Kryeministri Edi Rama ka ndarë disa pamje nga Samiti i Procesit të Berlinit që u zhvillua në Londër, ku Shqipëria mori pjesë si një aktor aktiv në diskutimet për bashkëpunimin rajonal dhe integrimin europian.
“Dhe me foto-albumin e ditës së djeshme në Londër, në Samitin e Procesit të Berlinit, ku Shqipëria ishte pjesë aktive e diskutimeve për bashkëpunimin rajonal, rritjen ekonomike, sigurinë dhe rrugën drejt anëtarësimit europian, ju uroj një ditë të mbarë”, shkruan Rama krahas fotove.
Author: Kohajone.com
-
Rama publikon fotot: Shqipëria, pjesë aktive e diskutimeve në samitin e Procesit të Berlinit
-
Meloni: Njohim Palestinën vetëm nëse Hamasi çarmatoset
Bota E Mërkurë, 22 Tetor 2025 21:38
Kryeministrja e Italisë, Giorgia Meloni thotë se për paqen në Lindjen e Mesme, Hamasi duhet të pranojë se nuk do të ketë asnjë rol në qeverisjen kalimtare dhe në shtetin e ardhshëm palestinez. Po ashtu Meloni shton se Hamasi duhet të çarmatoset për të parandaluar që të vazhdojë të përbëjë një kërcënim për stabilitetin rajonal.
”Këto janë parakushtet e nevojshme për njohjen e Shtetit të Palestinës nga Italia edhe nga ky Parlament. Qeveria është e gatshme të veprojë në përputhje me rrethanat sapo të përmbushen këto kushte.Marrëveshja e fundit mbi planin njëzet pikësh të paraqitur nga presidenti Donald Trump dhe të nënshkruar në Sharm el-Sheikh mbi krizën e Lindjes së Mesme përfaqësoi një zhvillim jashtëzakonisht pozitiv dhe konkret dhe është fryt i një pune të gjatë dhe komplekse diplomatike në të cilën Italia kontribuoi me këmbëngulje dhe pragmatizëm.
Jemi thellësisht mirënjohës ndaj të gjithë ndërmjetësve për përpjekjet diplomatike që e bënë të mundur këtë hap të rëndësishëm përpara. Po i referohem qeverive të Egjiptit, Katarit dhe Turqisë, por po i referohem veçanërisht presidentit të Shteteve të Bashkuara, Donald Trump, i cili i ka kushtuar energji të jashtëzakonshme arritjes së asaj që është një sukses i padiskutueshëm”,-tha Meloni.
-
Big Brother Kosova Vip 4, Olsa ndan detaje nga shtëpia
Showbiz E Mërkurë, 22 Tetor 2025 21:54
Olsa Muhameti, producentja e ”Big Brother VIP Kosova”, ka ndezur rrjetin duke konfirmuar se përgatitjet për sezonin e katërt tashmë janë pothuajse në përfundim.
Në postimin e saj, Olsa ka ndarë një foto shoqëruar me mbishkrimin: ”Ohhh mezi po presim dhe ne, mos mendoni vetëm ju. BBVK 4 loading”. Kjo duke lënë të kuptohet se projekti më i madh televiziv në Kosovë po afrohet me shpejtësi.
Ky reagim ka mjaftuar që fansat e spektaklit të shpërthejnë me entuziazëm në rrjete sociale. Ndjekësit e programit shprehin padurimin për të zbuluar datën e nisjes dhe emrat e banorëve të rinj që do të hyjnë në shtëpi.Screenshot
-
Ndërtimi i hidrocentralit ”Doma”, banorët bllokojnë mjetet e subjektit ndërtues: Në kundërshtim me ligjin
Banorët e fshatit Kurdari në Klos bllokuan sërish mjetet e subjektit “Global Interprise Group”, që synon ndërtimin e hidrocentralit “Doma” në lumin e Lusës. Ata shprehen se punimet po zhvillohen në kundërshtim me ligjin dhe pa miratimin e komunitetit, ndërkohë që prej muajsh ata kanë bllokuar disa herë kantierin për të penguar hapjen e kanalit dhe rrugëve të reja në zonën pyjore.
Ngjarja vjen vetëm një ditë pas përplasjes së ashpër mes banorëve dhe administratorit të kompanisë, Ashim Doma, e cila u përshkallëzua në incidente fizike dhe verbale, duke detyruar ndërhyrjen e forcave të policisë për të qetësuar situatën. Sot, në terren kanë mbërritur për inspektim edhe përfaqësues të Agjencisë Kombëtare të Burimeve Natyrore (AKBN), të cilët kanë kryer verifikime lidhur me punimet.
