Vendoset sasi tritoli pranë një kompanie inertesh në Spaç, policia nis hetimet

Një sasi lënde eksplozivi është konstatuar mëngjesin e kësaj të hëne pranë makinerive të një kompanie inertesh në zonën e Spaçit, në Mirditë. Sipas informacioneve, lënda plasëse është vënë re nga punonjësit e kompanisë, të cilët kanë njoftuar policinë. Fatmirësisht ajo nuk ka shpërthyer. Në vendngjarje pritet të mbërrijnë forcat xheniere për të bërë çaktivizimin e lëndës plasëse, ndërsa policia ka nisur hetimet për të zbardhur rrethanat e vendosjes së saj.