Lajmidites.com

Author: Syri.net

  • Policia kolumbiane sekuestron 14 ton kokainë me destinacion Holandën

    Policia kolumbiane sekuestron 14 ton kokainë me destinacion Holandën

     

    Policia kolumbiane sekuestroi 14 ton kokainë të fshehur në një ngarkesë gipsi në portin e Buenaventurës në Paqësor. Qeveria e vendit e konsideroi këtë si një nga sasitë më të mëdha të drogës të sekuestruara në vend në më shumë se një dekadë.

    Policia nuk specifikoi se cili grup ishte përgjegjës për ngarkesën dhe as rrugën që mund të ndiqte, por siguroi se ishte e destinuar për në Holandë.

    ‘Ne parandaluam miliona doza të arrinin në tregjet ndërkombëtare’, tha Drejtori i Policisë Kombëtare Kolumbiane.

    Një deklaratë e policisë vuri në dukje se ata gjithashtu kanë sekuestruar gati 700 ton kokainë midis janarit dhe shtatorit, duke e konsideruar një rekord. Zhvillimi vjen teksa tensionet janë rritur ndjeshëm Uashingtonit dhe Bogotës në javët e fundit për shkak së sulmeve ushtarake amerikane kundër anijeve që dyshohet se transportonin narkotikë të paligjshëm në Karaibe dhe Paqësorin lindor, të cilat kanë vrarë dhjetëra persona.

    Donald Trump i ka justifikuar sulmet duke thënë se Shtetet e Bashkuara janë në konflikt të armatosur me kartelet e drogës dhe duke pretenduar se anijet drejtohen nga organizata terroriste të huaja që po mbushin qytetet e Amerikës me drogë.

    Kreu i Shtëpisë së Bardhë e ka quajtur presidentin kolumbian Gustavo Petro një udhëheqës të paligjshëm të drogës, duke e akuzuar atë se është i përfshirë drejtpërdrejt në tregtinë e drogës dhe bashkëpunon me trafikantët.

     

  • Të shtëna me armë në Fier

    Të shtëna me armë në Fier

    Të shtëna me armë zjarri janë regjistruar mbrëmjen e sotme pranë një qendre tregtare në Fier.

    Gazetari i Syri TV, raporton se dyshimet janë që autori i ngjarjes është një person nga lagja Sheq i Madh, por identiteti i tij ende nuk është konfirmuar zyrtarisht.

    Aktualisht nuk ka informacione nëse ka persona të plagosur apo kush ka qenë shënjestra e mundshme e të shtënave.

    Policia ndodhet në vendngjarje dhe ka rrethuar zonën, ndërsa grupi hetimor po punon për të mbledhur prova dhe për të sqaruar rrethanat.

  • VIDEO/ Bëmat e Belinda Ballukut dhe ‘mali i shkeljeve’ që rëndon mbi të

    VIDEO/ Bëmat e Belinda Ballukut dhe ‘mali i shkeljeve’ që rëndon mbi të

    Të enjten e datës 20 nëntor 2025, zv.kryeministrja Belinda Balluku, njëherësh ministrja e Infrastrukturës dhe Energjetikës, u pezullua nga detyra me vendim të GJKKO-së. Gjithashtu ndaj saj u vendos edhe ndalimi për të dalë jashtë vendit. Balluku është marrë e pandehur nga SPAK në lidhje me abuzimin me vlerë afërsisht 50 milionë euro për ndërtimin e Tunelit të Llogarasë, me akuzën për “Shkelje të barazisë së pjesëmarrësve në tendera apo ankande publike”. Të përfshirë në këtë aferë janë edhe ish-zyrtarë të lartë, bashkëpunëtorë të Ballukut, për të cilët GJKKO ka vendosur masën e sigurisë “arrest shtëpie”, konkretisht për drejtorin e KESH, Erald Elezi, dhe kreun e ARRSH-së, Gentian Gjyli.

