Bie në prangat e policisë 22-vjeçari/ Shiste kokainë dhe mbante armë me vete (EMRI)

Policia ka arrestuar një 22-vjeçar në Vlorë, pasi shiste kokainë në doza dhe iu gjet një pistoletë sportive me silenciator. Gjatë kontrollit fizik, shtetasit Justino Kurti iu gjetën disa doza Kokaine, ndërsa gjatë kontrollit në automjet, u gjet një pistoletë sportive, me municionin përkatës dhe me silenciator. Në përfundim të veprimeve procedurale, shtetasi Justino Kurti, 22 vjeç, banues në Dhërmi, u arrestua në flagrancë për veprat penale “Prodhimi dhe mbajtja pa leje e armëve të gjuetisë dhe sportive” dhe “Prodhimi dhe shitja e narkotikëve”. Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.