Aeroporti i Tiranës kryeson aeroportet e rajonit? Rama: 6 milionë pasagjerë në 6 muaj

Aeroporti Ndërkombëtar i Tiranës ka kryesuar aeroportet e rajonit për numrin e pasagjerëve gjatë gjashtëmujorit të parë të vitit 2026. Lajmin e ka bërë të ditur kryeministri Edi Rama përmes një postimi në rrjetet sociale. Sipas tij, gjatë gjashtë muajve të parë të këtij viti, në aeroport janë regjistruar 6 milionë pasagjerë, shifër që përbën një rritje prej 17% krahasuar me të njëjtën periudhë të vitit 2025. “Aeroporti Ndërkombëtar i Tiranës kryeson aeroportet e rajonit për numrin e pasagjerëve në gjashtëmujorin e parë të vitit 2026. 6 milionë pasagjerë në vetëm 6 muaj, me një rritje prej 17% krahasuar me të njëjtën periudhë të vitit 2025”, shkruan Rama në rrjetet sociale.