Kryeministri Edi Rama ka zhvilluar një bisedë telefonike me presidentin e Ukrainës, Volodimir Zelensky.
Njoftimin për këtë bisedë e ka bërë vet presidenti Zelensky nëpërmjet një postimi ne rrjetet sociale.
Zelensky shprehet se; “E informova shkurtimisht për situatën në front dhe në diplomaci. Po punojmë me të gjithë partnerët tanë për t’i dhënë fund kësaj lufte dhe për të ndaluar vrasjet sa më shpejt të jetë e mundur.”
Postimi i plotë i Zelenskyt:
“Pata një bisedë të mirë me Kryeministrin e Shqipërisë @ediramaal. E informova shkurtimisht për situatën në front dhe në diplomaci. Po punojmë me të gjithë partnerët tanë për t’i dhënë fund kësaj lufte dhe për të ndaluar vrasjet sa më shpejt të jetë e mundur. Diskutuam përgatitjet për takime në vende të mëdha ndërkombëtare. Këto do të jenë formate të veçanta angazhimi me partnerët. Do të bëjmë gjithçka për të mbrojtur popullin tonë. Faleminderit, Edi, faleminderit, Shqipëri, për mbështetjen tuaj të palëkundur për Ukrainën”.
Author: Opinion.al
-
Rama bisedë telefonike me Zelensky, çfarë diskutuan
-
Zjarret në Finiq/ Ministria e Mbrojtjes: Situata po shkon drejt normalizimit
Ministria e Mbrojtjes bën me dije se situata në Finiq po shkon drejt normalizimit.
Pas ndërhyrjes nga ajri me helikopterin e Forca Ajrore dhe punës së pandërprerë nga toka, ku morën pjesë 28 efektivë me 8 automjete zjarrfikëse nga MZSH-të e bashkive Finiq, Sarandë, Delvinë, Konispol, Gjirokastër dhe Dropull, 30 trupa të Forcat e Armatosura të Shqipërisë dhe 3 zjarrfikëse, të ndihmuar nga 5 forca të pyjores dhe 40 forca vullnetare, zjarret janë vënë nën kontroll.
Më tej Mbrojtja thotë se aktualisht po vijon puna nga toka për të shuar çdo vatër që mund të riaktivizohet gjatë orëve në vijim në fshatrat Dhivër, Shëndre dhe Cerkovicë, ku dalëngadalë banorët po kthehen në shtëpitë e tyre. -
Google Maps/ Tashmë mund të shihni ku ndodhet dhe për sa minuta vjen autobusi urban
Google Maps ka përmirësuar informacionin për transportin urban në Tiranë, duke bërë të mundur gjurmimin në kohë reale të autobusëve të linjave. Kjo risi, u vjen në ndihmë jo vetëm qytetarëve vendas, por ndihmon gjithashtu edhe turistët që kanë zgjedhur të vizitojnë Shqipërinë.
Ky projekt u realizua nga GIZ Albania dhe Bashkisë së Tiranës me mbështetjen e Albanian Technology Distribution (ATD). GTFS-RT (Real-Time General Transit Feed Specification) është integruar me sukses në Google Maps.
Këto ndryshime, jo vetëm që do të përmirësojnë planifikimin e udhëtimit dhe kohët e sakta të mbërritjes së autobusëve për mijëra pasagjerë të përditshëm, por do të përdoren gjithashtu për menaxhimin e cilësisë së shërbimit, duke ndihmuar në optimizimin e operacioneve të transportit publik.
Giz Albania po punon me partnerët shqiptarë për të sjellë informacion në kohë reale për pasagjerët dhe për më shumë përmirësime të transportit publik në të gjithë vendin. -
Berisha: 4500 aktivitete të ndaluara u zhvilluan në 4 muaj të periudhës zgjedhore
Kreu i PD-së, Sali Berisha ka akuzuar sot qeverinë se ka përdorur fondet publike për qëllime elektorale.
Në një konferencë për media, Berisha denoncoi gjithashtu zhvillimin e 4500 aktiviteteve të paligjshme gjatë katër muajve të fushatës zgjedhore, për të cilat tha se janë dokumentuar dhe dorëzuar në SPAK, por sipas tij, “nuk janë parë” nga prokurori Altin Dumani.
