Miratimi në Kuvend i Ligjit të Ri për Shërbimin e Jashtëm, Spiropali: Instrument që ngre përfaqësimin Shqipërisë në lartësinë e sfidave të kohës

Të enjten Parlamenti ka votuar me 75 vota pro të maxhorancës ligjin e ri për shërbimin e Jashtëm në Republikën e Shqipërisë. Sot ka ardhur reagimi nga ministrja për Europën dhe Punët e Jashtme, Elisa Spiropali, ku e cilëson si instrument që ngre përfaqësimin e Shqipërisë në lartësinë e sfidave të kohës. “Pas diskutimeve maratonë, në orët e para të mëngjesit, miratuam Ligjin e ri për Shërbimin e Jashtëm, një instrument thelbësor për ta ngritur edhe më tej përfaqësimin e Shqipërisë, në lartësinë e sfidave të kohës.”, shkruan ajo në një postim në Facebook. Top Channel