Dhuratat zyrtare të marra nga kryeministrja Giorgia Meloni do të shiten në ankand dhe të ardhurat mund të dhurohen për organizata jofitimprurëse dhe bamirësi.
Nga seti i bizhuterive të marra nga Libia te palë këpucët blu prej pitoni me taka të arta, te tableta e dhuruar nga Presidenti ukrainas Volodymyr Zelensky: disa qindra dhurata i janë dhënë kryeministres gjatë vizitave të saj zyrtare në Itali dhe në mbarë botën gjatë tre viteve të fundit. 270, siç u zbulua më 3 maj, nga lista e paraqitur në Dhomën e Deputetëve pas një pyetjeje të paraqitur nga deputeti i Italia Viva, Francesco Bonifazi.
Sipas ligjit, dhuratat me vlerë 300 euro ose më shumë nuk mund të mbahen, dhe ato më të vlefshmet mbahen në një kasafortë.
Në fund të tetorit, Sekretari i Përgjithshëm i Palazzo Chigi urdhëroi shitjen e këtyre aseteve dhe ditët e fundit një rezolutë ia besoi “menaxhimin e shitjes në ankand të dhuratave zyrtare të marra nga Presidenca e Këshillit të Ministrave” Bertolami Fine Art.
Lista e dhuratave që do të dalin në ankand nuk dihet ende. Shtëpia e ankandeve dhe galeria e artit romake do të vlerësojnë vlerën e tyre, pasi kanë fituar kontratën prej 40,000 eurosh duke ofruar “5% të të ardhurave si shpërblim”.
Tag: zyrtarë
-
Dhuratat e marra nga kryeministrja Meloni dalin në ankand, ja ku do të shkojnë të ardhurat
-
Bashkia e Tiranës si strehë hajdutësh: Skema “5D” dhe punimet fiktive
Prokuroria e Tiranës ka vendosur masa sigurie për tetë persona, mes tyre pesë zyrtarë të Bashkisë së Tiranës dhe Inspektoratit të Mbrojtjes së Territorit, të dyshuar për falsifikim dokumentesh dhe shpërdorim detyre.
Sipas hetimit, grupi ka ngritur një skemë punimesh fiktive që ka shkaktuar dëme financiare në buxhetin e bashkisë.
Procedimi nisi pas denoncimit nga një qytetar, pallati i të cilit ishte shembur në janar 2021 pa asnjë njoftim zyrtar.
Gjatë hetimeve, Prokuroria zbuli se disa prej objekteve të shembura në atë periudhë ishin futur sërish në listën e punimeve të financuara në mars të po atij viti, duke krijuar kosto të pajustifikuara dhe duke simuluar procese shembjeje që në fakt kishin përfunduar muaj më parë.
Nga verifikimet rezultoi se përfaqësues të kompanive private dhe punonjës të IMT-së kanë përpiluar dokumente të rreme për punime të kryera në terren, ndërsa zyrtarë të Emergjencave Civile kanë firmosur akte të pavërteta që lidhen me shembjet dhe largimin e mbetjeve ndërtimore.
Prokuroria thekson se këto veprime synonin justifikimin e fondeve publike për punime që nuk janë kryer.
Gjykata e Tiranës ka vendosur masën “arrest në shtëpi” për Aurel Çukon, Aurel Boriçin dhe Sokol Qehahajn. Për Eleana Guçen, Rexhina Rakipin, Aleksandra Mahmutllarin, Shyqyri Malokun dhe Fatmir Firit është caktuar masa “detyrim paraqitje”.
Organet e drejtësisë kanë bërë me dije se hetimet janë ende në vijim dhe se nuk përjashtohet identifikimi i personave të tjerë të përfshirë në skemën e falsifikimit. -
Wirtz në stol, formacionet zyrtare në Inter-Liverpool dhe në sfidat e tjera
Janë publikuar formacionet zyrtare të sfidave të mbrëmjes në Champions League, të vlefshme për javën e 6-të. Sigurisht që vëmendja kryesore do të jetë në “San Siro”, aty ku përballen Inter dhe Liverpool.