    Më 20 tetor 2025, SPAK dorëzoi një aktakuzë 45 faqesh ndaj Belinda Ballukut dhe pesë zyrtarëve të tjerë, për manipulim të procedurës së tenderimit të tunelit të Llogarasë me fond limit 190 milionë euro. Dosja përfshin të dhëna të hyrje–daljeve kufitare, akte administrative, dokumente zyrtare si dhe komunikime telefonike apo mesazhe në aplikacione të ndryshme mes Ballukut dhe vartësve të saj. Hetimi, i cili ka zbuluar koordinim mes zyrtarëve të ministrisë dhe kompanisë fituese që nga faza e përgatitjes së dokumentacionit deri te firma e kontratës, konsiderohet një nga rastet më të rëndësishme të korrupsionit në nivele të larta qeveritare në Shqipëri.

    Por kjo është vetëm maja e ajsbergut të një historie të mbushur me afera të dyshimta, pasi Belinda Balluku si ministre e Infrastrukturës është nën hetim nga SPAK edhe për procedurën e tenderit për ndërtimin e lotit 4 të Unazës së Madhe të Tiranës, i cili u fitua nga konsorciumi i tre kompanive private me një ofertë prej 19.9 milionë euro pa TVSH. Hetimi është ngritur pas shqyrtimit të procedurës, ku të gjithë operatorët e tjerë konkurrues u skualifikuan, përfshirë edhe ofertën më të ulët ekonomikisht. Çka ngre dyshime për paracaktim të fituesit dhe shkelje të barazisë në tendera, që mesa duket është një model i zakonshëm për zonjën Balluku, pasi emri i saj është i përfshirë kudo ku ka projekte madhore me vlera miliona euro në vendin tonë, siç është Inceneratori i Tiranës, ku edhe sot, 7 vjet pas firmosjes së kontratës, ai nuk ekziston edhe pse buxheti i shtetit ka paguar plot 100 milionë euro.

    Një tjetër skandal është projekti 21 km Thumanë–Kashar. Në vitin 2018, Gener 2 propozoi ndërtimin e një autostrade të kategorisë A kundrejt një vlere 245 milionë euro, por pas këtij investimi oferta llogariste që në fund të 13 viteve që do të përfshinin ndërtimin dhe mirëmbajtjen, buxheti i shtetit do të detyrohej të paguante 455 milionë euro, 210 milionë euro më shumë se vlera e investimit. Një skandal që përfshiu kompaninë Gener 2 me falsifikimin e dokumenteve për ndërtimin e Unazës së Madhe solli ndryshime në qeveri. Dhe kështu vetë ministrja që kishte ardhur në detyrë në vitin 2019, Belinda Balluku, u detyrua ta anulonte këtë koncesion. Kompania e ankimoi vendimin në Gjykatën e Shkallës së Parë, duke e humbur çështjen, të cilën e fitoi më pas në Gjykatën e Apelit më 29 korrik 2021, vendim i cili i hapi rrugë ministres Balluku që t’ia përcillte për miratim Këshillit të Ministrave draft-kontratën koncesionare për projektin Thumanë–Kashar.

    Dhe këtu nisën të kryheshin një listë e gjatë shkeljesh. Kontrata e re lidhet duke ndryshuar kushtet thelbësore të termave të referencës me të cilat u shpall gara dhe u fitua nga kompania koncesionare. Afati i kohëzgjatjes së kontratës nga 13 u bë 35 vjet. Nëse koncesionari planifikohej të merrte në total 445 milionë euro, në kontratën e re në fund të 35 viteve siguroi 1 miliard e 307 milionë euro. Në garën e hapur në vitin 2018, dokumentet e tenderit specifikonin qartë se nuk do të vendosej asnjë tarifë, mirëpo kontrata e re lejoi vendosjen e traut me pagesë 2.5 euro për kalimin e makinave, pa bërë asnjë studim fizibiliteti dhe pa u konsultuar me banorët e zonës.