Berisha:
Përsa kohë që shteti dhe partia do të jenë një, ky është standardi i këtij regjimi, i kësaj diktature autoritare. U përket shqiptarë, do jenë shqiptarët dhe opozita ata të cilët para se të votojnë do të ju tregojnë vendin, do të krijojnë një qeveri që do të përgatisë zgjedhje dhe nuk do mund të përdorë një qindarkë të vetme për të ndikuar në mënyrë të pandershme, të njëanshme tek zgjedhësit shqiptarë.
Një qindarkë të vetme nga taskat e tyre.
Kjo është e vetmja zgjidhje.
Është e rëndësishme që çdo shqiptar ta dijë që u përdorën miliarda e miliarda nga buxheti i shteti vetëm e vetëm për të ndikuar tek vota e shqiptarëve, për partinë e krimit.
Me 3 maj, Emiriana Sako alias Gjushi me pantallona promovon përfundimin e rrugës ‘Perandori Hadrian’ në Spitallë, bashkia Durrës.
Ja ku e keni, për Troplinin thotë nuk ka fakte, Altin Troplini thotë se nuk ekzistojnë faktet.
tendera elektroalë të denoncuar nga PD.
Maj 2025-Procedurë tenderi e paligjshme gjatë periudhës zgjedhore-Tender i OST në Fier (zona e Ministres Lubi Balluku.
Maj 2025-Asfalt elektoral në Xhafzotaj, nga Lubia e Durrësit apo Gjushi me pantallona, Bashkia Durrës.
Maj 2025-Projekt asfaltimi elektoral i paligjshëm nga TEG drejt Mulletit, Bashkia Tiranë.
Por të gjitha këto nuk janë prova për Altin Troplinin, që është dhe ai pas Edi Ramës, krimineli kryesor në farsën elektorale 11 maj 2025.
6 Maj 2025-Asfalt elektoral në Urën e Farkës, Bashkia Tiranë (vetëm 5 ditë para zgjedhjeve).
6 Maj 2025-Asfalt elektoral gjatë periudhës së fushatës në Xhafzotaj, Bashkia Shijak
6 Maj 2025 – Asfalt elektoral në Paskuqan, Bashkia Kamëz – denoncuar nga kandidatja e PD-ASHM, Albana Vokshi.
Këto nuk janë prova për Altin Troplinin, kriminel kryesor pas Edi Ramës, në farsën elektorale 11 maj 2025.
Ju i patë vetë këtu, me qindra e qindra prova e dokumente zyrtare të pakundërshtueshme. Dhe një njeri i papërgjegjshëm, i inkriminuar gjer në palcë merr përsipër të mashtrojë publikisht shqiptarët dhe të thotë se paditë nuk kanë patur prova.
7 Maj 2025-Asfalt elektoral në Paskuqan, Bashkia Kamëz-denoncuar nga kandidatja e PD-ASHM, Albana Vokshi.
7 Maj 2025-Asfalt elektoral në Paskuqan, Bashkia Kamëz-denoncuar nga kandidatja e PD-ASHM, Albana Vokshi.
5–10 Maj 2025-Punime të paligjshme asfalti dhe abuzim me funksionin publik për përfitim elektoral-Bashkia Belsh
8 Maj 2025-Krim elektoral dhe investim i paligjshëm rrugor në Dovolan, Bashkia Dibër.
10 maj, nesër ishin zgjedhjet.
Ermiriana Sako me 10 Maj 2025, asfalt elektoral në Arapaj, Bashkia Durrës. E sheh gjithë bota si krim elektoral, por Altin Troplini nuk e konsideron të tillë.
10 Maj 2025-Asfalt elektoral i shtruar në Bashkinë Durrës
10 Maj 2025-Punime asfaltimi elektoral në Ardenicë, Kolonjë (Lushnjë). Lubi Balluku, por edhe këtë nuk e sheh dot Altin Troplini.
10 Maj 2025, në kohën e pushimit, paqes elektorale, në Elbasan asfalt elektoral nga Nesti Angoni alias Mazniku.
Kriminel elektoral, i sheh të gjithë, por nuk e sheh Altin Troplini për faktin se ai e njeh si Nesti Angoni dhe e dyta nuk mund të njohë krimin elektoral.
Kjo ishte një ekspoze e zgjatur.