Zikaltrit duan të lënë pas humbjen ndaj Atletico Madridit dhe të rikthehen te fitoret, pasi vijnë nga një moment i mirë edhe nga kampionati. Në anën tjetër, Liverpool është një situatë shumë kritike, si në Premier League ashtu edhe në Champions League dhe një fitore sot mund të qetësonte disi stuhinë e javëve të fundit. Dy trajnerët respektiv, Cristian Chivu dhe Arne Slot kanë zgjedhur të zebresin në fushë më këtë formacion:
INTER XI: Sommer; Akanji, Acerbi, Bastoni; Luis Henrique, Barella, Çalhanoglu, Mkhitaryan, Dimarco; Lautaro Martínez, Thuram.
LIVERPOOL XI: Alisson; Gomez, Konaté, Van Dijk, Robertson; Gravenberch, Mac Allister; Szoboszlai, Jones, Isak; Ekitike
Jo më pak të rëndësishme janë edhe sfidat e tjera, po ju njohim me formacionet zyrtare të disa prej tyre:
BARCELONA XI: Joan García; Koundé, Cubarsí, Gerard Martín, Balde; Eric García, Pedri; Lamine Yamal, Raphinha, Fermín López; Lewandowski.
EINTRACHT FRANKFURT XI: Zetterer; Kristensen, Koch, Theate, Brown; Chaibi, Skhiri, Götze; Knauff, Larsson, Doan.
PSV XI: Kovar; Dest, Schouten, Gasiorowski, Salah-Eddine; Mauro Júnior, Veerman, Saibari; Driouech, Til, Wanner.
ATLETICO MADRID XI: Oblak; Molina, Hancko, Pubill, Ruggeri; Giuliano Simeone, Koke, Pablo Barrios, Nico González; Sorloth, Julián Álvarez
ATALANTA XI: Carnesecchi; Kossounou, Kolasinac, Djimsiti; Bellanova, De Roon, Ederson, Bernasconi; De Ketelaere, Lookman; Scamacca
CHELSEA XI: Sánchez; Acheampong, Badiashile, Chalobah, Cucurella; Caicedo, James; Pedro Neto, Enzo Fernández, Gittens; João Pedro -
Tashmë zyrtare! Ja kur nis “BBVA”
Tashmë është zyrtare! Big Brother Albania rikthehet më 20 dhjetor me edicionin e tij të pestë (BBVA 5). Lajmin e bëri të ditur vetë Top Channel, duke ndarë datën e shumëpritur me publikun nëpërmjet një postimi në rrjetet sociale. Në videon njoftuese, kanali përdor frazën intriguese: “E ardhmja është shkruar…”, që lë të kuptohet se ky sezon do të sjellë shumë surpriza dhe momente të paparashikueshme.
Ky edicion i BBVA premton të sjellë një eksperiencë të re, duke i mbajtur banorët dhe publikun në tension që nga momenti i hyrjes në shtëpi. Ledion Liço do të jetë sërish moderatori i këtij sezoni, duke siguruar se atmosfera do të jetë po aq emocionuese dhe e mbushur me drama, siç ka ndodhur në sezonet e kaluar.
Rikthimi i spektaklit është pritur me padurim, pasi do të përfshijë shumë konflikte, miqësi, dhe histori dashurie, tipike për këtë show që ka mbërthyer miliona shikues shqiptarë. Si gjithmonë, shtëpia e BBVAlbania do të jetë një vend ku çdo moment është i papritur, dhe fansat tashmë janë të sigurt që do të jenë të fiksuar para ekranit për muaj me radhë.
BBVAlbania mbetet një nga programet më të ndjekura dhe më të komentuar në Shqipëri, dhe ky sezon pritet të jetë më emocionuesi deri tani. -
“Plan i mirëmenduar”/ Qendra e emigrantëve, reagon Kaso: Gjithçka është një akt “personal” i kryeministrit…
Një plan i qeverisë Rama për të ngritur qendra emigrantësh në zemër të qyteteve të jugut të Shqipërisë, zona të cilat vuajnë nga shpopullimi masiv, po denoncohet si një politikë zyrtare për “largimin dhe zëvendësimin” e popullsisë vendase.
Sipas denoncimeve, qeveria ka përcaktuar ngritjen e këtyre qendrave në qarqe si Korça, Gjirokastra dhe Vlora, të cilat prej vitesh përballen me plagën e emigracionit masiv. Vendndodhjet e përzgjedhura nuk janë zona të izoluara apo me siguri të lartë, siç ndodh në praktikat e Bashkimit Evropian, por godina publike si spitale, pallate sporti dhe ish-qendra kulture në mes të qyteteve si Korça, Bilishti, Maliqi, Përmeti e madje edhe Pusteci. Në këtë të fundit, numri i emigrantëve që pritet të strehohen thuhet se është pothuajse i barabartë me popullsinë aktuale të bashkisë.