    Një tjetër mega-aferë, e cila ka marrë vëmendje në mbi 15 episode të emisionit tonë, është ajo e anijeve gjeneratorë të ardhura nga Bangladeshi, të njohura si “Tigri 1” dhe “Tigri 3”. Anijet u blenë nga kompania offshore “Exelerate Energy Limited Partnership” nga Bangladeshi në 2022 për 15 milionë dollarë, ndërkohë që KESH bëri kontratë për t’i marrë ato me qira për plot 45.5 milionë dollarë, pra 3-fish më shtrenjtë. Por nuk mbaron me kaq, sepse nëse 45.5 milionë dollarë do të jepen për qiranë, vlera që do të shkojë për operimin nga kompania tjetër fituese Renco, kap shifrën 22.5 milionë dollarë. Pra, plot 68 milionë dollarë që merren nga arka e kompanisë publike KESH për të përfunduar në xhepat e pronarëve të kompanive fituese. E jo vetëm kaq, por kur anijet ndizen, ndotja mjedisore që i shkaktohet zonës së mbrojtur në gjirin e Vlorës është kolosale. Një element tjetër shumë i rëndësishëm është edhe analiza që ka bërë KLSH, ku del se çmimi i energjisë së prodhuar nga anijet del 268 euro për megavat/orë, pra 4 herë më i shtrenjtë se të blesh energji në import.

    Një tjetër aferë që implikon ministren e Infrastrukturës Belinda Balluku është edhe koncesioni i aeroportit të Vlorës, një nga projektet më skandaloze të qeverisë Rama. Diskutimet për ndërtimin e këtij aeroporti nisën që në vitin 2018, por vetëm në 2021-n gjithçka u bë konkrete. Më 20 prill të të njëjtit vit u lidh kontrata e koncesionit mes shtetit shqiptar dhe konsorciumit që u shpall fitues: Mabetex Group në pronësi të Behgjet Pacollit që zotëronte 58% të kapitalit, kompania turke YDA Group me 40% të kapitalit dhe 2A Group me 2%. YDA Group u largua më pas nga aeroporti duke i shitur aksionet për një vlerë qesharake prej 4450 euro.

    Ajo që sjell implikimin direkt të ministres Balluku në këtë aferë është dhënia e miratimit për largimin e kompanisë turke pa u zëvendësuar nga një firmë që kishte përvojën teknike dhe financiare. Kostoja e ndërtimit të këtij aeroporti arrin në 104 milionë euro, por taksapaguesit do të detyrohen të paguajnë 138 milionë euro, ose 32% më shumë se investimi, në rast se koncesioni dështon. Pra, qeveria vendos të marrë përsipër risqe me miliona euro për projekte që nuk janë të studiuara siç duhet.

    Pavarësisht këtyre pasigurive, më 28 nëntor 2021 makineritë e rënda pushtuan zonën e mbrojtur të Vjosë–Nartës për të nisur ndërtimin e aeroportit dhe që prej asaj dite iu dha një goditje e fortë ekosistemit më unik në vendin tonë, i cili fatkeqësisht në një pjesë të tij e ka humbur statusin e mbrojtjes, me justifikimin e zhvillimit ekonomik. E megjithë këto kosto që mori natyra shqiptare, konflikti mes aksionerëve të kompanisë koncesionare, firmave 2A Group dhe Mabetex, bën që aeroporti të rrezikojë të mos hyjë në operim dhe kompanitë të kenë të drejtë të kërkojnë pagesën e garancisë nga shteti shqiptar!

  • I harruar në një papafingo, libri i ‘Superman’ shitet për miliona dollarë

    I harruar në një papafingo, libri i ‘Superman’ shitet për miliona dollarë

    Një kopje origjinale e botimit të parë të librit me figura “Superman” nga 1939 që gjendet prej dekadash në një papafingo, u shit në ankand për 9 milionë dollarë. Ky mendohet të jetë çmimi më i lartë për një libër me ilustrime.

