Lajmidites.com

Author: Top-Channel.tv

  • Tensione mes komuniteteve fetare/ ‘Të vrarë sepse janë alevitë’, frikë midis pakicave të Sirisë pas rënies së regjimit të Bashar al-Assad

    Tensione mes komuniteteve fetare/ ‘Të vrarë sepse janë alevitë’, frikë midis pakicave të Sirisë pas rënies së regjimit të Bashar al-Assad

    Tensionet mes komuniteteve fetare në Siri janë ndezur sërish, ndërsa vrasjet e fundit në Homs dhe në “Luginën e të Krishterëve” po thellojnë frikën dhe ndarjet mes banorëve.

    Një sulmues i maskuar në motor ka qëlluar për vdekje dy kushërinj të krishterë, Wissam dhe Shafiq Mansour, në fshatin Anaz të provincës Homs. Të dy 39-vjeçarë, po pinin kafe me një mik kur u qëlluan me breshëri plumbash.
    Banorët thonë se autori erdhi nga një fshat fqinj me shumicë sunite. Sulmi ka përhapur panik në “Luginën e të Krishterëve”, ku shumë familje ndihen të pambrojtura pas rënies së regjimit të Bashar al-Assad.
    Babai i Wissam-it, George Mansour, akuzon autoritetet për mosveprim. “Na morën armët, por i lanë te fshati rival. Sot ishte Wissam, nesër mund të jetw kushdo”, tha ai me lot në sy.
    Wissam ishte pjesë e një milicie pro-Assad që mbronte fshatin, çka mendohet se mund të ketë qenë arsyeja e sulmit.
    Frikë dhe pasiguri për të ardhmen
    Bashkëshortja e Wissam-it, Leen, e përcolli burrin drejt varrit mes lotësh e dhimbjeje, ndërsa turmat brohorisnin “Gjaku i të krishterëve është i shtrenjtë”.
    I mbijetuari i vetëm i sulmit, një mik i familjes, thotë se do të largohet sërish nga Siria. “Na premtuan siguri, por ajo nuk ekziston. Miqtë e mi më të dashur janë vrarë,” rrëfen ai.
    Vetëm pak kilometra më tej, në qytetin e Homsit, raportohen çdo ditë rrëmbime dhe atentate ndaj pjesëtarëve të sektit Alawit. Dikur të privilegjuar gjatë regjimit të Assadit, sot ata janë në shënjestër.
    Shaaban Al Ezzeldin, 46 vjeç, u qëllua tre herë ndërsa mbyllte dyqanin e familjes. “Po vriten vetëm pse janë Alawitë,” thotë i vëllai, Adnan, duke shtuar se shumë po detyrohen të largohen nga Siria.
    Vrasja e 14-vjeçares Ghina
    Në një lagje të përzier të Homsit, një vajzë 14-vjeçare, Ghina, u vra në gusht ndërsa qëndronte në ballkon. Ajo sapo kishte festuar rezultatet e shkëlqyera në shkollë.
    Në dhomën e saj me mure rozë e libra të shpërndarë, nëna kujton vajzën me lot në sy. “Ajo e donte jetën. E vranë vetëm pse ishim Alawitë,” thotë ajo.
    Qeveria e përkohshme premton drejtësi
    Ministri i Drejtësisë, Mazhar al-Wais, ka premtuar gjykime publike për autorët e dhunës sektare. Vetëm këtë vit, mbi 3,000 persona – civilë dhe luftëtarë – janë vrarë në përplasjet midis komuniteteve fetare.
    Por për shumë sirianë, këto premtime duken bosh. Në terren, vrasjet vazhdojnë, dhe çdo zhurmë motori risjell frikën e radhës.
     
     

    Top Channel

  • Danimarka vendos kufi moshe për rrjetet sociale, nën 15 vjeç nuk lejohet përdorimi

    Danimarka vendos kufi moshe për rrjetet sociale, nën 15 vjeç nuk lejohet përdorimi

    Parlamenti danez dëshiron të vendosë një moshë minimale, 15 vjeç, për përdorimin e mediave sociale.

    Megjithatë shumë pyetje mbeten pa përgjigje. Në veçanti është e paqartë se kur dhe si do të zbatohet ligji.
    Në Danimarkë pritet të përcaktohet me ligj një moshë minimale ligjore për përdorimin e mediave sociale. Qeveria në Kopenhagë ra dakord me partitë e tjera të përfaqësuara në parlament për të vendosur në të gjithë vendin si kufi moshën 15 vjeç për lejimin e përdorimit të platformave të caktuara të mediave sociale. Megjithatë prindërvedo t’u jepet mundësia që t’u lejojnë fëmijëve të tyre të regjistrohen në këto rrjete që në moshën 13 vjeç.
    Ministria daneze e Çështjeve Digjitale deklaroi se legjislacioni synon të mbrojë më mirë fëmijët dhe të rinjtë në botën digjitale. Qëllimi i kësaj mase është t’u japë fëmijëve më shumë kohë për pushim, lojëra dhe zhvillim përpara se atë të krijojnë në rrjete sociale profile që mbartin rreziqe të caktuara.
    Ende e paqartë se për cilat platforma është fjala
    Në marrëveshjen politike nuk specifikohet se kur dhe se si do të zbatohen planet. Gjithashtu është e paqartë se cilat platforma të mediave sociale do të preken. Në marrëveshje thuhet vetëm se ligji do të vendosë kufizime për platformat më të mëdha, në të cilat përdoruesit mund të krijojnë profile publike dhe të cilat janë të lidhura në mënyrë të dukshme me rreziqe për fëmijët dhe të rinjtë. “Fëmijët dhe të rinjtë vuajnë nga çrregullime gjumi, humbasin aftësinë e tyre për t’u çlodhur dhe për t’u përqendruar dhe janë gjithnjë e më shumë nën presionin e marrëdhënieve digjitale në të cilat të rriturit nuk janë gjithmonë të pranishëm”, thuhet në deklaratë. Ky zhvillim nuk mund të ndalet vetëm nga asnjë prind, mësues apo kujdestar.
    Pararojë e BE-së
    Danimarka synon të jetë një nga shtetet e para anëtare të BE-së që ndërmerr këtë hap për kufizimin e përdorimit të mediave sociale. Danezët gjithashtu synojnë që ta bëjnë kthejnë këtë çështje në temë diskutimi në gjithë BE-në, sikurse njoftuan në korrik kur morën presidencën e Këshillit të BE-së.
    Si shembull për kufizimet e mediave sociale shërben Australia. Në Australi është marrë tashmë vendimi që të rinjtë do të lejohen të përdorin platforma si TikTok, Snapchat, YouTube, Facebook ose Instagram vetëm nga mosha 16 vjeç e lart.
    /dw

    Top Channel

  • Japonia mposht Kinën, arrin mrekullinë e shndërrimit të ujit të kripur në energji

    Japonia mposht Kinën, arrin mrekullinë e shndërrimit të ujit të kripur në energji

    Në përpjekjen globale për të ulur varësinë nga karburantet fosile, Japonia ka bërë një hap historik drejt energjisë së pastër.

    Muajin e kaluar, vendi aziatik inauguroi në Fukuoka centralin e parë të energjisë “osmoticë”, duke u bërë shteti i dytë në botë që investon në këtë teknologji, pas Danimarkës, e cila hapi të parën në vitin 2023.
    Energjia “osmoticë”, e njohur edhe si “energji blu”, prodhohet nga përzierja e ujit të ëmbël me ujin e kripur përmes një membrane gjysmëpërshkuese. Ky proces gjeneron presion që lëviz turbina për të prodhuar elektricitet.
    Me këtë sistem, Japonia synon të prodhojë rreth 880 mijë kilovat orë në vit, energji e mjaftueshme për të furnizuar afërsisht 300 familje. Fillimisht, centrali do të përdoret për të siguruar energji për impiantin e desalinizimit të Fukuokës, që furnizon me ujë të pijshëm zonat përreth.
    Ekspertët theksojnë se kjo lloj energjie ka avantazhin e prodhimit të pandërprerë, pasi nuk ndikohet nga klima apo drita e diellit, si në rastin e energjisë diellore apo eolike. Për më tepër, nuk lëshon emetime të drejtpërdrejta të CO₂.
    Megjithatë, sfidat teknike mbeten. Sipas inxhinieres Sandra Kentish nga Universiteti i Melburnit, humbjet e energjisë gjatë pompimit dhe kalimit të ujit në membrana janë ende të konsiderueshme.
    Pavarësisht pengesave, studiuesit besojnë se nëse potenciali i saj shfrytëzohet në grykëderdhjet e lumenjve të mëdhenj, kjo energji mund të mbulojë deri në 40% të kërkesës globale.

    Top Channel

  • Belgjika e alarmuar për fluturimet e dronëve mbi centralin bërthamor

    Belgjika e alarmuar për fluturimet e dronëve mbi centralin bërthamor

    Tre dronë janë parë sonte mbi centralin bërthamor Doel në Belgjikë, njoftoi një zëdhënës i kompanisë energjetike Engie.

    Sipas tij, operacionet e centralit nuk janë prekur, ndërsa autoritetet janë informuar menjëherë për incidentin.
    Të dielën pasdite, aeroporti i Liezhit u detyrua të pezullonte përkohësisht fluturimet për shkak të pranisë së një droni – incident që është i përsëritur shpesh herë në Belgjikë gjatë ditëve të fundit.
    Në javët e fundit, shfaqjet e dronëve janë raportuar në disa pika të vendit, përfshirë bazën ushtarake belge Kleine-Brogel, e përdorur nga NATO. Sipas disa raporteve të pakonfirmuara, kjo bazë konsiderohet si një nga vendet në Evropë ku ruhen armë bërthamore amerikane. Po ashtu, trafiku ajror në aeroportet e Brukselit dhe Liezhit është pezulluar disa herë kohët e fundit për arsye të ngjashme.
    Javën e kaluar, Ministria Gjermane e Mbrojtjes bëri të ditur se Bundeswehr po ofron mbështetje për Belgjikën në mbrojtjen kundër dronëve, pas një kërkese zyrtare nga autoritetet belge.