Banorët theksojnë se do të vazhdojnë rezistencën e tyre, duke mos lejuar asnjë mjet të kompanisë të kalojë në rrugën që të çon drejt kantierit. Ata kërkojnë që punimet të ndalen, duke theksuar se hidrocentrali rrezikon përroin e Lusës, ujin e pijshëm, tokat bujqësore dhe jetesën e qindra familjeve. Tensionet janë shtuar pas vendimit të javës së kaluar të Gjykatës Administrative të Shkallës së Parë në Tiranë, e cila rrëzoi kërkesën e banorëve për vendosjen e masës së sigurimit të padisë, që do të pezullonte përkohësisht punimet deri në përfundim të gjykimit për ligjshmërinë e projektit. -
Gazetari: Partitë shqiptare janë me ”prostatë”, janë pa durim e pa vizion
Gazetari Armir Shkurti flet për gjendjen e politikës shqiptare, ku vë në dukje mungesën e vizionit afatgjatë dhe etjen për përfitime të menjëhershme. ”Këtu vijnë njerëzit e thonë: kam hyrë për Shqipërinë. Jo mor vëlla, unë kam hyrë për veten time. Kur bëhen pesë veta që mendojnë njësoj, atëherë lind një bashkim. Pavarësisht vërejtjeve që kam, Berisha ka bërë lojën e duhur për veten dhe forcën e tij që të mos asgjësohet. Kjo është më morale, të mbash formacionin tënd, qoftë edhe personal”,-tha Shkurti.
Nga ana tjetër, ai shtoi se edhe mbështetësit e ish-kryeministrit kanë interesat e tyre, ashtu si çdo grup politik. Por gazetari theksoi se skena politike ka nevojë për ndryshim dhe për një alternativë reale që nuk ndërtohet brenda pak muajsh.
“Duhet një alternativë, por partitë shqiptare janë me prostatë, i bëhet ‘çiçi’ tani dhe e duan tani. Hapin partinë në shtator dhe duan vota në maj. Politika kërkon durim. Mbillet sot dhe korret pas shtatë vjetësh, por duhet t’u japësh shqiptarëve diçka ndryshe”, tha ai -
Alibeaj: Gjen a*më po të kontrollosh makinat luksoze te Bulevardi
Kronikë E Mërkurë, 22 Tetor 2025 20:37
Enkelejd Alibeaj hedh akuza ndaj qeverinë ”Rama 4” për gjendjen e sigurisë në vend, e cila ditë për ditë po shënon viktima, qoftë dhe për një filxhan kafeje.
Për të se po të dalësh sot e të ndalosh makinat luksoze që kalojnë në bulevard do të gjesh njerëz të armatosur. Sipas tij, shoqëria është lënë në shpërfillje nga shteti.
“Mjafton të dalësh në bulevard dhe të ndalosh makinat lukzosë dhe do gjesh armë me plumb në gojë të gatshëm për ta shkrepur edhe për kafenë. Jemi në far west mungon shteti, ligji dhe institucionit. Shteti është i pandjeshëm. Shoqëria është lënë në shpërfillje. Kur shteti mungon dhuna ngre krye. Është një depresion i madh”, tha Alibeaj. -
I ka 61 vota për qeverinë e re? Kurti ka afat deri të dielën
Kosova E Mërkurë, 22 Tetor 2025 19:33
Lëvizja Vetëvendosje ende nuk i ka siguruar 61 vota për formimin e qeverisë së re. Kryeministri në detyrë Albin Kurti ka kohë deri të dielën për votimin e kabinetit të ri qeveritar. Prej të hënës, kjo e drejtë mund t’i kalojë dikujt tjetër që mund t’i garantojë presidentes Vjosa Osmani se ka 61 vota në Kuvend.
Përkundër premtimeve se mund të ketë bisedime, publikisht nuk ka pasur ndonjë takim të liderit të Vetëvendosjes, Albin Kurti, me ndonjë nga përfaqësuesit të partive të tjera. Më herët ishte artikuluar edhe ideja e një qeverie të partive që në legjislaturën e kaluar ishin në opozitë. Mirëpo dallimet mes dy partive më të mëdha në këtë bllok PDK dhe LDK duket se kanë zbehur mundësinë që të ketë një mandatar të dytë nëse Kurti nuk ka numrat deri të dielën.
Dështimi për të votuar Qeverinë do të çojë Kosovën në zgjedhje të jashtëzakonshme. Sipas llogaritjeve në bazë edhe të afateve, zgjedhjet e reja parlamentare do të mund të mbahen në mesin e muajit dhjetor. -
”Mami insistonte shumë”, Luiza Gega dhe Taulant Stërmasi japin lajmin e bukur
Showbiz E Mërkurë, 22 Tetor 2025 20:03
Kampionja Luiza Gega dhe trajneri i saj, Taulant Stërmasi ishin të ftuar në emisionin “Rudina”. Nga fillimi i lidhjes, te propozimi për martesë, e deri te planet për dasmën Gega dhe Stërmasi zbulojnë anën e tyre më personale dhe ndajnë për herë të parë detaje që do t’i bëjnë lexuesit të ndihen më pranë tyre se kurrë më parë.
