Media britanike: Protestat kundër korrupsionit në Shqipëri, policia përdor gaz lotsjellës dhe topa uji kundër protestuesve

Policia përdori gaz lotsjellës dhe topa uji ndaj protestuesve që hodhën bomba molotov dhe flakadanë gjatë një demonstrate të martën në mbrëmje në qendër të Tiranës, ku mijëra mbështetës të opozitës kërkonin dorëheqjen e qeverisë së Shqipërisë. Qeveria e kryeministrit Edi Rama është vënë nën presion për shkak të akuzave për korrupsion që përfshijnë zëvendëskryeministren Belinda Balluku, por Rama u ka rezistuar thirrjeve për shkarkimin e saj. Janë shtuar kërkesat që deputetët t'i heqin Ballukut imunitetin nga ndjekja penale, gjë që mund të bëhet vetëm me një votim në parlament. Prokurorët kundër korrupsionit kanë akuzuar Ballukun, e cila është gjithashtu ministre e energjisë dhe infrastrukturës, për ndërhyrje në prokurimet publike për projekte ndërtimi me qëllim favorizimin e disa kompanive, dhe kanë kërkuar heqjen e imunitetit të saj....