    Top Channel

  • Pas ndërhyrjes së policisë dhe bashkisë, Myftinia Shkodër reagon për heqjen e tabelës profetike

    Pas ndërhyrjes së policisë dhe bashkisë, Myftinia Shkodër reagon për heqjen e tabelës profetike

    Muaji nëntor i vitit 1990, është i ngarkuar me ngjarje të shënuara, detajet e së cilave do të regjistrohen me shkronja të arta në Murin e Nderit të kombit shqiptar!

    Nga Kisha e Rrmajit dhe Xhamia e Plumbit, dorë për dore, muslimanë e të krishterë, ishin aty për të dëshmuar Dritën e shpirtrave të lirë e besimtarë, që po vërshonin më bindshëm se kurrë drejt dyerve të besimit e të fesë, duke respektuar, ndihmuar e mbështetur pa asnjë paragjykim e rezervë njëri-tjetrin!
    “Lavdi t’Madhit Zot!”, ishte thirrja madhështore e dhjetëra mijëra besimtarëve e qytetarëve shkodranë, në përcjellje të Mesazhit të paharruar të Kryemyftiut të sprovuar në burgjet e komunizmit, Hirësisë së Tij, H. H. Sabri Koçi!
    Dhe, vitet kaluan, të mbushura me përpjekje e sakrifica të mëdha në rrugën e ripërtëritjes dhe ringritjes së Ndërtesës së pathyeshme të trashëgimisë shekullore të besimit, fetarizmit të shëndoshë, harmonisë e paqes sociale në këtë vend.
    Me qindra prijës fetarë, imamllarë, hatibë, muezinë, vaizë e myderrizë, u angazhuan me durim e sakrificë, në kushte të vështira e pengesa të panumërta, në këtë rrugëtim të paqtë të kësaj Qëndrese plot vetëmohim, në rrugën e rizgjimit të pakthyeshëm e të pathyeshëm të vetëdijes kombëtare! Ata, vazhdojnë në këtë rrugëtim, larg zhurmës e prozhektorëve, në zemër të qytetit e në çdo fshat të afërt e të largët, duke bërë më të mirën e mundshme, plot dashuri e sakrificë!
    Dhe, ja ku jemi sot, kur edhe pak ditë na ndajnë nga ajo ngjarje e gdhendur në memorie, që shndrit si diell vezullues, duke na ndriçuar rrugën drejt asaj që vjen, për të qëndruar të pathyeshëm kundër taborrave të Iblisit dhe cytjeve të tij gjenetike!
    Teksa Hz. Ibrahimi i madh, po shkonte drejt finalizimit të aktit sublim të përgjigjes së vendosur e besimtare, shoqëruar nga i biri besimtar e thellësisht i bindur në urtësinë e Krijuesit dhe madhështinë e urdhrit të Tij, rrugën ia preu shejtani i mallkuar, që me lajka e shpirtin tinzar, po përpiqej ta thyente të përkushtuarin Ibrahim… Dhe, Miku i Allahut, e gjuajti me gurë shejtanin cytës, ashtu siç gjuajmë me gurët e indinjatës, dhe dënimit të patolerueshëm, këdo, të dukshëm e të padukshëm, me pushtet verbues e nën çatinë e pushtetit pa ekuilibër, që përpiqet me cinizëm e meskinitet të na e prishë këtë atmosferë të shumëpritur me shpirt qelibar të këtij jubileu të 35-të të përkujtimit të dyndjes së madhe popullore kundër diktaturës, putnave të saj e krejt të verbuarve mediokër me pushtetin e dhunës, terrorit e shtypjes!
    Në këtë atmosferë të shtrenjtë e të paprekshme, Myftinia Shkodër dënon çdo akt dhune, shkeljeje flagrante dhe denigrimi të pronës private dhe simbolikave tona të shenjta, me të cilat u përballua (paradoksalisht!?) mbrëmjen e së dielës, më 9/11/2025, në 9 nëntorin e shembjes së Murit të Berlinit, xhamia e vakëfi jonë i shenjtë në Fushë Çelë!?
    Myftinia Shkodër garanton besimtarët se dosjen e plotë të kësaj ngjarjeje të paprecedent do ta dërgojë pranë organeve kompetente, në mënyrë që personazhet e errësirës dhe hijet e mbetura të së shkuarës dhe dhunimit të vendeve të shenjta, të ngelen në sirtarët e historisë! Sikurse refuzon kategorikisht gjuhën e papërkthyeshme dhe të papranueshme të cilitdo, që i ka hipur dallgës përsëmbrapshti!
    Myftinia Shkodër falënderon të gjithë drejtuesit e komuniteteve fetare, deputetët, mediat dhe shoqërinë civile për sensibilizimin dhe mesazhet e urta të mbështetjes dhe solidarizmit, të ardhura në adresën tonë!
    Lutemi që në këtë 35 vjetor të përkujtimit të madh të Burrave të urtë e prijësve vizionarë të fesë e të kombit, secili të reflektojë në vetvete, për t’u përmirësuar në marrëdhënie me Zotin, natyrën e tjetrin, kushdo qoftë ai, sepse më i dashuri i krijesave të Allahut, për Zotin e gjithësisë, është “më i dobishmi i tyre për ta!”, siç na mëson feja e jonë!

    Top Channel

  • Fitorja e Partisë Socialiste në 5 bashki, reagon Rama: Pavarësisht dobësisë ekstreme të opozitës…

    Fitorja e Partisë Socialiste në 5 bashki, reagon Rama: Pavarësisht dobësisë ekstreme të opozitës…

    Kryeministri Edi Rama ka reaguar në lidhje me fitoren e Partisë Socialiste në zgjedhjet e 5 bashkive që u realizuan një ditë më parë.

    Ai falenderon qytetarët për besimin, por nuk lë pa përmendur edhe numrin e ulët të pjesëmarrësve në proces.
    “5 bashki 🌹🌹🌹🌹🌹5 fitore 🌹🌹🌹🌹🌹dhe 5 arsye më shumë për t’i falenderuar qytetarët për besimin e tyre, pavarësisht dobësisë ekstreme të opozitës, motit me shi të ditës se djeshme, apo vetë natyrës së zgjedhjeve të pjesshme, të cilat nuk se e stimulojnë pjesëmarrjen.
    Urime kryebashkiakëve të rinj, nga Bruna, gruaja e parë që do të drejtojë bashkinë e Vlorës; Ervini i dytë i Beratit, i cili me mbi 83% të votave dhe 13 049 vota nga 15 454 të PS në 11 maj për bashkinë Berat, ka arritur një rezultat mbresëlënës;
    Florenci në Cërrik, Gramozi në Tepelenë dhe Altini në Mat, që të tre me rezultate kuptimplota, të cilat janë një themel i fortë i punës që do të pasojë në shërbim të atyre komuniteteve. #KRENARpërPS🇦🇱🌹🇪🇺”, shkruan Rama.

    Top Channel

  • Reshjet e dendura të shiut në Bulqizë, përmbyten disa akse, vështirësi në qarkullimin e mjeteve dhe kalimtarëve

    Reshjet e dendura të shiut në Bulqizë, përmbyten disa akse, vështirësi në qarkullimin e mjeteve dhe kalimtarëve

    Reshjet e dendura të ditës së djeshme dhe të natës së kaluar kanë shkaktuar probleme në disa akse rrugore të Bulqizës, si në rrugët nacionale ashtu edhe në ato rurale.

    Një ndër zonat më të prekura është aksi rrugor që lidh Lagjen e Vjetër me Lagjen e Re, i cili është përmbytur plotësisht, duke vështirësuar qarkullimin e mjeteve dhe të kalimtarëve.
    Nga pamjet e siguruara nga korrespodenti Dëfrim Karaj, shihet aksi i përmbytur ku ka vështirësi qarkullimin e mjeteve por edhe të kalimtarëve.
    Drejtues të mjeteve dhe banorë shprehen se ky fenomen ndodh sa herë që ka reshje.
    Vitin e kaluar në këtë aks rrugor disa makina pësuan dëme në pjesët motorike për shkak të nivelit të lartë të unit në rrugë.

    Top Channel

  • LIVE/ Zgjedhjet lokale në 5 bashki, të rinjtë “braktisin” kutitë e votimit. Mbyllet procesi i numërimit, fiton PS

    LIVE/ Zgjedhjet lokale në 5 bashki, të rinjtë “braktisin” kutitë e votimit. Mbyllet procesi i numërimit, fiton PS

    Është mbyllur procesi i numërimit të votave në 5 bashkitë që një ditë më parë shkuan në zgjedhje të pjesshme për kryetarë të rinj në krye, me një pjesëmarrje totale prej 18.51%.

