Përmbytjet rrëmbyese, përrenjtë e rrëmbyeshëm, mbuluan rrugët në Megara dhe Nea Peramos.
Në foton e bërë publike nga Dimitris Vordos, nënkryetari i bashkisë së zonës, tregon një grua e ndodhur në mes të ujit po përpiqet të çlirohet nga automjeti i saj.
Sipas tij lumi në zonën e Kamaras është fryrë sepse uji po rrjedh poshtë drejt Lakkës dhe Almyres, dhe ai rekomandon që banorët të zhvendosen në vende më të larta.
Tre operacione të Rojes bregdetate greke kanë shpëtuar 141 emigrantë të mërkurën në zona të ndryshme të Kretës. Në operacionin e parë, oficerët e Rojës Bregdetare të Gavdos gjetën gjithsej 71 emigrantë në plazhin “Trypiti”.
Pas shpëtimi ata janë dërguar në një strukturë akomodimi të përkohshëm në Agia Chania. Në një operacion të dytë të koordinuar nga EKSED, 36 të huaj në një gomone u gjetën dhe u shpëtuan nga një në zonën detare të ishullit të Chryssi.
Në një operacion të ri nga EKSED, këtë herë në zonën detare në Kretë u shpëtuan 34 emigrantë të tjerë. në një gomone. Autoritetet portuale po vazhdojnë operacionet e mbikëqyrjes dhe kërkimit në zonën detare në jug të Kretës.
Ish-kandidati për deputet në qarkun e Durrës, Aulon Kalaja do t’i bashkohet takimit të Ervin Salianjit me demokratët në qytetin bregdetar. Por, Kalaja thotë se nëse takimet që do të zhvillojë Salianji cedojnë nga parimet, ai largohet.
“Do jem në takim në Durrës, do dëgjoj problematikat, do marr vendimet e mia në raport me vijimësinë e kësaj gjëje. Sa i përket fraksionit, nuk e gjej veten në fraksion. Në politikë s’jam për ti gjetur vendin Salianjit, nëse shoh cedim nga primet unë çohem nga tavolina”, theksoi Kalaja.
I pyetur mbi komentin e Berishës se është një takim privat, Kalaja thotë se për momentin është më e rëndësishme që disa pyetje të marrin përgjigje, si a do mblidhet këshilli dhe a do ketë analizë. Kalaja kritikon deputetët, për të cilët thotë se ka prej tyre që 4 vite nuk duken në terren dhe pastaj thjesht ndërrojnë zonën për tu dukur si “fytyra” të rejs.
“Është mendimi i kryetarit që ka një farë të drejte në raport me strukturat, nga informacionet që kam do ketë struktura të PD. Këta janë njerëz që kanë punuar për ne, këtu do shikohet se çfarë ka menduar grupi i organizmit. Është momenti për ti dhënë përgjigje disa pyetjeve, a do mblidhet këshilli, a do ketë analizë, se në 2023 nuk u bë analizë. Jam dakord që mos të jetë gjueti shtrigash, por ne do marrim disa masa me atë njerëz që janë teknicien dhe s’kanë lidhje me votën. Njeriu duhet të jetë kafshë politike, nëse ke hyrë në politikë ti matesh me vota. Pse do konkurrosh nëse s’ke vota. Ke deputetë që ndërrojnë zonën, kamë 4 vite që s’janë dukur në zonë dhe ndërrojnë zonën që të jetë fytyrë e re diku tjetër dhe pas vitesh do ta ndërrojnë sërish zonën. Këto problematika duhet të marrin përgjigje”, tha Kalaja.
Reshjet e shiut prej mbrëmjes së të enjtes janë ndërprerë në Lushnje, por pasojat që kanë lënë pas janë tepër të mëdha. Në zonën e Tërbufit ku përfshihen tokat bujqësore të njësisë administrative Dushk, Grabjan, dhe Tërbuf, dhjetëra hektarë tokë bujqësore të mbjella me grurë, foragjere, por edhe stane bagëtish janë nën pushtetin e ujërave.
Megjithëse hidrovori i Biçukasit prej një javë punon 24 orë me kapacitet të plotë, do të duhen ditë për largimin e ujërave. Pas kësaj, hapet rruga evidentimin e dëmeve të shkaktuara nga përmbytjet.
Ndërkohë që edhe në zonën Ngurrëz, Imshtë, Zhelizhan edhe pse niveli i ujit në lumin Seman ka pësuar rënie, mbi 200 hektarë tokë brenda argjinaturës janë ende nën ujë.
Ditën e sotme vendi ynë do të ndikohet nga kushte atmosferike relativisht të qëndrueshme, njofton Shërbimi Meteorologjik Ushtarak.
Moti parashikohet me vranësira mesatare deri të dendura si dhe alternime të herëpashershme kthjellimesh, me këto të fundit më të theksuara në zonën e veriut dhe qendër, kryesisht në pjesën e dytë të ditës.
Në zonën e veriut dhe qendër reshje shiu të izoluara, të dobëta dhe afatshkurtra ndërsa në zonën e jugut reshje shiu të herëpashershme me intensitet të ulët dhe hera-herës deri mesatar në formën e shtrëngatave. Reshjet e shiut në zonën e jugut do të jenë të herëpashershme për pjesën më të madhe të ditës. Në Alpe dhe në verilindje-lindje në lartësinë mbi 800-900 metra priten reshje dëbore me intensitet të ulët, në Alpe hera-herës stuhi dëbore.
