Frikë nga mbetjet, banorët e Porto Romanos në alarm: 2800 ton mbetje të rrezikshme ende pa zgjidhje

February 4, 2026 February 4, 2026 Pas mbërritjes së rezultatit të analizave të kryera në një laborator të specializuar në Itali, se mostrat e marra nga 2800 tonët e mbetjeve industriale të kompanisë Kurum të depozituara këtu në Porto Romano të Durrësit janë të rrezikshme për shëndetin e njeriut dhe mjedisin, banorët e zonave përreth shprehen të shqetësuar për bashkëjetesën e rrezikshme me mbetjet, prej 15 muajsh. Sipas analizave, mbetjet industriale kanë toksicitet të theksuar dhe pasoja afatgjata, veçanërisht për ekosistemet ujore. Megjithëse hetimet kanë identifikuar përgjegjësi penale, mbetet ende e paqartë se kush do të marrë përsipër asgjësimin e mbetjeve të rrezikshme dhe ku do të asgjesohen. Prej rreth 15 muajsh, 2800 ton mbetje të rrezikshme vijojnë të qëndrojnë të depozituara në Porto Romano, ndërsa publikimi i analizave që i...