KOHA JONË SONDAZH
Pas vendimit të gjykatës kushtetuese a duhet liruar Erion Veliaj dhe të gjykohet në gjëndje të lirë?
Ke arritur limitin e votimit.
Author: Kohajone.com
-
Shembet masivi shkëmbor në Rubik, polici i patrullës dhe qytetari e largojnë nga rruga
Kronikë E Martë, 18 Nëntor 2025 13:12
Probleme nga reshjet e dendura të shiut ka pasur edhe në Rubik.
Një masiv shkëmbor u shemb në Rubik duke bllokuar njërin kah të lëvizjes.Për të mos penguar qarkullimin normal të automjeteve ndërhynë një polic i patrullës dhe një qytetar i cili ndaloi pasi gurët ranë në rrugë.
-
Ne Mat: Evakuohen 8 anëtarët e një familjeje, reshje te dendura shiu
Kronikë E Martë, 18 Nëntor 2025 13:20
Reshjet intensive të shiut që kanë përfshirë vendin gjatë natës së kaluar kanë shkaktuar probleme serioze në qarkun e Matit. Një banesë në fshatin Drita është përmbytur plotësisht, duke detyruar evakuimin e familjes Neli, e përbërë nga 8 anëtarë, përfshi fëmijë dhe të moshuar.
Sasia e lartë e reshjeve ka bërë që prurjet e ujërave të rriten me shpejtësi, duke depërtuar në banesë dhe duke rrezikuar jetën e banorëve. Forcat zjarrfikëse, në bashkëpunim me grupet e emergjencave civile dhe Bashkinë Mat, kanë ndërhyrë menjëherë, duke evakuuar të gjithë familjarët dhe duke i sistemuar përkohësisht në një ambient të sigurt.Kryefamiljari, Hasan Neli, i cili prej vitesh jeton në këtë zonë, tregon se situata ka qenë e papritur dhe shqetësuese: “Rreth orës 7 të mëngjesit shqetësuam fëmijët sepse uji filloi të hynte me shpejtësi brenda. Nuk kemi kaluar kurrë më parë diçka të tillë. U përmbyt e gjithë shtëpia, mobiliet, pajisjet elektrike – gjithçka u dëmtua,” – është shprehur ai, duke shtuar se familja ishte e detyruar të largohej me urgjencë.
Kryetari i Bashkisë Mat dhe struktura të tjera vendore ndodhen në terren për të vlerësuar situatën dhe për të monitoruar rritjen e nivelit të ujit në disa zona problematike.
“Po bëjmë vlerësimin e dëmeve dhe do të ofrojmë ndihmën e nevojshme për familjen. Parashikimet meteorologjike tregojnë se reshjet mund të vijojnë, ndaj jemi në gatishmëri me ekipet e emergjencës,” – thuhet në reagimin zyrtar të bashkisë.
Sipas parashikimeve, reshjet do të vazhdojnë edhe gjatë 24 orëve të ardhshme, duke rritur rrezikun e përmbytjeve të tjera në zonat pranë lumenjve dhe rrjedhjeve malore.
Institucionet u bëjnë thirrje banorëve që të shmangin lëvizjet e panevojshme dhe të raportojnë menjëherë çdo problem përmes linjës së Emergjencave Civile. -
Ironia e Ylli Manjanit: Aq njerëz sa ishin në protestën e PD, mund t’i nxinte edhe holli i kryeministrisë
Ylli Manjani nuk e ka kursyer ironinë lidhur me pjesëmarrjen e ulët ditën e djeshme në protestën e Partisë Demokratike para kryeministrisë.
“Nuk u koordinuan mirë gjërat se me aq vizitorë dje para Kryeministrisë, PD-së mund t’u ishte ofruar të bënin mbledhje në COD. Do me thënë te holli i katit të parë. Edi Oga kishte pak më shumë të ftuar në stand up komedi që bëri para 1 muaji aty. Pra holli i nxinte të gjithë ata që ishin mbrëmë në bulevard.Me atë rast bënin dhe një tur nëpër kryeministri, se i ka këput malli për të. Malli gërryen gurin…“, shkruan Manjani në një postim në rrjetet sociale. -
E rëndë në SHBA! Vritet me armë zjarri shqiptari, çfarë zbuluan dëshmitarët
Kronikë E Martë, 18 Nëntor 2025 09:24
Një 44-vjeçar shqiptar i identifikuar si Francesk Shkambi, 44-vjeç, është qëlluar për vdekje pranë një restoranti ku punonte si menaxher në SHBA.