Kjo strategji përshkruhet nga deputeti i PD Ivi Kaso, që ishte i ftuar në një emision televiziv, si një “plan i mirëmenduar” dhe “politikë zyrtare” që synon zëvendësimin demografik. Argumentohet se në vend që të investojë për të frenuar largimin e shqiptarëve, qeveria po i hap dyert vendosjes së emigrantëve në zonat e braktisura. Ky veprim konsiderohet pjesë e një teorie konspirative tashmë të njohur si “largimi dhe zëvendësimi”, e cila, sipas zërave kritikë, tani po gjen zbatim konkret.
Gjatë bisedës Kaso tha se gjithçka është një akt “personal” i kryeministrit, i cili po i “dhuron” qyteteve të jugut paketa me emigrantë, duke injoruar plotësisht organet e vetëqeverisjes vendore që do të mbajnë përgjegjësinë për menaxhimin e situatës.
Ivi Kaso:
Në qoftë se tendenca e vendeve të Bashkimit Evropian është që këto qendra t’i ngrenë në zona super të sigurta, zona në të cilat edhe kur janë ngritur, nuk kanë mundur të shmangin arratisjet, daljet në një përplasje dhunë në një numër të madh, atëherë tendenca ka qenë që t’i nxjerrin krejt jashtë vendit të tyre. Ndërkohë ne, në vende të cilat nuk janë prekur nga flukse, migratore, mu në mes të qyteteve, nëpër spitale, nëpër pallate sporti, nëpër ish-qendra kulture, pra bashkë në mes të qyteteve, ngremë këto qendra pa asnjë lloj mase sigurimi.
Gazetari: I kanë përcaktuar këto?
Ivi Kaso: Po patjetër, i kanë përcaktuar. Dëgjo, jo, i kanë përcaktuar. Pra, jo vetëm që përcaktojnë zona, përveç qarkut të Korçës, që është qarku më i prekur që preket çdo bashki e qarkut të Korçës, edhe në Pustec ngrenë qendër emigrantësh në Pustec, që ka, numri i votuesve në atë zonë, është bashkia më e vogël e vendit, u çojnë edhe njëherë aq sa është popullsia, ua çojnë aty. I çojnë në mes të Korçës, i çojnë në mes të Bilishtit, në mes të Maliqit.
Gazetari: Po ja përplasin në fytyrë shqiptarëve. Pyetja ime është kjo. Ka qenë teori konspirative në 10 vitet e fundit, plani i largim dhe zëvendësim. Mos po implementohet plani për zëvendësimin e shqiptarëve?
Ivi Kaso: Është pjesë e planit. Pjesë e planit.
Gazetari: Pra është zyrtare kjo, është politikë zyrtare. Tani duan të na zëvendësojnë.
Ivi Kaso: Është politikë zyrtare sepse zonat në të cilat presupozohet që të vijnë qarqet e jugut, pra qarku i Korçës, qarku i Gjirokastrës dhe qarku i Vlorës, janë qarqe që plagën më të madhe e kanë imigracionin masiv. Shpopullimi i përditshëm. Unë këtu kam qenë në studion tuaj, këtu te Syri, kur kam denoncuar faktin që Korça për fat të keq është katandisur një qytet me 24.000 banorë, është më pak se gjysma, më pak se gjysma e Astirit e gjithë Korça. Tani, këto qarqe të cilat vuajnë këtë plagë të madhe, ne u sjellim dhe emigrantët atje, me plan që, nesër pasnesër një pjesë e tyre do rrinë, do të mundet të asimilohen, gjë që është krejt për t’u parë sepse asnjëherë këto këto zgjidhje të imponuara…
-
Derbi Tirana-Partizani, publikohen formacionet zyrtare
Në stadiumin “Air Albania”, sot në orën 18:00 nis një nga përballjet më të ndjekura të futbollit shqiptar, derbi i Tiranës mes bardhebluve dhe Partizanit. Përtej historisë dhe rivalitetit të gjatë, ky derbi vjen në një moment të veçantë, kur të dyja skuadrat ndodhen larg pritshmërive dhe kanë nevojë për rezultat për të mos e lënë sezonin të rrëshqasë në dështim.
