Zjarri në Drenovë të Mallakastrës vihet nën kontroll pas disa orësh, digjen rreth 10 hektarë me ullinj!

Pas një operacioni intensiv disaorësh, zjarri që përfshiu zonën e Drenovës në Mallakastër është neutralizuar, duke shmangur përhapjen e flakëve drejt banesave dhe varrezave të zonës. Në operacionin për shuarjen e zjarrit u angazhuan 6 mjete zjarrfikëse dhe mbi 50 efektivë nga disa bashki, të cilët u ndihmuan edhe nga banorë të zonës. Sipas përllogaritjeve paraprake, nga zjarri janë përshkuar rreth 10 hektarë sipërfaqe me ullinj dhe pyll me shkurre. Forcat zjarrfikëse vijojnë monitorimin e terrenit për të parandaluar riaktivizimin e vatrave të zjarrit dhe për të garantuar sigurinë në zonë.