Atentati në Lezhë/ Ishte brenda në berberhane, zbardhet dëshmia e policit: Qëllova me armë për të neutralizuar autorët

Është zbardhur dëshmia e punonjësit të Policisë së Shtetit, i cili ndodhej rastësisht në një berberhane në momentin kur mbrëmjen e kaluar ndodhi atentati në Lezhë, ku mbeti i plagosur 30-vjeçari Sokol Daci. Burime nga grupi hetimor bëjnë me dije se polici ka deklaruar se nuk ishte në shërbim në momentin e ngjarjes dhe se prania e tij në zonë ka qenë krejtësisht rastësore. Sipas dëshmisë, për shkak të dinamikës së shpejtë të atentatit dhe rrethanave të krijuara, ai nuk ka mundur të identifikojë autorët. Polici ka pohuar se ka përdorur armën e zjarrit në përpjekje për t’i neutralizuar, me qëllim parandalimin e pasojave më të rënda. Top Channel