Pas denoncimeve të vazhdueshme për mungesën e ilaçeve dhe pajisjeve në Spitalin Onkologjik, në adresë të Gazetarit Osman Stafa ka mbërritur një mesazh kërcënues, me qëllim intimidimin, frikësimin dhe tërheqjen e tij nga investigimet në këtë spital.
Gazetarit Stafa i është kërkuar me një gjuhë banale, fyese dhe kërcënuese të mos paraqitet më në ambientet e Onkologjikut dhe të heqë dorë nga denoncimet mbi korrupsionin dhe abuzimet mbi pacientët.
Pas marrjes së mesazhit, gazetari i është drejtuar Policisë së Shtetit, ku ka bërë kallëzim penal, për kërcënim për shkak të detyrës. Autoritetet kanë nisur hetimet për të zbuluar personin përgjegjës dhe se kush fshihet pas këtij kërcënimi.
I ndodhur përballë presioneve dhe kërcënimeve, gazetari Osman Stafa, siguron se do të vijojë denoncimet e tij për situatën në Spitalin Onkologjik.
Author: Gijotina.com
-
Denoncimet për Onkologjikun, kërcënohet me jetë gazetari Osman Stafa
-
PROFIL/ Kush është Klodian Braho, do të drejtojë 3 vitet e ardhshme SPAK-un ?
Për 7 orë në Këshillin e Lartë të Prokurorisë u zhvillua dëgjesa publike për zgjedhjen e drejtuesit të ri të Prokurorisë së Posaçme kundër Korrupsionit dhe Krimit të Organizuar.
Katër prokurorët në garë ishin: Adnan Xholi, Doloreza Musabelliu, Klodjan Braho dhe Elvin Gokaj.
Dhe në fund të seancës me 7 vota të anëtarëve të KLP-së, u vendos që pasuesi i Altin Dumanit të jetë Klodian Braho.
Por kush është kreu i ri i SPAK-ut?
Klodian Braho u lind në Skrapar më 21 korrik 1982. Në vitet 2000-2004 kreu studimet në Fakultetin e Drejtësisë dhe në 2005-2008 studioi në Shkollën e Magjistraturës. Ai mori emërimin më 14 nëntor 2007.
Ka pasur këto detyra:
14.11.2007-2012/ Prokuror pranë Prokurorisë pranë Gjykatës së Rrethit Gjyqësor Berat.
2012-2015/ Prokuror pranë Prokurorisë së Gjykatës së Rrethit Gjyqësor Vlorë.
2014-2015/ Zv.drejtues i Prokurorisë pranë Gjykatës së Rrethit Gjyqësor Vlorë.
2015-19.12.2019/ Prokuror në Prokurorinë pranë Gjykatës së Shkallës së Parë për Krimet e Rënda Tiranë.
Nga 19 dhjetori 2019 dhe aktualisht është prokuror pranë Prokurorisë së Posaçme kundër Korrupsionit dhe Krimit të Organizuar (SPAK). -
Rama qetëson kritikët: Diella nuk merr vendime, vetëm përpunon të dhënat
Diella, ministrja virtual me inteligjencë artificiale e qeverisë Rama 4, e përcaktuar ndryshe si shërbyesja e prokurimeve publike me synim luftën ndaj abuzimeve me tenderat, veç vlerësimeve si risi është përballur edhe me kritika dhe pikëpyetje!
Kryeministri Edi Rama u kthye përgjigje në aktivitetin për 30 vjetorin e Agjencisë së Prokurimit Publike, ku shpjegoi se Diella nuk do të jetë plotësisht e pavarur, por çdo proces që ajo do të kryejë do të jetë i bazuar mbi ligjet ekzistuese të prokurimeve publike në Shqipëri.
“Diella nuk do veprojë në mënyrë totalisht të pavarur nga sytë e të gjithë aktorëve të interesuar. Por, do të jetë në çdo hap e auditueshme nga çdo aktor i interesuar. Sepse, i gjithë procesi i cili do të zhvillohet mes rrugëve digjitale dhe IA, do të jetë sidoqoftë i bazuar në kërkesat e ligjit të prokurimeve sa i përket dokumentacionit përkatës”, u shpreh kreu i Qeverisë.
Rama shpjegoi se Diella do të ketë për detyrë mbledhjen e të dhënave nga operatorët, e jo vendimin për rezultatin final
“Dhe në fund fare, për nxjerrjen e një rezultati, do ta marrë përsëri komisioni përkatës, bazuar në të gjitha të dhënat që Diella do të vendosë në tavolinë”, tha Rama.
Duke mbetur vetëm tek Diella e cilësoi fenomen botëror, që sipas tij u “ndesh kokë më kokë” dhe me Angelia Jolie
“Fenomen botëror, ka arritur të konkurrojë në një moment Angelina Jolie”.
Rama tha se përparimi i teknologjisë është një “bekim” për vende si Shqipëria, ndërsa shtoi se Shqipëria tashmë cilësohet si vendi me performancën më të mirë të sistemit të prokurimit publik në rajon.
