Prurjet e lumit Devoll shkaktojnë rrëzimin e një pjesë mali, përkeqësohet qarkullimi në urën e Gjinkashit në Maliq

Prurjet e shumta të lumit Devoll kanë shkaktuar rrëzimin e një pjese të malit si pasojë e gërryerjeve të vazhdueshme. Situata u përkeqësua nga rritja e nivelit të ujit, duke dëmtuar rëndë urën e Gjinikasit, në Moglicë, Maliq. Sipas njoftimit ura do të riparohet nga një kompani e cila do të marrë masat e nevojshme për rikthimin e saj në gjendje të plotë funksionale. Ndërkohë, për të përballuar situatën emergjente dhe për të garantuar lëvizjen e banorëve, u vendos nga bashkia Maliq një urë metalike provizore, e cila do të shërbejë deri në përfundimin e punimeve përfundimtare. Top Channel