Një ngjarje e rëndë ka ndodhur pasditen e sotme në Qerret, ku një 20-vjeçar është plagosur me thikë gjatë një konflikti.
I riu, me inicialet E.M., është dërguar me urgjencë në Spitalin e Durrësit, ku ndodhet në kujdesin e mjekëve dhe është futur menjëherë në sallën e operacionit.
Sipas të dhënave paraprake, ngjarja dyshohet se ka ndodhur pas një konflikti të çastit, ndërsa i plagosuri mësohet të ketë qenë i përfshirë edhe më herët në episode problematike.
Author: Gijotina.com
-
Qerret, agravon sherri mes të rinjve: 20-vjeçari përfundon i therur me thikë
-
BBVK/ Benita kritika ndaj Bias: Flet gjuhë të huaj, duhet të largohet nga këtu
Gjatë një momenti brenda shtëpisë së Big Brother VIP Kosova, Benita Zena shprehu pakënaqësinë e saj ndaj Bia Khalifës, duke komentuar përdorimin e gjuhëve të huaja nga kjo e fundit.
“Flet gjuhë të huaja, ajo duhet të dal prej këtu. Në momentin që nuk kupton, duhet të dal nga këtu”, tha Benita.
Ajo shtoi më tej: “Bias ia bëj krejt rrafsh. Nuk e kuptoj asgjë”.
Bia Khalifa ka origjinë rumune, çka mund të shpjegojë përdorimin e gjuhëve të huaja.Situata duket edhe më e tensionuar pas ndryshimeve në marrëdhëniet brenda shtëpisë.
Toney, i cili më parë kishte afërsi me Bian, tani po qëndron me Benitën.
Ky ndryshim u bë sipas kërkesës së familjes së producentit.Babai ishte futur të hënën në spektakël dhe ia bëri me dije se nuk e pranojnë lidhjen me të.
E pas kësaj, Toney shprehu në një formë pëlqim për Benitën dhe u pa afër saj. -
Aktorja Egla Ceno dorëhiqet nga Teatri Skampa: S’më japin rrogën
Aktorja Egla Ceno ka njoftuar dorëheqjen si aktore në Teatrin Skampa të Elbasanit.
Në një reagim në rrjetet sociale, Egla Ceno shkruan se i është ndërprerë rroga, për shkak se ka marrë pjesë në shfaqjen “Babai” te Teatri Kombëtar Eksperimental. “Keni dy muaj që më hiqni bebelinat e mamit, 550 lek te vjetra rrogë”-thotë Egla.
“Falenderim publik për Teatrin “Skampa” për “bashkëpunimin” që kam patur deri sot. Ka qenë një eksperiencë e paharrueshme; sidomos momenti kur u vendos të hiqej paga ime vetëm se mora pjesë në shfaqjen “Babai” te Teatri Kombëtar Eksperimental (të paktën ky ishte preteksti që mu komunikua) Një veprim “artistik” me plot finesë, që flet shumë për mënyrën se si vlerësohet puna, artisti dhe njeriu.
Sa për dirigjencën? Bravo. E goditët me stil të vërtetë të lartë “vendimmarrjen kreative”. Kaq kam për dirigjencën! Zoti qoftë me ju, keni dy muaj që më hiqni bebelinat e mamit (550 lek te vjetra rrogë)
Vijoj përpara, më e fortë dhe më e qartë se kurrë për çfarë meritoj dhe çfarë nuk pranoj.E dua pafundësisht Skampën dhe Elbasanin dhe jam vetëm mirënjohëse për dashurinë e publikut.Kjo është një histori drejtorllëku por unë “luftën” e kam me skenën jo me drejtorllëkun, prandaj i mrekullueshmi Elbasan, të lutem prano dorëheqjen time. Ju kam në zemër“-shkruan Egla. -
Samsung prezanton Galaxy Z TriFold: Risitë e celularit me dy palosje
Samsung ka prezantuar zyrtarisht celularin e ri, Galaxy Z TriFold. Kompania tha se pajisja do të dalë në shitje më 12 dhjetor në Korenë e Jugut dhe në Kinë, Tajvan, Singapor dhe Emiratet e Bashkuara Arabe.
