Tre protesta kundër Ramës, nga nesër në shesh mbështetësit e Lapajt kundër qeverisë

January 16, 2026 January 16, 2026 Nga nesër dhe në vijim, do të mbahen tre protesta opozitare kundër qeverisë ”Rama 4”. Adriatik Lapaj protestën ditore pret ta shndërrojë në masive të shtunën. Shënjestra e Arlind Qorit është Parlamenti që hap dyert të hënën. Fundi i janarit është rezervuar nga demokratët. Qëllimi i njëjtë, por kalendari i protestave opozitare nuk ka pikë takimi. Qeveria teknike artikulohet nga Sali Berisha, eksperiment të tillë e pa të zbatuar pjesërisht në 2017, kur Edi Rama dhe Lulzim Basha firmosën paktin e 17 Majit, i cili nuk solli rotacionin e kërkuar nga demokratët.