Koçiu: Angazhim i plotë për thellimin e bashkëpunimit me OKB-në dhe reformat për integrimin evropian

January 15, 2026 January 15, 2026 Ministrja e Brendshme, Albana Koçiu, deklaroi se në mbledhjen e Komitetit të Përbashkët Ekzekutiv me agjencitë e Kombeve të Bashkuara u diskutuan rezultatet konkrete të bashkëpunimit, prioritetet strategjike për vitin 2026, si dhe objektivat e ciklit të ardhshëm 2027–2031 të Kuadrit të Bashkëpunimit për Zhvillim të Qëndrueshëm. Duke vlerësuar progresin e arritur në fushat kryesore të këtij partneriteti, Koçiu theksoi se institucionet shqiptare mbeten plotësisht të angazhuara për ta thelluar më tej bashkëpunimin me OKB-në, përmes avancimit të reformave që i shërbejnë drejtpërdrejt qytetarëve dhe forcojnë perspektivën evropiane të Shqipërisë.