Zëri i Shqiptarëve ka publikuar këtë të hënë rezultatet e sondazhit të radhës në ABC News. 1252 banorë të rritur të vendit, është kampioni i kësaj të hënë, ndërsa linku i pyetësorit u shpërnda me SMS të rastësishme në mënyrë proporcionale në qytetet dhe fshatrat e Shqipërisë.
Pyetësori u plotësua elektronikisht në mënyrë krejt anonime nga të anketuarit. Maksimumi i marzhit të gabimit statistikor: +/- 2.7%.
Pyetja e parë e sondazhit ishte “A jeni aktualisht i/e zhgënjyer nga dy partitë kryesore, PS dhe PD?”, ku 53.9 % e të anketuarve janë përgjigjur me JO, ndërsa 46.1 % të tjerët shprehen se PO, janë të zhgënjyer nga dy partitë kryesore.
Pyetjes se për kë mund të votoni nëse zhvillohen zgjedhjet së afërmi, të zhgënjyerit nga dy partitë kryesore votuan me 46.3 për qind për partitë e reja. ‘Të zhgënjyerit’ votuan në masën 8.6 për qind për partitë e vogla ekzistuese, ndërsa 45.1 për qind e tyre nuk kanë shpresë fare.
Tag: zhvillohen
-
Sondazhi: Për kë do votoni nëse zhvillohen zgjedhje?Mbi 46% e ‘të zhgënjyerve’ votojnë për…
-
Ndarja nga jeta e këngëtarit Shpat Kasapi/ Sot i jepet lamtumira e fundit, homazhet zhvillohen në Tetovë
Këngëtari i njohur nga Maqedonia e Veriut, Shpat Kasapi, i cili u nda nga jeta më 26 nëntor 2025, do të përcillet sot për në banesën e fundit.
Lajmi është konfirmuar nga familjarët, të cilët me dhimbje kanë bërë të ditur detajet e ceremonisë mortore.
Homazhet për artistin do të zhvillohen nga ora 12:00 në Pallatin e Kulturës në Tetovë, ndërsa ceremonia e varrimit do të mbahet në orën 14:00 në varrezat e qytetit.
“Me hidhërim të thellë kumtojmë ndarjen nga jeta të birit, bashkëshortit, babait, vëllait dhe mikut tonë të dashur, Shpati ishte një zemër e pastër, një shpirt i gëzueshëm që jetonte me këngë në buzë dhe me dritë në sy. Ai përhapte vetëm dashuri e mirësi, dhe kushdo që e njihte, e ndiente ngrohtësinë e tij. Largimi i tij i papritur na ka thyer zemrat. Do të na mungojë zëri i tij i butë, buzëqeshja e sinqertë dhe prania e tij qetësuese. Kujtimi i tij do të mbetet i paharruar për ne”, thuhet në njoftimin e familjes.
Familja ka ftuar të gjithë ata që dëshirojnë t’i japin lamtumirën e fundit artistit të dashur të marrin pjesë në ceremoninë mortore. -
Bisedimet për luftën Rusi-Ukrainë, Erdogan: Le të zhvillohen në Stamboll, do punojmë për një paqe të drejtë dhe të qëndrueshme
Presidenti turk, Rexhep Taip Erdogan, ka propozuar që bisedimet mes Rusisë dhe Ukrainës të zhvillohen në Stamboll, duke e pozicionuar sërish Turqinë si ndërmjetëse kyçe në përpjekjet për t’i dhënë fund luftës.
Erdogan theksoi se Ankaraja do të vazhdojë të punojë për një “paqe të drejtë dhe të qëndrueshme”, ndërsa nënvizoi se Turqia është gati të mbështesë çdo nismë diplomatike që çon drejt armëpushimit.
Ai u shpreh se bisedimet direkte mes palëve “mund të mbahen në Stamboll”, duke kujtuar se Turqia është në kontakt të vazhdueshëm si me Moskën, ashtu edhe me Kievin.
Kjo lëvizje konsiderohet pjesë e përpjekjeve të vazhdueshme të Ankarasë për të ruajtur rolin e saj si kanali kryesor i komunikimit mes dy vendeve, duke u mbështetur në përvojën e raundeve të mëparshme të negociatave që u zhvilluan pikërisht në Stamboll.Top Channel
-
Champions League/ Luhen 7 ndeshje, ja rezultatet
Mbrëmjen e kësaj të mërkure zhvillohen shtatë ndeshjet e fundit të raundit të katërt në Ligën e Kampioneve.
