Lajmidites.com

Author: Kohajone.com

  • Moti i keq, Lezha në gatishmëri për çdo situatë! Rrezik përmbytjesh në disa zona

    Moti i keq, Lezha në gatishmëri për çdo situatë! Rrezik përmbytjesh në disa zona

    Kronikë E Hënë, 17 Nëntor 2025 12:55
    Moti i keq me reshje të dendura shiu dhe erë të fortë pritet të përfshijë edhe Qarkun e Lezhës, duke nisur nga mesnata e së hënës.
    Sipas parashikimeve meteorologjike, situata mund të sjellë probleme në disa zona të ulëta, ndaj strukturat e Mbrojtjes Civile në të tre bashkitë e qarkut janë vënë në gatishmëri të plotë.

    Strukturat po monitorojnë veçanërisht funksionimin e hidrovoreve, si dhe furnizimin me energji elektrike të popullatës, ndërsa ekipet në terren janë gati të ndërhyjnë në rast nevoje.

    “Jemi njoftuar se qarku jonë do të përfshihet me reshje të dendura shiu, shoqëruar me erëra të forta. Të shtatë hidrovoret në të gjithë qarkun janë në gatishmëri të plotë. Jemi në gatishmëri të plotë non stop. Kemi edhe një numër kontakti për çdo gjë apo nëse kemi ndonjë përkeqësim të situatës”, tha Nikoll Tushi, përgjegjës i Mbrojtjes Civile.

    Zonat më të rrezikuara nga përmbytjet mbeten Zadrima dhe Bregu i Matës në Bashkinë Lezhë, si dhe Fushë-Kuqja në Bashkinë Kurbin. Autoritetet u bëjnë apel qytetarëve të tregojnë kujdes dhe të ndjekin njoftimet zyrtare për situatën që mund të krijohet.

  • “Marrëveshje historike Zelensky–Macron, 100 Rafale për Ukrainën”

    “Marrëveshje historike Zelensky–Macron, 100 Rafale për Ukrainën”

    Bota E Hënë, 17 Nëntor 2025 13:08
    Presidenti ukrainas Volodymyr Zelensky njoftoi sot se ka nënshkruar një marrëveshje me Francën për të marrë 100 avionë luftarakë Rafale, duke synuar forcimin e kapaciteteve ushtarake afatgjata të Ukrainës për të kundërshtuar pushtimin rus, raporton Reuters.
    Zelensky ndodhet në vizitë zyrtare në Paris, ku zhvilloi bisedime me presidentin francez Emmanuel Macron, në një kohë kur sulmet me dronë dhe raketa ruse ndaj Ukrainës janë shtuar dhe Moska ka raportuar avancime në rajonin juglindor të Zaporizhias.

    Në një intervistë për kanalin televiziv francez TF1/LCI, Zelensky deklaroi se kishte porositur 100 avionë luftarakë “Rafale”. Pallati presidencial francez Elysee konfirmoi numrin e avionëve, pa dhënë detaje të menjëhershme mbi mënyrën e furnizimit – nëse do të transferohen nga stoqet ekzistuese apo përmes blerjes direkte.

    Pamjet televizive treguan Macron dhe Zelensky duke nënshkruar një dokument qëllimi për blerjen e pajisjeve mbrojtëse franceze në aeroportin ushtarak Villacoublay, në jugperëndim të Parisit.

    “Një marrëveshje historike është përgatitur gjithashtu me Francën – që parashikon forcimin e aviacionit tonë luftarak, mbrojtjes ajrore dhe aftësive të tjera mbrojtëse”, shkroi Zelensky në X.
    Sipas burimeve, furnizimi i Ukrainës me avionët Rafale, të prodhuar nga kompania Dassault, do të jetë pjesë e një marrëveshjeje strategjike 10-vjeçare në fushën e aviacionit. Një pjesë e avionëve mund të vijë direkt nga stoqet franceze, ndërsa pjesa më e madhe do të sigurohet afatgjatë, duke kontribuar në rritjen e flotës ajrore ukrainase deri në 250 avionë luftarakë, duke përfshirë F-16 amerikanë dhe Gripen suedezë.
    Marrëveshja vjen pas zotimit të Macron muajin e kaluar për furnizimin e më shumë avionëve Mirage dhe raketave tokë-ajër Aster 30 për bateritë e mbrojtjes ajrore SAMP/T të Ukrainës, të prodhuara nga grupi evropian MBDA.