    Kandidatja e Partisë Socialiste, Brunilda Mersini do të drejtojë Bashkinë e Vlorës në dy vitet e ardhshme, deri në zgjedhjet e 2027. Në përfundim të numërimit të 231 kutive të votimit, Mersini, e cila për pak javë mbajti edhe mandatin e deputetes, ka rezultuar fituese me më shumë se 13 mijë vota ndaj rivalit të saj të pavarur, por të mbështetur nga opozita, Dionis Sota.
    Bashkia e Beratit ka përfunduar procesin e numërimit të votave, pas zgjedhjeve të mbajtura një ditë më parë. Kandidati i Partisë Socialiste, Ervin Ceca, është shpallur fitues me mbi 83% të votave, duke lënë pas rivalin e tij, kandidatin e pavarur, Pavlo Shkarpa.
    Gramos Sako nga Partia Socialiste do të drejtojë Bashkinë e Tepelenës pasi ka fituar në garën 77.85% të votave, ndërsa i vetmi rival përball tij ishte Gabriel Guma, kandidat i pavarur. Kandidati socialist mori 3261 vota dhe Gabriel Guma mori 928 vota (22.15%).
    Bashkia e Matit me numrin më të lartë të votuesve do të drejtohet nga kandidati i Partisë Socialiste, Altin Bojni, ka fituar me mbi 66% të votave, duke lënë pas kandidatët e pavarur Eduart Brahilika dhe Suzana Pasha.
    Kandidati i Partisë Socialiste, Florenc Doka, ka fituar zgjedhjet në Bashkinë e Cërrikut. Ai ka lënë pas me një diferencë të thellë votash, kandidatin e pavarur Amarildo Hoxha, teksa ky i fundit ka marrë edhe më shumë vota se kandidati i partisë “Shqipëria Bëhet”.
    334.539 mijë votues në bashkitë, Vlorë, Berat, Cërrik, Mat, Tepelenë patën të drejtën e votës dhe shprehjes së vullnetit të tyre të lirë, ndërsa qendrat e votimit u hapën në ora 07:00, edhe pse në disa prej tyre pati vonesa.
    Referuar përcaktimit në kodin zgjedhor, kur data e zgjedhjeve caktohet në periudhën zgjedhore nga 15 tetori deri më 15 nëntor, qendrat e votimit mbyllen në orën 18:00.
    Në Vlorë numri i qytetarëve që mund të votonin në 232 qendra votimi ishte 171.895. Në Tepelenë me të drejtë vote ishin 12.667 qytetarë, në 22 qendra votimi.
    Në Mat ishin 29.092 qytetarë me të drejtë vote, ndërsa qendrat ku mund të votonin ishin 47. Në Cërrik ishin 57 qendra votimi, dhe numri i zgjedhësve ishte 38.724.
    Në bashkinë e Beratit të drejtën e votës e kishin  82. 161 zgjedhës, të cilët mund të votonin në 116 qendra votimi.
    Ndërkohë kryekomisioneri Ilirjan Celibashi në daljen për mediat tha se grupmosha që ka marrë pjesë më shumë në këto votime janë ata mbi 65 vjeç, ndërsa vihet re një ‘braktisje’ e kutive të votimit nga të rinjtë.
    Ndërkohë qarku i Vlorës rezulton ai me numrin më të ulët të votuesve në krahasim me 4 bashkitë e tjera, me afro 13%. Ndërkohë pjesëmarrje më të lartë ka pasur Mati, me afro 40%.