Ngjarja ndodhi pak pas orës 9:30 të mbrëmjes më 16 nëntor, ku pas një raportimi për të shtëna me armë, efektivët deklarojnë se gjetën Shkambin të shtrirë në oborr.Bouchard tha se u morën masa për shpëtimin e jetës dhe më pas Shkambi, u transportua në një spital të zonës ku edhe ndërroi jetë.
Ai ishte qëlluar me dy plumba, ndërsa të shtënat kanë ardhur sipas dëshmitarëve, pas një konflikti që viktima kishte me një person tjetër.
“Shkambi dhe personi i dyshuar që qëlloi njiheshin me njëri-tjetrin”, thanë autoritetet.
Përafërsisht 20 minuta pas të shtënave, i dyshuari, një burrë 65-vjeçar nga Farmington Hills – u dorëzua në Departamentin e Policisë së Farmington Hills. Ekipi i Kapjes së të Arratisurve i sherifit e mori në paraburgim pa incidente. Nuk besohet se kjo është e lidhur me dënimin e Shkambit më shumë se një dekadë më parë për një akuzë federale për konspiracion për posedim me qëllim shpërndarjen e drogave të paligjshme. -
Reshje të dendura shiu në Lezhë, përmbyten disa lagje. Emergjencat në terren
Kronikë E Martë, 18 Nëntor 2025 09:37
Reshjet e dendura të shiut të shoqëruara me shkarkesa elektrike që kanë përfshirë Lezhën prej mesnatës së kaluar, kanë krijuar probleme në disa zona.
Sistemi i kanalizimeve në qytetin e Lezhës nuk ka arritur të përballojë sasinë e madhe të prurjeve, duke sjellë vërshim të ujërave në bllokun e banimit “11 Janari” dhe “11.2 Hektare” në lagjen “Besëlidhja”. Niveli i ujit arriti deri në 40 centimetra, duke bllokuar hyrjet e pallateve dhe duke vështirësuar lëvizjen e këmbësorëve dhe automjeteve.Shërbimet e emergjencës u angazhuan për të ndihmuar në largimin e ujit dhe për të shmangur dëmtimet në katet e para të banesave.
Prezencë uji pati edhe në disa pika të rrugës Lezhë–Shëngjin, ndërsa një pemë u rrëzua dhe vështirësoi qarkullimin. Gjithashtu, kanali i ujërave të larta në Zadrimë doli nga shtrati dhe përmbyti disa hektarë tokë bujqësore në zonën e Kallmetit.
Autoritetet lokale njoftojnë se grupet e emergjencës dhe mjetet e pastrimit janë në terren për të normalizuar situatën, ndërsa apeluan qytetarët të shmangin lëvizjet e panevojshme në zonat e prekura.
Nga reshjet e dendura të shiut, probleme raportohen edhe në Bashkinë e Kurbinit. Vërshimi i ujit solli vështirësi në qytetin e Laçit, ndërsa raportohen përmbytje në Gjorm dhe Zheje. Ndërkohë, moti i keq ka dëmtuar rrjetin elektrik në disa zona, duke sjellë mungesë energjie kryesisht në fshatra. Grupet e OSHEE-së ndodhen në terren dhe po punojnë për riparimin e defekteve, ndërsa bashkitë kanë angazhuar mjete dhe punonjës për largimin e inertëve dhe normalizimin e trafikut.
Në HEC-et e Qafë Mollës dhe Ulzës, prurjet janë rritur ndjeshëm, por sipas autoriteteve nuk është arritur niveli kritik që kërkon hapjen e portave, ndërsa situata po mbahet nën monitorim të vazhdueshëm nga strukturat e Mbrojtjes Civile. -
Moti i keq, Ministria e Mbrojtjes informacion për situatën: Reshjet me intensitet të ulët deri mesatar
Situata meteorologjike në vend paraqitet kryesisht e qetë, me reshje me intensitet të ulët deri mesatare dhe pa probleme serioze në nivel kombëtar.