Era do të fryjë me drejtim verilindje-juglindje me shpejtësi mesatare 7 m/sek, e cila hera-herës përgjatë vijës bregdetare dhe në lugina pritet të fitojë shpejtësi deri 14 m/sek, shoqëruar me valëzim në dete të forcës 1-3 ballë.
Reshjet intensive të orëve të fundit kanë bërë që lumi Vjosa të dalë sërish nga shtrati, duke shkaktuar përmbytje në zonën e pazarit të kafshëve dhe duke rrezikuar banesa pranë lumit.
Deri në orën 14:00, niveli i ujit në urën e Mifolit ka arritur në 6.9 metra, ndërsa prurjet vijojnë të rriten.
Sipas emergjencave civile, reshjet pritet të vazhdojnë, veçanërisht në jug të vendit, përfshirë zonën e Përmetit, çka mund të përkeqësojë më tej situatën në Vjosë.
Në rrezik të menjëhershëm janë rreth 13 banesa në zonat pranë brigjeve.
Punimet për zhbllokimin e rrugës në zonën e Mesmalit në Maliq vazhdojnë me intensitet të shtuar.
Ekipet e ndërhyrjes në terren po punojnë prej orësh për të hequr materialet dhe për të rikthyer qarkullimin normal në aksin që lidh zonën me qendrat përreth.
Sipas informacioneve paraprake, bllokimi është shkaktuar nga reshjet e dendura dhe lëvizja e masiveve të dheut, duke krijuar vështirësi serioze për banorët dhe mjetet që lëvizin në këtë segment.
Autoritetet lokale kanë angazhuar mjete të rënda për pastrimin e rrugës, ndërsa ekipet e emergjencës po monitorojnë situatën për të parandaluar incidente të tjera të mundshme.
Banorët janë këshilluar të shmangin lëvizjet e panevojshme deri në përfundimin e punimeve, ndërsa autoritetet premtojnë se qarkullimi do të rikthehet sa më shpejt të jetë e mundur.
Pritet që gjatë orëve në vijim të ketë një njoftim zyrtar për hapjen e plotë të rrugës.
Zbardhen dhe dokumentohen tre vjedhje në market dhe në dy biznese dhe vijon puna për dokumentimin me prova ligjore të disa vjedhjeve të tjera, të dyshuara se janë kryer nga ky shtetas.
Specialistët për Hetimin e Krimeve të Komisariatit të Policisë Shijak, pas një pune intensive për zbardhjen dhe dokumentimin ligjor të disa vjedhjeve të ndodhura në biznese në zonën e Shijakut, organizuan dhe finalizuan operacionin policor të koduar “Shumat”.
Në kuadër të operacionit u bë kapja dhe ndalimi i shtetasit R. T., 27 vjeç, banues në Shijak.
Nga veprimet hetimore ka rezultuar se ky shtetas dyshohet të jetë edhe autori i tre vjedhjeve të kryera më herët në biznese të ndryshme në zonën e Shijakut, ku ka vjedhur shuma parash dhe sende me vlerë dhe aksesorë të ndryshëm, në market dhe në dy biznese në fshatrat Borak dhe Xhafzotaj të Shijakut.
Në bashkëpunim me Prokurorinë vijon puna për zbardhjen dhe dokumentimin me prova ligjore të disa rasteve të tjera të vjedhjes që dyshohet se janë kryer nga ky shtetas.
Në cilësinë e provës materiale, këtij shtetasi i janë sekuestruar rrobat e përdorura gjatë kryerjes së vjedhjeve.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprën penale “Vjedhje”.
Top Channel
vlore
VLORË- Një telefonatë e mbërritur në Komisariatin e Policisë së Vlorës ka alarmuar autoritetet e qytetit bregdetar. Mësohet se një qytetar ka raportuar për të shtëna me armë zjarri në zonën e Plazhit të Vjetër në Vlorë. Blutë e Vlorës kanë nisur kontrollet dhe kanë rrethuar zonën menjëherë pas marrjes së njoftimit për të bërë të mundur verifikimin e plotë të rrethanave të ngjarjes. Kontrolle po ushtrohen edhe në zonën e Pyllut të Sodës.
Dyshimet kanë qenë që mund të jetë qëlluar drejt një personi apo automjeti. Megjithatë, sipas informacioneve nga drejtoria e policisë së Vlorës, ka qenë vetëm një verifikim i një personi dhe nuk ka pasur të shtëna me armë. Ndërkohë, policia e Vlorës nuk ka dalë me një reagim zyrtar dhe priten më tepër detaje në vijim./ZËRI
Pak momente më parë, një telefonatë ka mbërritur në Komisariatin e Policisë së Vlorës. Telefonata është kryer nga një qytetarë, i cili ka raportuar për të shtëna me armë zjarri në zonën e Plazhit të Vjetër në Vlorë.
Pas marrjes së njoftimit blutë e Vlorës kanë nisur të krehin zonën, për të kontrolluar nëse ka apo jo të shtëna dhe persona të lënduar.
Dyshimet kanë qenë që mund të jetë qëlluar drejt një personi apo automjeti. Me të mbërritur policia në vendin e ngjarjes, pas shumë minutash tashmë që ka kontrolluar zonën ende nuk është konstatuar asgjë.
Sipas informacioneve grupi në terren nuk ka konstatuar të shtëna në zonë. Ndërkohë që kontrolli vazhdon në gjithë Plazhin e Vjetër dhe zonën e Pyllit të Sodës.