Për tregun amerikan do të jetë i disponueshëm në tremujorin e parë të 2026, por nuk ka ende një datë të përcaktuar.
Celulari paloset nga brenda për të mbrojtur ekranin kryesor. Nëse është palosur gabim, pajisja dridhet dhe shfaq një njoftim për përdoruesin. Kur hapet plotësisht, TriFold ka një ekran 10 inç dhe ekrani mbulues është 6.5 inç kur paloset.
Ka ngjashmëri me Galaxy Z Fold 7 dhe peshon 309 gramë. Me dy menteshat që ka, Trifold bën që në duar të kesh praktikisht një tablet. Menteshat janë krijuar për t’i rezistuar përdorimit dhe ekrani ka një shtresë të përforcuar.
Trifold funksionon me çipin Snapdragon 8. Kamera e pasme është 12 MP, 200 MP dhe 10 MP, kurse ekrani kryesor dhe i sipërm kanë kamera të përparme 10 MP.
Nuk ka ende një çmim zyrtar, por pritet që të jetë i kripur. Z Fold 7 nis nga 2 mijë dollarë, ndaj mund të duhet të paguani ca më tepër për menteshat e dyfishta. -
Braçe: Kam 3 muaj që i çoj letra Ilir Binajt, s’jep informacion
Deputeti socialist Erion Braçe ka ngritur akuza të forta ndaj Drejtorit të Përgjithshëm të Tatimeve, Ilir Binaj, i cili sipas tij, refuzon t’u japë deputetëve informacione për kontrollet e këtij institucioni ndaj bizneseve.
Më tone kritike, Braçe tha se ka tre muaj që harxhon kohën e tij për të marrë një informacion të cunguar, të cilin detyrohet ta ridërgojë mbrapsht për plotësime, pasi Ilir Binaj nuk i jep përgjigje pyetjeve që ky i fundit ka kërkuar.
Braçe thekson se ka kërkuar informacion për kontrollet që kanë ushtruar Tatimet për sigurinë ushqimore për të kuptuar nëse këto aksione kanë qenë selektive apo parimore. Por shtoi se marrë në fund të afatit përgjigje jo të plota, të cilat i ka rikthyer për plotësim, duke pritur tri jave te tjera.
Braçe ka kërkuar që në ligjin e “Paqes Fiskale” të shtohet një nen që detyron Ministrinë e Financave të bëj transparencë për përfituesit e kësaj nisme.“Jam në një komunikim tre mujor me Drejtorin e Përgjithshëm të Tatimeve, Sa herë që i coj letër me merr tre javë kohë, drejtori i Tatimeve për t’u përgjigjur dhe me përgjigjet në minutën e fundit të afatit tre javor drejtori. Në të gjitha komunikimet jam i detyruar të kthej letrën mbrapsht dhe t’i them: Kam kërkuar këtë gjë…
Dhe do më japësh këtë gjë që po ju kërkoj dhe çfarë po kërkoj, po kërkoj kë ke kontrolluar në kuadër të operacionit të madh për sigurinë ushqimore dhe formalizimin e sektorit bujqësor? Për të kuptuar që kontrolli është selektiv apo kontrolli është parimor dhe deri tani për këtë ligjin kam folur vetëm për parimet. S’kam fol për interesa ku e di unë dhe sa kohë drejtori i Tatimeve nuk përgjigjet për gjërat që t’i i kërkon, jam i detyruar ta detajoj se si do jetë raporti”, thekson Braçe. -
Rama ngre alarmin: Vendimi për Ballukun ka pezulluar projektet strategjike të transportit
Kryeministri Edi Rama ka reaguar sërish në rrjetet sociale për pezullimin nga detyra të zëvendëskryeministres Belinda Balluku, masë sigurie e caktuar nga Gjykata e Posaçme.
Kreu i qeverisë argumenton teknikisht se përsë Gjykata Kushtetuese duhet të pranojë ankimimin e vendimit të GJKKO-së, nga Këshilli i Ministrave.