Në qarkun e Shkodrës, reshjet intensive që ranë dje, pasdite dëmtuan segmentin rrugor Breg Lumi–Theth, ku 9 persona dhe 5 mjete mbetën të bllokuar. Falë ndërhyrjes së shpejtë të forcave bashkiake, Policisë së Shtetit dhe efektivëve të FA, personat u evakuuan me sukses. Rruga mbetet e bllokuar dhe po pastrohet nga inertet, me mbështetjen e 10 efektivëve të FA.Në bashkinë Fushë Arrëz janë raportuar ndërprerje të energjisë për shkak të erës së fortë.
Në qarkun e Lezhës, në aksin Lezhë–Shëngjin është rrëzuar një pemë, e cila ka dëmtuar linjat elektrike dhe ndërprerë energjinë. Në rrugën Lezhë–Balldren ka prezencë inertesh dhe forcat operacionale po punojnë për pastrimin e saj.
Në qarqet e tjera të vendit nuk raportohen problematika nga moti.
Sipas Shërbimit Meteorologjik Ushtarak, në 24 orët e ardhshme priten reshje të herëpashershme me intensitet të ulët deri mesatar, ndërsa në Shkodër, Vlorë dhe Gjirokastër reshjet do të intensifikohen në formë shtrëngatash. Nga pasditja deri në orët e para të mëngjesit, reshje të shumta priten edhe në Lezhë, Durrës dhe Tiranë, të shoqëruara me shkarkesa elektrike. Parashikohet mjegull dhe shikueshmëri e reduktuar në zona luginore.
Ministria e Mbrojtjes dhe Agjencia Kombëtare e Mbrojtjes Civile janë në gatishmëri të plotë, në koordinim të strukturave për përballimin e pasojave të mundshme nga moti i keq. Ju lutemi banorëve të zonave, ku mund të paraqiten probleme të kontaktojnë me autoritetet vendore -
Vrasja e Egli Progës, asnjë i akuzuar në qeli. Gjykata e Korçës liron autorët e dyshuar
Kronikë E Martë, 18 Nëntor 2025 10:35
Gjykata e Korçës ka zbutur masën e sigurisë për Leonidha Guçen dhe Denis Meçen, të arrestuar për vrasjen e Eglantin Progës në Pogradec.
Pas 15 muajsh në paraburgimin e Drenovës, gjykata vendosi tre ditë më parë t’i nxjerrë nga qelia dhe t’i vendosë në “arrest shtëpie”, pasi afatet e qëndrimit në paraburgim kanë përfunduar.Ndërkohë, Prokuroria e Korçës vijon hetimet dhe është ende në pritje të akt-ekspertimit, ku një pjesë e pamjeve filmike rezulton e fshirë.
Dosja ishte dërguar fillimisht për gjykim me disa të pandehur, por pas dëshmisë së Denis Meçes në prokurori, çështja u rikthye për rihetim. Tashmë hetuesit presin rezultatin e ekspertizës që po kryhet në një laborator kompjuterik në Itali, në një përpjekje për të rikthyer pamjet e humbura dhe për të qartësuar rolin e të dyshuarve në ngjarje.
Ngjarja e rëndë e ndodhur në muajin gusht të vitit të kaluar në Pogradec, ku mbeti i vrarë Elgi Proga, çoi në arrestimin dhe të 2 personave të tjerë të cilët akuzohen për “Moskallëzim krimi” dhe “Veprime që pengojnë zbulimin e të vërtetës”.
-
Big Brother VIP Kosova 4 dj@g valixhet e banorëve
Gazeta “KOHA JONË” themeluar si e pavarur më datë 11 Maj 1991
Botues: Nikoll LESI. Adresa e redaksisë: Rruga “Sami Frasheri”, Pallatet e Aviacionit të Vjetër Nr. 2, TIRANA – ALBANIA