    “Superman #1” është përshkruar si “maja e koleksionimit të librave me ilustrime” nga shtëpia e ankandeve Heritage Auctions dhe kjo shifër ka thyer rekordin e mëparshëm prej 6 milionë dollarësh.

    Libri u gjet në një kuti në papafingo nga tre vëllezër në Kaliforninë veriore që po pastronin shtëpinë e nënës së tyre pas vdekjes së saj. Ata thanë se nëna e tyre tregonte që kishte kopje origjinale të librave me figura nga vitet 1930, por s’mbante mend se ku dhe gjithçka kishte mbetur si histori familjare.

    Objekti u shit për 9.12 milionë dollarë falë gjendjes së mirë që kishte.

    Është një nga më të lakmuarit në historinë e kulturës pop: hera e parë që një superhero shfaqet në një libër me ilustrime dedikuar atij.

    Kopertina premton të rrëfejë “historinë e plotë të aventurave të guximshme të Superman”, ku ai shfaqet me veshjen e tij ikonike në blu e të kuqe.

  • Moti i keq godet Greqinë/ Fshatra të tërë në izolim, shtëpi dhe toka bujqësore të përmbytura

    Moti i keq godet Greqinë/ Fshatra të tërë në izolim, shtëpi dhe toka bujqësore të përmbytura

    Kushtet ekstreme të motit kanë goditur me forcë gjithë Greqinë perëndimore, duke lënë pas një panoramë shkatërrimi. Mjaftuan vetëm disa orë reshje intensive që Korfuzi, Thesprotia, Kozani, Kosturi  dhe zona të tjera përreth  të kthehen në vatra emergjence.

    Në shumë fshatra, rrëshqitjet e dherave kanë bllokuar rrugë të tëra, ndërsa drejtuesit e automjeteve janë gjendur të rrethuar nga ujërat që rrjedhin me shpejtësi. Dhjetëra banesa dhe biznese janë përmbytur, duke u mbuluar nga balta, ndërsa fushat e Filatit janë kthyer në liqene. Banorët i përshkruajnë këto orë si “biblike” dhe të panjohura për zonën.

    Autoritetet u detyruan të dërgojnë mesazhin e emergjencës 112 në Janinë, Artë, Prevezë dhe Thesproti, duke paralajmëruar për rrezik të shtuar rrëshqitjesh dhe përmbytjesh. Ndërkohë, tre bashki – Zagori, Filiates dhe Ziros – janë shpallur zyrtarisht në gjendje emergjence, me ekipet e rajoneve dhe bashkive që punojnë pandërprerë për të hapur rrugët dhe për të rivendosur qarkullimin.

    Në veri të Korfuzit, ndërkohë, dëmet janë të mëdha. Godina të shembura, rrugë të dëmtuara rëndë, fshatra të izoluar dhe ndërprerje të energjisë elektrike për orë të tëra.

    Edhe në zonat e Pindos përrenj të rrëmbyeshëm kanë përmytur rrugët dhe tokat bujqësore. Probleme serioze u shënuan edhe në Kastoria, ku një bllok shkëmbor u shkëput dhe bllokoi rrugën periferike të Kalitheas. Ekipet janë në terren për të pastruar rrënojat dhe për të vlerësuar dëmet, ndërsa niveli i ujit të lumit Aliakmona ka nisur të bjerë, duke dhënë pak lehtësim për banorët.

    Meteorologët paralajmërojnë se moti mbetet i paqëndrueshëm në ditët në vijim , ndërsa një valë e re përkeqësimi pritet nga e marta.

  • VIDEO/ Aksidenti bllokon Rrugën e Kombit, qindra qytetarë në kaos rrugës së vjetër Rrëshen-Rubik

    VIDEO/ Aksidenti bllokon Rrugën e Kombit, qindra qytetarë në kaos rrugës së vjetër Rrëshen-Rubik

    Aksidenti me vdekje i ndodhur mbrëmjen e sotme në Rrugën e Kombit ka shkaktuar bllokim të plotë të qarkullimit, duke krijuar kaos dhe radhë të gjata automjetesh.