Inter pret në “San Siro” skuadrën kazake të Kairat Almaty dhe kërkon fitoren për të ngjitur pozicione në renditje. Barcelona luan në transfertë ndaj Club Brugge, me synimin për të ruajtur ecurinë pozitive.
Përballja më interesante e mbrëmjes është ajo mes Manchester City-t dhe Borussia Dortmund-it, dy skuadra me formë të mirë dhe me ambicie për vendet e para.
Bayer Leverkusen përballet me Benfica-n, ndërsa Marseille pret Atalantën, në një sfidë mes ekipeve që kërkojnë të forcojnë pozitat në zonën e kualifikimit.
Po ashtu, zhvillohen ndeshjet Newcastle–Athletic Bilbao dhe Ajax–Galatasaray.
REZULTATET LIVE
Manchester City-Borussia Dortmund 0-0
Inter-Kairat Almaty 0-0
Club Brugge-Barcelona 0-0
Marseille-Atalanta 0-0
Newcastle-Bilbao 0-0
Ajax-Galatasaray 0-0
Benfica-Leverkusen 0-0 -
Pas vrasjes së gjyqtarit Kalaja, vijon pezullimi i gjyqeve në Durrës, nuk do të zhvillohen seanca as nesër
Pas dy ditësh bllokim të aktivitetit të Gjykatës në nderim të gjyqtarit të vrarë Astrit Kalaja, edhe sot nuk po zhvillohen gjyqe në Durrës, pasi gjyqtarët po marrin pjesë në mbledhjen e organizuar nga KLGJ në Tiranë.
Korrespondentja e Top Channel, Vali Qyrfyçin raporton se dhe nesër nuk do të ketë aktivitet pas vendimit të Dhomës Kombëtare të Avokatisë për bojkot dyditor, 9 dhe 10 tetor, të proceseve civile dhe penale.
Njoftimi:
Gjykata e Shkallës së Parë e Juridiksionit të Përgjithshëm Durrës, në kuadër të transparencës dhe informimit, njofton të gjitha palët në proces si dhe çdo përdorues tjetër që ka interes se:
Për shkak të pjesëmarrjes në “Mbledhjen e Gjyqtarëve”, më datë 9 tetor 2025, ora 10:00, në ambientet e Këshillit të Lartë Gjyqësor, informojmë se:
-Gjyqtarët e Gjykatës së Shkallës së Parë të Juridiksionit të Përgjithshëm Durrës të Seksionit Civil dhe Seksionit Penal, nuk do të zhvillojnë gjykimet e planifikuara për datën 09.10.2025.
Theksojmë se seancat gjyqësore me karakter të ngutshëm si për çështjet penale po ashtu edhe për çështjet civile do të zhvillohen sipas planifikimit të përcaktuar.Top Channel
-
Egnatia, ekipi i momentit në Superiore, tetori vendimtar për rrogozhinasit!
Egnatia po shfaqet si ekipi më i fortë i momentit në Superiore dhe kjo nuk është rastësi. Pas një nisjeje të dobët të sezonit, bardhëjeshilët kanë arritur të kapin vendin e parë në klasifikim, me pikë të barabarta me Vllazninë, duke treguar karakter dhe përkushtim.
SYNIMI I TETORIT – Në tre ndeshjet që do të zhvillohen gjatë muajit tetor, kampionët kanë një qëllim të qartë, të grumbullojnë sa më shumë pikë. Këto tre sfida do të mbyllin fazën e parë të kampionatit dhe Egnatia dëshiron ta përfundojë këtë periudhë në krye të tabelës. Ndërkohë që kjo nuk do të jetë një detyrë e lehtë, kampionët kanë disa avantazhe.
Dy prej këtyre ndeshjeve zhvillohen në shtëpi, ku prania e tifozëve dhe terreni i njohur mund të bëjnë diferencën, ndërsa një ndeshje zhvillohet në transfertë, e cila gjithmonë përbën një sfidë më të madhe.
© BalkanWeb -
Saga e Kuvendit: Nga arnimet e godinës ekzistuese, tek shembja e Piramidës….
