Pasiguria në burgje/ 90 të burgosur nga burgu i Fushë Krujës transferohen drejt Peqinit

January 24, 2026 January 24, 2026 FOTO ILUSTRUESE PEQIN-Të paktën 90 të dënuar me rrezikshmëri të lartë pritet të transferohen nga burgu i Fushë Krujës drejt Institucionit të Ekzekutimit të Vendimeve Penale në Peqin.  Burimet bëjnë me dije se lëvizja e të dënuarve do të kryhet me masa të shtuara sigurie, ku do të angazhohen struktura të specializuara të rendit dhe shërbimet penitenciare. Qëllimi i këtij operacioni është garantimi i rendit, sigurisë dhe mbarëvajtjes së procesit të transferimit. Autoritetet përgjegjëse po marrin masa për menaxhimin e situatës dhe garantimin e standardeve ligjore të trajtimit të të dënuarve, me qëllim që të mos cenohet rendi dhe siguria në institucion.