    Për shkak të ngjarjes, Policia Rrugore ka devijuar trafikun drejt aksit të vjetër Rrëshen-Rubik, i cili është mbingarkuar.

    Gazetarët në vendngjarje bëjnë me dije se Policia Rrugore ka penguar edhe mediat të afrohen tek zona e aksidentit, duke vështirësuar raportimin për publikun.

    Qindra qytetarë kanë mbetur të bllokuar për më shumë se një orë, ndërsa qarkullimi vijon të lëvizë me vështirësi.

    Mirditë / Informacion paraprak

    Rreth orës 19:45, në ‘Rrugën e Kombit’, në fshatin Qafë Mollë, Mirditë, janë përplasur tre automjete (dy kamionë dhe një autoveturë).

    Si pasojë e aksidentit ka humbur jetën drejtuesi i automjetit, shtetasi E. B., rreth 24 vjeç.

    Drejtuesi i njërit prej kamionëve, shtetasi V. G., është shoqëruar në Komisariat për veprime të mëtejshme procedurale.

    Grupi hetimor ndodhet në vendngjarje dhe po kryen veprimet hetimore për sqarimin e plotë të rrethanave të aksidentit.

  • ‘Spiropalizimi’ i Kosit, rasti i Kurz dhe standardet evropiane të Ramës

    ‘Spiropalizimi’ i Kosit, rasti i Kurz dhe standardet evropiane të Ramës

    Kur shpërtheu skandali i manipulimit të sondazheve mediatike në favorin e tij, kancelari austriak, Sebastian Kurz ishte në kështjellën Brdo në Slloveni, vendlindjen e komisioneres Marta Kos.

    Kurz kishte vendosur të takonte liderët e Ballkanit Perëndimor, në një samit që do ishte një nga daljet e fundit të tij si kryeministër.

    Duke shfrytëzuar këtë moment, një media austriake i bëri thirrje për të dhënë dorëheqjen, ndër të tjera edhe për të mos dhënë shembullin e keq për ata liderët që po takonte.

    Mund të duket ndoshta ofensive, por mesazhi ishte miqësor për ballkanasit: dorëheqja nuk është thjesht një akt që ushtrohet kryesisht në vendet perëndimore, pasi atje ekziston një kulturë tjetër. Por dorëheqja është një veprim që duhet bërë pasi në të kundërt, ai mund ta përdorë pushtetin e tij për të deformuar akoma më shumë strukturën demokratike të vendit.

    Kurz u largua nga posti e më vonë edhe nga politika, ndoshta jo sepse donte të jepte një shembull të mirë për politikanët nga Ballkani, por për të treguar se dorëheqjet duhet të ndodhin që kur ka nisur denoncimi publik, e jo më kur çështja të shkojë në prokurori, aq më shumë kur është ngritur ndonjë akuzë apo janë vendosur masa sigurie.

    Marta Kos në atë kohë nuk kishte detyrën e lartë që ka marrë brenda Komisionit Evropian.

    Por çdo koleg i saj, me njohuri nga mënyra se si veprohet në një vend demokratik, do ishte tronditur nga mënyra se si u shpreh Edi Rama sot kur u pyet për skandalin e Belinda Ballukut. Pasi sulmoi drejtësinë dhe deklaroi disa herë se kjo gjë nuk ndodh në asnjë vend perëndimor (!), e mori në mbrojtje Belinda Ballukun duke thënë se kjo ishte përplasje mes pushteteve, e cila do zgjidhet nga Gjykata Kushtetuese.

    Në vend që të shokohej nga ajo që po dëgjonte, Marta Kos tha se raste si ky i Ballukut ndodhin gjithandej.