Reagimi i Ramës:
Ja konkretisht nga tryeza ime e punës sot, shembujt konkretë, krejt aktualë, pse unë i kam kërkuar Gjykatës Kushtetuese heqjen e pezullimit absurd të një anëtari të qeverisë dhe pse të pezullosh një ministër (për herë të parë në botë) sjell pasoja që cënojnë konkretisht funksionimin e qeverisë dhe interesin publik: Kanë përfunduar diskutimet në nivel teknik dhe kthimpërgjigja pozitive e palës kanadeze, i ka hapur rrugë lidhjes së marrëveshjes dypalëshe mes Shqipërisë dhe Kanadasë për nisjen e fluturimeve ajrore transoqeanike midis dy vendeve.
Mirëpo kjo procedurë, aktualisht nuk mund të vijojë me hapat e mëtejshme të miratimit e të nëshkrimit të saj, pasi autoritetin ekskluziv për këto hapa, Kushtetuta ia jep ministrit dhe kompetencat e vendimmarrëse të tij nuk mund të delegohen tek askush tjetër.
Kështu që pezullimi ne fjalë, vendos një pikëpyetje të madhe mbi fillimin e fluturimeve në qershor 2026, sipas parashikimit.
Por po kështu, aktualisht, ka edhe 36 akte të tjera të Ministrisë së Infrastrukturës dhe Energjisë, ku vetëm akte për rindërtimin janë 18, të cilat mbeten të pezulluara bashkë me ministrin, ndërkohë që çdo ditë që pezullimi i ministrit zgjatet, zgjatet edhe lista e punëve të bllokuara. -
Kriza për Avokatin e Popullit: PD tërheq mbështetjen, kërkon rifillim procedure
Partia Demokratike sqaroi sot se nënshkrimet e deputetëve të opozitës për kandidatët për Avokat të Popullit janë dhënë para se Komisioni i Ligjeve të bënte kualifikimin e tyre.
Sipas PD-së, disa kandidatë i kanë përdorur këto nënshkrime sikur të ishin propozim zyrtar për votim, gjë që partia e konsideron “të pavërtetë” dhe në kundërshtim me ligjin.
PD thotë se, pasi Komisioni i Ligjeve njoftoi zyrtarisht se çdo deputet mund të mbështesë vetëm një kandidat, deputetët e opozitës kanë tërhequr të gjitha nënshkrimet e dhëna më herët.
Opozita ka propozuar nisjen e një procesi të ri, transparent, mes mazhorancës dhe opozitës për përzgjedhjen e kandidatit.
“Jemi në pritje të përgjigjes zyrtare të Kryetarit të Kuvendit për hapat e mëtejshëm. Tërheqja e nënshkrimeve është depozituar në Kuvend”, thuhet në reagimin e PD-së.Sqarim për mediat:
Për shkak të interesit të mediave mbi kandidatët për Avokat Populli, ju sqarojmë se:
Nënshkrimet e deputetëve të opozitës janë dhënë përpara kualifikimit të kandidatëve nga Komisioni i Ligjeve, pavarësisht se kur kandidatët vetë i kanë depozituar në Kuvend dhe një pjesë prej tyre i kanë përdorur në kundërshtim me ligjin si propozim për votim (gjë që nuk është e vërtetë) në kuptim të nenit 9 të ligjit për Avokatin e Popullit.
Pas vendimit të Komisionit të Ligjeve, që i është njoftuar zyrtarisht grupeve parlamentare, që “1 deputet mbështet vetëm 1 kandidat sipas ligjit”, deputetët e opozitës kanë tërhequr të gjitha nënshkrimet e dhëna paraprakisht, dhe kanë propozuar ndërtimin e një procesi transparent përzgjedhje mazhorancë-opozitë. Mbetemi në pritje të përgjigjes institucionale të Kryetarit të Kuvendit për të proceduar më tej.
Tërheqja e nënshkrimeve depozitohet zyrtarisht në Kuvend. -
KE përgënjeshtron Ramën: Shqipëria rast unik në BE për pezullimin e fondeve IPARD
Nga foltorja e Kuvendit, gjatë prezantimit të projektbuxhetit 2026, kryeministri Edi Rama iu rikthye çështjes së ndërprerjes së fondeve IPARD, duke e minimizuar vendimin e Brukselit. Me ironi, Rama e cilësoi si “kënga e mjerueshme e fondeve të bujqësisë”. Ai u shpreh se hetimet e Zyrës Evropiane Kundër Mashtrimit (OLAF) për periudhën 2019–2023 kanë zbuluar shkelje të natyrës së ngjashme edhe në vende të BE-së.
