Ishte arrest shtëpie nga SPAK, dorëhiqet drejtoresha e AKSHI Mirlinda Karçanaj

February 13, 2026 February 13, 2026 Drejtoresha e Agjencisë Kombëtare të Shoqërisë së Informacionit (AKSHI), Mirlinda Karçanaj, ka dhënë dorëheqjen nga posti që mbante, ndërsa ndodhej në masën e sigurisë “arrest shtëpie”. Mësohet se në krye të institucionit është emëruar Igli Tafa, i cili do të ushtrojë detyrën e drejtorit të përgjithshëm të AKSHI-t. Dorëheqja e Karçanajt vjen në një moment kur çështja e saj po trajtohet nga organet e drejtësisë, ndërsa ndryshimi në drejtimin e agjencisë pritet të ndikojë në vijimësinë e projekteve kryesore të digjitalizimit të administratës publike. AKSHI është institucioni përgjegjës për infrastrukturën dhe shërbimet digjitale të qeverisë, përfshirë platformën e-Albania dhe sistemet elektronike të administratës. Në orët në vijim priten detaje të tjera zyrtare mbi procedurat e dorëheqjes dhe emërimin e drejtuesit të ri.