
Në disa raste, subjekti lëshonte fatura me vlera më të mëdha, ndërkohë që deklaronte një vlerë shumë më të vogël për qëllime tatimore, duke shmangur kështu pagesën e detyrimeve tatimore.
Top Channel
Suzana Pasha, kandidatja e pavarur në Bashkinë e Matit ka votuar pak momente më parë.
Në një prononcim për mediat, ajo u shpreh se procesi është i qetë, ndërsa uroi që garën ta fitojë kandidati më i mirë.
Ajo u ndal tek bindja e saj politike, duke thënë se ka qenë dhe është socialiste, ndonëse idetë e tyre u ndanë.
“Faleminderit të gjithë qytetarëve te Matit, u kam kërkuar mbështetjen derë më derë. Jam krejt e qetë, vota është e lirë, procesi është i qetë, i lirë dhe i barabartë. U bëftë më e mira dhe fitoftë më i miri.
Në këtë fushatë kam qenë e vetme, problematika kam hasur por lej organet ligj zbatuese të bëjnë punën e tyre. Skam pasur kërcënime, zgjedhja ime ka qenë e lirë, unë kam qenë dhe do të vijoj që të jem socialiste. Është partia ime e zemër. Unë mendoj që duhet të isha unë kandidate dhe ndaj garoj e pavarur”, u shpreh ajo.
Top Channel
Komisioni Qendror i Zgjedhjeve ka publikuar shifrat e pjesëmarrjes në votim për zgjedhjen e 5 kryebashkiakëve të rinj në vend.
Sipas të dhënave të raportuara deri në orën 10:00, pjesëmarrja dhe numri i votuesve në këto 5 bashki është si më poshtë:
Bashkia Vlorë: 3.16% pjesëmarrje, 4,703 votues.
Bashkia Berat: 5.39% pjesëmarrje, 3,934 votues.
Bashkia Cërrik: 7.16% pjesëmarrje, 2,430 votues.
Bashkia Mat: 12.43% pjesëmarrje, 2,672 votues.
Bashkia Tepelenë: 9.21% pjesëmarrje, 844 votues.
Top Channel
Pukë/Informacion paraprakRreth orës 08:15, në hyrje të qytetit të Fushë-Arrëz, në rrugë është gjetur trupi i pajetë i shtetasit P. M., 65 vjeç. Nga këqyrja paraprake e trupit nuk janë konstatuar shenja dhune apo dëmtime të tjera.Grupi hetimor vijon punën për përcaktimin e shkakut të humbjes së jetës dhe dokumentimin e rrethanave të këtij rasti.
Top Channel
Pesë bashki të vendit zgjedhin sot kryebashkiakët e rinj.
Janë 334.539 mijë votues në bashkitë, Vlorë, Berat, Cërrik, Mat, Tepelenë që pritet të votojnë sot, teksa qendrat e votimit sipas orarit zyrtar tashmë duhet të janë hapur.
Referuar përcaktimit në kodin zgjedhor, kur data e zgjedhjeve caktohet në periudhën zgjedhore nga 15 tetori deri më 15 nëntor, qendrat e votimit mbyllen në orën 18:00.
Komisioni Qendror i Zgjedhjeve ka shpërndarë tashmë materialet zgjedhore. Kutitë e votimit janë shpërndarë përgjatë së shtunës në KZAZ-të e ngritura në bashkitë e vendit.
Në Vlorë numri i qytetarëve do të votojnë në 232 qendra votimi janë 171.895. Në Tepelenë votojnë 12 mijë e 667 qytetarë në 22 qendra votimi.
Në Mat janë 29 mijë e 92 qytetarë me të drejtë vote, ndërsa qendrat ku do të votojnë janë 47. Në Cërrik ka 57 qendra votimi, dhe numri i zgjedhësve është 38 mijë e 724.
Në bashkinë e pestë ku ka zgjedhje Berati të drejtën e votës e kanë 82 mijë e 161 zgjedhës, të cilët do të votojnë në 116 qendra votimi.
Në garën për zëvendësimin e 5 kryebashkiakëve të zgjedhur deputetë, apo ministër si në rastin e Andis Sallës së Cërrikut janë 13 kandidatë.