Sipas kryeministrit shumat e identifikuara në këto vende arrijnë mbi 1 miliard euro.
“OLAF, i cili bën hetime për llogari të Komisionit Evropian, për vitin 2019–2023, nuk ka gjetur shkelje të të njëjtës natyrë, (siç ka gjetur në Shqipëri), vetëm në këto vende: Luksemburg, Maltë, Qipro, Irlandë edhe Holandë. Ndërkohë që shuma e vendosur nga OLAF-i përpara vendeve të tjera të Bashkimit Evropian… është mbi 1 miliard euro,” Edi Rama, Kryeministër i Shqipërisë.
Por ky krahasim është i pasaktë.
Shqipëria, një rast unikNë një reagim të posaçëm për Faktoje.al, Komisioni Evropian sqaron se rasti i Shqipërisë është unik. Kjo sepse ndërprerja e pagesave për IPARD II dhe pezullimi i IPARD III u vendos mbi bazën e një hetimi të OLAF, jo thjesht mbi auditime teknike si në vendet anëtare të BE-së.
Në përgjigjen zyrtare për Faktoje.al, Komisioni Evropian thekson se masa e marrë ndaj Shqipërisë nuk ka precedent.
“Siç është thënë më parë, nuk ka raste të ngjashme,” deklaron KE për Faktoje.al
Komisioni shpjegon se është e domosdoshme të dallohen korrigjimet financiare për mangësi teknike në vendet anëtare, dhe masat e bazuara në një hetim të OLAF, siç është rasti i Shqipërisë.
“Në rastin e Shqipërisë, Komisioni Evropian ka ndërprerë rimbursimin e shpenzimeve të IPARD dhe, njëkohësisht, ka pezulluar delegimin për të gjitha masat e IPARD III mbi bazën e informacionit të marrë nga OLAF në kontekstin e një hetimi, dhe kjo që prej korrikut 2023.
Është e qartë se, për të korrigjuar mangësi të tilla, përmirësimet në sistemet kombëtare të kontrollit janë të nevojshme në të dyja situatat e përmendura më sipër”, shpjegon Komisioni Evropian.
Verën e vitit 2023, mbi bazën e informacionit të OLAF, Komisioni Evropian ndërpreu rimbursimet e IPARD II dhe pezulloi të gjitha masat e IPARD III. Për të rikuperuar besueshmërinë, Shqipëria duhet të përmirësojë sistemet e kontrollit dhe të zbatojë masa korrigjuese.
Gënjeshtër e përsëritur
Kjo nuk është hera e parë që qeveria minimizon ndërprerjen e fondeve IPARD II dhe pezullimin e programit IPARD III, për shkak të dyshimeve për korrupsion.
Korrikun e vitit 2023, kur Komisioni Evropian informoi qeverinë shqiptare se kishte pezulluar grantet për bujqësinë, vendimi ekstrem i Brukselit, u komentua si një procedurë administrative normale.
Ministrja e Bujqësisë asokohe, Frida Krifca, tha se parregullsi apo shpërdorime të ngjashme me fondet IPARD janë gjetur edhe në vende si Gjermania, Franca apo Holanda. Deklarata e atëhershme e ministres Frida Krifca, u përgënjeshtruan nga Faktoje.al përmes Komisionit Evropian.
Edhe në 2023, KE theksonte se masa ndaj Shqipërisë ishte e paprecedentë.
Përfundim
Komisioni Evropian argumenton se është e rëndësishme të bëhet dallimi midis korrigjimeve financiare të aplikuara ndaj shteteve anëtare të BE-së nga Drejtoria e Përgjithshme për Agrikulturën dhe Zhvillimin Rural (DG AGRI), kundrejt çështjeve që dalin në dritë mbi bazën e një hetimi nga Zyrës Evropiane Kundër Mashtrimit (OLAF), siç është rasti për Shqipërinë.