10 Maj 2025-Dita e heshtjes zgjedhore: Punime në vazhdim për asfalt elektoral në Priskë, Bashkia Tiranë
Maj 2025-Dita e heshtjes zgjedhore: Punime asfaltimi elektoral në Priskë, Bashkia Tiranë
Maj–Qershor 2025-Asfalt elektoral dhe ndërtime të paligjshme të lejuara në këmbim të votave në Tapizë (Krujë) dhe Kënetë (Durrës)
Kjo është lista e dhjetëra denoncimeve të bëra nga PD ndaj të cilave institucionet zyrtare nuk kanë mbajtur asnjë qëndrim. Ishte tek KQZ-ja.
Kurse këto janë në Skapin e partisë, që të gjitha me dhjetëra me dokumentet që ju patë, por të gjitha këto Altin Troplini i shpall si mungesë provash dhe dokumentesh.
Ju siç e shifni, dhe shqiptarët e mësuan, se për të manipuluar farsën elektorale të 11 majit 2025, narkoshteti, narkoqeveria përdori qindra e qindra, mos dhe miliardë euro në tendera, prokurorime rrugës, objektesh të përditshme për të ndikuar zgjedhësit.
Ne zgjodhëm këto nga lista e 4500 aktiviteteve të ndaluara të zhvilluara në 4 muajt e periudhës elektorale që sipas nenit 91 pika 3 e Kodit Zgjedhor nuk mund të zhvilloheshin se janë të paligjshme. -
Vengu për zjarret: Rreziku në Finiq i shmangur për momentin, vatra më e rrezikshme…
Ministri i Mbrojtjes, Pirro Vengu, ka qenë këtë pasdite në terren në fshatin Dhivër të Finiqit, një nga zonat më të goditura nga vatrat e zjarrit që kanë përfshirë jugun e vendit që prej pasdites së djeshme.
Në një intervistë për Klan News, ministri Vengu u shpreh se situata mbetet kritike, megjithëse rreziku për zonat e banuara në Dhivër dhe në fshatrat përreth është shmangur përkohësisht.
Megjithatë një tjetër vatër, në lartësitë e Mallakastrës rrezikon të marrë përmasa më të rënda.
“Në momentin aktual po ju flas nga Finiqi, fshati Dhivër, ku që pasditen e djeshme kishim një vatër shumë komplekse e cila rrezikoi zonat e banuara. Atë që mund të them për momentin është që rreziku për zonat e banuara në fshatin Dhivër dhe në fshatrat përreth duket se është minuar për momentin.
Jemi në operacion e sipër, helikopteri po vijon të operojë në perimetrin e vatrës shumë të gjerë në fakt, e cila ka nisur si pasojë e një vetëtime dhe pastaj është përhapur në mënyrë shumë të shpejtë”, tha Vengu.
Mbrëmjen e kaluar ministri e përshkroi si “shumë komplekse”, por falë ndërhyrjes së shpejtë të strukturave vendore dhe qendrore, situata është vënë nën kontroll të pjesshëm.
Ai shtoi se edhe pse nata pritet të jetë më e lehtë se e djeshmja, situata mbetet e paqëndrueshme dhe kërkon vigjilencë maksimale.
Një tjetër vatër shqetësuese është ajo në lartësitë e Mallakastrës, ku përhapja e mundshme e flakëve mund të ketë pasoja më të rënda.
“Mbrëmja e djeshme ka qenë një situatë shumë komplekse, fatmirësisht nën mbikqyrjen e prefektit, brigadës së emergjencave civile dhe bashkisë së ardhur nga Gjirokastra, në bashkëpunim me pushtetin vendor dhe kryetarin e bashkisë së Finiqit. Dua t’i falenderoj për reagimin e shpejtë. Të gjitha bashkitë e qarkut kanë ardhur në ndihmë. Jemi ende në operacion e sipër.
Do jetë një mbrëmje jo aq e vështirë sa e djeshmja, por duhet të mbajmë vigjilencën maksimale. Në lartësitë e Mallakastrës kemi një vatër që rrezikon të marrë përmasa shumë më domethënëse. Por jemi në monitorim për suport ajror.”
Në vijim të përpjekjeve për kontrollin e situatës, Vengu theksoi se Ministria e Mbrojtjes ka aktivizuar edhe Mekanizmin Europian të Mbrojtjes Civile, ndërsa theksoi se prioritet mbetet mbrojtja e jetëve njerëzore.
“Kemi angazhuar dhe Mekanizmin Europian të Mbrojtjes Civile. Do na vijë dhe një Canadair në mbështetje, pasi presim shumë temperatura të larta në ditët në vazhdim që do kulmojnë në 11 gusht në temperatura ekstreme siç patëm muajin korrik.