Fushata e këtyre zgjedhjeve të pjesshme kaloi pa shumë zhurmë dhe as protagonizëm. Nuk pati mitingje dhe as takime elektorale ku të pranishëm të ishin liderët e partive kryesore.
Ndryshe nga herë të tjera Partia Demokratike nuk kishte kandidatë të regjistruar nën siglën e saj apo ndonjë partie tjetër opozitare, ndonëse de fakto kanë shprehur mbështetjen për disa kandidatë të pavarur në këtë garë.
Përditësimi i shifrave nga KQZ (klikoni këtu)
09:42 Zgjedhjet për kryebashkiak në Cërrik, voton kandidati i “Shqipëria Bëhet”, Eligert Hima thirrje zgjedhësve: Dilni dhe votoni
Kandidati i “Shqipëria Bëhet” në Cërrik, Eligert Hima, ushtroi më herët të drejtën e tij për të votuar.
Pasi votoi kandidati u bëri thirrje qytetarëve të Cërrikut të votojnë masivisht.
09:15 Zgjedhjet e pjesshme në 5 bashki, KQZ publikon shifrat e para të pjesëmarrjes në votim
Komisioni Qendror i Zgjedhjeve ka publikuar shifrat e para të pjesëmarrjes në votim për zgjedhjen e 5 kryebashkiakëve të rinj në vend.
Sipas të dhënave të raportuara deri në orën 08:00, pjesëmarrja në pesë bashkitë është:
Vlorë: 687 qytetarë kanë votuar, ose rreth 0.51%.
Berat: 580 qytetarë kanë votuar, ose rreth 0.83%.
Cërrik: 323 qytetarë kanë votuar, ose 0.97%.
Mat: 463 qytetarë kanë votuar, ose 1.96%.
Tepelenë: 182 qytetarë kanë votuar, ose 2.07%.
09:14 Voton kandidati i PS në Mat, Altin Bojni: Sot është dita e fjalës së qytetarëve
Kandidati i Partisë Socialiste në Mat, Altin Bojni, i është drejtuar kutive të votimit ditën e sotme, në zgjedhjet lokale.
Ai ka deklaruar se sot është dita e fjalës së lirë të votuesve, teksa u bën thirrje të gjithëve të votojnë.
08:27 Zgjedhjet lokale nën masa të shtuara sigurie, policia do të marrë në ruajtje 473 qendra votimi
Zgjedhjet lokale në pesë Bashki të vendit do të shoqërohen nga masa të shtuara sigurie.
Policia do të marrë në mbikëqyrje 473 objekte që do të shërbejnë si qendra votimi, teksa sqaron se si do të vijojë me procesin e punës për sigurinë e zgjedhjeve.
07:48 Nis votimi në Cërrik, qytetarët zgjedhin kryebashkiakun e ri, procesi pa probleme
Gazetarja e Top Channel, Bruna Kërçyku raporton se ka nisur votimi në të gjitha qendrat e votimit në Bashkinë Cërrik. Deri më tani nuk raportohet për asnjë problematikë.
07:24 Katër qendra votimi në Vlorë nuk kanë nisur procesin, qytetarët nuk arrijnë të votojnë
Në shkollën industriale Vlorë ku janë katër qëndra votimi ende nuk ka nis procesi i votimit. Janë duke u bërë përgatitjet e fundit. Ndërkohë qe qytetarë që kanë dashur të votonit nuk e kanë kryer për shkak se ende nuk ka nis.
07:15 Nisin problemet e para të zgjedhjeve në Berat, probleme me kamerat në një qendër votimi
Tashmë kanë nisur problemet e para në Berat, aty ku mbahen sot zgjedhjet për kryebashkiakun e ri. Në një qendër votimi, përkatësisht për 3270, ka probleme me kamerat.
07:00 Zgjedhjet lokale në 5 bashki, Rama thirrje qytetarëve: Votoni!
Kryeministri Edi Rama ka ftuar qytetarët e pesë bashkive ku do të bëhen zgjedhjet që të votojnë.
Top Channel
Një aksident ka ndodhur disa minuta më parë në aksin Fier-Cakran, në vendin e quajtur “ Kthesa e Varibopit”.
