‘Përmbytjet nxjerrin llumin e korrupsionit’, Gjoni: Rama mendon vetëm si t’i shpëtojë ndëshkimit

Situata e përmbytjeve në vend ka ndezur akuza të forta politike, teksa deputeti i Partisë Demokratike, Gjin Gjoni, e ka cilësuar qeverinë si të papërgjegjshme dhe ka akuzuar kryeministrin se po tenton t'i shpëtojë drejtësisë. I ftuar në KAFE SHQETO në SYRI TV, deputeti Gjoni deklaroi se dëmet e shkaktuara në pasurinë e qytetarëve, në blegtori dhe në tokat bujqësore janë të jashtëzakonshme. Sipas tij, ndërsa reshjet janë një fenomen natyror, zgjatja e përmbytjeve për javë të tëra është pasojë e drejtpërdrejtë e mungesës së ndërhyrjes nga shteti dhe emergjencat civile. Ai theksoi se kjo situatë “po nxjerr në sipërfaqe të gjithë llumin e korrupsionit të kësaj qeverie”. Duke u ndalur konkretisht te situata në Durrës, Gjoni u shpreh se ajo që ka ndodhur në këtë qark...