    Në garën për zëvendësimin e 5 kryebashkiakëve të zgjedhur deputetë, apo ministër si në rastin e Andis Sallës së Cërrikut ishin 13 kandidatë.
    Fushata e këtyre zgjedhjeve të pjesshme kaloi pa shumë zhurmë dhe as protagonizëm. Nuk pati mitingje dhe as takime elektorale ku të pranishëm të ishin liderët e partive kryesore.
    Ndryshe nga herë të tjera Partia Demokratike nuk kishte kandidatë të regjistruar nën siglën e saj apo ndonjë partie tjetër opozitare, ndonëse de fakto kanë shprehur mbështetjen për disa kandidatë të pavarur në këtë garë.
    Përditësimi i shifrave nga KQZ (klikoni këtu)
    Numërimi LIVE
    08:00 Kandidati socialist fiton në Cërrik, kandidati i pavarur lë pas atë të partisë “Shqipëria Bëhet”
    Kandidati i Partisë Socialiste, Florenc Doka, ka fituar zgjedhjet në Bashkinë e Cërrikut. Ai ka lënë pas me një diferencë të thellë votash, kandidatin e pavarur Amarildo Hoxha, teksa ky i fundit ka marrë edhe më shumë vota se kandidati i partisë “Shqipëria Bëhet”.
    07:18 Bashkia me numrin më të lartë të votuesve, mbyllet procesi i numërimit edhe në Mat/ Altin Bojni: Duhet të ecim përpara me këtë ritëm
    Tashmë ka përfunduar edhe procesi i numërimit të kutive të votimit në Mat. Kandidati i Partisë Socialiste, Altin Bojni, ka fituar me mbi 66% të votave, duke lënë pas kandidatët e pavarur Eduart Brahilika dhe Suzana Pasha.
    07:57  Tepelena mbyll procesin e numërimit të votave, fiton kandidati socialist, shtrëngim duarsh pas shpalljes së rezultatit
    Ka përfunduar procesi i numërimit në Tepelenë, aty u përdor edhe Inteligjenca Artificiale për verifikimin e fletëve të numërimit dhe në numërimin e votave. Gramos Sako nga Partia Socialiste ka fituar në garën 77.85% të votave, ndërsa i vetmi rival përball tij ishte Gabriel Guma, kandidat i pavarur.
    06:31 Përfundon numërimi i votave në Berat, kandidati i PS kryeson me mbi 83% të votave
    Berati ka përfunduar procesin e numërimit të votave, pas zgjedhjeve të mbajtura një ditë më parë.
    02:40 Përfundon numërimi në Vlorë, kandidatja e PS fituese me 78% të votave. Mersini: Jam e kënaqur me pjesëmarrjen në votime
    Kandidatja e Partisë Socialiste, Brunilda Mersini do të drejtojë Bashkinë e Vlorës në dy vitet e ardhshme, deri në zgjedhjet e 2027.
    01:00- Vlorë, numërohen 129 nga 231 kuti/ Kandidatja socialiste kryeson me 9106 vota
    Ka nisur procesi i numërimit për Bashkinë e Vlorës.
    00:50- Hapen 44 nga 116 kuti në Berat, kryeson kandidati i PS me 5055 vota
    Ka nisur procesi i numërimit në në Berat, ku janë 116 kuti për tu numërtuar.
    00:45- Hapen 28 nga 57 kuti në Cërrik, kryeson kandidati i PS me 3209 vota
    Ka nisur procesi i numërimit në në Cërrik.
    00:40- Mat, numërohen 8 nga 47 kuti/ Kandidati socialist udhëheq me 1481 vota
    Ka nisur procesi i numërimit të votave në Mat.
    00:35- Numërohen 8 nga 21 kuti në Tepelenë, PS kryeson me 1172 vota
    Ka nisur procesi i numërimit në Tepelenë, ku janë për tu numëruar 21 kuti. Në Tepelenë do të përdoret edhe Inteligjenca Artificiale për verifikimin e fletëve të numërimit dhe në numërimin e votave.
    00:28- Numërohen 7 nga 21 kuti në Tepelenë, PS kryeson me 970 vota
    Ka nisur procesi i numërimit në Tepelenë, pak më herët se ora 22:00 kur kryekomisioneri Ilirjan Celibashi bëri me dije se procesi do të niste. Në Tepelenë do të përdoret edhe Inteligjenca Artificiale për verifikimin e fletëve të numërimit dhe në numërimin e votave.
    18:00 Mbyllet procesi i votimit
    19:09 Pjesëmarrja në 5 bashki 18.4%, a quhet i suksesshëm procesi zgjedhor? Celibashi: Nga ana e KQZ, ka qenë i administruar profesionalisht
    I pyetur nëse mund ta quante të suksesshëm procesin zgjedhor, Celibashi u shpreh se nga ana e KQZ zgjedhjet janë administruar në mënyrë profesionale. “Suksesi matet me mënyrë profesionale që organizohen zgjedhjet. Mendojë që zgjedhjet u përgatitën shumë mirë nga ana e KQZ dhe profesionalisht janë të organizuara shumë mirë, të krahasuara më standardet ndërkombëtare”, tha Celibashi.
    19:01 “Në Tepelenë do të bëhet vlerësimi i fletëve dhe rezultatit edhe nëpërmjet AI”, Celibashi: Numërimi do të nisë në 22:00, presim të përfundojë…
    Kryekomisioneri Ilirjan Celibashi në komunikim me mediat pas mbylljes së procesit të votimit, ka bërë me dije rezultatin e pjesëmarrjes së qytetarëve në votime në këto 5 bashki. Ai tha se pjesëmarrja në total për 5 bashkitë ishte 18.4%, ndërsa shtoi se Vlora kishte numrin më të ulët të qytetarëve që morën pjesë në votim. Ai tha se në Tepelenë krahas numërimit manual do të bëhet vlerësimi i fletëve dhe të dhënat e numërimit duke përdorur inteligjencën artificiale.
    18:59 Të rinjtë të painteresuar për politikën, por ja në cilën bashki votoi më shumë grupmosha 18-24 vjeç
    Është mbyllur procesi i votimit në 5 bashkitë që sot shkuan në zgjedhje të pjesshme për të zgjedhur kryetarin e ri, me një pjesëmarrje totale prej 18.45%. Por sipas të dhënave të KQZ, ajo që u vu re është një pjesëmarrje shumë e ulët nga ana e të rinjve në procesin e votimit. Referuar shifrave, grupë-mosha 18-24 dhe 25-34 ka pasur një përqindje shumë të ulët pjesëmarrje në të gjitha bashkitë.
    18:43 Mbyllja e procesit të votimit në 5 bashki, kutitë drejt qendrave të numërimit/ Ja sa ishte pjesëmarrja totale e votuesve
    Procesi i votimit ka përfunduar në 5 bashkitë ku mbaheshin zgjedhjet në vend. Menjëherë pas përfundimit të votimit, ka nisur edhe transporti i kutive në qendrat e numërimit, teksa pjesëmarrja në këto zgjedhje ishte 18.45%. Në Berat do të ketë vetëm dy qendra numërimi. Sa i përket Matit, QV më e largët është në fshatin Gjocaj, materialet e së cilës mund të vonojnë deri në 3 orë për të mbërritur në Mat.
    18:17 E moshuara në Vlorë hedh votën në minutat e fundit të mbylljes së procesit, tregon arsyen e ‘vonesës’: Tani pushoi shiu…
    Një e moshuar nga qyteti i Vlorës ka vendosur të votojë në minutat e fundit para mbylljes së kutive të votimit. E pyetur nga gazetarja e Top Channel, Kristi Gongo, ajo tregon se shkak ka qenë moti i keq por gjithsesi shprehet e pakënaqur me kandidaturat në qytetin e saj.
    17:55 Pak minuta para mbylljes së votimit, në Vlorë ikin dritat
    Vetëm 5 minuta para mbylljes së qendrave të votimit, në Vlorë kanë ikur dritat. Gjithsesi kjo situatë duket se nuk i ka penguar të disa prej qytetarëve të hidhnin votën.
    17: 46 Vetëm 19% e qytetarëve kanë votuar në Berat, kryetari i qendrës në Velabisht: Procesi i qetë por pjesëmarrja e dobët
    Pjesëmarrja në qendrën e votimit nr. 3224 në fshatin Velabisht ka qenë e dobët deri në këto momente. Sipas të dhënave zyrtare, nga 888 qytetarë të regjistruar në listën e zgjedhësve, kanë votuar vetëm 173 votues. Kryetari i komisionit pohon se deri tani situata paraqitet e qetë dhe pa probleme.
    17: 45 Foto/ Në mëngjes hodhi votën në kuti, pasdite kandidati për bashkinë Cërrik i kthehet detyrës së mjekut pranë skuadrës së Elbasanit
    Amarildo Hoxha, kandidati i Pavarur për Bashkinë e Cërrikut paraqitet në detyrë si mjek i skuadrës së Elbasanit teksa kjo e fundit zhvillon ndeshjen e javës së 11-të të Superiores me Egnatian.
    16:52 Kreu i PS Vlorë, Klevis Kaso thirrje qytetarëve: Vota është një e drejtë legjitime, shprehni vullnetin tuaj
    Kreu i PS në Vlorë, Klevis Kaso , i është drejtuar qytetarëve me një mesazh, duke i kërkua atyre të paraqiten në qendrat e votimit para se të mbyllet procesi zgjedhor. Ai e ka cilësuar votimin si një të drejtë legjitime që i tako atyre për të vendosur mbi të ardhmen e qytetit.
    16:17 Qendrat e votimit mbyllen në ora 18:00, Celibashi: Do të lejohen të votojnë vetëm ata që janë evidenduar nga Komisioni, askush tjetër
    Kryekomisioneri i KQZ, Ilirjan Celibashi në një komunikim për mediat deklaroi se grupmosha që ka marrë më shumë pjesë në zgjedhjet e pjesshme deri tani janë ata mbi 65 vjeç.
    16:02 Zgjedhjet në 5 bashki, Celibashi: Janë raportuar problematika në Cërrik dhe në Vlorë, një vëzhgues…
    Teksa ngelen më pak se dy orë nga mbyllja e orarit zyrtar të procesit të votimit, kreu i KQZ Ilirjan Celibashi raportoi për dy problematika.
    16:02 Vetëm 10% e vlonjatëve kanë votuar deri më tani, Celibashi: Vota është një detyrim qytetar
    Kreu i Komisionit Qendror të Zgjedhjeve, Ilirjan Celibashi, i ka bërë thirrje të gjitha votuesve të ushtrojnë të drejtën e tyre të votës, duke e cilësuar atë si një detyrim qytetar.
    15:55 “Po intimidohen votuesit”, pas ankesës së kandidatit të Shqipëria Bëhet në Cërrik, reagon policia
    Në lidhje me pretendimet e njërit prej kandidatëve për zgjedhjet vendore, se pranë gjimnazit “Tomorr Sinani” në qytetin e Cërrikut ndodheshin persona që po intimidonin qytetarët, shërbimet e Policisë kanë shkuar menjëherë në adresën e dhënë.
    15:23 Dy orë pa votues në Dukat, ai që erdhi, harroi kartën e identitetit: Nuk kam fuqi të vij sërish
    Interesi për të marr pjesë në zgjedhje duket i ulët në Vlorë, edhe pse kanë kaluar 8 orë nga nisja e orarit zyrtar të hapjes së qendrave të votimit. Në Dukat kishin më shumë se dy orë në pritje të votuesve në qendrën e votimit, në shkollën Hasan Mëhilli, banori që erdhi kishte harruar kartën e identitetit.
    14:12 Kandidati i Shqipëria Bëhet në Cërrik: Po intimidohen votuesit, i bëj thirrje policisë së Shtetit të marrë masa
    Kandidati i Lëvizjes Shqipëria Bëhet, Eligert Hima pretendon se jashtë qendrave të votimit, qëndrojnë persona të paautorizuar për të intimiduar zgjedhësit. Në një deklaratë për mediat, ai i bën thirrje policisë së Shteti për të garantuar që vota e qytetarëve të jetë e lirë.
    13:45 Zgjedhjet në pesë bashkitë/ Pjesëmarrja e ulët, shkak koha e keqe dhe terreni i vështirë i qendrave të votimit
    Rreth 60 qytetarë nga 1170 zgjedhësit e Tragjasit kanë ushtruar të drejtën e votës. Sipas anëtarëve të komisioneve të dy qendrave të votimit të këtij fshati, pengesë është koha me shi, vendndodhja ku votohet në zonë të vështirë me rrugë të pashtruar, si edhe fushata e vakët.
    13:24 Zgjedhjet në 5 bashkitë/ Celibashi: Kanë votuar vetëm 13%, pjesëmarrja më e ulët në Vlorë me 8%
    Pjesëmarrja e votuesve deri në orën 13:00 në pesë bashkitë është 13%. Kreu i Komisionit Qendror të Zgjedhjeve, Ilirjan Celibashi, në një konferencë për mediat u shpreh se pjesëmarrja më e lartë është në Mat, ndërsa më e ulëta në Vlorë me 8.51%.
    12:54 Zgjedhjet për kryebashkiak në Cërrik/ “Pjesëmarrja është e kënaqshme”, Mazniku sqaron numrin e zgjedhësve: Janë listat me diasporën
    Drejtuesi politik i PS-së në qarkun e Elbasanit, Arbian Mazniku në një prononcim për gazetarët ka sqaruar numrin e zgjedhësve më shumë në lista se zgjedhjet e majit 2025.
    12:37 “Këto zgjedhje më gjejnë në një detyrë tjetër”/ Ish-kryebashkiaku i Cërrikut: Pjesëmarrja mendoj që do të rritet
    Ish-kryetari i Bashkisë së Cërrikut, i cili tashmë është ministri i Bujqësisë, Andis Salla, ka votuar mesditën e kësaj të diele. Ai deklaroi se mendon që pjesëmarrja do të rritet, teksa ftoi banorët e Bashkisë së Cërrikut të votojnë.
    12:31 Votohet sot për zgjedhjet e pjesshme në pesë bashki, vështirësi në identifikim dhe pjesëmarrje e ulët
    Ka nisur me probleme procesi i zgjedhjeve lokale në pesë bashkitë e vendit. Janë kryesisht probleme të njohura tashmë, si vështirësia në identifikimin e qytetarëve që shkojnë për të votuar nëpërmjet pajisjes, por edhe ndryshimi i qendrës së votimit, si në rastin e një çifti që vjen nga Italia.
    12:30 Zgjedhjet e pjesshme në 5 bashki/ KQZ publikon shifrat e pjesëmarrjes deri në orën 12:00, bashkia Mat me numrin më të lartë të votuesve
    Komisioni Qendror i Zgjedhjeve ka publikuar shifrat e pjesëmarrjes në votim për zgjedhjen e 5 kryebashkiakëve të rinj në vend. Pjesëmarrja në votime në pesë bashki deri në orën 11:00 është 10.82%.
    11:58 Vetëm 5% e vlonjatëve kanë votuar deri më tani, kandidati i pavarur Gjergj Nika: Ky duhet të jetë leksion…
    Nga pesë bashki që votohet sot për kryebashkiak, pjesëmarrjen më të ulët e ka Vlora me 5.12%. Pasi votoi, kandidati i pavarur Gjergj Nika u shpreh se do te ketë një bojkotim të klasës politike dhe ky tha ai, do të jetë një leksion.
    11:36 Voton kandidati i PS Florenc Doka në Cërrik: Pjesëmarrje e ulët, shpresojmë që qytetarët të votojnë masivisht
    Kandidati i Partisë Socialiste në Cërrik, Florenc Doka u ka bërë thirrje qytetarëve që të dalin të votojnë në zgjedhjet që mbahen sot. Pasi votoi, në një deklaratë për gazetarët, ai u shpreh se vota është një mjet për të kërkuar llogari.
    11:30 Zgjedhjet e pjesshme në 5 bashki/ KQZ publikon shifrat e pjesëmarrjes deri në orën 11:00, bashkia Mat me numrin më të lartë të votuesve
    Komisioni Qendror i Zgjedhjeve ka publikuar shifrat e pjesëmarrjes në votim për zgjedhjen e 5 kryebashkiakëve të rinj në vend.
    11:16 “Diella” e KQZ do numërojë votat/ Projekti pilot do të zbatohet në bashkinë e Tepelenës, por jo për shpalljen e rezultatit final
    Diella mesa duket nuk është krijesa e vetme virtuale ne vend, ajo ka edhe binjaken e saj në Komisionin Qendror të Zgjedhjeve. Për herë të parë KQZ po teston inteligjencën artificiale në bashkinë e Tepelenës, por ajo është ende herët për të zëvendësuar numëruesit e partive.
    11:10 Pjesëmarrje e ulët në Novoselë të Vlorës, të moshuarit hasen me probleme në njohjen e shenjave të gishtave
    Në njësinë administrative të Novoselës, pjesë e Bashkisë Vlorë, procesi i votimit po ecën normal, por me pjesëmarrje të ulët. Personat e moshuar kanë pasur probleme pasi shenjat e gishtit nuk u njiheshin, por u është gjetur zgjedhja.
    10:54 Me fëmijën me vete, voton kandidati i pavarur në Tepelenë: Dilni votoni, bëni zgjedhjen e duhur