“Dua të theksoj që ne po e vazhdojmë reformën sepse duam të shkojmë jo vetëm më larg, por edhe duam të shkojmë aq larg sa na çon bekimi i sotëm i teknologjisë dhe AI”.
Kryeministri nënvizoi se episodet që evidentojnë raste problematike nuk tregojnë mungesë progresi, por përkundrazi, vullnet të shtetit për të luftuar korrupsionin.
“Progresi ynë në luftën kundër korrupsionit është i padiskutueshëm”.
Diella është e para ministre virtual me inteligjencë artificial në botë dhe është prezantuar në prokurimeve publike në vend me qëllim luftën ndaj korrupsionit. -
Firmat për Shabanin/ Berisha: U hodhën kur mbështeti Florjan Binajn, por doli i lidhur me Edi Ramën
Kryedemokrati, Sali Berisha ka pranuar se deputetët e opozitës kanë firmosur për Endri Shabanin, si kandidat për postin e Avokatit të Popullit.
Ndryshe nga një ditë më parë ku u shpreh se ka ndodhur një gabim, sot Berisha i pranoi firmat por u shpreh se sipas tij deputetët kanë firmosuar për Shabanin kur ky i fundit mbështeti Florjan Binaj (si kandidat për kryetar Bashkie i Tiranës), por pretendoi se nuk e dinin që ishte i lidhur me Ramën.
“Unë nuk them që nuk i mori firmat Endri Shabani. I mori në një periudhë Endri Shabani kur ai mbështeti Florian Binën, se nuk mund të them që nuk ishte një koalicion moral i plotë i të gjitha forcave politike. Por pastaj dolën një seri problemesh që faktuan se ai që kishte atë fjalor si opozitar i opozitës, nuk ishte vetëm kaq, por ishte një person me lidhje kryekëput me Edi Ramën.
Dhe ky nuk është vetëm mendimi ynë, por është një mendim më i gjerë edhe i faktorëve të palidhur me opozitën, por që ishin dhe janë që Avokati i Popullit të jetë një person i besueshëm, një person me kredenciale dhe integritet të lartë”, tha Berisha.
“Më së paku, Endri Shabani është kryetar i një partie, nuk po marr anën tjetër. Por Komisioni i Ligjeve vendosi që deputetët nuk do kenë të drejtë të firmosin për më shumë se një kandidat. Në përputhje me këtë vendim, grupi parlamentar i PD dërgoi një shkresë në Kuvend ku e informon se tërheq çdo firmë për çdo kandidat. Dhe, këtë vendim të Komisionit të Ligjeve, në mënyrë të habitshme, e hodhi poshtë mazhoranca pa asnjë vendim. E bëri të paqenë pa marrë asnjë vendim në asnjë institucion. Pse e bëri këtë? Se humbisnin firmat për Endrin Shabanin”, shtoi ai. -
Belinda Balluku kundërshton pezullimin, shorti përcakton gjyqtaren
Është hedhur shorti në Apelin e GJKKO në lidhje me ankimimin e ish-zëvendëskryeministren Belinda Balluku, e cila kundërshton pezullimin nga detyra.
Sipas shortit, trupi gjykues monokratik përbëhet nga gjyqtare Miliana Muça.
“Gjykata e Posaçme e Apelit për Korrupsionin dhe Krimin e Organizuar, regjistroi çështjen penale nr. 86 akti, datë 11.12.2025 regjistrimi, mbi ankimet e ankuesve B.B., G.Gj. dhe E.E., me objekt “Ankim ndaj vendimit nr. 118, datë 19.11.2025 dhe vendimit nr. 120, datë 22.11.2025 të Gjykatës së Posaçme të Shkallës së Parë për Korrupsionin dhe Krimin e Organizuar” në lëndë të masave të sigurimit personal.
Sipas shortit, trupi gjykues monokratik përbëhet nga gjyqtare Miliana Muça”,- thuhet në vendimin e GJKKO-së.
Më 20 nëntor, Gjykata e Posaçme pezulloi nga detyra Belinda Ballukun, duke i ndaluar gjithashtu daljen jashtë vendit. Ajo është marrë e pandehur për shkelje në tenderin e tunelit të Llogorasë dhe po hetohet për tenderin e lotit 4 të Unazës së Madhe, ku dyshohet se fituesit janë paracaktuar.
Vendimi për pezullimin e saj nga detyra u dërgua në Gjykatën Kushtetuese, nga Edi Rama, i cili refuzon ta shkarkojë të besuarën e tij. Së fundmi ai ka shtuar dhe presionet ndaj gjyqësorit në lidhje me këtë çështje. -
Mbyllet procesi i intervistimit para KLP të kandidatëve për drejtimin e SPAK, si do të bëhet votimi për fituesin
Katër kandidatët Adnan Xholi, Doloreza Musabelliu, Elvin Gokaj dhe Klodjan Braho dolën para anëtarëve të KLP, me prezencë të ndërkombëtarëve, prej orës 09:00 deri në orën 14:50, ku kanë paraqitur platformat e tyre dhe kanë prezantuar punët dhe dosjet që kanë hetuar ndër vitet e karrierës.