    Sigurisht nuk tha se për këto raste bëhen edhe filma, por qëndrimi i saj tregoi një nivel të pabesueshëm ‘spiropalizimi’, një nivel që kulmoi kur tha se zgjedhjet në Shqipëri ishin të lira dhe të ndershme.

    Historia e integrimit mund të ketë parë raste të çuditshme, por asnjë të tillë si ky i të premtes në Tiranë, kur ‘nxënësi’ jep përgjigjen më të keqe të mundshme dhe ‘mësuesja’ jo vetëm e duartroket, por edhe e tejkalon me zellin e saj.

  • Ku kanë më shumë dhe më pak gjasa evropianët të marrin vaksinën kundër gripit?

    Të dhëna të reja tregojnë se normat e imunizimit ishin shumë nën nivelet e synuara në sezonin e fundit të gripit.

    Ndërsa sezoni i gripit fillon në Evropë, normat e vaksinimit mbeten “nën-optimale” në shumë vende, tregojnë të dhëna të reja shëndetësore.

    Sezoni i gripit zakonisht zgjat nga mesi i nëntorit deri në fund të majit, dhe ai i vitit të kaluar (2024-2025) ishte veçanërisht i ashpër. Deri në një në pesë evropianë infektohet me grip çdo dimër, dhe ky virus shoqërohet me rreth 27,600 vdekje çdo vit në të gjithë Bashkimin Evropian.

    Të enjten, zyrtarët e shëndetësisë paralajmëruan se gripi është përhapur “jashtëzakonisht herët” këtë vit, i nxitur nga një variant i ri H3N2 i njohur si nënklada K. Kjo mund të sinjalizojë një sezon gripi më të gjatë dhe më të ashpër.

    Ata thonë se vaksinimet vjetore janë thelbësore për të mbrojtur njerëzit nga sëmundja dhe përhapja e virusit te të tjerët – veçanërisht për të moshuarit, njerëzit me probleme shëndetësore kronike ose sistem imunitar të dobësuar, gratë shtatzëna, fëmijët e vegjël dhe punonjësit e mjekësisë.

    Por në shumë vende, normat e imunizimit ishin shumë nën nivelet e synuara në sezonin e fundit të gripit, sipas të dhënave të reja nga Qendra Evropiane për Parandalimin dhe Kontrollin e Sëmundjeve (ECDC). Analiza mbulon 27 shtetet anëtare të BE-së, Islandën, Lihtenshtajnin dhe Norvegjinë.

    “Është e qartë se politikat [e vaksinimit] ende nuk arrijnë të përmbushin nivele të mjaftueshme të përfshirjes në të gjitha grupet kryesore të synuara, përfshirë të rriturit më të moshuar”, tha ECDC.

    Për shembull, shkalla e vaksinimit tek të rriturit e moshuar varionte nga nën 15 përqind në Letoni dhe Poloni në 76 përqind në Danimarkë, me një shkallë mesatare prej 47 përqind.

    Përveç Danimarkës, vetëm Irlanda, Portugalia dhe Suedia ishin afër arritjes së objektivit të BE-së për të pasur të paktën 75 përqind të të rriturve të moshuar të vaksinuar kundër gripit.

    Arritja e këtij niveli ka qenë prej kohësh e vështirë. Gjatë pesë viteve të fundit, shkalla mesatare ishte më e larta gjatë sezonit të gripit 2021-2021 – në mes të pandemisë COVID-19 – me 59 përqind.

    “Nivelet e absorbimit vazhdojnë të mbeten nën optimale në shumicën e vendeve të BE-së, pa përparim të përgjithshëm të mëtejshëm që nga sezonet e kaluara vjetore të gripit”, tha ECDC.

    Ndërkohë, 23 vende rekomandojnë që të gjithë punonjësit e shëndetësisë të vaksinohen kundër gripit, dhe nëntë prej tyre raportuan nivele që variojnë nga rreth 14 përqind në Slloveni në 51 përqind në Norvegji.