    I shoqëruar nga bashkëshortja dhe me fëmijën e vogël, kandidati i pavarur në Tepelenë Gabriel Guma, votoi në fshatin Luzat. Pasi hodhi votën, ai u bëri thirrje qytetarëve të marrin pjesë në zgjedhje dhe të votojnë kandidatin e duhur.

    10:51 Zgjedhjet në Mat/ Voton kandidatja e pavarur, Suzana Pasha: Jam dhe vazhdoj të jem socialiste ndonëse idetë tona u ndanë
    Suzana Pasha, kandidatja e pavarur në Bashkinë e Matit ka votuar pak momente më parë. Në një prononcim për mediat, ajo u shpreh se procesi është i qetë, ndërsa uroi që garën ta fitojë kandidati më i mirë.
    10:41 Zgjedhjet për kryebashkiak në Mat/ Voton kandidati i pavarur, Eduart Brahilika thirrje qytetarëve: Dilni nga shtëpia dhe votoni
    Avokati Eduart Brahilika, kandidat i pavarur (mbështetet nga opozita) ka votuar për zgjedhjet për kryebashkiak. Në një prononcim për mediat ai tha se procesi i votimit është i qetë, ndërsa u bëri thirrje matjanëve që të dalin nga shtëpitë dhe të votojnë.
    10:39 Vlorë/ 90-vjeçari që nuk ka munguar kurrë në zgjedhje: Kam votuar gjithmonë, jam korrekt
    Ismail Mahilaj, nga Novosela e Vlorës, është 90-vjeçari që nuk ka munguar në asnjë zgjedhje. Ai ka deklaruar se i është drejtuar gjithmonë kutive të votimit, ashtu siç bëri edhe sot.
    10:37 Pjesëmarrje e ulët në Cërrik, kandidati i pavarur: Shpresojmë të mos ketë ndërhyrje nga jashtë
    Kandidati i pavarur për kryebashkiak në Cërrik, Amarildo Hoxha, pasi votoi, i bëri thirrje qytetarëve të marrin pjesë. Në një deklaratë për gazetarët, ai tha se shpreson që të mos ketë ndërhyrje nga jashtë në këto zgjedhje.
    10:19 Kur do të dalin rezultatet e zgjedhjeve në pesë bashkitë? Përgjigjet Celibashi: Procesi mund të përfundojë mesditën e së hënës
    Gjatë konferencës për mediat, kreu i KQZ-së, Ilirjan Celibashi, u pyet se kur do të dalin zgjedhjet në pesë bashkitë.
    Ai tha për gazetaren e Top Channel, Elda Menga, se procesi i numërimit të votave pritet të përfundojë mesditën e së hënës.
    10:10 Procesi i votimit në 5 bashkitë/ Kreu i KQZ: Proces i qetë dhe pa probleme. Pjesëmarrja totale, 2.42%
    Komisioneri Shtetëror i Zgjedhjeve, Ilirjan Celibashi, gjatë një konference për mediat ka ndarë informacione rreth procesit të votimit në pesë bashki të vendit.
    Sipas KQZ-së, pjesëmarrja në të gjitha bashkitë deri në këtë orë është 2.42%.
    10:07 “Sot është ditë e shënuar”/ Voton kandidatja socialiste në Vlorë, Brunilda Mersini: Jemi të kënaqur me pjesëmarrjen. Kandidati i pavarur: Kam besim…
    Kandidatja e Partisë Socialiste për Vlorën, Brunilda Mersini, ka votuar paraditen e sotme.
    Teksa ushtroi të drejtën e votës, ajo ka deklaruar më pas se kjo është një ditë e shënuar, teksa është e kënaqur me pjesëmarrjen.
    10:00 Çifti i të moshuarve nga Italia vjen për zgjedhjet, hasen me problematika në dokumentacione: Nuk do votojmë fare kështu
    Për disa qytetarë në Vlorë procesi i votimit po shihet me vështirësi.
    Një çift i të moshuarve, që ka ardhur posaçërisht nga Italia për të ushtruar të drejtën e tyre të votës, u përball me problematika në dokumentacionin e nevojshëm dhe me mungesë informacioni mbi qendrën e tyre të votimit.
    09:42 Zgjedhjet për kryebashkiak në Cërrik, voton kandidati i “Shqipëria Bëhet”, Eligert Hima thirrje zgjedhësve: Dilni dhe votoni
    Kandidati i “Shqipëria Bëhet” në Cërrik, Eligert Hima, ushtroi më herët të drejtën e tij për të votuar.
    Pasi votoi kandidati u bëri thirrje qytetarëve të Cërrikut të votojnë masivisht.
    09:15 Zgjedhjet e pjesshme në 5 bashki, KQZ publikon shifrat e para të pjesëmarrjes në votim
    Komisioni Qendror i Zgjedhjeve ka publikuar shifrat e para të pjesëmarrjes në votim për zgjedhjen e 5 kryebashkiakëve të rinj në vend.
    Sipas të dhënave të raportuara deri në orën 08:00, pjesëmarrja në pesë bashkitë është:
    Vlorë: 687 qytetarë kanë votuar, ose rreth 0.51%.
    Berat: 580 qytetarë kanë votuar, ose rreth 0.83%.
    Cërrik: 323 qytetarë kanë votuar, ose 0.97%.
    Mat: 463 qytetarë kanë votuar, ose 1.96%.
    Tepelenë: 182 qytetarë kanë votuar, ose 2.07%.
    09:14 Voton kandidati i PS në Mat, Altin Bojni: Sot është dita e fjalës së qytetarëve
    Kandidati i Partisë Socialiste në Mat, Altin Bojni, i është drejtuar kutive të votimit ditën e sotme, në zgjedhjet lokale.
    Ai ka deklaruar se sot është dita e fjalës së lirë të votuesve, teksa u bën thirrje të gjithëve të votojnë.
    08:27 Zgjedhjet lokale nën masa të shtuara sigurie, policia do të marrë në ruajtje 473 qendra votimi
    Zgjedhjet lokale në pesë Bashki të vendit do të shoqërohen nga masa të shtuara sigurie.
    Policia do të marrë në mbikëqyrje 473 objekte që do të shërbejnë si qendra votimi, teksa sqaron se si do të vijojë me procesin e punës për sigurinë e zgjedhjeve.
    07:48 Nis votimi në Cërrik, qytetarët zgjedhin kryebashkiakun e ri, procesi pa probleme
    Gazetarja e Top Channel, Bruna Kërçyku raporton se ka nisur votimi në të gjitha qendrat e votimit në Bashkinë Cërrik. Deri më tani nuk raportohet për asnjë problematikë.
    07:24 Katër qendra votimi në Vlorë nuk kanë nisur procesin, qytetarët nuk arrijnë të votojnë 
    Në shkollën industriale Vlorë ku janë katër qëndra votimi ende nuk ka nis procesi i votimit. Janë duke u bërë përgatitjet e fundit. Ndërkohë qe qytetarë që kanë dashur të votonit nuk e kanë kryer për shkak se ende nuk ka nis.
    07:15 Nisin problemet e para të zgjedhjeve në Berat, probleme me kamerat në një qendër votimi
    Tashmë kanë nisur problemet e para në Berat, aty ku mbahen sot zgjedhjet për kryebashkiakun e ri. Në një qendër votimi, përkatësisht për 3270, ka probleme me kamerat.
    07:00 Zgjedhjet lokale në 5 bashki, Rama thirrje qytetarëve: Votoni!
    Kryeministri Edi Rama ka ftuar qytetarët e pesë bashkive ku do të bëhen zgjedhjet që të votojnë.

    Top Channel

  • LIVE/ Zgjedhjet lokale në 5 bashki, të rinjtë “braktisin” kutitë e votimit. Mbyllet procesi i numërimit, kryeson PS

    LIVE/ Zgjedhjet lokale në 5 bashki, të rinjtë “braktisin” kutitë e votimit. Mbyllet procesi i numërimit, kryeson PS

    Është mbyllur procesi i numërimit të votave në 5 bashkitë që një ditë më parë shkuan në zgjedhje të pjesshme për kryetarë të rinj në krye, me një pjesëmarrje totale prej 18.51%.

