“Shembja e rrugës Librazhd-Prrenjas fenomen i mbingopjes”! Drejtuesi i Hekurudhës dhe Shërbimi Gjeologjik: Shkak shiu

Ergys Verdho TIRANË-Përfaqësuesi nga Shërbimi Gjeologjik Shqiptar, Ardian Bylyku në një konferencë për mediat pasditen e kësaj të marte, më 24 shkurt, lidhur me bllokimin e aksit Librazhd-Pogradec dhe bypassit të ri, thotë se arsyeja kryesore e shembjes së rrugës Librazhd-Pogradec është sasia e reshjeve të shumta të shiut.  Ardian Bylyku nga Shërbimi Gjeologjik Shqiptar: Sasia e reshjeve ka qenë trefishi në krahasim me 2 vitet e mëparshme. Është një fenomen që njihet me fenomenin e mbingopjes së strukturave, dhe ka dhënë maksimumin e mbingarkesës, duke rezultuar si faktori kryesor për cedimin e gjithë strukturës. Shërbimi gjeologjik është duke vazhduar me pjesën e studimeve të thelluara, të lidhura këto me interpretimet e rezultateve të rreth 500 metrave linearë shpime që do të vendosen nga ekspertët, si...