    Midis tetë vendeve me të dhëna për gratë shtatzëna, një mesatare prej 22 përqind ishin të vaksinuara. Spanja kishte shkallën më të lartë deri më tani, me rreth 61 përqind, ndërsa disa vende mbetën nën 10 përqind, tha ECDC.

    Raporti zbuloi se ka pasur disa përparime. Të 30 vendet e anketuara kishin udhëzime specifike për vaksinimin e fëmijëve ose adoleshentëve, nga 18 vende në sezonin e mëparshëm të gripit – megjithëse marrja aktuale e vaksinës mbeti e ulët.

    ECDC tha se agjencitë shëndetësore duhet të bëjnë më shumë për të inkurajuar njerëzit të vaksinohen kundër gripit, përtej thjesht përditësimit të udhëzimeve të tyre zyrtare.

    “Vaksinimi kundër gripit sezonal mbetet një ndërhyrje kyçe e shëndetit publik”, tha agjencia.

  • Zelensky: Nuk do ta tradhtoj Ukrainën, plani i SHBA-së i kërkon lëshime të mëdha

    Zelensky: Nuk do ta tradhtoj Ukrainën, plani i SHBA-së i kërkon lëshime të mëdha

    Presidenti Volodymyr Zelensky u bëri thirrje të premten ukrainasve të jenë të bashkuar, si dhe u zotua se kurrë nuk do ta tradhtojë Ukrainën, në një fjalim drejtuar kombit pasi Shtetet e Bashkuara ia paraqitën Kievit një plan për paqe, i cili mbështet kërkesat kryesore të Rusisë.

    Duke folur në rrugë para zyrës së tij, një vend që ai e përdor shumë rrallë për fjalime të mëdha, Zelensky tha se Ukraina po përpiqet ta ruajë lirinë e vet dhe njëkohësisht mbështetjen e aleatit të saj më të rëndësishëm.

    “Ky është një nga çastet më të vështira të historisë sonë. Tani, trysnia mbi Ukrainën është ndër më të mëdhatë. Tani, Ukraina mund të përballet me një zgjedhje shumë të vështirë: ose ta humbë dinjitetin ose të rrezikojë ta humbë një partner të madh”, tha ai.

    “Unë do të luftoj 24/7 për t’u siguruar që të paktën dy pika të planit të mos anashkalohen: dinjiteti dhe liria e ukrainasve”, tha Zelensky.

  • VIDEO/ Vjosa kalon nivelin kritik ndërsa banorët denoncojnë: Ku shkuan paratë për mbrojtjen nga përmbytjet?

    VIDEO/ Vjosa kalon nivelin kritik ndërsa banorët denoncojnë: Ku shkuan paratë për mbrojtjen nga përmbytjet?

    Situata në qarkun e Fierit paraqitet kritike, pasi prurjet e shtuara të lumit Vjosë kanë bërë që ai të kalojë nivelin e rrezikshmërisë. Gazetari i Syri TV, Xhemil Brahaj, ka raportuar se lumi ka dalë nga shtrati i tij, por për momentin uji po mbahet brenda argjinaturës. Megjithatë, frika dhe paniku tek banorët e zonave përreth është i madh, teksa çdo rritje e mëtejshme e prurjeve rrezikon të shkaktojë një katastrofë.

    Sipas raportimeve nga terreni, kuota kritike prej 8 metrash tashmë është tejkaluar, duke arritur në nivele 8.2-8.3 metra. Edhe pse argjinaturat janë lartësuar gjatë dy viteve të fundit, rezistenca e tyre vihet në provë përballë forcës së ujit. Për të mos përhapur panik në popullatë, autoritetet nuk e kanë shpallur gjendjen e emergjencës, por faktikisht pika kritike është kaluar dhe rreziku për çarjen e digave është tejet real.