Mbetemi në gatishmëri maksimale në mënyrë që të ruajmë jetët njerëzore, pronat, zonat e mbrojtura dhe t’i kufizojmë sa më shumë vatrat në vijim.”, shtoi ministri./tvklan -
VIDEO/ Hapësirat publike, Rama: Asnjë rraqe nuk do të jetë më nën qiell të hapur
Kryeministri Edi Rama ka reaguar përsëri në lidhje me nismën për lirimin e hapësirave publike të zaptuara nga bizneset pranë rrugëve.
Një postim në rrjetet sociale, kreu i qeverisë ka publikuar pamjet që tregojnë se si ishn zaptuar hapësirat publike dhe se si duken pas heqjes ose tërheqjes së bizneseve brenda perimetrit që është dhënë leja.
Krahas pamjeve, Rama shkruan; “Ka nisur edhe çlirimi i buzërrugëve kombëtare, duke përcaktuar një kufi tërheqjeje të subjekteve, të cilat njëkohësisht duhet të sigurohen se asnjë rraqe nuk do të jetë më nën qiell të hapur dhe njëkohësisht, sipas kritereve të programit të ri të Rilindja Urbane 2.0 do të kontribuojnë me një sasi gjelbërimi, bashkarisht me qeverinë, duke e trajtuar hapësirën buzë e përballë akseve kombëtare si pjesë të shtëpisë sonë të përbashkët dhe jo si tokë të askujt”. -
Lirimi i hapësirave publike në Tiranë/Nënkryetari Sulaj:Do marrim masa për zaptuesit
Nënkryetari i Bashkisë së Tiranës, Blendi Sulaj i shoqëruar nga drejtori i Policisë Bashkiake, Elona Lalaj dhe drejtori i Kontrollit të Territorit në IMT, Klajdi Meçi, inspektuan zonën e njësisë 9 në kryeqytetit për të parë ecurinë e aksionit për lirimin e hapësirave publike.
Nënkryetari Sulaj tha se Bashkia e Tiranës është e angazhuar që të gjitha sipërfaqet publike të cilat janë zënë në kundërshtim me ligjin nga bizneset apo të tjerë, t’u rikthehen qytetarëve.
“Sot jemi në zonën e “Don Boskos”, në njësinë administrative nr. 9, ku vihet re që qytetarët kanë marrë masa, bizneset kanë marrë masa individualisht, për të larguar platformat që kanë zënë sipërfaqe publike, por ka edhe raste të tjera që janë pak me shumicë, që akoma nuk po e kuptojnë që kjo është një reformë që ka filluar dhe nuk ka për të mbaruar deri në largimin e platformave të fundit, që këto sipërfaqe publike t’u kthehen qytetarëve”, u shpreh Sulaj.
Gjatë inspektimit të një hapësire publike të shndërruar në parkim makinash, nënkryetari Sulaj tha se do merren masat e duhura për raste të tilla abuzive.
“Ky është një ndër qindra rastet abuzive që janë në Tiranë, por që në të gjithë sipërfaqen e madhe që është zënë vetëm nga ky tra këtu, për të përfituar disa dhe jo për të përfituar të gjithë qytetarët si një hapësirë publike.
Mendoj që sot IMT, Policia Bashkiake, do marrin masat e duhura, që brenda kësaj jave të mos kemi më këtë tra dhe kjo sipërfaqe e madhe t’u kthehet në shërbim qytetarëve të Tiranës dhe njësisë 9.”
Nga ana e tij drejtori i Kontrollit të Territorit në IMT, Klajdi Meçi u shpreh:
“Jemi në njësinë nr. 9, në zonën me densitetin më të lartë të ndërtimeve dhe me numrin më të lartë të sipërfaqes së zënë, të hapësirës publike. Nga ana jonë është bërë identifikimi, është njoftuar në afat, kemi lënë një afat një javor për çmontim vullnetar.
Shumica e tyre nuk është përgjigjur pozitivisht, kështu që nga ana jonë do të fillojmë nga sot të marrim masa, nga procedura administrative që do shoqërohen me vendim gjobe dhe prishje”. -
“Dënojmë…”/Ambasada Amerikane:Inteligjenca iraniane synon të godasë njerëz në Europë
Ambasada amerikane në Tiranë ka ndarë një deklaratë të DASH, për kërcënimet që vijnë nga inteligjenca iraniane në Europë dhe SHBA.
