Durrës/ Qytetarët e prekur nga projekti TID ndjekin kryetarin e Këshillit të Qarkut, policia e shoqëron drejt bashkisë

Banorët e shtëpive që preken nga projekti TID kanë dalë në protestë para Bashkisë së Durrësit. Siç shihet në pamjet e siguruara nga korrespondentja e Top Channel, Vali Qyrfyçi, qytetarët protestues ndjekin kryetarin të Këshillit të qarkut të Durrësit, Alfred Mullaraj për t’i kërkuar shpjegime e mbështetje për situatën. Mullaraj u ndoq nga qytetarët deri sa u fut në institucion i shoqëruar nga punonjësit e policisë bashkiake Kujtojmë se janë 74 familje që preken nga projekti TID, që pritet të zbatohet në qendrën historike të Durrësit.