  • Elon Musk: Pas 5 vitesh nuk do të kemi më telefona

    Elon Musk: Pas 5 vitesh nuk do të kemi më telefona

    Elon Musk ka bërë një nga parashikimet e tij më radikale deri më sot: telefonat, aplikacionet dhe sistemet operative do të bëhen të panevojshme brenda 5-6 viteve të ardhshme.
    Në një bisedë të fundit me Joe Rogan, miliarderi dhe CEO i Tesla/SpaceX deklaroi se jemi “shumë pranë një bote ku çdo ndërveprim njerëzor do të kalojë përmes inteligjencës artificiale”.
    Sipas tij, në të ardhmen e afërt: nuk do të ketë më telefona; nuk do të ketë më aplikacione; nuk do të ketë më sisteme operative.

  • Ledjona Xheladinaj zbulon sekretin e “Big Brother VIP Albania”: Na detyronin të…

    Ledjona Xheladinaj zbulon sekretin e “Big Brother VIP Albania”: Na detyronin të…

    Gazeta “KOHA JONË” themeluar si e pavarur më datë 11 Maj 1991
    Botues: Nikoll LESI. Adresa e redaksisë: Rruga “Sami Frasheri”, Pallatet e Aviacionit të Vjetër Nr. 2, TIRANA – ALBANIA

  • Rama nga Brukseli: “Të gjithë kapitujt të hapur, Shqipëria ecën përpara drejt BE-së”

    Rama nga Brukseli: “Të gjithë kapitujt të hapur, Shqipëria ecën përpara drejt BE-së”

    Kronikë E Hënë, 17 Nëntor 2025 11:59
    Kryeministri Edi Rama siguroi sot nga Brukseli se Shqipëria do të vazhdojë me intensitet dhe disiplinë procesin e anëtarësimit në Bashkimin Evropian, duke e bërë prioritet që ky proces të mos ndalet.
    Pas mbajtjes së Konferencës së 7-të Ndërqeveritare Shqipëri-BE, Rama zhvilloi një konferencë të përbashkët për shtyp me Marta Kos, Komisionere për Zgjerimin në Bashkimin Evropian, dhe Marie Bjerre, Ministre e Punëve të Jashtme të Danimarkës, vendi i të cilës mban Presidencën e Këshillit të BE-së.

    Kryeministri u shpreh se Shqipëria po punon ngushtë me partnerët e saj në Bruksel dhe në shtetet anëtare për të ndërtuar procesin e anëtarësimit “gur pas guri”, duke e bërë një realitet të qëndrueshëm dhe të planifikuar.

    “Kush do ta mendonte që do të ishim këtu sot duke çelur të gjithë grup-kapitujt. Vetëm pak kohë më parë kjo dukej e pamundur dhe ishim duke u mësuar me sprapsjet dhe sfidat e mëdha,” tha Rama.

    “Ky rrugëtim na bëri më të fortë dhe më të vetëdijshëm për gjithë ecurinë e jashtëzakonshme të procesit. Ja ku jemi sot, me atë që ishte vetëm ëndërr pak më shumë se një vit më parë, tashmë transformuar në plan pune dhe realitet të përditshëm,” shtoi ai.
    Rama falënderoi për mbështetjen Komisioneren Marta Kos dhe ministren daneze Marie Bjerre.
    “Marie Bjerre meriton falënderime për përkthimin e fjalëve të Presidencës daneze në veprime konkrete për zgjerimin, dhe Komisioneren Marta Kos, që me zjarr dhe përkushtim mbështet anëtarësimin e Shqipërisë dhe të gjithë Ballkanit Perëndimor,” theksoi kryeministri.
    Ai shtoi se ndihet i frymëzuar nga mbështetja e fortë që po merr procesi i zgjerimit, duke e cilësuar si një motiv shtesë për të vazhduar punën për integrimin e Shqipërisë në BE.