    Kandidatja e Partisë Socialiste, Brunilda Mersini do të drejtojë Bashkinë e Vlorës në dy vitet e ardhshme, deri në zgjedhjet e 2027. Në përfundim të numërimit të 231 kutive të votimit, Mersini, e cila për pak javë mbajti edhe mandatin e deputetes, ka rezultuar fituese me më shumë se 13 mijë vota ndaj rivalit të saj të pavarur, por të mbështetur nga opozita, Dionis Sota.
    Bashkia e Beratit ka përfunduar procesin e numërimit të votave, pas zgjedhjeve të mbajtura një ditë më parë. Kandidati i Partisë Socialiste, Ervin Ceca, është shpallur fitues me mbi 83% të votave, duke lënë pas rivalin e tij, kandidatin e pavarur, Pavlo Shkarpa.
    Gramos Sako nga Partia Socialiste do të drejtojë Bashkinë e Tepelenës pasi ka fituar në garën 77.85% të votave, ndërsa i vetmi rival përball tij ishte Gabriel Guma, kandidat i pavarur. Kandidati socialist mori 3261 vota dhe Gabriel Guma mori 928 vota (22.15%).
    Bashkia e Matit me numrin më të lartë të votuesve do të drejtohet nga kandidati i Partisë Socialiste, Altin Bojni, ka fituar me mbi 66% të votave, duke lënë pas kandidatët e pavarur Eduart Brahilika dhe Suzana Pasha.
    Kandidati i Partisë Socialiste, Florenc Doka, ka fituar zgjedhjet në Bashkinë e Cërrikut. Ai ka lënë pas me një diferencë të thellë votash, kandidatin e pavarur Amarildo Hoxha, teksa ky i fundit ka marrë edhe më shumë vota se kandidati i partisë “Shqipëria Bëhet”.
    334.539 mijë votues në bashkitë, Vlorë, Berat, Cërrik, Mat, Tepelenë patën të drejtën e votës dhe shprehjes së vullnetit të tyre të lirë, ndërsa qendrat e votimit u hapën në ora 07:00, edhe pse në disa prej tyre pati vonesa.
    Referuar përcaktimit në kodin zgjedhor, kur data e zgjedhjeve caktohet në periudhën zgjedhore nga 15 tetori deri më 15 nëntor, qendrat e votimit mbyllen në orën 18:00.
    Në Vlorë numri i qytetarëve që mund të votonin në 232 qendra votimi ishte 171.895. Në Tepelenë me të drejtë vote ishin 12.667 qytetarë, në 22 qendra votimi.
    Në Mat ishin 29.092 qytetarë me të drejtë vote, ndërsa qendrat ku mund të votonin ishin 47. Në Cërrik ishin 57 qendra votimi, dhe numri i zgjedhësve ishte 38.724.
    Në bashkinë e Beratit të drejtën e votës e kishin  82. 161 zgjedhës, të cilët mund të votonin në 116 qendra votimi.
    Ndërkohë kryekomisioneri Ilirjan Celibashi në daljen për mediat tha se grupmosha që ka marrë pjesë më shumë në këto votime janë ata mbi 65 vjeç, ndërsa vihet re një ‘braktisje’ e kutive të votimit nga të rinjtë.
    Ndërkohë qarku i Vlorës rezulton ai me numrin më të ulët të votuesve në krahasim me 4 bashkitë e tjera, me afro 13%. Ndërkohë pjesëmarrje më të lartë ka pasur Mati, me afro 40%.