Kuvendi i Shqipërisë i ushtron funksionet e tij në dy ndërtesa, njëra që ndodhet në Bulevardin “Dëshmorët e Kombit” e cila shërben si Kryesi e Kuvendit dhe zhvillohen komisionet parlamentare, ndërsa në ndërtesën tjetër pranë Kalasë së Tiranës zhvillohen seancat plenare. Vendi ku merren vendime, zhvillohen debate apo diskutohen dhe miratohen ligjet, pritet të ndryshojë së shpejti.
Një godinë e re ku të gjitha shërbimet e Kuvendit të realizohen në një vend do të ndërtohet, për të rritur më shumë efikasitetin e tij. Kjo u paralajmërua nga Kryeministri Edi Rama gjatë Asamblesë Kombëtare të Partisë Socialiste.
“Kuvendi i Shqipërisë miraton dhe nxjerr ligje për të gjithë, por nuk e ka ende ligjin e vet. Nuk ka pavarësinë e vet financiare, nuk ka status të deputetëve të vet,nuk ka një administratë të mbështetur sa dhe si duhet në funksion të sfidave të veta dhe madje Kuvendi i Shqipërisë është pa shtëpi, nuk ka një shtëpi që të garantojë praktikën, por dreqi e mori edhe estetikën e një parlamenti të një shteti anëtar të Bashkimit Evropian”, tha Rama.
Diskutimet dhe përpjekjet për të pasur vetëm një godinë për Kuvendin e Shqipërisë kanë qenë të pranishme prej vitesh.
Në 2006, parlamenti i asaj kohe shpalli një garë ndërkombëtare lidhur me hartimin e një projekti për një kompleks të ri parlamentar. Në 2007, Kryetarja e Kuvendit Jozefina Topalli prezantoi projektin fitues, me ndërtesën e re që do të ngrihej mbi godinën ekzistuese në Bulevardin “Dëshmorët e Kombit”, e cila dikur strehonte Byronë Politike të Partisë, duke simbolizuar që populli qëndron mbi qeverinë. Ndërtimi i cili do të kushtonte 30 milionë euro, nuk do të niste kurrë.
Nga ana tjetër, 2010 do të shënonte një tjetër përpjekje për ndërtimin e një kompleksi të ri të Kuvendit, me Kryeministrin Sali Berisha që deklaroi se 100-vjetori i ardhshëm i vendit në vitin 2012 duhej të festohej me një ndërtesë të re parlamenti. Piramida e cila shërbente si ish-muze i diktatorit komunist Enver Hoxha do të shembej dhe godina e re do të ndërtohej aty. As ky projekt nuk do të vihej në jetë.
Ndërkohë, në fillim të këtij viti, gjatë çeljes së sesionit të tetë të Legjislaturës së dhjetë të Kuvendit, Kryetarja Elisa Spiropali tha ndër të tjera që pritoritet i legjislaturës së 11-të do të ishte miratimi i Ligjit për Organizimin dhe Funksionimin e Kuvendit, e cila do të presupozonte krijimin e kushteve logjistike dhe financiare që deputetët të kenë mundësi të ushtrojnë përgegjësitë e tyre.
“Kjo mund të kërkonte një rikonceptim të godinës së Kuvendit dhe bashkimin në një të sallës së seancave me mjediset e shërbimeve parlamentare. Nuk e kam fjalën thjesht dhe vetëm për një bashkim hapsinor, por edhe funksional, në mënyrë që shërbimet parlamentare t’u përgjigjen në mënyrë më efikase agjendës dhe veprimtarive parlamentare. Ka ardhur koha të ndërtojmë Kuvendin e Shqipërisë Europiane”, shtoi Spiropali.
Pas mbylljes së veprimtarisë së PPSH-së (1991), në ndërtesën e Kryesisë së Kuvendit u vendosën pjesërisht administrata e Kuvendit të Shqipërisë, Gjykata Kushtetuese, Avokati i Popullit dhe për një periudhë kohe Ministria e Kulturës, Rinisë dhe Sporteve. Ndërkohë, ndërtesa e seancave plenare është projekt që daton nga 1955. (Ledina Elezi) -
Zbulime të reja arkeologjike në Suharekë
Në kalanë e Kastërcit, në Suharekë të Kosovës, po zhvillohen gërmime arkeologjike për dokumentimin e plotë të bazilikës paleokristiane.
