Seanca mbyllet brenda pak minutave, votohen projektligjet vetëm nga PS, opozita kaos dhe përplasje me gardën

Mes kaosit dhe tensioneve, seanca plenare është mbyllur brenda pak minutave. Seanca ishte parashikuar që të niste në orën 10:00, por duke qenë se deputetët e opozitës bllokuan vendet e ministrave, duke ndezur edhe flakadanë, nuk lejuan zhvillimin normal. Në të tilla kushte, kreu i grupit parlamentar të PS Taulant Balla propozoi që të shmangeshin diskutimet dhe projektligjet të hidheshin në votim. Kështu, vetëm me votat e PS, të 15-ta projektligjet kaluan dhe më pas seanca u mbyll. Për kaosin që shkaktuan në Kuvend, dy deputetët e PD Klevis Balliu dhe Flamur Noka u përjashtuan nga seanca e Kuvendit./vizionplus.tv