Alarm te centrali më i madh bërthamor i Europës/ Moska: U godit furnizimi për gjeneratorët

Një incident i ri ka rikthyer shqetësimin për sigurinë e centralit bërthamor të Zaporizhzhias në Ukrainë, ndërsa Rusia akuzon Kievin për sulm ndaj mjeteve që transportonin karburant për gjeneratorët rezervë. Drejtori i korporatës shtetërore ruse Rosatom, Alexei Likhachev, deklaroi se kamionë me naftë për centralin u sulmuan të premten dhe se nga goditja humbën jetën dy ushtarakë rusë, ndërsa të tjerë u plagosën. Sipas Likhachev, karburanti ishte i destinuar për gjeneratorët rezervë të centralit. Këta gjeneratorë janë kritikë për sigurinë, pasi shërbejnë për të mbajtur në funksion sistemet e nevojshme kur ndërpritet furnizimi i jashtëm me energji. Akuza ndaj Ukrainës vjen nga pala ruse dhe nuk është verifikuar në mënyrë të pavarur. Kievi dhe Moska kanë akuzuar vazhdimisht njëra-tjetrën për rrezikimin e sigurisë së centralit....