Tre automjete janë përplasur me njëra-tjetrën dhe për pasojë ka mbetur e lënduar një pasagjere.
Shërbimet e policisë drejt vendngjarjes, ndërkohë që dëmet materiale mbeten të konsiderueshme.
Top Channel
Kandidati i “Shqipëria Bëhet” në Cërrik, Eligert Hima, ushtroi më herët të drejtën e tij për të votuar.
Pasi votoi kandidati u bëri thirrje qytetarëve të Cërrikut të votojnë masivisht.
“Kemi një mesazh për banorët e bashkisë Cërrik. Të dalin të gjithë të votojnë, sepse vota është i vetmi mjet që mund të vejë këtë bashki në punë! I ftoj të votojnë masivisht”, u shpreh ai.
Top Channel
Presidenti i Sirisë, Ahmed Sharaa, ka mbërritur në Washington për një vizitë zyrtare, vetëm dy ditë pasi Shtetet e Bashkuara hoqën emrin e tij nga lista e personave të sanksionuar si “terrorist global”.
Gjatë qëndrimit të tij në SHBA, Sharaa do të takohet të hënën në Shtëpinë e Bardhë me presidentin amerikan Donald Trump, në kuadër të përpjekjeve për të forcuar bashkëpunimin mes dy vendeve pas ndryshimeve të fundit në Damask.
Vizita e tij vjen 11 muaj pas rrëzimit të regjimit të Bashar al-Assad-it, duke i dhënë fund më shumë se një dekade lufte civile në Siri.
Pak orë para mbërritjes së tij në Uashington, autoritetet siriane njoftuan se kishin arrestuar 71 persona të dyshuar si pjesëtarë të grupit terrorist ISIS, ndërsa konfiskuan armë dhe eksplozivë.
Sipas burimeve diplomatike, lufta kundër mbetjeve të ISIS-it dhe normalizimi i marrëdhënieve ndërkombëtare të Sirisë pritet të jenë temat kryesore të diskutimit mes Sharaas dhe Trumpit.
Në shtator, Sharaa foli në Asamblenë e Përgjithshme të OKB-së, ku kërkoi heqjen e plotë të sanksioneve ndaj vendit të tij. Këtë javë, Këshilli i Sigurimit i OKB-së miratoi një rezolutë amerikane për lehtësimin e masave ndëshkuese ndaj Sirisë, duke hapur rrugën për rifillimin e marrëdhënieve ekonomike dhe diplomatike.
Departamenti amerikan i Thesarit konfirmoi të premten se Sharaa dhe ministri i tij i Brendshëm, Anas Hasan Khattab, janë hequr nga lista e personave të dyshuar për mbështetje të terrorizmit.
Sharaa, i njohur më parë me emrin Muhammad al-Jaëlani, ka qenë komandant i Hayat Tahrir al-Sham (HTS) një grup që dikur ishte i lidhur me Al-Kaedën, por që u shkëput nga ajo në vitin 2016.
Pavarësisht së kaluarës së tij si militant, Sharaa është mbështetur nga disa qeveri perëndimore për qëndrimin e tij më të moderuar dhe përpjekjet për të përfshirë grupet etnike dhe fetare në qeverisjen e re të Sirisë.
Në muajt e fundit, ai është përballur me përleshje të dhunshme mes grupeve lokale, përfshirë luftëtarë beduinë sunitë dhe milici druze, duke vënë në pikëpyetje aftësinë e qeverisë së tij për të rikthyer stabilitetin në vend.
Top Channel
Komisioni Qendror i Zgjedhjeve ka publikuar shifrat e para të pjesëmarrjes në votim për zgjedhjen e 5 kryebashkiakëve të rinj në vend.
Sipas të dhënave të raportuara deri në orën 08:00, pjesëmarrja në pesë bashkitë është:
Vlorë: 687 qytetarë kanë votuar, ose rreth 0.51%.
Berat: 580 qytetarë kanë votuar, ose rreth 0.83%.
Cërrik: 323 qytetarë kanë votuar, ose 0.97%.
Mat: 463 qytetarë kanë votuar, ose 1.96%.
Tepelenë: 182 qytetarë kanë votuar, ose 2.07%.
Top Channel