PD mbledh sot kryesinë/ Pritet të caktohet data e protestës së radhës kombëtare

January 10, 2026 January 10, 2026 Partia Demokratike do të mbajë ditën e sotme në orën 13:00 një mbledhje të Kryesisë, ku pritet të përcaktohet data e protestës kombëtare të radhës. Ndërkohë, ditën e djeshme opozita mbajti një tryezë me aktorë të opozitës dhe përfaqësues të shoqërisë civile, ku u diskutua në lidhje me hapat e ardhshëm të aksionit opozitar. Gjithashtu në njoftimin e ndarë me anëtarët e tjerë të Kryesisë, në rendin e ditës është caktuar të flitet për hapat e radhës së opozitës, në fokus të së cilës është krijimi i një qeverie teknike, që do i hapë rrugë zgjedhjeve të reja në vend.