    Në garën për zëvendësimin e 5 kryebashkiakëve të zgjedhur deputetë, apo ministër si në rastin e Andis Sallës së Cërrikut ishin 13 kandidatë.
    Fushata e këtyre zgjedhjeve të pjesshme kaloi pa shumë zhurmë dhe as protagonizëm. Nuk pati mitingje dhe as takime elektorale ku të pranishëm të ishin liderët e partive kryesore.
    Ndryshe nga herë të tjera Partia Demokratike nuk kishte kandidatë të regjistruar nën siglën e saj apo ndonjë partie tjetër opozitare, ndonëse de fakto kanë shprehur mbështetjen për disa kandidatë të pavarur në këtë garë.
    Përditësimi i shifrave nga KQZ (klikoni këtu)
    Numërimi LIVE
    08:00 Kandidati socialist fiton në Cërrik, kandidati i pavarur lë pas atë të partisë “Shqipëria Bëhet”
    Kandidati i Partisë Socialiste, Florenc Doka, ka fituar zgjedhjet në Bashkinë e Cërrikut. Ai ka lënë pas me një diferencë të thellë votash, kandidatin e pavarur Amarildo Hoxha, teksa ky i fundit ka marrë edhe më shumë vota se kandidati i partisë “Shqipëria Bëhet”.
    07:18 Bashkia me numrin më të lartë të votuesve, mbyllet procesi i numërimit edhe në Mat/ Altin Bojni: Duhet të ecim përpara me këtë ritëm
    Tashmë ka përfunduar edhe procesi i numërimit të kutive të votimit në Mat. Kandidati i Partisë Socialiste, Altin Bojni, ka fituar me mbi 66% të votave, duke lënë pas kandidatët e pavarur Eduart Brahilika dhe Suzana Pasha.
    07:57  Tepelena mbyll procesin e numërimit të votave, fiton kandidati socialist, shtrëngim duarsh pas shpalljes së rezultatit
    Ka përfunduar procesi i numërimit në Tepelenë, aty u përdor edhe Inteligjenca Artificiale për verifikimin e fletëve të numërimit dhe në numërimin e votave. Gramos Sako nga Partia Socialiste ka fituar në garën 77.85% të votave, ndërsa i vetmi rival përball tij ishte Gabriel Guma, kandidat i pavarur.
    06:31 Përfundon numërimi i votave në Berat, kandidati i PS kryeson me mbi 83% të votave
    Berati ka përfunduar procesin e numërimit të votave, pas zgjedhjeve të mbajtura një ditë më parë.
    02:40 Përfundon numërimi në Vlorë, kandidatja e PS fituese me 78% të votave. Mersini: Jam e kënaqur me pjesëmarrjen në votime
    Kandidatja e Partisë Socialiste, Brunilda Mersini do të drejtojë Bashkinë e Vlorës në dy vitet e ardhshme, deri në zgjedhjet e 2027.
    01:00- Vlorë, numërohen 129 nga 231 kuti/ Kandidatja socialiste kryeson me 9106 vota
    Ka nisur procesi i numërimit për Bashkinë e Vlorës.
    00:50- Hapen 44 nga 116 kuti në Berat, kryeson kandidati i PS me 5055 vota
    Ka nisur procesi i numërimit në në Berat, ku janë 116 kuti për tu numërtuar.
    00:45- Hapen 28 nga 57 kuti në Cërrik, kryeson kandidati i PS me 3209 vota
    Ka nisur procesi i numërimit në në Cërrik.
    00:40- Mat, numërohen 8 nga 47 kuti/ Kandidati socialist udhëheq me 1481 vota
    Ka nisur procesi i numërimit të votave në Mat.
    00:35- Numërohen 8 nga 21 kuti në Tepelenë, PS kryeson me 1172 vota
    Ka nisur procesi i numërimit në Tepelenë, ku janë për tu numëruar 21 kuti. Në Tepelenë do të përdoret edhe Inteligjenca Artificiale për verifikimin e fletëve të numërimit dhe në numërimin e votave.
    00:28- Numërohen 7 nga 21 kuti në Tepelenë, PS kryeson me 970 vota
    Ka nisur procesi i numërimit në Tepelenë, pak më herët se ora 22:00 kur kryekomisioneri Ilirjan Celibashi bëri me dije se procesi do të niste. Në Tepelenë do të përdoret edhe Inteligjenca Artificiale për verifikimin e fletëve të numërimit dhe në numërimin e votave.
    18:00 Mbyllet procesi i votimit
    19:09 Pjesëmarrja në 5 bashki 18.4%, a quhet i suksesshëm procesi zgjedhor? Celibashi: Nga ana e KQZ, ka qenë i administruar profesionalisht
    I pyetur nëse mund ta quante të suksesshëm procesin zgjedhor, Celibashi u shpreh se nga ana e KQZ zgjedhjet janë administruar në mënyrë profesionale. “Suksesi matet me mënyrë profesionale që organizohen zgjedhjet. Mendojë që zgjedhjet u përgatitën shumë mirë nga ana e KQZ dhe profesionalisht janë të organizuara shumë mirë, të krahasuara më standardet ndërkombëtare”, tha Celibashi.
    19:01 “Në Tepelenë do të bëhet vlerësimi i fletëve dhe rezultatit edhe nëpërmjet AI”, Celibashi: Numërimi do të nisë në 22:00, presim të përfundojë…
    Kryekomisioneri Ilirjan Celibashi në komunikim me mediat pas mbylljes së procesit të votimit, ka bërë me dije rezultatin e pjesëmarrjes së qytetarëve në votime në këto 5 bashki. Ai tha se pjesëmarrja në total për 5 bashkitë ishte 18.4%, ndërsa shtoi se Vlora kishte numrin më të ulët të qytetarëve që morën pjesë në votim. Ai tha se në Tepelenë krahas numërimit manual do të bëhet vlerësimi i fletëve dhe të dhënat e numërimit duke përdorur inteligjencën artificiale.
    18:59 Të rinjtë të painteresuar për politikën, por ja në cilën bashki votoi më shumë grupmosha 18-24 vjeç
    Është mbyllur procesi i votimit në 5 bashkitë që sot shkuan në zgjedhje të pjesshme për të zgjedhur kryetarin e ri, me një pjesëmarrje totale prej 18.45%. Por sipas të dhënave të KQZ, ajo që u vu re është një pjesëmarrje shumë e ulët nga ana e të rinjve në procesin e votimit. Referuar shifrave, grupë-mosha 18-24 dhe 25-34 ka pasur një përqindje shumë të ulët pjesëmarrje në të gjitha bashkitë.
    18:43 Mbyllja e procesit të votimit në 5 bashki, kutitë drejt qendrave të numërimit/ Ja sa ishte pjesëmarrja totale e votuesve
    Procesi i votimit ka përfunduar në 5 bashkitë ku mbaheshin zgjedhjet në vend. Menjëherë pas përfundimit të votimit, ka nisur edhe transporti i kutive në qendrat e numërimit, teksa pjesëmarrja në këto zgjedhje ishte 18.45%. Në Berat do të ketë vetëm dy qendra numërimi. Sa i përket Matit, QV më e largët është në fshatin Gjocaj, materialet e së cilës mund të vonojnë deri në 3 orë për të mbërritur në Mat.
    18:17 E moshuara në Vlorë hedh votën në minutat e fundit të mbylljes së procesit, tregon arsyen e ‘vonesës’: Tani pushoi shiu…
    Një e moshuar nga qyteti i Vlorës ka vendosur të votojë në minutat e fundit para mbylljes së kutive të votimit. E pyetur nga gazetarja e Top Channel, Kristi Gongo, ajo tregon se shkak ka qenë moti i keq por gjithsesi shprehet e pakënaqur me kandidaturat në qytetin e saj.
    17:55 Pak minuta para mbylljes së votimit, në Vlorë ikin dritat
    Vetëm 5 minuta para mbylljes së qendrave të votimit, në Vlorë kanë ikur dritat. Gjithsesi kjo situatë duket se nuk i ka penguar të disa prej qytetarëve të hidhnin votën.
    17: 46 Vetëm 19% e qytetarëve kanë votuar në Berat, kryetari i qendrës në Velabisht: Procesi i qetë por pjesëmarrja e dobët
    Pjesëmarrja në qendrën e votimit nr. 3224 në fshatin Velabisht ka qenë e dobët deri në këto momente. Sipas të dhënave zyrtare, nga 888 qytetarë të regjistruar në listën e zgjedhësve, kanë votuar vetëm 173 votues. Kryetari i komisionit pohon se deri tani situata paraqitet e qetë dhe pa probleme.
    17: 45 Foto/ Në mëngjes hodhi votën në kuti, pasdite kandidati për bashkinë Cërrik i kthehet detyrës së mjekut pranë skuadrës së Elbasanit
    Amarildo Hoxha, kandidati i Pavarur për Bashkinë e Cërrikut paraqitet në detyrë si mjek i skuadrës së Elbasanit teksa kjo e fundit zhvillon ndeshjen e javës së 11-të të Superiores me Egnatian.
    16:52 Kreu i PS Vlorë, Klevis Kaso thirrje qytetarëve: Vota është një e drejtë legjitime, shprehni vullnetin tuaj
    Kreu i PS në Vlorë, Klevis Kaso , i është drejtuar qytetarëve me një mesazh, duke i kërkua atyre të paraqiten në qendrat e votimit para se të mbyllet procesi zgjedhor. Ai e ka cilësuar votimin si një të drejtë legjitime që i tako atyre për të vendosur mbi të ardhmen e qytetit.
    16:17 Qendrat e votimit mbyllen në ora 18:00, Celibashi: Do të lejohen të votojnë vetëm ata që janë evidenduar nga Komisioni, askush tjetër
    Kryekomisioneri i KQZ, Ilirjan Celibashi në një komunikim për mediat deklaroi se grupmosha që ka marrë më shumë pjesë në zgjedhjet e pjesshme deri tani janë ata mbi 65 vjeç.
    16:02 Zgjedhjet në 5 bashki, Celibashi: Janë raportuar problematika në Cërrik dhe në Vlorë, një vëzhgues…
    Teksa ngelen më pak se dy orë nga mbyllja e orarit zyrtar të procesit të votimit, kreu i KQZ Ilirjan Celibashi raportoi për dy problematika.
    16:02 Vetëm 10% e vlonjatëve kanë votuar deri më tani, Celibashi: Vota është një detyrim qytetar
    Kreu i Komisionit Qendror të Zgjedhjeve, Ilirjan Celibashi, i ka bërë thirrje të gjitha votuesve të ushtrojnë të drejtën e tyre të votës, duke e cilësuar atë si një detyrim qytetar.
    15:55 “Po intimidohen votuesit”, pas ankesës së kandidatit të Shqipëria Bëhet në Cërrik, reagon policia
    Në lidhje me pretendimet e njërit prej kandidatëve për zgjedhjet vendore, se pranë gjimnazit “Tomorr Sinani” në qytetin e Cërrikut ndodheshin persona që po intimidonin qytetarët, shërbimet e Policisë kanë shkuar menjëherë në adresën e dhënë.
    15:23 Dy orë pa votues në Dukat, ai që erdhi, harroi kartën e identitetit: Nuk kam fuqi të vij sërish
    Interesi për të marr pjesë në zgjedhje duket i ulët në Vlorë, edhe pse kanë kaluar 8 orë nga nisja e orarit zyrtar të hapjes së qendrave të votimit. Në Dukat kishin më shumë se dy orë në pritje të votuesve në qendrën e votimit, në shkollën Hasan Mëhilli, banori që erdhi kishte harruar kartën e identitetit.
    14:12 Kandidati i Shqipëria Bëhet në Cërrik: Po intimidohen votuesit, i bëj thirrje policisë së Shtetit të marrë masa
    Kandidati i Lëvizjes Shqipëria Bëhet, Eligert Hima pretendon se jashtë qendrave të votimit, qëndrojnë persona të paautorizuar për të intimiduar zgjedhësit. Në një deklaratë për mediat, ai i bën thirrje policisë së Shteti për të garantuar që vota e qytetarëve të jetë e lirë.
    13:45 Zgjedhjet në pesë bashkitë/ Pjesëmarrja e ulët, shkak koha e keqe dhe terreni i vështirë i qendrave të votimit
    Rreth 60 qytetarë nga 1170 zgjedhësit e Tragjasit kanë ushtruar të drejtën e votës. Sipas anëtarëve të komisioneve të dy qendrave të votimit të këtij fshati, pengesë është koha me shi, vendndodhja ku votohet në zonë të vështirë me rrugë të pashtruar, si edhe fushata e vakët.
    13:24 Zgjedhjet në 5 bashkitë/ Celibashi: Kanë votuar vetëm 13%, pjesëmarrja më e ulët në Vlorë me 8%
    Pjesëmarrja e votuesve deri në orën 13:00 në pesë bashkitë është 13%. Kreu i Komisionit Qendror të Zgjedhjeve, Ilirjan Celibashi, në një konferencë për mediat u shpreh se pjesëmarrja më e lartë është në Mat, ndërsa më e ulëta në Vlorë me 8.51%.
    12:54 Zgjedhjet për kryebashkiak në Cërrik/ “Pjesëmarrja është e kënaqshme”, Mazniku sqaron numrin e zgjedhësve: Janë listat me diasporën
    Drejtuesi politik i PS-së në qarkun e Elbasanit, Arbian Mazniku në një prononcim për gazetarët ka sqaruar numrin e zgjedhësve më shumë në lista se zgjedhjet e majit 2025.
    12:37 “Këto zgjedhje më gjejnë në një detyrë tjetër”/ Ish-kryebashkiaku i Cërrikut: Pjesëmarrja mendoj që do të rritet
    Ish-kryetari i Bashkisë së Cërrikut, i cili tashmë është ministri i Bujqësisë, Andis Salla, ka votuar mesditën e kësaj të diele. Ai deklaroi se mendon që pjesëmarrja do të rritet, teksa ftoi banorët e Bashkisë së Cërrikut të votojnë.
    12:31 Votohet sot për zgjedhjet e pjesshme në pesë bashki, vështirësi në identifikim dhe pjesëmarrje e ulët
    Ka nisur me probleme procesi i zgjedhjeve lokale në pesë bashkitë e vendit. Janë kryesisht probleme të njohura tashmë, si vështirësia në identifikimin e qytetarëve që shkojnë për të votuar nëpërmjet pajisjes, por edhe ndryshimi i qendrës së votimit, si në rastin e një çifti që vjen nga Italia.
    12:30 Zgjedhjet e pjesshme në 5 bashki/ KQZ publikon shifrat e pjesëmarrjes deri në orën 12:00, bashkia Mat me numrin më të lartë të votuesve
    Komisioni Qendror i Zgjedhjeve ka publikuar shifrat e pjesëmarrjes në votim për zgjedhjen e 5 kryebashkiakëve të rinj në vend. Pjesëmarrja në votime në pesë bashki deri në orën 11:00 është 10.82%.
    11:58 Vetëm 5% e vlonjatëve kanë votuar deri më tani, kandidati i pavarur Gjergj Nika: Ky duhet të jetë leksion…
    Nga pesë bashki që votohet sot për kryebashkiak, pjesëmarrjen më të ulët e ka Vlora me 5.12%. Pasi votoi, kandidati i pavarur Gjergj Nika u shpreh se do te ketë një bojkotim të klasës politike dhe ky tha ai, do të jetë një leksion.
    11:36 Voton kandidati i PS Florenc Doka në Cërrik: Pjesëmarrje e ulët, shpresojmë që qytetarët të votojnë masivisht
    Kandidati i Partisë Socialiste në Cërrik, Florenc Doka u ka bërë thirrje qytetarëve që të dalin të votojnë në zgjedhjet që mbahen sot. Pasi votoi, në një deklaratë për gazetarët, ai u shpreh se vota është një mjet për të kërkuar llogari.
    11:30 Zgjedhjet e pjesshme në 5 bashki/ KQZ publikon shifrat e pjesëmarrjes deri në orën 11:00, bashkia Mat me numrin më të lartë të votuesve
    Komisioni Qendror i Zgjedhjeve ka publikuar shifrat e pjesëmarrjes në votim për zgjedhjen e 5 kryebashkiakëve të rinj në vend.
    11:16 “Diella” e KQZ do numërojë votat/ Projekti pilot do të zbatohet në bashkinë e Tepelenës, por jo për shpalljen e rezultatit final
    Diella mesa duket nuk është krijesa e vetme virtuale ne vend, ajo ka edhe binjaken e saj në Komisionin Qendror të Zgjedhjeve. Për herë të parë KQZ po teston inteligjencën artificiale në bashkinë e Tepelenës, por ajo është ende herët për të zëvendësuar numëruesit e partive.
    11:10 Pjesëmarrje e ulët në Novoselë të Vlorës, të moshuarit hasen me probleme në njohjen e shenjave të gishtave
    Në njësinë administrative të Novoselës, pjesë e Bashkisë Vlorë, procesi i votimit po ecën normal, por me pjesëmarrje të ulët. Personat e moshuar kanë pasur probleme pasi shenjat e gishtit nuk u njiheshin, por u është gjetur zgjedhja.
    10:54 Me fëmijën me vete, voton kandidati i pavarur në Tepelenë: Dilni votoni, bëni zgjedhjen e duhur