Pak minuta para ndeshjes, janë zbuluar edhe formacionet zyrtare, me trajnerin Ardian Nuhiu dhe Oltijon Kërnaja që kanë vendosur të mos rrezikojnë; në fushë zbresin emrat më të fortë të të dyja kampeve.
Tirana, që kërkon të rekuperohet pas humbjes turpëruese ndaj Dinamos, rreshtohet me: Tafas, Vera, Basilio Ndong, Dembele, Rafa Silva, Haxiu, Valerianos, Tare, Vogli, Tabekou, Meta.
Në stol është trajneri Ardian Nuhiu, që e sheh këtë sfidë si një provë vendimtare për të mbajtur drejtimin e ekipit.
Në anën tjetër, Partizani, që ka ardhur nga një fitore minimale, do të kërkojë të shfrytëzojë krizën e Tiranës për të marrë 3 pikët dhe për të shpëtuar sezonin. Formacioni i “demave të kuq” është: Qirko, Atanaskoski, Janjeva, Bytyçi, Ismaili, Isgandarli, Human, Kote, Toma, Marku, Doumbia.
Skuadra drejtohet nga Oltijon Kërnaja, i cili kërkon të fitojë derbin e parë si trajner i parë në krye të Partizanit. -
Napoli-Juventus është tashmë në histori, përballja e parë zyrtare Conte-Spalletti në Serie A
5 Dhjetor 2025
10:24
Alfred Lleshi
Antonio Conte dhe Luciano Spalletti do të përballen për herë të parë në një ndeshje zyrtare si trajnerë të dielën, më 7 dhjetor, në “Maradona”. Pavarësisht mbi 1500 ndeshjeve të grumbulluara së bashku, kjo do të jetë e para në Serie A mes tyre. Conte, “me shpirt bardhezi dhe mjeshtër i disiplinës”, kundër Spallettit, “gjeniut dhe të çrregulltit” që rikthehet simbolikisht në Napoli; një duel që mund të ndikojë menjëherë sezonin.
Napoli kërkon fitoren për të qëndruar në krye, ndërsa Juventusi synon ringritjen dhe futjen në garën e titullit. Të vetmet gjurmë të mëparshme mes tyre datojnë në vitin 2019, kur Spalletti u largua nga Interi dhe vendin e tij e mori Conte, si dhe një miqësore në 29 korrik 2017, Inter-Chelsea, e fituar 2-1 nga Spalletti.
Të dy kanë fituar titullin në Napoli “pa Maradonën”, arritje që i fut në historinë e klubit axurr. Tani, me rolet e përmbysura, Conte te Napoli dhe Spalletti te Juventusi, dueli i tyre e bën sfidën edhe më magjepsëse. -
Zyrtarë ukrainas drejt Brukselit dhe Majamit për bisedime për paqe
Negociatorët ukrainas pritet të takohen sot me zyrtarë evropianë në Bruksel, dhe më pas me zyrtarë amerikanë në Florida.
Takimet vijnë disa ditë pas një takimi pesorësh në Kremlin mes zyrtarëve të Uashingtonit dhe Moskës, ku presidenti rus, Vladimir Putin, i ritheksoi kushtet e tij të ashpra për t’i dhënë fund luftës në Ukrainë.
Para takimeve të së enjtes, Putini përsëriti kërkesat e tij të kamotshme dhe gjithëpërfshirëse për sovranitetin dhe ushtrinë e Ukrainës, gjatë një interviste për India Today.“Ose ne i çlirojmë këto territore me forcë, ose trupat ukrainase largohen nga këto territore dhe i ndalin luftimet atje”, i tha Putini kanalit indian, në një intervistë të regjistruar paraprakisht dhe të publikuar një ditë para udhëtimit të tij në Indi.
I dërguari i posaçëm i Shtëpisë së Bardhë Steve, Witkoff, dhe Jared Kushner, dhëndri i presidentit amerikan Donald Trump, u takuan me Putinin dhe zyrtarë të tjerë të lartë në Kremlin më 2 dhjetor, në përpjekjet më të fundit për ta gjetur një marrëveshje që do t’i jepte fund pushtimit të plotë të Ukrainës nga Moska.
Vizita e delegacionit amerikan ndodhi gati dy javë pasi një plan i hartuar nga Shtetet e Bashkura për paqe – i konsideruar si shumë i favorshëm për Rusinë – u publikua.