  • 12 orë para nisjes së Big Brother: Çfarë dihet deri tani

    12 orë para nisjes së Big Brother: Çfarë dihet deri tani

    Gazeta “KOHA JONË” themeluar si e pavarur më datë 11 Maj 1991
    Botues: Nikoll LESI. Adresa e redaksisë: Rruga “Sami Frasheri”, Pallatet e Aviacionit të Vjetër Nr. 2, TIRANA – ALBANIA

  • Pritet mot i keq, zëvendëskryeministrja Balluku takim për emergjencat civile

    Pritet mot i keq, zëvendëskryeministrja Balluku takim për emergjencat civile

    Zëvendëskryeministrja, njëherësh ministre e Infrastrukturës dhe Energjisë, Belinda Balluku, zhvilloi sot një takim koordinues në Agjencinë Kombëtare të Mbrojtjes Civile, në kuadër të masave për përballimin e situatës që pritet të krijohet nga moti i keq në ditët në vijim.
    “Pritet të nisë sonte në orët e natës agravim i kushteve të motit që nis nga veriu dhe përhapet në verilindje.

    KESH ka analizuar situatën, për këtë arsye ju bëj me dije se duke nisur nga 11 nëntori, KESH ka nisur të ulë nivelet në basenin e Komanit dhe Vaut të Dejës, për të ulur nivelet për shkak të prurjeve të përrenjve. Parashikohen reshjet me intensitet të lartë, kohëzgjatja do të jetë pothuajse 48 orë.

    Në situatën e Fushë Shkodrës janë marrë masa nga KESH për të dy basenet, për të mbledhur ujin, pa qenë nevoja të hapen portat.

    Do kemi takime gjatë ditëve të ardhshme, por duhet të bëjmë thirrje qytetarëve përmes kryetarëve të bashkive që të jenë të kujdesshëm”, u shpreh ajo.
    Drejtori i Emergjencave Civile, Haki Çako thotë se kapacitetet në nivel kombëtar janë në gatishmëri të plotë, teksa pritet përkeqësimi i motit në vend.
    “Në bazë të vlerësimit, kemi marrë masat e nvojshme për të përballuar dhe menaxhuar situatën që do prevalojë nga reshjet e parashikuara deri në 22 nëntor. Pjesa veriore kryesisht, ose më saktë pjesa e baseneve të Komanit dhe Vaut të Dejës, do kenë reshje me intesitet mesatar dhe të lartë. Natyrisht që në zbatim të planit kombëtar, agjencia e mbrojtjes civile ka marrë masat për rifreskimin e planeve, për mbajtjen në gatishmëri. Sot, thuajse të gjitha bashkitë dhe prefekturat janë të mobilizuara totalisht. Në datën 18, pritet që reshjet të jenë intensive në të gjithë territorin e Shqipërisë. Kapacitetet në nivel kombëtar janë në gatishmëri të plotë. Në varësi edhe të situatës, jemi në komunikim të drejtpërdrejtë, do bëjmë njoftimet për situatën që do të prevalojë”, theksoi Çako.

  • Berisha merr thirrjen për 21 janarin, reagon SPAK: Iu dorëzua gjatë…

    Berisha merr thirrjen për 21 janarin, reagon SPAK: Iu dorëzua gjatë…

    SPAK konfirmon thirrjen e kreut të PD, Sali Berisha, për ta pyetur për dosjen e 21 janarin , ku humbën jetën katër protestues.
    “Sot më datë 17.11.2025, gjatë zbatimit të masës “detyrim paraqitje” në Prokurorinë e Posaçme, z. Sali Berisha është njohur dhe ka nënshkruar urdhër-thirrjen lidhur me procedimin penal nr.138 të vitit 2024 (çështja e 21 Janarit), përmes të cilës, i kërkohet të paraqitet në Prokurorinë e Posaçme, në datën dhe orën e caktuar”, thotë SPAK.