Votimi në KLP për drejtuesin e ri të SPAK ka ndryshuar, dhe do të ketë një rregullore të re. Votimi nuk do të jetë me dorë, por do ta shkruajnë në fletë të bardhë, ku bashkë me emrin e anëtarit të KLP (votues) do të shkruhet emri i prokurorit.
Ndërkohë nga ana tjetër Kryetari nuk do të ketë dy vota në rast barazimi, por një. -
Zjarr në Lezhë/ Merr flakë kamioni i tonazhit të rëndë
Një kamion i tonazhit të rëndë është përfshirë nga flakët mesditën e kësaj të enjte në Lezhë, pranë fabrikës së tullave.
Sipas informacioneve paraprake, kamioni ishte i parkuar në momentin kur ka marrë flakë, ndërsa zjarri dyshohet të jetë shkaktuar si pasojë e një defekti teknik.
Fatmirësisht nuk raportohet për persona të lënduar, vetëm dëme materiale.
Policia ndodhet në vendngjarje dhe po punon për zbardhjen e plotë të rrethanave dhe shkaqeve të zjarrit. -
Balla – Shehajt: Kujdes, mbaje mirë me Lulin se po tregoi se si i sillje çantat, ike…
Kreu i grupit parlamentar të PS-së, Taulant Balla i është kundërpërgjigjur ashpër Agron Shehajt të Mundësisë. Ai tha se kushtetuta e përcakton se kryeministri mund t’ia delegojë interpelancën ministrave.
Balla lëshoi akuza në drejtim të Shehajat, ndërsa theksoi se ky i fundit të rrijë urtë dhe ta mbajë mirë me Bashën, pasi ky i fundit mund të tregonte për ‘disa çanta’.
“O zoti kryetar, ça po hidhni në votim? O zoti Braçe, ai është në rol. Teatri që sapo dëgjuam në Kuvend, është i padëgjuar. Zotëri, kushtetuta e Republikës i jep të drejtën kushtetuese të delegoj. Ore s’po përgjigjem ty. Pusho ti pusho. S’të kam në refene. Ik merru me Lulin, ik fërkojë se po foli Luli ike ti. Mbaje mirë me Lulin se po tregoi ai se si i sillje çantat ti…Me mua do merresh ti? Ouu. Çoheni ju me buton 10 veta këtu?! Kështu i jepni firmat ju? Me të çuar në këmbë? Çohuni, Agron Shehaj, Avokat Populli.”- tha Balla. -
Shpërndanin drogë në Komunën e Parisit, në pranga 2 persona
Policia e kryeqytetit goditi një rrjet shpërndarjeje të drogës, duke finalizuar operacionin e koduar “Target”, zhvilluar nga Seksioni për Hetimin e Narkotikëve.
Gjatë aksionit, në zonën e Komunës së Parisit u arrestuan në flagrancë A. V., 23 vjeç, dhe E. Dh. (K.), 33 vjeç, të dy banues në Tiranë. Sipas hetimeve, të arrestuarit dyshohet se shisnin kokainë në lokalet e zonës.
Në momentin e ndalimit, policia gjeti dhe sekuestroi 250 gramë kokainë, 2 celularë dhe një shumë parash të dyshuar të përfituar nga aktiviteti kriminal.
Forcat e rendit deklaruan se operacioni u zhvillua mbi bazën e informacioneve operative, ndërsa vijojnë hetimet për identifikimin e personave të tjerë të përfshirë në këtë rrjet shpërndarjeje droge. -
Zbulohet mashtrimi 30 mln euro në ‘zemrën historike’ të Firences, në pranga disa shqiptarë
Policia italiane zbuloi një skemë mashtrimi me vlerë mbi 30 milionë euro që goditi institucionin historik “Opera di Santa Maria del Fiore”, që administron Katedralen dhe monumentet kryesore të Firences.
Nëntë persona u ndaluan në disa qytete, mes tyre italianë, shqiptarë dhe shtetas të tjerë të huaj.
Ata akuzohen për krijimin e faturave të rreme dhe riciklim parash në bashkëpunim me kompani fantazmë.
Hetimet nisën në mars të vitit 2025 nga Prokuroria e Breshias. Paratë qarkullonin në mënyrë të shpejtë mes llogarive bankare për të fshehur origjinën.
Janë sekuestruar para të thata dhe dokumente.
Skema zhvillohej në bashkëpunim me struktura fiktive që përfitonin fonde për restaurime.
“Opera” është një nga institucionet më të vjetra dhe të rëndësishme kulturore në Itali.
Rasti ka tronditur opinionin për shkak të lidhjes me trashëgiminë kombëtare.