Plani pasqyronte shumicën e kërkesave të pandryshueshme që Moska ia ka bërë Ukrainës qysh para nisjes së pushtimit të saj në shkurt të vitit 2022.
Zyrtarët ukrainas dhe aleatët evropianë të Kievit janë munduar qysh prej atëherë ta gjejnë një alternativë të pranueshme. Zyrtarët ukrainas janë takuar gjithashtu me Sekretarin amerikan të Shtetit, Marco Rubio.
Menjëherë pas takimit të 2 dhjetorit në Moskë, Yuri Ushakov, diplomat me përvojë dhe këshilltari kryesor i Putinit për politikën e jashtme, e përshkroi diskutimin si “konstruktiv”, por u tha mediave ruse se paqja nuk ishte as më pranë dhe as më larg.
“Partnerët amerikanë konfirmuan gatishmërinë e tyre për t’i marrë parasysh vërejtjet tona dhe propozimet tona kyç”, tha Ushakov.
Megjithatë, shtoi ai, “nuk është arritur ndonjë kompromis. Puna do të vazhdojë”.
Witkoff, ndërkohë, nuk foli për mediat para se të largohej nga Moska.
Duke folur për gazetarët në Zyrën Ovale më 3 dhjetor, Trump tha se Witkoff dhe Kushner i kishin thënë se dukej që Putini “do të donte të arrinte marrëveshje”.
“Çfarë do që të dalë nga ai takim, nuk mund t’ju them”, tha Trump, pa dhënë hollësi të tjera.
“Witkoff pati takim mjaft të mirë me Putinin. Do të shohim çfarë do të ndodhë”, tha ai.
“Përshtypja e tyre ishte se [Putini] do të donte ta përfundonte luftën”, shtoi ai.
Presidenti ukrainas, Volodymyr Zelensky, tha se negociatori kryesor ukrainas, Rustem Umerov, dhe shefi i Shtabit të Përgjithshëm, gjeneralmajor Andriy Hnatov, do të takohen me këshilltarë evropianë të sigurisë kombëtare në Bruksel më 3 dhjetor dhe më pas do të udhëtonin drejt Floridës për më shumë bisedime me Witkoffin dhe Kushnerin./rel -
‘Vija e kuqe’/ Kina i kërkon SHBA-së të ndërpresë kontaktet zyrtare me Tajvanin
Kina kundërshton me vendosmëri çdo formë shkëmbimesh zyrtare midis Shteteve të Bashkuara dhe rajonit të Tajvanit të Kinës dhe i kërkoi Shteteve të Bashkuara të ndalojnë shkëmbimet zyrtare me Tajvanin dhe të përmbahen nga dërgimi i sinjaleve të gabuara forcave separatiste të “pavarësisë së Tajvanit”, tha të mërkurën një zëdhënës i ministrisë së jashtme.
U raportua se Presidenti i SHBA-së, Donald Trump, kishte nënshkruar një akt që i bënte thirrje Departamentit të Shtetit të rishikonte rregullisht ndërveprimet midis Shteteve të Bashkuara dhe Tajvanit dhe të kërkonte mënyra për të thelluar ndërveprimet me Tajvanin.
Në përgjigje, zëdhënësi Lin Jian tha në një konferencë të rregullt për shtyp se Kina kundërshton me vendosmëri çdo formë shkëmbimi zyrtar midis Shteteve të Bashkuara dhe rajonit të Tajvanit të Kinës, dhe ky qëndrim është konsistent dhe i qartë. Çështja e Tajvanit është në thelb të interesave thelbësore të Kinës, dhe është vija e parë e kuqe që nuk mund të kalohet në marrëdhëniet Kinë-SHBA.
Ai tha se parimi i një Kine është themeli politik i marrëdhënieve Kinë-SHBA dhe qeveria amerikane mori një angazhim të qartë në komunikatën e përbashkët mbi vendosjen e marrëdhënieve diplomatike se “Shtetet e Bashkuara të Amerikës e njohin Qeverinë e Republikës Popullore të Kinës si qeverinë e vetme ligjore të Kinës. Brenda këtij konteksti, populli i Shteteve të Bashkuara do të mbajë marrëdhënie kulturore, tregtare dhe të tjera jozyrtare me popullin e Tajvanit”.