    Dhjetëra fshatra, përfshirë Ferrasin, Cervenin, Kashishtin, Boçovën dhe Darzezën, janë nën kërcënimin e drejtpërdrejtë të përmbytjeve. Banorët, të tmerruar nga përvojat e kaluara, kanë dalë vetë në terren dhe po qëndrojnë roje gjatë gjithë natës pranë kanaleve dhe rrugëve, në një përpjekje të dëshpëruar për të mbrojtur banesat dhe pronat e tyre. Përveç rrezikut për jetën, një përmbytje e mundshme do të shkaktonte dëme të pallogaritshme ekonomike, duke mbytur toka bujqësore, stalla me bagëti dhe shpendë.

    Ndërkohë që përballen me furinë e natyrës, banorët shprehin edhe zemërimin e thellë ndaj keqqeverisjes dhe abuzimit me fondet publike. Gjatë një inspektimi në zonë nga deputeti i Partisë Demokratike, ata denoncuan se fondet e akorduara për ndërtimin e argjinaturave nuk kanë shkuar në destinacion. Sipas tyre, mbrojtëset anësore janë ndërtuar me dhè dhe jo me gurë siç ishte parashikuar, duke i bërë ato të paqëndrueshme.

    “Ku vajtën 2 milionë eurot e argjinaturës? U hodhën vetëm 100 milionë lekë,” shprehet një prej banorëve, duke ngritur akuza të rënda për korrupsion. Ata pohojnë se nuk kanë marrë asnjëherë dëmshpërblim për përmbytjet e mëparshme dhe se ndihen të braktisur. Në këtë situatë tensioni, banorët e Fierit po luftojnë në dy fronte: kundër ujërave të Vjosës dhe kundër indiferencës së shtetit.

    Xhemil Beharaj: Priten edhe ardhjet e të tjera pasi ka rritje të nivelit, të thanë dhe banorët dhe punonjësit e shtabit të emergjencave civile. Për momentin, shtrati i lumit Vjosë ka dalë dhe është brenda argjinaturës, por frika ekziston se nëse shtohen prurjet e Vjosës mund të ketë…

    Atëherë, duke iu referuar shifrave dhe bisedave që kemi patur me drejtues të bashkisë, të bordit të kullimit, me inxhiniera që janë të fushës, kuota ka qenë deri në 8 metër.

    Për shkak se dy vitet e fundit pushteti lokal ka punuar dhe i ka ngritur argjinaturat, i ka mbathur ato për t’i bërë më të sigurta. Por kjo është ajo kuota, domethënë që e ka kaluar kuotën në 8.2, 8.3 metra. Domethënë është ajo garancia që këta e ruajnë, por nuk e japin si të përdorshme. Pra e ka kaluar kuotën 8 metra. Dhe për mos të dhënë panik në popull, nuk e thonë që është në pikën kritike. Ajo e ka kaluar dhe pikën kritike të 8 metrave.

    Frika është se në qoftë se nga prurjet dhe çahen digat, pra mbrojtëset e argjinaturës, atëherë pastaj uji vërshon tek banorët të cilët çdo ditë rrinë në kontakt me… janë disa fshatra. Është Ferrasi, është Cerveni, është Kashishti.

    Po ka stalla me bagëti, ka stalla me, me pula, ka stalla me të imta, ka stalla me gjeth. Dhe nuk është vetëm kjo. Tashmë në këmbë dhe roje të, të kanaleve dhe të rrugëve po rrinë edhe banorët e Boçovës. Përmbyten dhe tokat e Darzezës siç ndodhi katër-pesë vite më parë, ku ja vdesin bagëti atje. Pra edhe tek ata ka vajtur frika dhe po rrinë roje gjithë natën. Ata na marrin ne për informacionet e fundit dhe ne marrim ata për të marrë vesh se çfarë është situata. Pra situata ka vajtur në pikë kritike. Vetëm varet tani nëse do të ketë prurje nga zonat që janë.