Lajmin e dha ministri i Kulturës, Rinisë dhe Sportit të Kosovës, Hajrulla Çeku, i cili shtoi se, gërmimet po kryhen nën drejtimin e arkeologut Berat Ademi nga Instituti Arkeologjik i Kosovës.
Fragmentet e qeramikës, copat e xhamit, afresket si dhe tjegullat me mbishkrim, dëshmojnë se bazilika është ndërtuar në fillim të shekullit VI. Pas shkatërrimit nga dyndjet sllave, ajo u shndërrua në hapësirë varrimi, ku janë identifikuar rreth 80 varre.
Krahas gërmimeve, në kompleksin e objekteve po zhvillohen edhe punime konservuese e restauruese, për të ruajtur këtë trashëgimi të rrallë dhe për ta kthyer në vlerë për turizmin kulturor. -
Negociatat për programin bërthamor të Iranit, ministri i Jashtëm iranian: Bisedimet me SHBA-në do të mbahen kur të vijë koha e duhur
Irani dhe Shtetet e Bashkuara nuk kanë arritur në pikën ku mund të zhvillohen bisedime “efektive” për programin bërthamor, tha diplomati më i lartë i Teheranit në deklaratat e transmetuara nga mediat shtetërore.
“Negociatat me Shtetet e Bashkuara duhet të zhvillohen kur të vijë koha e duhur. Çdo negociatë ka një moment specifik të quajtur ‘pjekuri negociuese’ dhe duhet të arrijë atë pjekuri për t’u zhvilluar”, tha Ministri i Jashtëm iranian Abbas Araghchi.
“Sipas mendimit tim, ende nuk kemi arritur në pikën e pjekurisë ku mund të zhvillohen negociata efektive me Shtetet e Bashkuara”, shtoi ai.
Teherani paralajmëron se do të përdorë raketa të reja nëse sulmohet nga Izraeli. Irani tha se ishte gati të përdorte raketa të reja nëse sulmohej përsëri nga Izraeli, tha të martën Ministria iraniane e Mbrojtjes.
“Raketat e përdorura gjatë luftës 12-ditore u prodhuan nga Ministria e Mbrojtjes disa vjet më parë”, u citua të thoshte gjenerali Aziz Nasirzadeh nga agjencia e lajmeve Irna.
“Sot kemi prodhuar raketa me aftësi shumë më të larta dhe nëse armiku sionist e fillon përsëri këtë aventurë, padyshim që do t’i përdorim ato”, shtoi ai.
Pas marrëveshjes së armëpushimit, politikanët dhe zyrtarët ushtarakë iranianë kanë thënë se vendi është gati për një përballje të re, megjithëse nuk kërkon luftë.
Sot, agjencia e lajmeve Tasnim raportoi se stërvitjet ushtarake do të mbahen nesër, të enjten dhe të premten, “në veri të Oqeanit Indian dhe Detin e Omanit”.
Më shumë se 1,000 njerëz u vranë në Iran gjatë luftës së qershorit, sipas autoriteteve iraniane. Izraeli, nga ana e tij, raportoi 28 vdekje. Vendet perëndimore dhe Izraeli akuzojnë Iranin se kërkon të sigurojë armë bërthamore, diçka që Teherani e mohon.
Top Channel
-
Shkolla nis më 8 Shtator, publikohen DATAT: Ja kur do të zhvillohen provimet e klasave të 9-ta dhe të maturës
Viti i ri shkollor 2025-2026 do të nisë më datë 8 Shtator. Klasat do të hapen në fillim të vjeshtës për të gjithë nxënësit e arsimit bazë, pra ciklit 9-vjeçar dhe atyre të mesëm.
Cikli shkollor për arsimin e ulët do të mbyllet më 12 Qershor 2026, ndërsa për maturantët shkolla përfundon më 29 Maj 2026. Provimet shtetërore për për klasat e 9-ta do të zhvillohen nga 15 deri më 26 Qershor ndërsa për maturantët do të mbahen më 1 deri më 26 Qershor 2026.
Sakaq, regjistrimet për klasat e para dhe të dhjeta vijojnë të jenë të hapura deri më 31 Gusht nëpërmjet portalit e-Albania.