“Faktorë politikë dhe ata që lidhen me trafiqet kundër ndërtimit të Porto Romanos”, Rama: Do kalojmë në planin agresiv për të filluar ndërtimin e portit

Në podcastin “Flasim”, kryeministri Edi Rama foli për çështjen e Porto Romanos. Sipas kreut të qeverisë këtë port të ri të gjithë e duan dhe e mirëpresin, dhe se një porti i ri i këtyre përmasave e çon Shqipërinë në një nivel tjetër në hartën logjistike të rajonit. Gjithashtu ai tha se do të kalojë në planin agresiv për të nisur ndërtimin e portit, duke theksuar se nuk do të lejojë vonesa të tjera nga interesa që nuk lidhen me zhvillimin ekonomik të vendit. “Kam një shënim të veçantë për sa i përket një çështje që ka marrë vëmendje mediatike dhe që, si të gjitha çështjet e tjera të kësaj bote, kur marrin vëmendje mediatike në kohën që jetojmë mbulohen nga një mjegull e madhe...