  • Shtyhet seanca paraprake për ish-Presidentin Ilir Meta

    Shtyhet seanca paraprake për ish-Presidentin Ilir Meta

    Kronikë E Hënë, 17 Nëntor 2025 09:57
    Seanca paraprake e programuar për dosjen ku është i pandehur Ilir Meta ,kryetar i partisë së Lirisë  u shty ditën e sotme në Gjykata e Posaçme për Korrupsionin dhe Krimin e Organizuar (GJKKO). Shtyrja u vendos për shkak të mungesës së avokatit të tij mbrojtës, Kujtim Cakrani, i cili ndodhej i angazhuar në një proces gjyqësor në Lezhë.
    GJKKO ka caktuar si datë të re për seancën e ardhshme 27 nëntor, ora 12:30.

    Meta, bashkë me ish-bashkëshorten e tij Monika Kryemadhi, dhe tre persona të tjerë (përfshirë Pirro Xhixho dhe Ema Çoku) akuzohen nga Prokuroria e Posaçme për Korrupsionin dhe Krimin e Organizuar (SPAK) për vepra penale, si korrupsion pasiv i funksionarëve të lartë, pastrim parash dhe mosdeklarim i pasurive.

    Hetimi është mbyllur më 28 korrik, dhe dosja është depozituar për gjykim.  Meta ndodhet prej tetorit 2024 në arrest me masën “arrest në burg”. Avokati Cakrani nuk ishte në sallë për shkak të angazhimit në një gjyq tjetër.

    Në seancën paraprake të mëparshme më datë 11 nëntor është bërë kërkesë nga mbrojtja për përjashtimin e gjyqtares Irena Gjoka, duke argumentuar konflikt interesi.
    Në seancën e 27 nëntorit, GJKKO pritet të vendosë nëse dosja “Meta” do të kalojë për gjykim apo jo.
    Mbrojtja parashtron se janë paraqitur prova të reja jashtë procesit të origjinës së hetimit, ndërsa Prokuroria pretendon se procedura është respektuar.
    Vendimi për masën e sigurisë së Metës është edhe në shqyrtim nga Gjykata e Lartë e Shqipërisë për rekursin e tij.

  • Ministria e Mbrojtjes paralajmëron: Qarqet Shkodër, Lezhë dhe Vlorë do të përfshihen nga reshje intensive

    Ministria e Mbrojtjes paralajmëron: Qarqet Shkodër, Lezhë dhe Vlorë do të përfshihen nga reshje intensive

    Ministria e Mbrojtjes ka njoftuar qytetarët për reshje intensive që priten gjatë javës, sipas të dhënave të Institutit të Gjeoshkencave dhe Shërbimit Meteorologjik Ushtarak.
    Njoftimi i plotë:

    Sipas informacionit të përditësuar nga Instituti i Gjeoshkencave (IGJEO) dhe Shërbimi Meteorologjik Ushtarak (SHMU), ditën e hënë, 17 nëntor 2025, priten reshje mesatare deri lokalisht intensive në qarqet Shkodër, Lezhë dhe Vlorë.

    Në qarqet Kukës, Dibër, Durrës, Tiranë dhe Gjirokastër reshjet do të jenë të dobëta deri mesatare, të shoqëruara me shtrëngata.

    Në qarqet e tjera parashikohen reshje të dobëta. Intensiteti pritet të rritet në orët e pasdites.
    Ditën e martë, 18 nëntor 2025, parashikohen reshje të shtuara në të gjithë territorin e vendit:
    Qarqet Shkodër, Kukës, Vlorë dhe Gjirokastër do të përfshihen nga reshje intensive deri lokalisht shumë intensive.
    Në Lezhë priten reshje intensive.
    Në qarqet Dibër, Durrës dhe Tiranë reshjet do të jenë mesatare deri lokalisht intensive.
    Në qarqet e tjerë priten reshje të dobëta deri mesatare.
    Reshjet do të shoqërohen me shtrëngata në të gjithë vendin.
    Agjencia Kombëtare e Mbrojtjes Civile është e angazhuar në monitorimin, koordinimin e masave parandaluese dhe reagimin në kohë në rast të përshkallëzimit të situatës.