Nisur nga informacionet e mbledhura, deklaratën e kryeministrit Edi Rama se “OLAF nuk ka gjetur shkelje të të njëjtës natyrë siç ka gjetur në Shqipëri vetëm në Luksemburg, Maltë, Qipro, Irlandë edhe Holandë” e kategorizojmë të pavërtetë.Çështja e fondeve IPARD nuk është thjesht një “këngë e mjerueshme”, por test për besueshmërinë e institucioneve shqiptare në rrugën drejt integrimit europian./Faktoje.al
-
U mor në pyetje për 10 orë rresht, zbardhet deklarata e Federica Mogherinit
Dhjetë orë marrje në pyetje, nga ora 14:00 deri në mesnatë. Kaq zgjati ndalimi i Federica Mogherinit, të cilës në fund iu kthye pasaporta. Mediat e huaja ndërkohë kanë zbuluar deklaratën e zyrtares së lartë.
Mogherini mbrojti veten gjatë marrjes në pyetje duke pretenduar çdo hap të procesit të dhënies së Akademisë Diplomatike Europiane, shkollës së përbashkët për trajnimin e diplomatëve të BE-së, Kolegjit të Europës, të cilin ajo e drejton.
“Procedura u zhvillua me transparencën më të madhe. Nuk pati privilegje ose nuk u shfrytëzua asnjë informacion i klasifikuar. Objektivi i vetëm ishte krijimi i një klase më të mirë diplomatike për Bashkimin Evropian”, u tha ajo hetuesve, sipas asaj që La Repubblica zbulon.
Ish-Përfaqësuesja e Lartë e Bashkimit për Punët e Jashtme dhe Zëvendëspresidentja e Komisionit është nën hetim nga Zyra e Prokurorit Publik Evropian në Bruksel për një çështje që përfshin rolin e saj si drejtoreshë e Kolegjit të Europës në Bryzh. Mogherini u arrestua të martën, iu hoq imuniteti diplomatik, u mor në pyetje dhe më pas u lirua, si dy italianët e tjerë, për shkak të mungesës së rrezikut të arratisjes së saj. Dy të dyshuar të tjerë, ambasadori Stefano Sannino dhe Cesare Zegretti, menaxher i kolegjit prestigjioz në Bryzh janë gjithashtu nën hetim.
Sipas prokurorisë, Ambasadori Stefano Sannino, Sekretar i Përgjithshëm i EEAS dhe Ministria e Jashtme e BE-së i dhanë Kolegjit Europian detajet kryesore të tenderit, duke i lejuar atij të përgatiteshin aty ku konkurrentët e tjerë nuk kishin dijeni.
Megjithatë, Mogherini e kundërshtoi këtë informacion dhe tha se të gjitha të dhënat ishin publike. Mogherini iu përgjigj gjithashtu asaj që Zyra e Prokurorit e konsideron një gur themeli të hetimit, blerjen e një ndërtese në Spanjaardstraat nga Kolegji, e konsideruar thelbësore për strehimin e studentëve të Akademisë. -
Meta kërkesë GJKKO: Mos më mbani në gjyq në kafaz hekuri, është diskriminuese
Ilir Meta ka depozituar një kërkesë në GJKKO që lidhet me mënyrën e paraqitjes së tij në sallën e gjyqit, ku sipas mbrojtjes ai është vendosur në një kabinë xhami ose strukturë metalike izolimi.
Sipas dokumentit të paraqitur në gjykatë, mbrojtja i kërkon trupit gjykues konstatimin e shkeljes së të drejtave kushtetuese për shkak të vendosjes së Ilir Metës në kabinë xhami/kafaz hekuri.
Meta kërkon që gjatë seancave ai të vendoset pranë avokatit, pa barriera fizike, gjatë gjithë procesit gjyqësor.
Në kërkesën e dorëzuar, mbrojtja pretendon se vendosja e të pandehurit në kabinë të mbyllur cënon nenin 3 të Konventës Evropiane të të Drejtave të Njeriut, që ndalon trajtimin çnjerëzor dhe poshtërues.