Përmes një postimi në rrjete sociale, zëdhënësja e Departamentit thekson se janë të bashkuar me partnerët europianë në kundërshtim të përpjekjeve të shërbimeve të inteligjencës iraniane për të vrarë, rrëmbyer dhe shqetësuar njerëzit.
“Jemi të bashkuar me partnerët tanë europianë në kundërshtim të përpjekjeve të shërbimeve të inteligjencës iraniane për të vrarë, rrëmbyer dhe shqetësuar njerëzit në Europë dhe Amerikën e Veriut, në shkelje të qartë të sovranitetit tonë.
Ne e dënojmë numrin në rritje të kërcënimeve ndaj shteteve dhe jemi të përkushtuar të punojmë së bashku për të parandaluar që këto veprime të ndodhin“, shprehet Zëdhënësja e Departamentit, Tammy Bruce. -
Rrjetat për pemtoret përfshihen në skemën e subvencioneve
Prodhuesit e pemtoreve në Lushnje nuk kanë vendosur asnjëherë rrjeta për të mbrojtur pemtoret nga breshëri.
Për fermerët ato janë të shtrenjta, ndaj plantacionet e tyre shpeshherë janë dëmtuar nga stuhitë dhe breshëri.
Kërkesat e vazhdueshme të prodhuesve për ndihmë drejtuar qeverisë, këtë herë ranë në veshin e duhur. Për herë të parë në skemën kombëtare bujqësore aplikohet për t’u bërë pjesë e përfitimit të rrjetave kundër breshërit.
“Rjetat kundër breshërit janë një kërkesë e fermerëve, të cilët kanë plantacione me pemë frutore, agrume apo vreshta. Më në fund, shteti shqiptar hap një skemë kombëtare, ku u jepet mundësia të gjithë fermerëve të aplikojnë për të fituar rrjeta kundër breshërit nga një deri në pesë hektarë, dhe shuma që jep shteti për një hektar është rreth 17 milionë lekë të vjetra”, thotë gazetarja Anila Sefa.
Florian Topi nga fshati Barbullinj i Lushnjes, pasi dëgjoi për mbështetjen që jep këtë vit shteti shqiptar në skemën e bujqësisë për rrjetat e breshërit, ka shkuar menjëherë për t’u interesuar pranë institucioneve.
Çdo vit plantacioni i tij i pjeshkëve është dëmtuar nga fatkeqësitë natyrore, por nga ana financiare për të ka qenë e pamundur të blihej. Një hektar pemtore, sipas fermerit, për t’u mbuluar me rrjetë kushton 24 milionë lekë të vjetra, shumë e shtrenjtë krahasuar me fitimin e prodhimit.
I gjithë prodhimi i plantacionit me pjeshkë po shkon për eksport. Çmimi është i lartë dhe për kultivuesit ky vit ka qenë i mbarë, pasi i shpëtoi goditjes së breshërit.
Sipas Florianit, gjatë 20 viteve punë, plantacioni i tij është dëmtuar rëndë katër herë nga breshëri, duke mos tregtuar asnjë kg pjeshkë, ndërsa pjesërisht goditet çdo vit nga fatkeqësitë natyrore.
Fermerët që kanë blloqe ekzistuese me pemë frutore, vreshta dhe agrume kanë nisur aplikimin për rrjetat kundër breshërit. Masa e mbështetjes nga qeveria është për sipërfaqet e mbjella nga 1 deri në 5 ha, me 1,5 milionë lekë për hektar./Klan News -
Aksioni për lirimin e hapësirave publike, Rama: Çarja e bllokadave vazhdon
Kryeministri Edi Rama ka bërë publik një tjetër rast nga lirimi i hapësirave publike.
Përmes një postimi në rrjete sociale, Rama tregon me video se po çmontohen disa platforma që janë vënë në trotuare.
“Çarja e bllokadave vazhdon”, shkruan Rama.
Kujtojmë se ky aksion për lirimin e hapësirave publike ka nisur prej disa javësh në vendin tonë.
Rama ka bërë me dije se do të ketë një rregullore për hapësirën publike.
Krahas bizneseve të vogla, edhe në akset kombëtare të gjithë sipërmarrësit që ushtronin aktivitetin buzë rrugëve kombëtare duhet të lironin hapësirat e zaptuara deri më 31 korrik.