    I shoqëruar nga bashkëshortja dhe me fëmijën e vogël, kandidati i pavarur në Tepelenë Gabriel Guma, votoi në fshatin Luzat. Pasi hodhi votën, ai u bëri thirrje qytetarëve të marrin pjesë në zgjedhje dhe të votojnë kandidatin e duhur.

    10:51 Zgjedhjet në Mat/ Voton kandidatja e pavarur, Suzana Pasha: Jam dhe vazhdoj të jem socialiste ndonëse idetë tona u ndanë
    Suzana Pasha, kandidatja e pavarur në Bashkinë e Matit ka votuar pak momente më parë. Në një prononcim për mediat, ajo u shpreh se procesi është i qetë, ndërsa uroi që garën ta fitojë kandidati më i mirë.
    10:41 Zgjedhjet për kryebashkiak në Mat/ Voton kandidati i pavarur, Eduart Brahilika thirrje qytetarëve: Dilni nga shtëpia dhe votoni
    Avokati Eduart Brahilika, kandidat i pavarur (mbështetet nga opozita) ka votuar për zgjedhjet për kryebashkiak. Në një prononcim për mediat ai tha se procesi i votimit është i qetë, ndërsa u bëri thirrje matjanëve që të dalin nga shtëpitë dhe të votojnë.
    10:39 Vlorë/ 90-vjeçari që nuk ka munguar kurrë në zgjedhje: Kam votuar gjithmonë, jam korrekt
    Ismail Mahilaj, nga Novosela e Vlorës, është 90-vjeçari që nuk ka munguar në asnjë zgjedhje. Ai ka deklaruar se i është drejtuar gjithmonë kutive të votimit, ashtu siç bëri edhe sot.
    10:37 Pjesëmarrje e ulët në Cërrik, kandidati i pavarur: Shpresojmë të mos ketë ndërhyrje nga jashtë
    Kandidati i pavarur për kryebashkiak në Cërrik, Amarildo Hoxha, pasi votoi, i bëri thirrje qytetarëve të marrin pjesë. Në një deklaratë për gazetarët, ai tha se shpreson që të mos ketë ndërhyrje nga jashtë në këto zgjedhje.
    10:19 Kur do të dalin rezultatet e zgjedhjeve në pesë bashkitë? Përgjigjet Celibashi: Procesi mund të përfundojë mesditën e së hënës
    Gjatë konferencës për mediat, kreu i KQZ-së, Ilirjan Celibashi, u pyet se kur do të dalin zgjedhjet në pesë bashkitë.
    Ai tha për gazetaren e Top Channel, Elda Menga, se procesi i numërimit të votave pritet të përfundojë mesditën e së hënës.
    10:10 Procesi i votimit në 5 bashkitë/ Kreu i KQZ: Proces i qetë dhe pa probleme. Pjesëmarrja totale, 2.42%
    Komisioneri Shtetëror i Zgjedhjeve, Ilirjan Celibashi, gjatë një konference për mediat ka ndarë informacione rreth procesit të votimit në pesë bashki të vendit.
    Sipas KQZ-së, pjesëmarrja në të gjitha bashkitë deri në këtë orë është 2.42%.
    10:07 “Sot është ditë e shënuar”/ Voton kandidatja socialiste në Vlorë, Brunilda Mersini: Jemi të kënaqur me pjesëmarrjen. Kandidati i pavarur: Kam besim…
    Kandidatja e Partisë Socialiste për Vlorën, Brunilda Mersini, ka votuar paraditen e sotme.
    Teksa ushtroi të drejtën e votës, ajo ka deklaruar më pas se kjo është një ditë e shënuar, teksa është e kënaqur me pjesëmarrjen.
    10:00 Çifti i të moshuarve nga Italia vjen për zgjedhjet, hasen me problematika në dokumentacione: Nuk do votojmë fare kështu
    Për disa qytetarë në Vlorë procesi i votimit po shihet me vështirësi.
    Një çift i të moshuarve, që ka ardhur posaçërisht nga Italia për të ushtruar të drejtën e tyre të votës, u përball me problematika në dokumentacionin e nevojshëm dhe me mungesë informacioni mbi qendrën e tyre të votimit.
    09:42 Zgjedhjet për kryebashkiak në Cërrik, voton kandidati i “Shqipëria Bëhet”, Eligert Hima thirrje zgjedhësve: Dilni dhe votoni
    Kandidati i “Shqipëria Bëhet” në Cërrik, Eligert Hima, ushtroi më herët të drejtën e tij për të votuar.
    Pasi votoi kandidati u bëri thirrje qytetarëve të Cërrikut të votojnë masivisht.
    09:15 Zgjedhjet e pjesshme në 5 bashki, KQZ publikon shifrat e para të pjesëmarrjes në votim
    Komisioni Qendror i Zgjedhjeve ka publikuar shifrat e para të pjesëmarrjes në votim për zgjedhjen e 5 kryebashkiakëve të rinj në vend.
    Sipas të dhënave të raportuara deri në orën 08:00, pjesëmarrja në pesë bashkitë është:
    Vlorë: 687 qytetarë kanë votuar, ose rreth 0.51%.
    Berat: 580 qytetarë kanë votuar, ose rreth 0.83%.
    Cërrik: 323 qytetarë kanë votuar, ose 0.97%.
    Mat: 463 qytetarë kanë votuar, ose 1.96%.
    Tepelenë: 182 qytetarë kanë votuar, ose 2.07%.
    09:14 Voton kandidati i PS në Mat, Altin Bojni: Sot është dita e fjalës së qytetarëve
    Kandidati i Partisë Socialiste në Mat, Altin Bojni, i është drejtuar kutive të votimit ditën e sotme, në zgjedhjet lokale.
    Ai ka deklaruar se sot është dita e fjalës së lirë të votuesve, teksa u bën thirrje të gjithëve të votojnë.
    08:27 Zgjedhjet lokale nën masa të shtuara sigurie, policia do të marrë në ruajtje 473 qendra votimi
    Zgjedhjet lokale në pesë Bashki të vendit do të shoqërohen nga masa të shtuara sigurie.
    Policia do të marrë në mbikëqyrje 473 objekte që do të shërbejnë si qendra votimi, teksa sqaron se si do të vijojë me procesin e punës për sigurinë e zgjedhjeve.
    07:48 Nis votimi në Cërrik, qytetarët zgjedhin kryebashkiakun e ri, procesi pa probleme
    Gazetarja e Top Channel, Bruna Kërçyku raporton se ka nisur votimi në të gjitha qendrat e votimit në Bashkinë Cërrik. Deri më tani nuk raportohet për asnjë problematikë.
    07:24 Katër qendra votimi në Vlorë nuk kanë nisur procesin, qytetarët nuk arrijnë të votojnë 
    Në shkollën industriale Vlorë ku janë katër qëndra votimi ende nuk ka nis procesi i votimit. Janë duke u bërë përgatitjet e fundit. Ndërkohë qe qytetarë që kanë dashur të votonit nuk e kanë kryer për shkak se ende nuk ka nis.
    07:15 Nisin problemet e para të zgjedhjeve në Berat, probleme me kamerat në një qendër votimi
    Tashmë kanë nisur problemet e para në Berat, aty ku mbahen sot zgjedhjet për kryebashkiakun e ri. Në një qendër votimi, përkatësisht për 3270, ka probleme me kamerat.
    07:00 Zgjedhjet lokale në 5 bashki, Rama thirrje qytetarëve: Votoni!
    Kryeministri Edi Rama ka ftuar qytetarët e pesë bashkive ku do të bëhen zgjedhjet që të votojnë.

    Top Channel

  • Reshje shiu dhe ulje temperaturash, parashikimi i moti për këtë të hënë

    Reshje shiu dhe ulje temperaturash, parashikimi i moti për këtë të hënë

    Kjo javë do të nisë me mot të paqëndrueshëm, me reshje të dendura të shiut.

    Dita e sotme pritet të jetë kryesisht i vranët me reshje të shpeshta.
    Temperaturat këtë mëngjes u regjistruan 10 gradë Celsius, ndërsa maksimalja gjatë ditës pritet të arrijë 18 gradë Celsius.
    Era do të fryjë me shpejtësi mesatare.
     

    Top Channel