Kina i kërkoi palës amerikane që t’i përmbahet me zell parimit të një Kine dhe tre komunikatave të përbashkëta Kinë-SHBA, ta trajtojë çështjen e Tajvanit me kujdes ekstrem, të ndalojë shkëmbimet zyrtare me Tajvanin dhe të ndalojë dërgimin e çdo sinjali të gabuar te forcat separatiste të “pavarësisë së Tajvanit”, tha Lin Jian./ Xinhua.
-
Plani për paqen me Rusinë, Rubio pas përfundimit të takimeve SHBA-Ukrainë: Duhet më shumë punë
Zyrtarë të lartë amerikanë dhe ukrainas i kanë përfunduar takimet e tyre në Florida, të cilat Sekretari amerikan i Shtetit, Marco Rubio i ka përshkruar si “shumë produktive”, ndonëse nevojitet punë shtesë për të finalizuar një plan për përfundim të luftës së Rusisë në Ukrainë.
“Kemi pasur një tjetër takim shumë produktiv, nisur nga bisedimet në Gjenevë, më pas takime tjera të javës, por duhet bërë më shumë punë”, u ka thënë Rubio gazetarëve më 30 nëntor, pas takimit, por pa ofruar më shumë hollësi.
“Ka shumë gjëra që po ndryshojnë, dhe natyrisht që është edhe një palë tjetër e përfshirë këtu që duhet të jetë pjesë e ekuacionit”, ka thënë ai, duke iu referuar Rusisë.
“Do të vazhdojmë edhe këtë javë, kur [i dërguari i posaçëm i Shtëpisë së Bardhë, Steve] Witkoff udhëton në Moskë… ne kemi qenë në kontakt me nivele të ndryshme brenda anës ruse, por duket se i kuptojmë mirë edhe qëndrimet e tyre”, ka thënë Rubio.
Sekretari i Këshillit të Sigurisë të Ukrainës, njëherësh lideri i delegacionit të Kievit, Rustem Umerov, i ka përshkruar negociatat si “të suksesshme” por as ai nuk ka ofruar më shumë hollësi.
“E përfunduam një takim të vështirë por produktiv të negociatave në Floridë. Kemi shënuar përparim të prekshëm drejt arritjes së paqes”, ka shkruar ai në Telegram.
Agjencia e lajmeve AFP i ka cituar disa burime të pakonfirmuara brenda ekipit ukrainas të kenë thënë se bisedimet “nuk kanë qenë të lehta” dhe që “kërkimi për formulime dhe zgjidhje vazhdon”.
Ekipi negociator është takuar në Florida, në veri të Majamit, në mesin e përpjekjeve për të arritur deri te një plan që do të ishte i pranueshëm si për Kievin, ashtu edhe për Moskën.
Witkoff do të jetë më 1 dhjetor në Moskë për t’u takuar me zyrtarë të lartë rusë, përfshirë presidentin e shtetit, Vladimir Putin. Ky do të jetë takimi i gjashtë i Witkoffit me Putinin prej janarit.
Më 30 nëntor, presidenti ukrainas, Volodymyr Zelensky ka shkruar në rrjete sociale se “pala amerikane është duke treguar qasje konstruktive dhe në ditët në vijim është e mundshme që do të përcaktohen hapat si të ketë një përfundim të dinjitetshëm të luftës”.
Ai ka folur më vonë edhe me liderë të Komisionit Evropian dhe NATO-s për t’i koordinuar pozicionet në kuadër të negociatave.
Kievi dhe aleatët evropianë po përpiqen të krijojmë një propozim alternativ pasi zyrtarë të administratës amerikane e kanë publikuar një plan 28-pikësh që përbëhet prej disa aspekteve të cilat i ka shtyrë përpara Moska prej nisjes së luftës në shkurt të vitit 2022.
Për disa ukrainas, plani nënkupton kapitullim, pas gati katër vjetëve të luftës që i ka vrarë apo plagosur mbi 1 milion njerëz në të dyja anët.
Plani fillestar amerikan i ka alarmuar zyrtarët ukrainas – dhe raportohet ta ketë zemëruar Zelenskyn, i cili më pas i ka zhvilluar disa bisedime të ndara me Rubion dhe zyrtarë tjerë amerikanë në Gjenevë.
Këto bisedime kanë rezultuar me një plan prej 19 pikash që ende lë në tavolinë çështje të rëndësishme, përfshirë fatin e rajonit ukrainas të Donbasit, aspiratat e Ukrainës për anëtarësim në NATO dhe zvogëlimin e numrit të ushtrisë ukrainase. /relTop Channel