Rudina Magjistari: Është një kombinim i juaji jo vetëm profesional. Është folur dhe tashmë dihet që mes jush ka një raport përtej profesionit dhe miqësisë. Çfarë mund të themi në këtë rast, sepse ju e dini që jeni një nga çiftet më të përfolur dhe që ka më shumë kuriozitet.Luiza Gega: Kjo ka ardhur vonë, ndoshta nga viti 2019, nuk është se e di fiks.
Taulant Stërmasi: Ne kemi punuar shumë, kemi qenë një grup shumë i madh, por që të arrish objektivat e mëdha duhet të jesh shumë afër. Sigurisht që përtej pjesës së sportit lidhet dhe pjesa e ndjenjave të secilit. Ka diçka, që kombinimi i të dyjave bëri që Luiza në dy vitet e fundit të kishte rezultate shumë të larta. Nuk ka lidhje me pjesën e medaljes, por më shumë me pjesën e të lidhur dhe të të kuptuarit gjërave bashkë.
Rudina Magjistari: E ka ndikuar në një frymëzim më shumë.
Taulant Stërmasi: Nëse unë si trajner dhe si njeri investohem shumë te partneri edhe partneri ndoshta ka detyrimin, duket sikur do ta kthejë. Është një motiv më tepër. Kam dëgjuar Luizën që ka thënë që dua të dal më mirë edhe prej arsyes sime.
Rudina Magjistari: Pra ju keni që në 2019-2020 që jeni si një çift së bashku, çift së bashku, çfarë dhe të dimë më tepër lidhur me raportin tuaj?
Taulant Stërmasi: Ne jetojmë bashkë!
Rudina Magjistari: A ka ndonjë plan për ju, besoj se është koha më e mirë për të marrë vendime.
Taulant Stërmasi: Disa gjëra vijnë vetvetiu dhe janë gjëra normale të një çifti normal. Kështu që disa gjëra janë rrugës dhe do shohim.
Luiza Gega: Unë vetë vij nga një familje e madhe dhe nuk e shikoj dot veten time pa krijimin e një familjeje, sepse i dashuroj fëmijët. Por, arsyeja pse unë kam folur për raportin është se nuk doja që t’i jepja vëmendje kësaj gjëje më shumë se sa asaj që unë bëja dhe përpiqesha. Mendoja që do vinte momenti i duhur.
Rudina Magjistari: Kur do të vijë momenti që t’ia bësh propozimin Luizës?
Taulant Stërmasi: Unë propozimin ia kam bërë, por ju nuk e keni marrë vesh.
Luiza Gega: Ne kemi një vit që e kemi bërë familjare, kemi bërë fejesën. Ne jemi një familje tradicionale, mami insistonte shumë dhe e bëmë edhe për t’iu bërë qejfin prindërve.
Rudina Magjistari: Kur do të jetë dasmë?
Taulant Stërmasi: Dasmë do të ketë me patjetër, por jo tani afër. -
Noizy thyen mitin: Suksesi im s’vjen nga talenti
Gazeta “KOHA JONË” themeluar si e pavarur më datë 11 Maj 1991
Botues: Nikoll LESI. Adresa e redaksisë: Rruga “Sami Frasheri”, Pallatet e Aviacionit të Vjetër Nr. 2, TIRANA – ALBANIA -
Po thahet liqeni, publikohen pamjet nga sateliti
Bota E Mërkurë, 22 Tetor 2025 18:42
Rritja e temperaturave ekstreme gjatë verës po bëhet gjithnjë e më e theksuar në Europë. Një nga vendet më të goditura është Greqia fqinje, ku përveç zjarreve të shumta që kanë shkatërruar ekosistemet lokale, vendi po përballet edhe me një thatësirë të gjatë e të ashpër.
Pasojat janë dramatike në liqenin Mornos, rezervuari kryesor që furnizon me ujë kryeqytetin grek, Athinën. Në katër vitet e fundit liqeni ka humbur më shumë se gjysmën e ujit: nga 19,1 kilometra katrorë në vitin 2022 ka zbritur në vetëm 8,7 kilometra katrorë në shtator 2025. Shkaku kryesor është mungesa e reshjeve dhe nxehtësia e zgjatur që ka prekur gjithë rajonin.
Pamjet satelitore të misionit Copernicus Sentinel-2 të Agjencisë Hapësinore Evropiane tregojnë qartë ndryshimin e ujit midis janarit 2022 dhe tetorit 2025, me brigje të zbuluara dhe një peizazh që dëshmon për krizën klimatike që po përkeqësohet çdo vit.